ଶହୀଦ ଦିବସରେ ସଜେଇ ହେଉଛି ରକ୍ତତୀର୍ଥ: ଫିକା ପଡ଼ିଛି ବଳିଦାନର ସ୍ମୃତି

ଖଇରା, ୨୮।୯(ଉତ୍କଳବନ୍ଧୁ ପଣ୍ଡା)-ବାଲେଶ୍ୱର ଜିଲା ଖଇରା ବ୍ଲକର ରକ୍ତତୀର୍ଥ ତୁଡ଼ିଗଡ଼ିଆ ପର୍ଯ୍ୟଟନ କ୍ଷେତ୍ରର ମାନ୍ୟତା ପାଇଥିଲେ ବି ଅବହେଳିତ ଅବସ୍ଥାରେ ରହିଛି। ପର୍ଯ୍ୟଟକଙ୍କୁ ଆକୃଷ୍ଟ କରିବା ପାଇଁ ଭିତ୍ତିଭୂମିର ବିକାଶ କରାଯାଉନାହିଁ। ଶହୀଦ ମାର୍ଗ ଭାବେ ପରିଚିତ ତୁଡ଼ିଗଡ଼ିଆ-ଖଇରାଡ଼ିହି ରାସ୍ତା ଅସମ୍ପୂର୍ଣ୍ଣ ହୋଇରହିଛି। ବିଶ୍ରାମାଗାର କି ଶୌଚାଳୟ ନାହିଁ। ସାମାନ୍ୟ ବର୍ଷା ହେଲେ ରକ୍ତତୀର୍ଥ ସଂଲଗ୍ନ ବଜାର ପରିସର ଜଳମଗ୍ନ ହୋଇରହୁଛି। ଏଭଳି ସ୍ଥିତିରେ ଶନିବାର ଏହି ଶହୀଦ ପୀଠରେ ୭୭ତମ ଶହୀଦ ସ୍ମୃତି ଦିବସ ପାଳନ ଲାଗି ଚିରାଚରିତ ଢଙ୍ଗରେ ପ୍ରସ୍ତୁତି ଚାଲିଥିବା ଲକ୍ଷ୍ୟ କରାଯାଉଛି।
ସ୍ଥାନୀୟ ଅଞ୍ଚଳବାସୀ କହିଛନ୍ତି, ଶହୀଦ ସ୍ମୃତି ଦିବସ ପାଳନ ହେଲେ ଦିନକ ପାଇଁ ଏହି ପୀଠ କୋଳାହଳପୂର୍ଣ୍ଣ ହୋଇପଡ଼େ। ନାଚଗୀତର ଆସର ଓ ପ୍ରତିଯୋଗିତା ଜମେ। ମଞ୍ଚରେ ପ୍ରଶାସକ, ନେତା ଓ ମନ୍ତ୍ରୀ ଭାଷଣରେ ପ୍ରତିଶ୍ରୁତି ଦେଇ ଫେରିଯିବା ପରେ ସମସ୍ତେ ସବୁ କିଛି ଭୁଲିଯାଇଥାନ୍ତି। ଏକଦା ରକ୍ତର ବନ୍ୟା ସୃଷ୍ଟି ହୋଇଥିବା ଏହି ଶହୀଦ ମାଟିରେ ଏବେ ମଦର ବନ୍ୟା ଛୁଟୁଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି। ନିୟମିତ ଅଳିଆ ଆବର୍ଜନା ସଫା ନ ହେବାରୁ ଶହୀଦ ସ୍ମୃତିସ୍ତମ୍ଭ ପରିସର ମଧ୍ୟ ଅସ୍ବାସ୍ଥ୍ୟକର ହୋଇରହୁଛି।
ଶହୀଦ ଜନ କଲ୍ୟାଣ ପରିଷଦ ତରଫରୁ ଏଥର ଶହୀଦ ସ୍ମୃତି ଦିବସ ପାଳନ ଲାଗି ଏହି ପୀଠ ପରିସର ସଜେଇ ହେବାରେ ଲାଗିଛି। କିନ୍ତୁ ଏହାର ସ୍ଥାୟୀ ବିକାଶ ପ୍ରତି ଅବହେଳା ଚର୍ଚ୍ଚାର କାରଣ ହୋଇଛି। ଆଜି ବି ଏହି ପୀଠ ସ୍ବାଧୀନତା ସଂଗ୍ରାମ ବେଳର ଜାଗରଣ ଓ ବଳିଦାନର ସ୍ମୃତିକୁ ସାଇତି ରଖିଛି।
ସେଦିନ ଥିଲା ୧୯୪୨ ମସିହା ସେପ୍ଟେମ୍ବର ୨୮ ତାରିଖ। ଖଇରା ସୋର ସୀମାନ୍ତବର୍ତ୍ତୀ ଛତରା ଗ୍ରାମର ସଂଗ୍ରାମୀ ଶିବିରରେ ଭବିଷ୍ୟତ କାର୍ଯ୍ୟପନ୍ଥା ନେଇ ମନ୍ତ୍ରଣା ଚାଲିଥାଏ। ଏହି ଆନ୍ଦୋଳନକୁ ଭଣ୍ଡୁର କରିବା ପାଇଁ ବ୍ରିଟିଶ ଫୌଜ ଆସି ପହଞ୍ଚିଥିଲେ। ସେମାନେ ସଂଗ୍ରାମର ନେତୃତ୍ୱ ନେଉଥିବା ବୈଦ୍ୟନାଥ ରାଉତଙ୍କ ଘର ଖଇରାଡ଼ିହି ଗ୍ରାମରେ ପହଞ୍ଚତ୍ବା ପରେ ବିଭିନ୍ନ ଗ୍ରାମର ଯୁବବାହିନୀ ବ୍ରିଟିଶ ଫୌଜକୁ ମୁକାବିଲା କରିବା ପାଇଁ ଏକଜୁଟ ହୋଇଥିଲେ। ଏହି ପରିପ୍ରେକ୍ଷୀରେ ଫୌଜଙ୍କ ଗୁଳିରେ ବଧି ଗ୍ରାମର ରଘୁ ବେହେରା ଓ ବଡ଼ପୋଖରୀ ଗ୍ରାମର ମକର ଲେଙ୍କା ଶହୀଦ ହୋଇଥିଲେ। ଦୁଇ ଶହୀଦଙ୍କ ଶବକୁ ନେଇ ବ୍ରିଟିଶ ଫୌଜ ତୁଡିଗଡ଼ିଆ କ୍ୟାମ୍ପକୁ ନେଇଯିବାରୁ ଅପରାହ୍ନ ୩ଟାରେ ବୈଦ୍ୟନାଥ ରାଉତ, ଚିନ୍ତାମଣି ପଣ୍ଡା, କୃଷ୍ଣଚନ୍ଦ୍ର ଜେନା ଓ ସୂର୍ଯ୍ୟମଣି ତ୍ରିପାଠୀଙ୍କ ନେତୃତ୍ୱରେ ହଜାର ହଜାର ଗ୍ରାମବାସୀ ପୋଲିସ କ୍ୟାମ୍ପକୁ ଘେରିଯାଇଥିଲେ। ଫୌଜ ଏଥିରେ ବିଚଳିତ ହୋଇ ପୁଣି ଥରେ ଗୁଳି ବର୍ଷଣ କଲେ। ପୋଲିସ୍‌ ଗୁଳିରେ ଶହୀଦ୍‌ ହୋଇଗଲେ ଡାଲଙ୍ଗ ଗ୍ରାମର କେଳୁ ସାହୁ। ଶହୀଦଙ୍କ ଏହି ବଳିଦାନ ଘଟଣା ୭୬ ବର୍ଷ ଅତିକ୍ରମ କରିସାରିଲାଣି। ବହୁ ବିଳମ୍ବରେ ରାଜ୍ୟ ସରକାର ୨୦୧୫ରେ ଉକ୍ତ ପୀଠକୁ ପର୍ଯ୍ୟଟନ କ୍ଷେତ୍ରର ମାନ୍ୟତା ଦେଇଥିଲେ ବି ଏହାର ଆଶାନୁରୂପ ବିକାଶ ହୋଇନାହିଁ। ରାଜ୍ୟ ସରକାର ଦେଇଥିବା ୫୦ଲକ୍ଷ ଟଙ୍କା ୨ବର୍ଷ ପଡ଼ିରହିବା ପରେ ଶହୀଦ ସ୍ମୃତି ଭବନ ନିର୍ମାଣ କରାଯାଇଛି। ଏହାକୁ ଶନିବାର ଉଦ୍‌ଘାଟନ କରାଯିବା ଧାର୍ଯ୍ୟ ହୋଇଛି। ତରବରିଆ କାମ ଯୋଗୁ ନୂଆ ଛାତରୁ ପାଣି ଗଳୁଥିବା କେତେକ ଗ୍ରାମବାସୀ ଅଭିଯୋଗ କରିଛନ୍ତି। ସ୍ଥାନୀୟ ଯୁବନେତା କୈଳାସ ବେହେରା ଶହୀଦ ପୀଠକୁ ଷ୍ଟ୍ରିଟ୍‌ଲାଇଟ ସଂଯୋଗ କରା ନ ଯିବା ନେଇ ପ୍ରଶ୍ନ ଉଠାଇଥିବା ବେଳେ ମଦ କାରବାର ରୋକିବା ଦିଗରେ ଅବକାରୀ ବିଭାଗ ଓ ପୋଲିସ ନୀରବଦ୍ରଷ୍ଟା ସାଜିଥିବାରୁ ଏହା ପୀଠର ଗାରିମା ନଷ୍ଟ କରୁଛି ବୋଲି ସ୍ଥାନୀୟ ବୁଦ୍ଧିଜିବୀ କମଳାକାନ୍ତ ପାଣିଗ୍ରାହୀ ଅଭିଯୋଗ କରିଛନ୍ତି। ଶହୀଦ ଜନ କଲ୍ୟାଣ ପରିଷଦର ସମ୍ପାଦକ ବିଷ୍ଣୁ ମୋହନ ଶତପଥୀ ଓ ବଜାର କମିଟିର ସମ୍ପାଦକ ବସନ୍ତ କୁମାର ସାହୁ କହିଛନ୍ତି, ଯେଉଁ ସବୁ ସମସ୍ୟା ଅଛି ଧୀରେ ଧୀରେ ତାହା ସମାଧାନ ହୋଇପାରିବ। ଶହୀଦ ମାର୍ଗ ଭାବେ ପରିଗଣିତ ରାସ୍ତା ସମସ୍ୟା ପ୍ରତି ସ୍ଥାନୀୟ ନେତା ଧ୍ୟାନ ଦେବା ଆବଶ୍ୟକ ବୋଲି ସ୍ଥାନୀୟ ମହିଳା ଗୋଷ୍ଠୀର କର୍ମକର୍ତ୍ତା ଦାବି କରିଛନ୍ତି।

୧-ଖଇରା-ଶୁକ୍ରବାର- ତୁଡିଗଡିଆ ଶହୀଦ ସ୍ମୃତିସ୍ତମ୍ଭ


All Right Reserved By Dharitri.Com

ସୂବର୍ଣ୍ଣରେଖାରେ ଗାଧୋଇବା ବେଳେ ବୁଡ଼ିଯାଇ ବାଳକ ମୃତ

ବାଲେଶ୍ୱର ଅଫିସ,୨୮।୫: ସୂବର୍ଣ୍ଣରେଖାରେ ଗାଧୋଇବା ବେଳେ ବୁଡ଼ିଯାଇ ଜଣେ ବାଳକଙ୍କ ମୃତ୍ୟୁ ଘଟିଛି। ମୃତକ ହେଲେ ବାଲିଆପାଳ ଥାନା ଅନ୍ତର୍ଗତ ବିଷ୍ଣୁପୁର ଗ୍ରାମର ଶଶିକାନ୍ତ ଦାସଙ୍କ...

ବିଳମ୍ବରେ ସ୍କୁଲ ଖୋଲିବା ମହଙ୍ଗା ପଡିଲା: ତାଲା ପକାଇଲେ ଗ୍ରାମବାସୀ

ଖଇରା, ୧୫।୧୧(ଡି.ଏନ.ଏ.)-ବାଲେଶ୍ୱର ଜିଲା ଖଇରା ବ୍ଲକ ଅଧୀନ ପାଣିସାଉଁଳି ପ୍ରାଥମିକ ବିଦ୍ୟାଳୟରେ ଶିକ୍ଷକମାନେ ଶିଶୁ ଦିବସ ଭଳି ପବିତ୍ର ଦିବସରେ ବିଳମ୍ବରେ ସ୍କୁଲ ଆସିବା ମହଙ୍ଗା...

ହୋଇପାରୁନି ବନ୍ୟା ପାଣି ନିଷ୍କାସନ: ୧୦୦ ପରିବାର ଜଳବନ୍ଦୀ

ବସ୍ତା, ୨୮।୮(ସ୍ବ.ପ୍ର.) – ଗତ କିଛି ଦିନ ଧରି ଉପରମୁଣ୍ଡରେ ଏବଂ ସ୍ଥାନୀୟ ଅଞ୍ଚଳରେ ବର୍ଷା ଯୋଗୁ ବସ୍ତା ବ୍ଲକ ଦେଇ ପ୍ରବାହିତ ନଦୀ ଜଳକା...

ମହାତ୍ମା ଗାନ୍ଧୀଙ୍କ ବାର୍ତ୍ତା ପ୍ରଚାର: ବାଲେଶ୍ୱରରେ ଅଭିଯାତ୍ରୀଙ୍କୁ ସମ୍ବର୍ଦ୍ଧନା

ବାଲେଶ୍ୱର ଅଫିସ,୨୦।୧- ରାଷ୍ଟ୍ରୀୟ ଯୁବ ସଙ୍ଗଠନ, ଉତ୍କଳ ଗାନ୍ଧୀ ସ୍ମାରକନିଧି ଓ ଗାନ୍ଧୀ ଶାନ୍ତି ପ୍ରତିଷ୍ଠାନ ପକ୍ଷରୁ ଏକ ଅଭିଯାତ୍ରୀ ଦଳ ଶାନ୍ତି-ସଂହତି-ସଦ୍‌ଭାବନା ଯାତ୍ରାରେ ଗତ...

ଶାସ୍ତ୍ରୀ ପରୀକ୍ଷା ଫଳ ପ୍ରକାଶିତ: ସାହିତ୍ୟ ସମ୍ମାନରେ ଅନୁପମା ଟପ୍ପର

ଖଇରା, ୩୦।୫(ଡି.ଏନ.ଏ.)-ପୁରୀ ଜଗନ୍ନାଥ ସଂସ୍କୃତ ବିଶ୍ୱବିଦ୍ୟାଳୟର ଉପଶାସ୍ତ୍ରୀ ଓ ଶାସ୍ତ୍ରୀ ପରୀକ୍ଷା ଫଳ ବୁଧବାର ପ୍ରକାଶ ପାଇଛି। ଶାସ୍ତ୍ରୀ (+୩)ରେ ଖଇରା ବ୍ଲକ ଅଧୀନ ଅଲିପୁର...

ସ୍କୁଲରେ ଛାତ୍ରଙ୍କୁ ତାଲା ପକାଇବା ଘଟଣା: ତଦନ୍ତ କରି କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଡିଇଓଙ୍କୁ ନିର୍ଦ୍ଦେଶ

ଭୁବନେଶ୍ୱର/ବାଲେଶ୍ୱର ଅଫିସ,୧୨।୯ (ବ୍ୟୁରୋ): ବାଲେଶ୍ୱର ସହର ମଠସାହି ମହାବୀର ନୋଡାଲ ସ୍କୁଲରେ ପ୍ରଥମ ଶ୍ରେଣୀ ଛାତ୍ରଙ୍କୁ ତାଲା ପକାଇ ପଳାଇବା ଘଟଣାରେ ସ୍କୁଲ ଓ ଗଣଶିକ୍ଷା...

ସଂଗ୍ରାମୀଙ୍କ ପରିବାର ଲୋକଙ୍କୁ ସ୍ବତନ୍ତ୍ର ପରିଚୟପତ୍ର

ବାସୁଦେବପୁର, ୩।୭ (ଡି.ଏନ.ଏ.): ବାସୁଦେବପୁର ବ୍ଲକ ଇରମ ପଞ୍ଚାୟତ ରଥପଦାଠାରେ ଶହୀଦ ମେମୋରିଆଲ ସଂଗ୍ରାମୀ ମହାସଂଘ ପକ୍ଷରୁ ବୁଧବାର ସ୍ବାଧୀନତା ଓ ଅଣବନ୍ଦୀ ସ୍ବାଧୀନତା ସଂଗ୍ରାମୀଙ୍କ...

ଜଜାଙ୍ଗ ଖଣିରେ ସୁରକ୍ଷାକର୍ମୀଙ୍କୁ ଆକ୍ରମଣ: ଡକାୟତି ଉଦ୍ୟମ, ୪ ଗିରଫ

ଯୋଡ଼ା, ୧୯।୫(ଡି.ଏନ.ଏ.)-କେନ୍ଦୁଝର ଜିଲା ବାମେବାରୀ ଥାନା ଅନ୍ତର୍ଗତ ଜଜାଙ୍ଗ ଖଣିର ରେଳ ସାଇଡିଂରେ କାର୍ଯ୍ୟରତ ସୁରକ୍ଷାକର୍ମୀଙ୍କୁ ଆକ୍ରମଣ କରି ଡକାୟତି ଉଦ୍ୟମ ଅଭିଯୋଗରେ ୪ ଅଭିଯୁକ୍ତଙ୍କୁ...

Leave a comment

Your email address will not be published. Required fields are marked *