ନୟାଗଡ଼ ଜିଲା ମୁଖ୍ୟ ଚିକିତ୍ସାଳୟ: ରାତିରେ ମିଳୁନି ସ୍ବାସ୍ଥ୍ୟସେବା

ନୟାଗଡ଼ ଅଫିସ,୨୬।୯: ଜରୁରିକାଳୀନ ସ୍ବାସ୍ଥ୍ୟସେବା ଯୋଗାଇ ଦେବା ପାଇଁ ଜିଲା ସଦର ମହକୁମାରେ ନୟାଗଡ଼ ଜିଲା ମୁଖ୍ୟ ଚିକିତ୍ସାଳୟ ରହିଛି। ୨୪ ଘଣ୍ଟା ସ୍ବାସ୍ଥ୍ୟ ସେବା ଯୋଗାଇ ଦେବା ପାଇଁ ଚିକିତ୍ସାଳୟ ଥିବା ବେଳେ ରାତିରେ କିନ୍ତୁ ଠିକ୍‌ ଭାବେ ରୋଗୀଙ୍କୁ ସେବା ମିଳୁ ନଥିବା ଅଭିଯୋଗ ହେଉଛି। ରାତି ୧୨ଟା ପରେ ଡାକ୍ତର କି ନର୍ସ କାହାରି ଦେଖା ମିଳୁ ନଥିବା କୁହାଯାଉଛି। ଆଉଟଡୋରରେ ଡାକ୍ତରଙ୍କ ଚୌକି ଖାଲି ପଡ଼ିଥିବା ବେଳେ ୱାର୍ଡରେ କେହି ନର୍ସ ରହୁନାହାନ୍ତି। ସେହିଭଳି ସୁରକ୍ଷା ବ୍ୟବସ୍ଥା ପାଇଁ ଥିବା ସିକ୍ୟୁରିଟି ଗାର୍ଡଙ୍କ ଦେଖା ମିଳୁନାହିଁ। ଶନିବାର ବିଳମ୍ବିତ ରାତିରେ ଜିଲା ମୁଖ୍ୟ ଚିକିତ୍ସାଳୟ ବୁଲିବା ପରେ ଏହିଭଳି ଦୃଶ୍ୟ ଦଖିବାକୁ ମିଳିଥିଲା।
ଓ ଶିଶୁ ଚିକିତ୍ସାଳୟରେ କେହି ସୁରକ୍ଷାକର୍ମୀ ନ ଥିବାରୁ ବିଳମ୍ବିତ ରାତିରେ ଜଣେ ବ୍ୟକ୍ତି ୪ ମହଲାକୁ ଯାଇ ଜଣେ ରୋଗୀ ସମ୍ପର୍କୀୟଙ୍କ ଭ୍ୟାନିଟ୍‌ ଧରି ଖୋଜାଖୋଜି କରୁଥିଲେ। ଏହି ସମୟରେ ମହିଳା ଜଣଙ୍କ ଉଠି ପଡ଼ି ତାଙ୍କୁ ଧରି ନେଇଥିଲେ। ପରେ ସମ୍ପୃକ୍ତ ବ୍ୟକ୍ତିଙ୍କୁ ଟାଉନ ପୋଲିସକୁ ହସ୍ତାନ୍ତର କରାଯାଇଥିଲା। ରାତି ବଢ଼ିଲେ ବିଭିନ୍ନ ୱାର୍ଡ ଦାୟିତ୍ୱରେ ଥିବା ସୁରକ୍ଷାକର୍ମୀଙ୍କ ଆଖିରେ ନିଦ ବଢ଼ୁଛି। ଆଖି ପକାଇବା ପାଇଁ ସେମାନେ ଉପଯୁକ୍ତ ଜାଗା ଖୋଜୁଛନ୍ତି। ଆଉ ତାହା ମିଳିବା ମାତ୍ରେ ଯିଏ ଯେଉଁଠି ପାରିଲା ଶୋଇ ପଡ଼ୁଛନ୍ତି। ମେଡ଼ିକାଲର କର୍ମଚାରୀମାନେ ଆଉଟଡୋରରେ ଗାଡ଼ି ରଖି ସେଠାରେ ଥିବା ଚେୟାର୍‌ରେ ଶୋଇ ପଡ଼ୁଛନ୍ତି। ଖାଲି ସୁରକ୍ଷାକର୍ମୀ ନୁହନ୍ତି, ଡାକ୍ତର ଓ ନର୍ସଙ୍କ ମଧ୍ୟ ସମାନ ଅବସ୍ଥା। ବିଳମ୍ବିତ ରାତିରେ ଦେଖିବାରୁ ଆଉଟ ପୋଷ୍ଟରେ ଡାକ୍ତରଙ୍କ ଚାମ୍ବର ଖାଲି ପଡ଼ିଥିଲା। ସେହିଭଳି ଡାକ୍ତରଙ୍କ ପାଇଁ ଥିବା ଡ୍ୟୁଟି ରୁମ୍‌ରେ ଭିତରପଟୁ କବାଟ ବନ୍ଦଥିବାର ଦୃଶ୍ୟ ଦେଖିବାକୁ ମିଳିଥିଲା। ବିଭିନ୍ନ ୱାର୍ଡରେ କୌଣସି ନର୍ସଙ୍କ ଦେଖା ମିଳି ନ ଥିଲା। ମେଡ଼ିସିନ୍‌ ୱାର୍ଡରେ ୬ କ୍ୟାବିନ୍‌ର ଜଣେ ମାତ୍ର ନର୍ସ ଡ୍ୟୁଟି କରୁଥିବା ବେଳେ ଅନ୍ୟମାନେ ଶୋଇ ରହିଥିବା ଦେଖିବାକୁ ମିଳିଥିଲା। ରୋଗୀଙ୍କ ସମ୍ପର୍କୀୟମାନେ ସାଲାଇନ୍‌ କିମ୍ବା କୌଣସି ଔଷଧ ପାଇଁ ବାରମ୍ବାର କହିବା ପରେ ନର୍ସମାନେ ଆସି ଦେଇ ଯାଉଥିଲେ। ଫଳରେ ରାତିରେ ଠିକ୍‌ ଭାବେ ସ୍ବାସ୍ଥ୍ୟ ସେବା ମିଳୁ ନ ଥିବା ରୋଗୀଙ୍କ ସମ୍ପର୍କୀୟମାନେ ଅଭିଯୋଗ କରିଛନ୍ତି। ସେହିପରି ବ୍ଲଡ ବ୍ୟାଙ୍କ୍‌କୁ ଯାଇ ଦେଖିବାରୁ ଭିତର ପଟୁ ତାହା ଚାବି ପଡ଼ିଥିଲା। ଏ ନେଇ ଜିଲା ମୁଖ୍ୟ ଚିକିତ୍ସା ଅଧିକାରୀ ଡା. ଶ୍ୱେତ ମହାପାତ୍ରଙ୍କୁ ପଚାରିବାରୁ ସେ କୁହନ୍ତି, ବର୍ତ୍ତମାନ ନୂଆ ସିକ୍ୟୁରିଟି ରଖାଯାଇଛି। ସେମାନେ ସବୁ ସମୟରେ ସଜାଗ ଥିବା ପ୍ରକାଶ କରିଥିଲେ। ନର୍ସମାନେ ସେମାନଙ୍କ ପାଇଁ ଉଦ୍ଦିଷ୍ଟ ଚାମ୍ବରରେ ରହୁଥିବାବେଳେ ଡାକ୍ତରମାନେ ଡ୍ୟୁଟି ରୁମ୍‌ରେ ରହୁଥିବା ପ୍ରକାଶ କରିଥିଲେ। ଯଦି ଡାକ୍ତରମାନେ ତାଙ୍କ ଡ୍ୟୁଟିରୁମ୍‌ରେ ନ ଥିବେ ତାହା ହେଲେ ସେମାନେ ୱାର୍ଡରେ ବୁଲି ରୋଗୀ ଦେଖୁଥିବା ସିଡିଏମ୍‌ଓ ପ୍ରକାଶ କରିଥିଲେ।


All Right Reserved By Dharitri.Com

ପୋଲିସ ହାତରୁ ଅଭିଯୁକ୍ତ ଚମ୍ପଟ ମାରିବା ଘଟଣା: ଦୁଇ ପୋଲିସ କର୍ମଚାରୀ ନିଲମ୍ବିତ

ବାଲେଶର ଅଫିସ,୧୮।୧୨: ଜଳେଶ୍ବର କମର୍ଦା ଥାନା ଅଞ୍ଚଳରେ ନାବାଳିକା ଅପହରଣ ଘଟଣାରେ ଗିରଫ ଅଭିଯୁକ୍ତ ପୋଲିସ ହାତରୁ ଚମ୍ପଟ ମାରିଛନ୍ତି। ଏହି ଘଟଣାରେ ବାଲେଶ୍ବର ଏସପି...

ଅସହାୟଙ୍କ ସାହା ଜଳଧର

ବନ୍ତ, ୨୨।୮ (ଡି.ଏନ.ଏ.)- ଅନେକ ଦୁଃଖ ଯନ୍ତ୍ରଣା ଅଙ୍ଗେ ନିଭାଇ ଥିବାରୁ ସେ ଅନ୍ୟର କଷ୍ଟ ସହି ପାରନ୍ତି ନାହିଁ । କେହି ରୋଗ ଯନ୍ତ୍ରଣାରେ...

ଜଳିଗଲା ୧୧ ଏକର ଆଖୁ ଫସଲ

ଢେଙ୍କାନାଳ ଅଫିସ, ୨୦।୧: ଢେଙ୍କାନାଳ ସଦର ଥାନା ଭୋଜଦେଈପୁର ଗ୍ରାମ ଶିବ ମନ୍ଦିର ନିକଟ ଆଖୁ ଜମିରେ ରବିବାର ଅପରାହ୍ନ ୪ଟାରେ ଅଗ୍ନିକାଣ୍ଡ ଘଟି ପ୍ରାୟ ୧୧ଏକର...

କଲମପୁର ମଣ୍ଡିରେ ଅବ୍ୟବସ୍ଥା, ଚାଷୀଙ୍କ ରାସ୍ତାରୋକୋ

ଭବାନୀପାଟଣା/କଲମପୁର,୧୧।୬(ଡି.ଏନ.ଏ.): କଳାହାଣ୍ଡି ଜିଲା କଲମପୁର ମଣ୍ଡିରେ ଅବ୍ୟବସ୍ଥା ଦେଖାଦେଇଛି। ଚାଷୀମାନେ ମଣ୍ଡିକୁ ଧାନ ଆଣି ଯଗି ବସିଥିବା ରହିଥିବାବେଳେ ମିଲର୍ସମାନେ ମଣ୍ଡିକୁ ଅଖାବସ୍ତା ଓ ଟ୍ରକ...

ଭୁବନେଶ୍ୱରରୁ ଅପହୃତ ଶିଶୁପୁତ୍ର ଗୋଳନ୍ଥରାରୁ ଉଦ୍ଧାର: ମହିଳାଙ୍କୁ ଗିରଫ କଲା ପୋଲିସ

ଭୁବନେଶ୍ୱର,୨୪ା୧(ବ୍ୟୁରୋ): ଭୁବନେଶ୍ୱର ରେଳ ଷ୍ଟେଶନରୁ ଶିଶୁପୁତ୍ର ଅପହରଣ ମାମଲାରେ ଖାରବେଳନଗର ଥାନା ପୋଲିସ ଗଞ୍ଜାମ ଜିଲା ଗୋଳନ୍ଥରା ଅଞ୍ଚଳର ମହିଳାଙ୍କୁ ଗିରଫ କରିଛି। ସେ ହେଲେ...

ବନ୍ଦ କୋଠରିରେ ମହିଳାଙ୍କ ମୃତଦେହ ଥିବା ସନ୍ଦେହ: ପୋଲିସ, ସାଇଣ୍ଟିଫିକ୍‌ ଟିମ୍‌ର ତଦନ୍ତ

ସମ୍ବଲପୁର,୯।୧(ବ୍ୟୁରୋ): ସମ୍ବଲପୁର ଜିଲା ଧନୁପାଲି ବାହାଲପଡ଼ାସ୍ଥିତ ଏକ ବନ୍ଦ କୋଠରିରୁ ମହିଳାଙ୍କ ମୃତଦେହ ଥିବା ନେଇ ଅଞ୍ଚଳରେ ଚର୍ଚ୍ଚା ହେଉଥିଲା। ଏନେଇ ପୋଲିସ ପାଖରେ ମଧ୍ୟ...

ଚିହ୍ନଟ ୪ଗାଁର ବିସ୍ଥାପିତଙ୍କ ସହ ଆଲୋଚନା

ଦିଗପହଣ୍ଡି,୮ା୨(ଡି.ଏନ୍‌.ଏ.)-ଗଜପତି ଜିଲା ଆର୍‌.ଉଦୟଗିରି ବ୍ଲକ ଛେଳିଗଡ଼ ଗ୍ରାମ ନିକଟରେ ଏକ ବୃହତ ଜଳସେଚନ ପ୍ରକଳ୍ପ ପ୍ରତିଷ୍ଠା ପାଇଁ ୧୯୯୯ ମସିହାରେ ରାଜ୍ୟ ଜଳ ସମ୍ପଦ ବିଭାଗ...

ତେନ୍ତୁଲିଡିହୀ ପଞ୍ଚାୟତ ଉପନିର୍ବାଚନ: ପ୍ରତାପ ବିଶ୍ୱାଳ ବିଜୟୀ

ଚାନ୍ଦବାଲି,୨୮।୧୧(ଡି.ଏନ୍‌.ଏ.): ଭଦ୍ରକ ଜିଲା ଚାନ୍ଦବାଲି ବ୍ଲକ ତେନ୍ତୁଲିଡିହୀ ପଞ୍ଚାୟତ ଉପନିର୍ବାଚନରେ ବିଜେଡି ସମର୍ଥିତ ସରପଞ୍ଚ ପ୍ରାର୍ଥୀ ପ୍ରତାପ କୁମାର ବିଶ୍ୱାଳ ୪୨୪ ଭୋଟରେ ନିଜର ପ୍ରତଦ୍ୱନ୍ଦୀ...

Leave a comment

Your email address will not be published. Required fields are marked *