ବିଜେପୁର ଉପନିର୍ବାଚନ:ଆଜି ପ୍ରାର୍ଥୀ ଘୋଷଣା କରିପାରେ କଂଗ୍ରେସ

ଭୁବନେଶ୍ୱର,୨୫-୯(ବ୍ୟୁରୋ):ବିଜେପୁର ଉପନିର୍ବାଚନ ନେଇ ସବୁ ଦଳ ପକ୍ଷରୁ ପ୍ରସ୍ତୁତି ଜୋର୍‌ଦାର ଆରମ୍ଭ କରାଯାଇଛି। ନାମାଙ୍କନ ଦାଖଲ ପାଇଁ ଆସନ୍ତା ୩୦ ଶେଷ ତାରିଖ ଥିବାବେଳେ ଏହା ପୂର୍ବରୁ ରାଜ୍ୟର ପ୍ରମୁଖ ୩ ଦଳ କାହାକୁ ପ୍ରାର୍ଥୀ କରିବେ ସେନେଇ ମାନସମନ୍ଥନ ଚଳାଇଛନ୍ତି। ବିଜେଡିର ୪ ଜଣିଆ ସମନ୍ବୟ କମିଟି ବୈଠକ ସୋମବାର ବସିଥିଲା। କାହାକୁ ପ୍ରାର୍ଥୀ କଲେ ଦଳ ପାଇଁ ଭଲ ହେବେ ସେନେଇ ଆଲୋଚନା କରାଯାଇଥିବା ବିଶ୍ୱସ୍ତ ସୂତ୍ରରୁ ଜଣାପଡିଛି। ସେହିପରି କଂଗ୍ରେସ ପକ୍ଷରୁ ମଧ୍ୟ ଜୋରଦାର ପ୍ରସ୍ତୁତି ଚାଲିଛି। ଭାଜପା ଗତ ଦୁଇଟି ନିର୍ବାଚନରେ ବିଜେଡି ସହ କଡା ମୁକାବିଲା କରୁଥିବାରୁ ଏଥର ମଧ୍ୟ ଦଳ ବ୍ୟାପକ ରଣନୀତି ପ୍ରସ୍ତୁତି କରି ବିଜୟୀ ହେବାକୁ ପ୍ରୟାସ କରୁଛି। ନିଜ ପୂର୍ବ ସ୍ଥିତି ଫେରିପାଇବା ସକାଶେ କଂଗ୍ରେସ ବାରମ୍ବାର ବୈଠକ କରୁଥିବା ବେଳେ ବିଜେଡି ଏବଂ ଭାଜପା ଠାରୁ ଆଗୁଆ ଏକ କମିଟି ପ୍ରସ୍ତୁତ କରି ବିଜେପୁର ପାଇଁ କାର୍ଯ୍ୟ ଆରମ୍ଭ କରିଛି।
କଂଗ୍ରେସ ରାଜ୍ୟ କାର୍ଯ୍ୟାଳୟଠାରେ ଦଳର ବିଧାୟକ ଦଳ ନେତା ନରସିଂହ ମିଶ୍ରଙ୍କ ଅଧ୍ୟକ୍ଷତାରେ ମଙ୍ଗଳବାର ଏକ ବୈଠକ ଅନୁଷ୍ଠିତ ହୋଇଛି। ପୂର୍ବରୁ ବିଜେପୁରଠାରେ କମିଟି ପକ୍ଷରୁ ଅନୁଷ୍ଠିତ ହୋଇଥିବା ବୈଠକ ଗୁଡିକରେ ଲୋକମାନେ ଯାହାସବୁ ପ୍ରସ୍ତାବ ରଖିଥିଲେ ତାକୁ ନେଇ ଆଲୋଚନା ହୋଇଛି। ଅନ୍ୟପଟେ କଂଗ୍ରେସ କାହାକୁ ପ୍ରାର୍ଥୀ କରିବ ସେନେଇ ସ୍ଥିର କରିସାରିଥିବା ବିଶ୍ୱସ୍ତ ସୂତ୍ରରୁ ଜଣାପଡିଛି। ଜଣେ କମିଟି ସଦସ୍ୟ କହିଛନ୍ତି, ଅଖିଳ ଭାରତ କଂଗ୍ରେସ କମିଟି(ଏଆଇସିସି) ନିକଟକୁ ପ୍ରାର୍ଥୀ ତାଲିକା ପଠାଯିବା ସହିତ ବୁଧବାର ଚୂଡ଼ାନ୍ତ ନାମ ଘୋଷଣା କରାଯିବ। ଏଆଇସିସିକୁ ପଠାଯିବାକୁ ଥିବା ତାଲିକାରେ ୩ଜଣଙ୍କ ନାମ ରହିଛି। ମୁଖ୍ୟତଃ ପୂର୍ବତନ ମନ୍ତ୍ରୀ ରିପୁନାଥ ସେଠ୍‌ଙ୍କ ପୁଅଙ୍କୁ ଏଥର ଦଳ ପ୍ରାର୍ଥୀ କରିବାର ଯଥେଷ୍ଟ ସମ୍ଭାବନା ରହିଥିବା ସେ କହିଛନ୍ତି।
ସେହିପରି ବିଜେଡି ମଧ୍ୟ ଚୂଡ଼ାନ୍ତ ପ୍ରାର୍ଥୀଙ୍କ ନାମ ଘୋଷଣା କରିବା ପୂର୍ବରୁ ବାରମ୍ବାର ମାନସନ୍ଥନ ଜାରି ରଖିଛି। ଦାୟିତ୍ୱ ପାଇଥିବା ୪ ବରିଷ୍ଠ ନେତା ଏନେଇ ଏକାଧିକ ଥର ରୁଦ୍ଧଦ୍ୱାର ବୈଠକ ଚଳାଇଛନ୍ତି। ବାହାରକୁ ଖବର ଯେପରି ନ ଯାଏ ତାକୁ ନେଇ ଦଳ ସମ୍ପୂର୍ଣ୍ଣ ସତର୍କତାର ସହ କାମ ଚଳାଇଛି। ଦଳ ମଧ୍ୟରେ ଆଶୀୟୀଙ୍କ ସଂଖ୍ୟା ବହୁ ମାତ୍ରାରେ ବଢିଯାଇଛି। ଆଶାୟୀଙ୍କ ସଂଖ୍ୟା କମାଇବା ଲାଗି ଦଳ ବହୁ ଉଦ୍ୟମ କରୁଛି। ତଥାପି ସମସ୍ୟା ଦୂରେଇବାର ନାଁ ନେଉନାହିଁ। କେତେକ ଅସନ୍ତୁଷ୍ଟଙ୍କୁ ବିଭିନ୍ନ ନିଗମ ଦାୟିତ୍ୱ ଦିଆସରିଛି। ହେଲେ ଆଉ କେତେଜଣ ଯେଉଁମାନେ ନିଗମ ପାଇ ନାହାନ୍ତି ସେମାନେ ଦଳୀୟ ଟିକେଟ ପାଇବାକୁ ଆଶା ବାନ୍ଧି ବସିଛନ୍ତି। ବୁଧବାର ବିଜେଡି ପକ୍ଷରୁ ପୁଣିଥରେ ନବୀନ ନିବାସରେ ବୈଠକ ବସିବ ବୋଲି ବିଶ୍ୱସ୍ତ ସୂତ୍ରରୁ ଜଣାପଡିଛି। ସେହିପରି ପ୍ରାର୍ଥୀ ଘୋଷଣା ମଧ୍ୟ କରାଯିବାର ସମ୍ଭାବନା ଯଥେଷ୍ଟ ରହିଛି।
ଭାଜପା ୩ ନେତାଙ୍କ ନାଁ ପାର୍ଲାମେଣ୍ଟାରୀ କମିଟି ନିକଟକୁ ପଠାଇ ଦେଇଛି ବୋଲି କହୁଛି। ଭାଜପାରେ ମଧ୍ୟ ଟିକେଟ ପାଇବାକୁ ଆଶାୟୀଙ୍କ ସଂଖ୍ୟା ଅଧିକ ରହିଛି। ଦଳ କିନ୍ତୁ କାହାକୁ ପ୍ରାର୍ଥୀ କରିବ ସେନେଇ ଜଣାପଡିନାହିଁ। ତେବେ ଭାଜପା ପକ୍ଷରୁ ଗତ ରବିବାର ଏକ ବୈଠକ ଭାଜପା ପକ୍ଷରୁ ରାଜ୍ୟ କାର୍ଯ୍ୟାଳୟଠାରେ ଅନୁଷ୍ଠିତ ହୋଇଥିଲଶ। ବୈଠକରେ ପଶ୍ଚିମ ଓଡିଶା ନେତାଙ୍କ ମଧ୍ୟରେ ଦାୟିତ୍ୱ ବଣ୍ଟାଯିବାକୁ ନିଷ୍ପତ୍ତି ହୋଇଥିବା ଜଣାପଡିଛି। ରାଜ୍ୟସ୍ତରରୁ ସେମିତି କୌଣସି ନେତାଙ୍କୁ ଦାୟିତ୍ୱ ସପକ୍ଷରେ ନିଷ୍ପତ୍ତି ହୋଇନାହିଁ।


All Right Reserved By Dharitri.Com

ଇସ୍କନ ରଥଯାତ୍ରା : ଲକ୍ଷାଧିକ ଭକ୍ତଙ୍କ ଗହଣରେ ଗୁଣ୍ଡିଚା ମନ୍ଦିରରେ ପହଞ୍ଚିଲା ରଥ

ଭୁବନେଶ୍ୱର,୫।୭(ବ୍ୟୁରୋ): ଭୁବନେଶ୍ୱରର ପ୍ରସିଦ୍ଧ ଇସ୍କନ ମନ୍ଦିର ରଥଯାତ୍ରା ଏଥର ଆନନ୍ଦ ଉଲ୍ଲାସର ସହ ଶେଷ ହୋଇଛି। ଲକ୍ଷାଧିକ ଶ୍ରଦ୍ଧାଳୁଙ୍କ ଗହଣରେ ମହାପ୍ରଭୁ ଗୁଣ୍ଡିଚା ମନ୍ଦିର ଅଭିମୁଖେ...

ନିୟମିତ ହେଲେ ୪୪୯ ଚୁକ୍ତିଭିତ୍ତିକ ଶିକ୍ଷକ

ଭୁବନେଶ୍ୱର, ୫ା୩(ବ୍ୟୁରୋ): ରାଜ୍ୟରେ ହାଇସ୍କୁଲ ସ୍ତରରେ ନିଯୁକ୍ତି ପାଇଥିବା ୪୪୯ଜଣ ଶିକ୍ଷୟିତ୍ରୀ ଶିକ୍ଷକଙ୍କୁ ନିୟମିତ କରାଯାଇଛି। ଏନେଇ ବୁଧବାର ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର...

ଏମ୍‌ପି ଜୁଏଲ ଓରାମଙ୍କ ଝିଅ ବାହାଘରରେ ଯୋଗଦେଲେ ଦୁଇ ରାଜ୍ୟପାଳ

ଲହୁଣୀପଡ଼ା,୪।୨(ଡି.ଏନ.ଏ.): ସୁନ୍ଦରଗଡ଼ ଏମ୍‌ପି ତଥା ପୂର୍ବତନ କେନ୍ଦ୍ରମନ୍ତ୍ରୀ ଜୁଏଲ ଓରାମଙ୍କ ଜ୍ୟେଷ୍ଠା କନ୍ୟା ଇନ୍ଦୁମତୀଙ୍କ ସହ ବନ୍ଧମୁଣ୍ଡା ନିବାସୀ ସନ୍ତୋଷ ବାରୁୱାଙ୍କ ସୋମବାର ପାରମ୍ପାରିକ ରୀତିନୀତିରେ...

ହରେକୃଷ୍ଣ ମହତାବଙ୍କ ଜନ୍ମ ବାର୍ଷିକୀ ଲାଗି ବ୍ୟାପକ ପ୍ରସ୍ତୁତି: ବର୍ଷସାରା ଦେଶବ୍ୟାପୀ ଚାଲିବ କାର୍ଯ୍ୟକ୍ରମ

ଭୁବନେଶ୍ୱର, ୧ା୧ (ବ୍ୟୁରୋ): ଉତ୍କଳ କେଶରୀ ଡ. ହରେକୃଷ୍ଣ ମହତାବଙ୍କ ୧୨୦ତମ ଜନ୍ମ ବାର୍ଷିକୀ ପାଳନ ପାଇଁ ବ୍ୟାପକ ପ୍ରସ୍ତୁତି ଆରମ୍ଭ ହୋଇଛି। ନବ ଉତ୍କଳ...

ଗଞ୍ଜାମ ଜିଲା ଚିଠି: ପଛକୁ ଦେଖ

ଗତ ଏକ ବର୍ଷ ହେଲା ବ୍ରହ୍ମପୁର ମହାନଗର ନିଗମ(ବିଏମ୍‌ସି)ରେ ଅମଲାତନ୍ତ୍ର ଶାସନ ଚାଲିଛି। ୨୦୧୮ ସେପ୍ଟେମ୍ବର ୩୦ରେ ରାଜ୍ୟବ୍ୟାପୀ ସମସ୍ତ ପୌରସଂସ୍ଥାକୁ ରାଜ୍ୟ ସରକାର ଭାଙ୍ଗିଦେଇଥିଲେ...

ଜିଲା ମୁଖ୍ୟ ଚିକିତ୍ସାଳୟରେ ହେବ କୋଭିଡ-୧୯ ହସ୍ପିଟାଲ

ସମ୍ବଲପୁର,୪।୪(ବ୍ୟୁରୋ): ସମ୍ବଲପୁର ଜିଲା ସଦର ଡାକ୍ତରଖାନାରେ କୋଭିଡ-୧୯ ହସ୍ପିଟାଲ ଅସ୍ଥାୟୀ ଭାବେ ଖୋଲିବାକୁ ଜିଲାପ୍ରଶାସନ ପକ୍ଷରୁ ନିଷ୍ପତ୍ତି ନିଆଯାଇଛି। ସ୍ବାସ୍ଥ୍ୟ ବିଭାଗ ନିର୍ଦ୍ଦେଶ କ୍ରମେ ଜିଲା...

ଯୋଡ଼ାରେ କେନ୍ଦ୍ରୀୟ ଶ୍ରମ ମଙ୍ଗଳ କମିଶନର

ଯୋଡ଼ା ୧୮।୯(ଡି.ଏନ.ଏ.): କେନ୍ଦୁଝର ଜିଲା ଯୋଡା ସହରରେ ୧୯୭୮ ମସିହାରେ କେନ୍ଦ୍ର ସରକାରଙ୍କ ଶ୍ରମ ମନ୍ତ୍ରଣାଳୟ ପକ୍ଷରୁ ସ୍ଥାପନ ହୋଇଥିବା ୫୦ ଶଯ୍ୟା ବିଶିଷ୍ଟ ଯୋଡା...

ଖଣି ଶ୍ରମିକଙ୍କ ମିଶ୍ରଣ ପର୍ବ

କାଳିଆପାଣି,୧୯ା୧୦(ଡି.ଏନ୍‌.ଏ.): ଯାଜଯୁର ଜିଲା ସୁକିନ୍ଦା ବ୍ଲକ କଣସ ପଞ୍ଚାୟତ ତୈଳଙ୍ଗୀ ଗ୍ରାମରେ ଶୁକ୍ରବାର ଖଣି ଶ୍ରମିକଙ୍କ ଏକ ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି। ସୁକିନ୍ଦା ରିଜିୟନ...

Leave a comment

Your email address will not be published. Required fields are marked *