ବଲାଙ୍ଗୀର ଜିଲାରେ ବ୍ୟାପୁଛି ଚକଡା

ବଲାଙ୍ଗୀର ଅଫିସ, ୨୭ା୯-ବଲାଙ୍ଗୀର ଜିଲାର ବିଭିନ୍ନ ସ୍ଥାନରେ ଚକଡା ଉପଦ୍ରବ ବା ଗୁଣ୍ଡିପୋକ (ବିପିଏଚ୍‌) ରୋଗ ଆରମ୍ଭ ହୋଇଛି ା ମାତ୍ର କିଛିଦିନ ମଧ୍ୟରେ ଅତ୍ୟନ୍ତ ଭୟାନକ ଭାବେ ଗୁଣ୍ଡିପୋକ ବହୁ ଏକର ଧାନ ଫସଲକୁ ସଂକ୍ରମଣ କରିଥିତ୍ବା ଜଣାପଡିଛି ା ଜିଲାର ଲୋଇସିଂହା, ବଲାଙ୍ଗୀର, ଆଗଲପୁର ଓ ପାଟଣାଗଡ଼ ବ୍ଲକ୍‌ ଅଞ୍ଚଳରେ ଗୁଣ୍ଡିପୋକ ଏବେ ଚାଷୀଙ୍କ ପାଇଁ ମୁଣ୍ଡବ୍ୟଥାର କାରଣ ପାଲଟିଛି ା ଏପରି ପରିସ୍ଥିତିରେ ଜିଲାରେ ସରକାରୀ ସବ୍‌ସିଡି କୀଟନାଶକ ମିଳୁ ନ ଥିବାରୁ ଚାଷୀମାନେ ଘୋର ଚିନ୍ତାରେ ପଡିଛନ୍ତି ା ଫଳରେ କ୍ଷ୍‌ିପ୍ରଗତିରେ ଚକଡା ବ୍ୟାପିବାରେ ଲାଗିିଛି। କେତେକ ଚାଷୀ କୃଷି ଅଧିକାରୀଙ୍କ କାର୍ଯ୍ୟାଳୟକୁ ବାରମ୍ବାର ଧାଉଁଥିଲେ ମଧ୍ୟ କୀଟନାଶକ ନ ଥିତ୍ବାରୁ ନିରାଶ ହୋଇ ଫେରୁଛନ୍ତି ା ଜିଲାରେ ଚକଡା ବ୍ୟାପିବା ଖବର ମିଳିବା ଓ ସରକାରୀ ସବ୍‌ସିଡିରେ କୀଟନାଶକ ଯୋଗାଣ ହେଉ ନ ଥିବା ଜଣାପଡିବା ପରେ ଘରୋଇ କୀଟନାଶକ ବିକ୍ରେତାମାନେ ଚଢ଼ା ଦରରେ ତାହା ବିକ୍ରି କରୁଥିତ୍ବା ଅଭିଯୋଗ ହୋଇଛି ା ଏଭଳି ସ୍ଥିତିରେ ଚାଷୀମାନେ ଚିନ୍ତାରେ ପଡିଛନ୍ତି ା
ବଲାଙ୍ଗୀର ଜିଲା ଲୋୟର ସୁକ୍‌ତେଲ ବୁଡିଅଞ୍ଚଳରେ ସବୁଠୁ ବେଶୀ ଚକଡା ଉପଦ୍ରବ ଆରମ୍ଭ ହୋଇଛି ା ଖୁଣ୍ଟପାଲି ଗଁାର ଯୁବଚାଷୀ ଉମାକାନ୍ତ ଖୁଆସ ଏନେଇ ବିଭାଗୀୟ ଅଧିକାରୀଙ୍କ ଦୃଷ୍ଟି ଆକର୍ଷଣ କରିଛନ୍ତି ା ତାଙ୍କର ଦୁଇ ଏକର ଧାନଜମିରେ ଚକଡା ବ୍ୟାପିଛି ା ଏହା ସହିତ ସେହି ଗଁାରେ ଅନ୍ୟ ଚାଷୀଙ୍କ ଏକର ଏକର ଧାନ ଫସଲରେ ମଧ୍ୟ ଚକଡା ଉପଦ୍ରବ ଦେଖାଦେଇଛି ା ଏ ନେଇ ବାରମ୍ବାର କୃଷି ଅଧିକାରୀଙ୍କ ଦୃଷ୍ଟି ଆକର୍ଷଣ କରାଯାଇଥିଲେ ମଧ୍ୟ ଚାଷୀକୁ ଠିକଣା ସମୟରେ କୀଟନାଶକ ସେ ଦେବାରେ ବିଫଳ ହୋଇଛନ୍ତି ବୋଲି ଅଭିଯୋଗ କରିଛନ୍ତି ା ଜିଲାରେ କିଭଳି ଭାବେ ସବ୍‌ସିଡି କୀଟନାଶକ ଉପଲବ୍ଧ ନାହିଁ ସେନେଇ ଚିନ୍ତା ପ୍ରକଟ କରିଛନ୍ତି ା ଏ ନେଇ ଜିଲା କୃଷି ଉପନିର୍ଦ୍ଦେଶକ ଶ୍ରୀଧର ଦାସଙ୍କୁ ପଚାରିବାରୁ ଜିଲାର କେତେକ ଅଞ୍ଚଳରେ ଚକଡା ଆରମ୍ଭ ହୋଇଥିତ୍ବା ସୂଚନା ମିଳିଛି ା ଜିଲାରେ ଦିନେ ଦୁଇଦିନ ମଧ୍ୟରେ ସବ୍‌ସିଡି କୀଟନାଶକ ଉପଲବ୍ଧ ହୋଇଯିବ ବୋଲି କହିଛନ୍ତି ା ସ୍ଥାନୀୟ ଔଷଧ ବିକ୍ରେତା (ଡିଲର)ଙ୍କଠାରୁ ଚାଷୀଙ୍କୁ ଔଷଧ ଦିଆଯିବ ବୋଲି ସେ ସୂଚନା ଦେଇଛନ୍ତି ା ଦୁଇଦିନ ହେଲା ବଲାଙ୍ଗୀର ଜିଲାରେ ନ୍ୟାଶନାଲ ଲେଭେଲ ମନିଟରିଂ ଟିମ୍‌ର ୫ ଜଣିଆ ସଦସ୍ୟ ପରିଦର୍ଶନ କରିଥିବା ଜଣାପଡିଛି ା ସେମାନେ କ୍ଷେତ୍ର ପରିଦର୍ଶନ ସମୟରେ ଗୁଣ୍ଡିପୋକ ଉପଦ୍ରବ କଥାକୁ ନେଇ ଅବଗତ ହୋଇଛନ୍ତି। ଏହି ୫ ଜଣିଆ ଟିମ୍‌ ସଦସ୍ୟ ଜିଲାରେ ରାଷ୍ଟ୍ରୀୟ କୃଷି ଯୋଜନାରେ କାର୍ଯ୍ୟକାରୀ ହେଉଥିବା ବିଭିନ୍ନ ଯୋଜନାର କାର୍ଯ୍ୟାନ୍ବୟନ ସମୀକ୍ଷା ଓ କ୍ଷେତ୍ର ପରିଦର୍ଶନ କରିଛନ୍ତି। ଏହି ଟିମ୍‌ ବୁଧବାର ଓ ଗୁରୁବାର ଜିଲାର ବିଭିନ୍ନ ସ୍ଥାନ ପରିଦର୍ଶନ କରିଛନ୍ତି। ଚଳିତବର୍ଷ ପ୍ରାରମ୍ଭରୁ ବର୍ଷାଭାବ ଯୋଗୁ ମରୁଡି ପରିସ୍ଥିତି ସୃଷ୍ଟି ହୋଇଥିଲା ା ଏହାପରେ ପ୍ରବଳ ବର୍ଷା ଓ ବନ୍ୟାରେ ଅନେକ ଅଞ୍ଚଳରେ ଫସଲ ନଷ୍ଟ ହୋଇଥିଲା ା ଏବେ ପୁଣି ଗୁଣ୍ଡିପୋକ ଉପଦ୍ରବ ଚାଷୀଙ୍କୁ ଘୋର ଚିନ୍ତାରେ ପକାଇଛି ା ଗତବର୍ଷ ମଧ୍ୟ ଜିଲାରେ ଚକଡା ପ୍ରାଦୁର୍ଭାବରେ ଚାଷୀମାନେ ଘୋର କ୍ଷତିରେ ପଡିଥିଲେ ା


All Right Reserved By

ଶ୍ରମ ଆଇନରେ ସଂଶୋଧନକୁ ସିଆଇଟିୟୁ ପକ୍ଷରୁ ବିରୋଧ

ବ୍ରହ୍ମପୁର ଅଫିସ,୨।୮: ଶ୍ରମ ଆଇନରେ ସଂଶୋଧନ କରିବା ପାଇଁ କେନ୍ଦ୍ର ସରକାରଙ୍କ ନିଷ୍ପତ୍ତିକୁ ନେଇ ଅସନ୍ତୋଷ ପ୍ରକାଶ କରିଛି ଶ୍ରମିକ ସଂଗଠନ ସିଆଇଟିୟୁ। ଶୁକ୍ରବାର ବ୍ରହ୍ମପୁରସ୍ଥିତ...

ଲାଞ୍ଚ ନେବାବେଳେ ଧରାପଡ଼ିଲେ ଅଗ୍ନିଶମ ଅଧିକାରୀ

ଭଦ୍ରକ ଅଫିସ, ୧୪।୬ – ଗୁରୁବାର ସନ୍ଧ୍ୟାରେ ଭଦ୍ରକ ଅଗ୍ନିଶମ ଅଧିକାରୀ ସଂଗ୍ରାମ କୁମାର ହଁାସଦା ୨ ହଜାର ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ...

ମହିଳା ଏସ୍‌ଏଚ୍‌ଜି ସଂଗ୍ରହ କଲେ ୨ ଲକ୍ଷ ୩୨ ହଜାର କୁଇଣ୍ଟାଲ ଧାନ

ଭବାନୀପାଟଣା,୨୮।୬(ଡି.ଏନ୍‌.ଏ.): ଚଳିତ ରବି ଋତୁରେ ଧାନ ସଂଗ୍ରହ ପ୍ରକ୍ରିୟାରେ ମହିଳା ଏସ୍‌ଏଚ୍‌ଜିଗୁଡ଼ିକୁ ସାମିଲ କରିବା ପାଇଁ ରାଜ୍ୟ ସରକାର ନିଷ୍ପତ୍ତି ନେଇଥିଲେ । ଏ ନେଇ...

ଧାନ କିଣାରେ ଅବ୍ୟବସ୍ଥା, ଲ୍ୟାମ୍ପସ୍‌ କାର୍ଯ୍ୟାଳୟରେ ତାଲା ପକାଇଲେ ଚାଷୀ

ଖୁଣ୍ଟା,୨୦ା୮(ଡି.ଏନ୍‌.ଏ)-ଧାନ କିଣାରେ ଅବ୍ୟବସ୍ଥାକୁ ନେଇ ସୋମବାର ମୟୂରଭଞ୍ଜ ଜିଲା ଖୁଣ୍ଟା ବ୍ଲକ ଅଧୀନ ବାହାନଡା ଲ୍ୟାମ୍ପସ କାର୍ଯ୍ୟାଳୟରେ ଚାଷୀମାନେ ତାଲା ପକାଇ ଦେଇଥିଲେ। ଚାଷୀମାନେ ନିଜ...

ଆଜି ଆସିବେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର, ଜୁଏଲ୍‌ ଓରାମ

ଭଦ୍ରକ ଅଫିସ, ୨୬।୪ – ଶୁକ୍ରବାର କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ଜୁଏଲ୍‌ ଓରାମ ଭଦ୍ରକ ଜିଲା ଗସ୍ତ କରିବେ। ସେମାନଙ୍କ ସହ ଭାଜପାର ବହୁ...

ଆମ ପୋଲିସ ପକ୍ଷରୁ ଚାରାରୋପଣ

ଧର୍ମଶାଳା/ଜେନାପୁର,୬ା୮(ଡି.ଏନ୍‌.ଏ.)- ଧର୍ମଶାଳା ବ୍ଲକ ଜେନାପୁର ଥାନା ଆମ ପୋଲିସ ସମିତି ପକ୍ଷରୁ ସୋମବାର ବୃନ୍ଦାଦେଈପୁର ଗଡଜାତ ସ୍ମାରକୀ ପୀଠଠାରେ ଚାରାରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଯାଜପୁର...

ଗଞ୍ଜେଇ ଚୋରା ଚାଲାଣ : ଛତିଶଗଡ଼ ପୋଲିସ ଦ୍ୱାରା ୨ ଯୁବକ ଗିରଫ

ଚନ୍ଦାହାଣ୍ଡି, ୨୪।୯(ଡି.ଏନ୍‌.ଏ.): ନବରଙ୍ଗପୁର ଜିଲା ଚନ୍ଦାହାଣ୍ଡି ଥାନା ଅଧୀନ ପୂଜାରୀଗୁଡା ଗ୍ରାମର ୨ ଯୁବକ ଗଞ୍ଜେଇ ଚୋରା ଚାଲାଣ କରୁଥିବା ବେଳେ ଛତିଶଗଡ଼ ପୋଲିସ ଦ୍ୱାରା...

ସ୍ତ୍ରୀଙ୍କୁ ଟାଙ୍ଗିଆରେ ହାଣି ହତ୍ୟାକଲେ ସ୍ବାମୀ

ଧାମନଗର,୯।୮(ଡି.ଏନ୍‌.ଏ) : ଭଦ୍ରକ ଜିଲା ଧୁଷୁରୀ ଥାନା କୋଠାର ଦାସ ସାହିର ସଞ୍ଜୟ ଦାସ ତାଙ୍କ ସ୍ତ୍ରୀ ରଶ୍ମିତାଙ୍କୁ ଟାଙ୍ଗିଆରେ ହାଣି ଦେବାରୁ ତାଙ୍କୁ ମୁମୂର୍ଷୁ...

selfi corner

Model This Week

Why Dharitri

Leave a comment

Your email address will not be published. Required fields are marked *