ବିଶ୍ୱ ପର୍ଯ୍ୟଟନ ଦିବସ : ବିଦେଶରେ ବଢୁଛନ୍ତି ଭାରତୀୟ ପର୍ଯ୍ୟଟକ, ଦେଶ ହରାଉଛି ବର୍ଷକୁ ୯ ହଜାର କୋଟି

ଭୁବନେଶ୍ୱର,୨୭ା୯(ବ୍ୟୁରୋ) : ଭାରତୀୟଙ୍କ ମଧ୍ୟରେ ଦିନକୁ ଦିନ ବିଦେଶ ବୁଲା ଆଗ୍ରହ ବଢ଼ିବାରେ ଲାଗିଛି। ବିଶେଷକରି ମଧ୍ୟବିତ୍ତ ଶ୍ରେଣୀର ଲୋକେ ସର୍ବାଧିକ ବିଦେଶ ଭ୍ରମଣରେ ଯାଉଛନ୍ତି। ଗୋଟିଏପଟେ ଭାରତରେ ବିଦେଶୀ ପର୍ଯ୍ୟଟକଙ୍କ ସଂଖ୍ୟା କମୁଥିବାବେଳେ ଅନ୍ୟପଟେ ବିଦେଶ ମାଟିରେ ଭାରତୀୟ ପର୍ଯ୍ୟଟକଙ୍କ ସଂଖ୍ୟା ବୃଦ୍ଧି ପାଉଛି। ବିଶେଷକରି ଥାଇଲାଣ୍ଡ୍‌, ମାଳଦ୍ୱୀପ, ଦୁବାଇ ଭଳି ରାଷ୍ଟ୍ରକୁ ଭାରତୀୟମାନେ ଅଧିକ ପସନ୍ଦ କରୁଛନ୍ତି। ଦକ୍ଷିଣ-ପୂର୍ବ ଏସିଆ ରାଷ୍ଟ୍ରମାନଙ୍କ ପାଇଁ ଭାରତ ପର୍ଯ୍ୟଟକ ଯୋଗାଉଥିବା ଶ୍ରେଷ୍ଠ ୧୦ ରାଷ୍ଟ୍ର ମଧ୍ୟରେ ରହୁଛି। ଅନ୍ୟପକ୍ଷରେ ଓଡ଼ିଶାରୁ ସର୍ବାଧିକ ପର୍ଯ୍ୟଟକ ଥାଇଲାଣ୍ଡ, ବ୍ୟାଙ୍କକ୍‌, ସିଙ୍ଗାପୁର, ମାଲେସିଆ ଭଳି ରାଷ୍ଟ୍ରକୁ ଭ୍ରମଣ ପାଇଁ ଯାଉଥିବା ଜଣାପଡ଼ିଛି। ନିକଟରେ ହୋଟେଲ୍‌ ଆଣ୍ଡ୍‌ ରେସ୍ତୋରାଁ ଆସୋସିଏଶନ୍‌ ଅଫ୍‌ ଓଡ଼ିଶା(ଏଚ୍‌ଆର୍‌ଏଓ) ପକ୍ଷରୁ ଦିଆଯାଇଥିବା ଏକ ତଥ୍ୟରୁ ଏହା ଜଣାପଡ଼ିଛି। ତେବେ ଭାରତୀୟଙ୍କ ଏହି ବିଦେଶ ବୁଲା ନିଶା ପାଇଁ ବର୍ଷକୁ ଭାରତ ପ୍ରାୟ ୯୦୦୦ କୋଟି ଟଙ୍କାର ଅର୍ଥ ହରାଉଥିବା ଜଣାପଡ଼ିଛି।
ପର୍ଯ୍ୟଟନ ଶିଳ୍ପକୁ ଗୁରୁତ୍ୱ ଦେଉଥିବା ବିଶ୍ୱର ଅଧିକାଂଶ ରାଷ୍ଟ୍ର ଏବେ ଭାରତୀୟ ପର୍ଯ୍ୟଟକଙ୍କ ଉପରେ ଆଖି ପକାଇବା ସହ ନିଜ ଟାର୍ଗେଟ୍‌ ବଜାରରେ ଭାରତକୁ ପ୍ରାଥମିକତା ଦେଉଛନ୍ତି। ବିଶେଷକରି ଯୁବ ଭାରତୀୟ ପର୍ଯ୍ୟଟକଙ୍କୁ ଆକୃଷ୍ଟ କରିବାକୁ ଏଠାରେ ନିଜ ନିଜର ଅଫିସ ଖୋଲିବା ସହ ଏକାଧିକ ଟୁର୍‌ ପ୍ୟାକେଜର ସୁବିଧା ଦେଉଛନ୍ତି। ସୂଚନା ମୁତାବକ, ୨୦୧୯ ଜାନୁୟାରୀରୁ ମେ’ ମାସ ମଧ୍ୟରେ ମାଳଦ୍ୱୀପରେ ସର୍ବାଧିକ ୯୬.୪% ଭାରତୀୟ ପର୍ଯ୍ୟଟକ ବୃଦ୍ଧି ପାଇଥିବାବେଳେ ଏହା ତଳକୁ ରହିଛି ଥାଇଲାଣ୍ଡ। ଗତବର୍ଷ ଏଠାକୁ ଅଧିକ ୨୨% ଭାରତୀୟ ବୁଲିବାକୁ ଯାଇଛନ୍ତି। ସେହିଭଳି ଦୁବାଇରେ ୧୩%, ଜାପାନରେ ୧୪.୬%, ଅଷ୍ଟ୍ରେଲିଆରେ ୧୨% ଭାରତୀୟ ପର୍ଯ୍ୟଟକ ବୃଦ୍ଧି ପାଇଛନ୍ତି। ଏସିଆ ପାସିଫିକ୍‌ ବା ଦକ୍ଷିଣ, ପୂର୍ବ ଓ ଦକ୍ଷିଣ-ପୂର୍ବ ଏସିଆରେ ମଧ୍ୟବିତ୍ତ ଶ୍ରେଣୀ ପର୍ଯ୍ୟଟକଙ୍କ ସଂଖ୍ୟା ୨୦୩୦ ସୁଦ୍ଧା ୨୧୦ କୋଟି ଟପିବାକୁ ଥିବାବେଳେ ସମସ୍ତଙ୍କ ନଜର ଏବେ ଭାରତ ଉପରେ ରହିଛି। ତେବେ ଭାରତର ଯୁବ ପର୍ଯ୍ୟଟକଙ୍କୁ ଆଡ୍‌ଭେଞ୍ଚର୍‌ ଓ ଏକ୍ସପେରିମେଣ୍ଟାଲ ପର୍ଯ୍ୟଟନରେ ଆଗ୍ରହ ଥିବାବେଳେ ଥାଇଲାଣ୍ଡ, ମାଲେସିଆ, ବ୍ୟାଙ୍କକ୍‌ ଭଳି ରାଷ୍ଟ୍ର ଏସବୁ ଯୋଗାଇଦେଉଛନ୍ତି। ହେଲେ ଭାରତ ଏ କ୍ଷେତ୍ରରେ ବହୁ ପଛରେ ରହିଛି। ଗୋଆ, ଆଣ୍ଡାମାନ, ଉତ୍ତରାଖଣ୍ଡ ଭଳି କେତେକ ନିର୍ର୍ଦ୍ଦିଷ୍ଟ ଅଞ୍ଚଳକୁ ଛାଡ଼ିିଦେଲେ ପର୍ଯ୍ୟଟନ ଭିତ୍ତିଭୂମି, ବିମାନ ଯୋଗାଯୋଗ, ଷ୍ଟାର୍‌ ହୋଟେଲ, ଆଡ୍‌ଭେଞ୍ଚର୍‌ ଓ ଏକ୍ସପେରିମେଣ୍ଟାଲ ଟୁରିଜମ୍‌ କ୍ଷେତ୍ରରେ ସମସ୍ତେ ପଛରେ ରହିଛନ୍ତି। ଏହାଛଡ଼ା ମଧ୍ୟବିତ୍ତ ଶ୍ରେଣୀର ପର୍ଯ୍ୟଟକଙ୍କ ପାଇଁ ବିଦେଶ ବୁଲିବା ଏକ ସ୍ବପ୍ନ ହୋଇଥିବାବେଳେ ସେମାନେ ସପରିବାର ଭ୍ରମଣକୁ ପସନ୍ଦ କରୁଛନ୍ତି। ଏନେଇ ଏଚ୍‌ଆର୍‌ଏଓ ଅଧ୍ୟକ୍ଷ ଜେ.କେ. ମହାନ୍ତି କହିଛନ୍ତି, ଭାରତୀୟମାନେ ବିଦେଶ ବୁଲିବାରେ ଖର୍ଚ୍ଚ କରୁଥିବା ୯ ହଜାର କୋଟି ଟଙ୍କାରେ ଯଦି ଆମେ ଏଠାରେ ପର୍ଯ୍ୟଟନର ଭିତ୍ତିଭୂମି ବିକାଶ କରିପାରିବା ତା’ହେଲେ ଭାରତୀୟମାନେ ବିଦେଶ ଯିବା ପରିବର୍ତ୍ତେ ଏଠାରେ ବୁଲିବେ। ୩ବର୍ଷର ଟାର୍ଗେଟ୍‌ ରଖି ଯଦି ଆମେ ପର୍ଯ୍ୟଟନ ଓ ହୋଟେଲ ଶିଳ୍ପର ବିକାଶ କରିପାରିବା, ତେବେ ଆମ ଅର୍ଥ ଆମ ପାଖରେ ରହିବ ବୋଲି ମହାନ୍ତି କହିଛନ୍ତି।


All Right Reserved By Dharitri.Com

କ୍ୱାରାଣ୍ଟାଇନରେ ନ ରହିଲେ କାର୍ଯ୍ୟାନୁଷ୍ଠାନ

ଅନୁଗୋଳ ଅଫିସ, ୨୩।୩ କରୋନା ଭୂତାଣୁ ରୋକିବା ପାଇଁ ଅନୁଗୋଳ ଜିଲାରେ ରାଜ୍ୟ ସରକାରଙ୍କ ନିୟମାବଳୀ ଆଧାରରେ ବିଭିନ୍ନ ପଦକ୍ଷେପ ନିଆଯାଉଛି। ସୋମବାର ଏ ନେଇ...

ଆଜିଠୁ କାର୍ତ୍ତିକ ବ୍ରତ ଆରମ୍ଭ

ପୁରୀ ଅଫିସ,୧୪ା୧୦ : ସୋମବାରଠାରୁ ଆରମ୍ଭ ହେଉଛି ପବିତ୍ର କାର୍ତ୍ତିକ ମାସ। ଶ୍ରୀକ୍ଷେତ୍ରରେ କାର୍ତ୍ତିକ ବ୍ରତ ପାଳନ କରିବେ ହବିଷିଆଳି। ରାଜ୍ୟ ସରକାରଙ୍କ ହବିଷିଆଳି ଯୋଜନାରେ...

ବୋନସ ଦାବିରେ ଟାଟା ଖଣିକୁ ଘେରିଲେ ଶ୍ରମିକ: ସ୍ଥିତି ନିୟନ୍ତ୍ରଣ କଲା ପୋଲିସ

ଯୋଡ଼ା ୨୭।୯ (ଡି.ଏନ.ଏ.): କେନ୍ଦୁଝର ଜିଲା ଯୋଡା ଖଣିମଣ୍ଡଳ ଅନ୍ତର୍ଗତ ବିଛାକୁଣ୍ଡି ଠାରେ ଟାଟା କମ୍ପାନୀର ମାଙ୍ଗାନିଜ ଖଣିକୁ ଶତାଧିକ ଶ୍ରମିକ ବୋନସ ଦାବିରେ ଘେରାଉ...

କମିଟି ସଦସ୍ୟ-ପୋଲିସର ବୈଠକ:ଏଥର ବାଜିବନି ଡିଜେ, ଅଶ୍ଳୀଳ ଗୀତ

ଭୁବନେଶ୍ୱର,୧୧-୯(ବ୍ୟୁରୋ):ଦୁର୍ଗାପୂଜାରେ ଏଥର ବାଜିବନି ଛାତି ଥରାଇଦେଉଥିବା ଡିଜେ ସାଉଣ୍ଡ୍‌। ଡିଜେରେ ପ୍ରତିଯୋଗିତା ବି ଚାଲିବନି। କେବଳ ୪ଟି ଲେଖାଏ ମାଇକ୍‌ ଓ ବକ୍ସ ଲଗାଇବାକୁ ପୂଜା...

ଡିସେମ୍ବର ୭ରୁ ଡଗ୍‌ ଶୋ’: ପ୍ରଥରଥର ପାଇଁ ହେବ ବିଗଲ ସ୍ପେଶିଆଲିଟି

ଭୁବନେଶ୍ୱର, ୩୧ା୧୦(ବ୍ୟୁରୋ): ଓଡ଼ିଶା କେନେଲ କ୍ଲବ ପକ୍ଷରୁ ପ୍ରତିବର୍ଷ ହେଉଥିବା ଡଗ୍‌ ଶୋ’ ଆସନ୍ତା ଡିସେମ୍ବର ୭ରୁ ଆରମ୍ଭ ହେବ। ୟୁନିଟ୍‌-୬ ବାଳକ ଉଚ୍ଚ ବିଦ୍ୟାଳୟ...

ରାଜ୍ୟ ଚଳଚ୍ଚିତ୍ର ପୁରସ୍କାର-୨୦୧୮:ପୁରସ୍କାର ଦୌଡ଼ରେ ୨୦ ଫିଲ୍ମ

ଭୁବନେଶ୍ୱର, ୧୧ା୧୨(ବ୍ୟୁରୋ):ରାଜ୍ୟ ଚଳଚ୍ଚିତ୍ର ପୁରସ୍କାର-୨୦୧୮ ପାଇଁ ମୋଟ ୨୦ଟି ଫିଲ୍ମ ଆବେଦନ କରିଥିବାବେଳେ ବିଭିନ୍ନ ବିଭାଗରେ ଏହି ଫିଲ୍ମଗୁଡ଼ିକ ମଧ୍ୟରେ ପ୍ରତିଯୋଗିତା ହୋଇଥିଲା। ଓଡ଼ିଆ ଫିଲ୍ମର...

ଆପଣମାନେ ଖୁସି ତ, ମୁଁ ବି ଖୁସି

ଭୁବନେଶ୍ୱର,୧୪ା୧୧(ବ୍ୟୁରୋ): ଆପଣମାନେ ଖୁସି ତ। ମୁଁ ବି ଖୁସି। କଂଗ୍ରେସ ଦଳ ନେତା ତାରାପ୍ରସାଦ ବାହିନୀପତିଙ୍କ ଏହି ଡାଇଲଗ୍‌କୁ ନେଇ ବୁଧବାର ଗୃହକାର୍ଯ୍ୟ ଆରମ୍ଭ ହେବା...

କୋଇଲା ସମସ୍ୟା : ନାଲ୍‌କୋ ସିପିପିର ୬ ୟୁନିଟ୍‌ ବନ୍ଦ

ବଅଁରପାଳ, ୧।୧୦ (ଡି.ଏନ୍‌.ଏ.)- ତାଳଚେରସ୍ଥିତ ଏମ୍‌ସିଏଲ୍‌ର କୋଇଲା ଖଣିରୁ ଆନ୍ଦୋଳନ ହଟିଯାଇଥିଲେ ବି ରାଷ୍ଟ୍ରାୟତ ଉଦ୍ୟୋଗ ନାଲ୍‌କୋକୁ ଆବଶ୍ୟକ ପରିମାଣର କୋଇଲା ଯୋଗାଣ ହୋଇପାରୁ ନାହିଁ।...

Leave a comment

Your email address will not be published. Required fields are marked *