ପିଆଜ ବଜାରରେ ନିଆଁ:ନଭେମ୍ବର ଯାଏ ନିସ୍ତାର ନାହିଁ

ଭୁବନେଶ୍ୱର,୨୫-୯(ବ୍ୟୁରୋ):ଆଜ୍ଞା ଆମେ ତ ଦିନ ମଜୁରିଆ। ଖଟିଲେ ଖାଉଛୁ। ପଖାଳ ସାଙ୍ଗକୁ ପିଆଜ ଲଙ୍କା ଲୁଣ ଟିକେ ହେଲେ ଆମର ଚଳି ଯାଉଛି। ଘରେ ୫ ପ୍ରାଣୀ କୁଟୁମ୍ବ। ପିଆଜ କିଲୋରୁ କମ୍‌ ଆଣିଲେ ହେଉନି। ବଜାରରେ ପନିପରିବା ଦର ଆକାଶ ଛୁଆଁ ହୋଇଛି। ପିଆଜରେ କାମ ଚଳୁଥିଲା । ହେଲେ ମାସେ ହେବ ଦର ହୁ ହୁ ହୋଇ ବଢୁଛି। ହାଟରେ ପିଆଜ ଦର ମଧ୍ୟ ୫୦ଟପି ଗଲାଣି। କ’ଣ କରିବୁ କିଛି ବୁଦ୍ଧି ବାଟ ଦିଶୁନି। ସତ୍‌ସଙ୍ଗ ବିହାର ନିକଟରେ ଦିନ ମଜୁରି ପାଇଁ ଅପେକ୍ଷା କରିଥିବା ସନିଆ ବେହେରା ପିଆଜ ଦରକୁ ନେଇ ମଙ୍ଗଳବାର ଏମିତି ପ୍ରତିକ୍ରିୟା ଦେଇଛନ୍ତି।
କେବଳ ସନିଆ କାହିଁକି ମଧ୍ୟବିତ୍ତ ଓ ନିମ୍ନ ମଧ୍ୟବିତ୍ତ ବର୍ଗର ଲୋକମାନେ ପିଆଜ ଦର ବୁଦ୍ଧିକୁ ନେଇ ତ୍ରାହି ତ୍ରାହି ଡାକୁଛନ୍ତି। ଖୁଚୁରା ବଜାରରେ ପିଆଜ ସତେ ଯେମିତି ଖାଉଟିଙ୍କ ମୁଣ୍ଡରେ ଚଡ଼କ ପକାଇ ଦେଇଛି। ପିଆଜ ଦରକୁ ନେଇ ସାଧାରଣ ଲୋକେ ଘାଣ୍ଟି ଚକଟି ହେଉଥିବା ବେଳେ ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ବିଭାଗ ନୀରବ ଦ୍ରଷ୍ଟା ସାଜିଛି। କେବଳ ପିଆଜ ଦର ବୁଝିବା ଛଡ଼ା ବିଭାଗ ନିକଟରେ ଆଉ କିଛି ସତେଯେମିତି ବିକଳ୍ପ ନାହିଁ। ଦର କିଲୋ ପିଛା ୫୦ ଟପିବା ପରେ ମଙ୍ଗଳବାର ବିଭାଗୀୟ ସଚିବ ଓଡ଼ିଶା ବ୍ୟବସାୟୀ ମହାସଂଘ କୁବେରପୁରୀ ବ୍ୟବସାୟୀ ସଂଘ ଏବଂ କଟକର କେତେଜଣ ବ୍ୟବସାୟୀ ସଂଘର କର୍ମକର୍ତ୍ତାଙ୍କୁ ଡାକି ଆଲୋଚନା କରିଛନ୍ତି। ବୈଠକ କେବଳ ପିଆଜର ଆମଦାନୀ ଏବଂ ହୋଲସେଲ ଦର ମଧ୍ୟରେ ସୀମିତ ରହିଗଲା। ଆସନ୍ତା ନଭେମ୍ବର ଶେଷ ଯାଏ ପିଆଜ ଦର କମିବାର ପ୍ରଶ୍ନ ଉଠୁନି ବୋଲି ସଂଘର ପ୍ରତିନିଧି ସରକାରଙ୍କୁ ଜଣାଇଲେ। ଓଡ଼ିଶାକୁ ଆମଦାନୀ ହେଉଥିବା ମହାରାଷ୍ଟ୍ରର ନାସିକରେ ହୋଲ୍‌ସେଲ ଦର ନିୟନ୍ତ୍ରଣ ପାଇଁ ରାଜ୍ୟ ସରକାର ବ୍ୟବସାୟୀମାନଙ୍କୁ ସରକାର ରିହାତି ଦେବାର ବ୍ୟବସ୍ଥା କଲେ ଦରକୁ କିଛି ମାତ୍ରାରେ ନିୟନ୍ତ୍ରଣ କରାଯାଇ ପାରିବ ବୋଲି କର୍ମକର୍ତ୍ତା ମତ ଦେଇଛନ୍ତି। ଅନ୍ୟପକ୍ଷରେ ନାଫେଡ କିଲୋ ପ୍ରତି ୪୦ ଟଙ୍କାରେ ପିଆଜ ବିକ୍ରି କରୁଛି। ରାଜ୍ୟ ସରକାର ନାଫେଡ ଠାରୁ ଆଣି ରିହାତି ଦରରେ ଲୋକଙ୍କୁ ପିଆଜ ଯୋଗାଇବାକୁ ବିଭିନ୍ନ ମହଲରେ ଦାବି ହେଉଛି। ମାତ୍ର ସରକାର ପିଆଜ ଦର ଉପରେ ଅଙ୍କୁଶ ଲଗାଇବାକୁ କୌଣସି ପଦକ୍ଷେପ ନେବା ମୁଡ୍‌ରେ ନାହାନ୍ତି। ନୂଆ ପିଆଜ ଉତ୍ପାଦନ ପର୍ଯ୍ୟନ୍ତ ଅପେକ୍ଷା କରାଯିବ କି ନାଫେଡ ଠାରୁ କିଣି ଲୋକଙ୍କୁ ଯୋଗାଇବେ ତାହା ଆସନ୍ତା ୭ ଦିନ ପରେ ହେବାକୁ ଥିବା ବୈଠକରେ ପରବର୍ତ୍ତୀ ପଦକ୍ଷେପ ନିଆଯିବ ବୋଲି ସୂଚନା ଦିଆଯାଇଛି। ଯୋଗାଣ ବିଭାଗର ଡେପୁଟି ଡାଇରେକ୍ଟର କେ. ପ୍ରତାପ ପାତ୍ର କହିଛନ୍ତି ଯେ, ପିଆଜ ଦରବୃଦ୍ଧି ଏକ ଜାତୀୟ ସମସ୍ୟା। ଉତ୍ପାଦନ କମ୍‌ ହେବା ସହ ବର୍ଷା ଯୋଗୁ ଦରବୃଦ୍ଧି ହୋଇଛି। ନୂଆ ପିଆଜ ଆସିବା ଯାଏ ଅପେକ୍ଷା କରିବାକୁ ପଡ଼ିବ ବୋଲି ସେ କହିଛନ୍ତି। ମୋଟା ମୋଟି କହିବାକୁ ଗଲେ ଦରବୃଦ୍ଧି ନିୟନ୍ତ୍ରଣ କରିବା ନେଇ ସରକାର ଏକପ୍ରକାରେ ଅସହାୟ ହୋଇ ପଡ଼ିଛନ୍ତି। ପିଆଜ ଦରବୃଦ୍ଧି କେବଳ ଆଜିର ସମସ୍ୟା ନୁହେଁ। ଅତ୍ୟାବଶ୍ୟକ ସାମଗ୍ରୀ ଆଳୁ, ପିଆଜ ଦରବୃଦ୍ଧି ଏକ ପରମ୍ପରାରେ ପରିଣତ ହେଲାଣି। ଦରବୃଦ୍ଧିକୁ ନିୟନ୍ତ୍ରିତ କରିବାକୁ କେନ୍ଦ୍ର ସରକାର ପ୍ରାଇସ୍‌ ଷ୍ଟାବିଲାଇଜେଶନ ଫଣ୍ଡ (ପିଏସ୍‌ଏଫ୍‌) ଗଠନ କରିବାକୁ ରାଜ୍ୟଗୁଡ଼ିକୁ ପରାମର୍ଶ ଦେଇଥିଲେ। ଏଥିରେ ଉଭୟ ରାଜ୍ୟ ଓ କେନ୍ଦ୍ର ସରକାର ୧୦୦ କୋଟି ଟଙ୍କା ରଖିବେ। ଅଗଷ୍ଟରୁ ନଭେମ୍ବର ମଧ୍ୟରେ ଅତ୍ୟାବଶ୍ୟକ ସାମଗ୍ରୀ ଦର ନିୟନ୍ତ୍ରଣ ପାଇଁ ଏହି ଅର୍ଥ ଖର୍ଚ୍ଚ କରାଯିବ। ବର୍ଷ ଆରମ୍ଭରୁ ରାଜ୍ୟ ସରକାର ଆଳୁ, ପିଆଜ, ଡାଲି ଭଳି ଅତ୍ୟାବଶ୍ୟକ ସାମଗ୍ରୀ ପ୍ରାଥମିକ କୃଷି ସମବାୟ ସମିତି ଜରିଆରେ କ୍ରୟ କରି ରଖିବେ। ଦରବୃଦ୍ଧି ସମୟରେ ଏହାକୁ ବଜାର ଚାହିଦା ମେଣ୍ଟାଇବା ପାଇଁ ଛଡ଼ାଯିବ। ରାଜ୍ୟରେ ୨୦୧୫ରୁ ପିଏସ୍‌ଏଫ୍‌ ପାଣ୍ଠି ଗଠନ କରାଯାଇଥିଲେ ମଧ୍ୟ ତାହାର ଉପଯୋଗ କରାଯାଉନାହିଁ। ରାଜ୍ୟ ସରକାର ନିଜ ଅଂଶ ବାବଦରେ ୫୦ କୋଟି ଟଙ୍କା ଦେଇଥିବାବେଳେ କେନ୍ଦ୍ର ସରକାର ୨୫କୋଟି ଦେଇଛନ୍ତି। ଏହି ଅର୍ଥରେ ଅତ୍ୟାବଶ୍ୟକ ସାମଗ୍ରୀ କ୍ରୟ କରିବା କଥା, ୭୫ କୋଟି ଟଙ୍କା ପିଏସ୍‌ଏଫ୍‌ରେ ଗଚ୍ଛିତ ଥିଲେ ମଧ୍ୟ ଯୋଗାଣ ବିଭାଗ ଏହାର ସଦୁପଯୋଗ କରିବାକୁ ଆଗ୍ରହ ଦେଖାଉ ନାହିଁ। ଫଳରେ ପିଆଜ ଜ୍ୱାଳାରେ ସାଧାରଣ ଗରିବ ଲୋକମାନେ ଛଟପଟ ହେଉଛନ୍ତି। ବିଭାଗୀୟ ଅଧିକାରୀଙ୍କ କହିବା କଥା ହେଲା ୨୦୧୬ରେ ଶୀତଳ ଭଣ୍ଡାରରେ ଆଳୁ କ୍ରୟ କରି ରଖାଯାଇଥିଲା। ବଜାର ନ ବଢିବାରୁ ଗଚ୍ଛିତ ଆଳୁକୁ ୨/୩ ଟଙ୍କାରେ ମଧ୍ୟ ବିକ୍ରି କରାଯାଇପାରିଲା ନାହିଁ। ଏଥିଯୋଗୁ ଶୀତଳ ଭଣ୍ଡାର ଭଡ଼ା ଏବଂ ଆଳୁ କ୍ରୟ ବାବଦରେ ରାଜକୋଷରୁ ୫୦ ଲକ୍ଷ ବରବାଦ ହୋଇଯାଇଥିଲା। ପିଆଜ ଏକ ଶୀଘ୍ର ନଷ୍ଟକାରୀ ଫସଲ ହୋଇଥିବାରୁ ଏହାକୁ ଗଚ୍ଛିତ ରଖିବା ସମ୍ଭବ ନୁହେଁ। ଅନ୍ୟପକ୍ଷରେ ନାଫେଡ କମ୍‌ ଦରରେ ପିଆଜ ଯୋଗାଉଥିବା ବେଳେ ରାଜ୍ୟ ସରକାର ସେହି ପିଆଜକୁ ଖାଉଟିଙ୍କୁ ନୋ ପ୍ରଫିଟ୍‌ ନୋ ଲସ୍‌ରେ ଯୋଗାଇବା ବ୍ୟବସ୍ଥା କାହିଁକି କରୁନାହାନ୍ତି। ସରକାରୀ ଉଦାସୀନତାକୁ ନେଇ ଖାଉଟିଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି। ପିଆଜ ସାଙ୍ଗକୁ ପନିପରିବା ଦର ଆକାଶଛୁଆଁ ହୋଇଥିବାରୁ ରୋଷେଇ ଶାଳା ଭାରାକ୍ରାନ୍ତ ହୋଇପଡ଼ିଛି।


All Right Reserved By Dharitri.Com

ଆରଟିଓଙ୍କ କାର୍ଯ୍ୟାଳୟରେ ଦୁର୍ନୀତି ଅଭିଯୋଗ:ଏମ୍‌ଭିଆଇଙ୍କୁ ବଦଳି ଦାବିରେ ବିକ୍ଷୋଭ

ଢେଙ୍କାନାଳ ଅଫିସ,୨୪ା୯ ଢେଙ୍କାନାଳ ଆଞ୍ଚଳିକ ପରିବହନ କାର୍ଯ୍ୟାଳୟରେ ବେଆଇନ କାର୍ଯ୍ୟକଳାପ ଓ ଦୁର୍ନୀତି ଅଭିଯୋଗ ଆଣିଛନ୍ତି ୫ଟି ଟ୍ରକ ମାଲିକ ସଂଘର କର୍ମକର୍ତ୍ତା। ଆଞ୍ଚଳିକ ପରିବହନ...

ଦ୍ୱିତୀୟ ବିମ୍‌ଷ୍ଟେକ ବିପର୍ଯ୍ୟୟ ପରିଚାଳନା ଅଭ୍ୟାସ-୨୦୨୦

ଭୁବନେଶ୍ୱର,୧୧ା୨(ବ୍ୟୁରୋ):ଭୁବନେଶ୍ୱର ଓ ପୁରୀଠାରେ ଦ୍ୱିତୀୟ ବିମଷ୍ଟେକ ବିପର୍ଯ୍ୟୟ ପରିଚାଳନା ଅଭ୍ୟାସ-୨୦୨୦ ମଙ୍ଗଳବାରଠାରୁ ଆରମ୍ଭ ହେବ। ପ୍ରଥମ ଥର ଲାଗି ଓଡ଼ିଶାରେ ହେଉଥିବା ଏହି କାର୍ଯ୍ୟକ୍ରମକୁ ମୁଖ୍ୟମନ୍ତ୍ରୀ...

ମୋଦିଙ୍କୁ ଭେଟିଲେ ନବୀନ

ଭୁବନେଶ୍ୱର,୧୧।୬(ବ୍ୟୁରୋ): ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଙ୍ଗଳବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭେଟିଛନ୍ତି। ଦ୍ୱିତୀୟ ଥର ପ୍ରଧାନମନ୍ତ୍ରୀ ହୋଇଥିବା ମୋଦିଙ୍କୁ ନବୀନ ଶୁଭେଚ୍ଛା ଜଣାଇଥିଲେ। ଏହା ପରେ...

ପୋଲ ଉପରେ ୩ଫୁଟ ବର୍ଷା ପାଣି: ବିଦ୍ୟାଳୟକୁ ଯିବା ଆସିବା ବାଧାପ୍ରାପ୍ତ; ରଶି ଟାଣି ଛାତ୍ରୀଛାତ୍ରଙ୍କୁ ଉଦ୍ଧାର କରାଗଲା

ତେଲକୋଇ, ୯।୮(ଡି.ଏନ.ଏ.)-ତେଲକୋଇ ବ୍ଲକ ଅଧୀନରେ ଥିବା ଓରିଆ ପଞ୍ଚାୟତ ପିଟାନାଳିରେ ରହିଛି ଆଦର୍ଶ ବିଦ୍ୟାଳୟ। ଲଗାଣ ବର୍ଷା ହେଲେ ଘାଟିରୁ ପାଣି ଯାକ ଏହି ନାଳ...

ପ୍ରଭାବିତ ହେଉଛି ଓଡ଼ିଶାର ଅଣ୍ଡା ଶିଳ୍ପ: ଆନ୍ଦୋଳନକୁ ଓହ୍ଲାଇବ ଏଓଏଲ୍‌ଏଫ୍‌ଏ

ଭୁବନେଶ୍ୱର,୨୬।୨(ବ୍ୟୁରୋ): ଓଡ଼ିଶାର ଅଣ୍ଡା ବ୍ୟବସାୟ ଅତ୍ୟନ୍ତ ଦୁର୍ଦ୍ଦିନ ସ୍ଥିତିରେ ପହଞ୍ଚି ସାରିଥିବା ସୂଚନା ଦେଇଛି ଅଲ୍‌ ଓଡ଼ିଶା ଲେୟାର ଫାର୍ମରସ୍‌ ଆସୋସିଏଶନ। ବ୍ୟବସାୟରେ ହେଉଥିବା କ୍ଷତିକୁ...

ଡକାୟତ ଯୋଜନା ବେଳେ ପୋଲିସ ଚଢ଼ାଉ : ୩ ପିଏଲ୍‌ଏଫ୍‌ଆଇ ସଦସ୍ୟ ଗିରଫ, ଖଣ୍ଡା,ପିସ୍ତଲ,ଗୁଳି ଓ ମୁଖା ଜବତ

ଦେବଗଡ,୧୫।୧୨(ଡି.ଏନ.ଏ.)-ଗୁରୁବାର ରାତିରେ ଦେବଗଡ଼ ଜିଲା ବାରକୋଟ ଥାନା ଅଧୀନ ଆମ୍ବଗାଁ ହାଇସ୍କୁଲର ପୁରୁଣା ଛାତ୍ରାବାସ ନିକଟରେ ସଶସ୍ତ୍ର ଡକାୟତି ପାଇଁ ଯୋଜନା କରୁଥିବାବେଳେ ବାରକୋଟ ଥାନା...

ବଙ୍ଗଳା ଫିଲ୍ମରେ ‘ରଙ୍ଗବତୀ’

ଭୁବନେଶ୍ୱର,୧୬।୭(ବ୍ୟୁରୋ): ହିନ୍ଦୀ ପରେ ବଙ୍ଗଳା ସିନେମାରେ ସ୍ଥାନ ପାଇଛି ଲୋକପ୍ରିୟ ସମ୍ବଲପୁରୀ ଗୀତ ରଙ୍ଗବତୀ। ୭୦ ଦଶକର ପ୍ରସିଦ୍ଧ ଏହି ଗୀତକୁ ଶ୍ରୋତାମାନେ ତେଲୁଗୁ ଓ...

ସରକାରୀ କାର୍ଯ୍ୟରେ ପାରିଶ୍ରମିକ ପାଇ ନ ଥିବା ଡ୍ରାଇଭରଙ୍କ ଧାରଣା

ଭୁବନେଶ୍ୱର,୨୭ା୨(ବ୍ୟୁରୋ): ନିର୍ବାଚନ, ଭିଭିଆଇପିଙ୍କ ସୁରକ୍ଷା ଓ କାରକେଡ୍‌ ଭଳି ବିଭିନ୍ନ ସରକାରୀ କାର୍ଯ୍ୟ ପାଇଁ ସରକାରଙ୍କ ପକ୍ଷରୁ ଘରୋଇ ଗାଡ଼ିକୁ ନିୟୋଜିତ କରାଯାଉଛି। ଏଥିନିମନ୍ତେ ଆରଟିଓ...

Leave a comment

Your email address will not be published. Required fields are marked *