ମାଲକାନଗିରି ଜିଲା ଚିଠି: କ୍ଷତି ସହୁଛି ଚାଷୀ, ଫାଇଦାରେ ବୀମା କମ୍ପାନୀ

ଚାଷୀଙ୍କ ସମସ୍ୟା କେବେହେଲେ ସୁଧୁରୁନାହିଁ। ଋଣ, ମରୁଡ଼ି, ବନ୍ୟା ବିତ୍ପାତଜନିତ ସମସ୍ୟାରେ ଫସଲ ନଷ୍ଟ ହୋଇ ଚାଷୀ କ୍ଷତି ସହୁଛି। ସବୁ ସହି ଯାହା ଧାନ ଅମଳ କରେ ନିଜ ଚଳିବା ଲାଗି ବର୍ଷକ ପାଇଁ ରଖି ବଳକା ଧାନ ବିକ୍ରି କରିବାକୁ ସେ ସରକାରୀ ମଣ୍ଡିକୁ ଯାଏ। ସେଠାରେ ମଧ୍ୟ ସମସ୍ୟା ତା’ ପିଛା ଛାଡେନି। ମିଲରମାନେ ଧାନ କିଣିବା ବେଳେ କୁଇଣ୍ଟାଲ ପିଛା ୫ରୁ ୧୦ କେଜି ଯାଏ ଧାନ କାଟିନିଅନ୍ତି। ଏହାକୁ ନେଇ ମୁହାଁମୁହିଁ ଅବସ୍ଥାକୁ ଆସି ମିଲରମାନେ ଦୀର୍ଘଦିନ ଧରି ମଣ୍ଡିରୁ ଧାନ ଉଠାନ୍ତିନାହିଁ। ଚାଷୀ ରାତିରାତି ଶୀତ କାକରରେ ପଡିରହି ମଣ୍ଡିରେ ନିଜ ଧାନ ଜଗିଥାଏ। ସବୁଠାରୁ ଗୁରୁତ୍ୱପୂର୍ଣ୍ଣ ହେଲା ଏହି ଆଦିବାସୀ ବହୁଳ ଜିଲାରେ ଚାଷୀମାନେ ଧାନ ବିକ୍ରି ପାଇଁ ଅନ୍‌ଲାଇନରେ ନାମ ପଞ୍ଜୀକୃତ କରିବା ନେଇ ସୃଷ୍ଟି ହେଉଥିବା ସମସ୍ୟା। ଅନେକ ସମୟରେ ଜିଲାରେ ଇଣ୍ଟରନେଟ ସମସ୍ୟା ଯୋଗୁ ଚାଷୀ ପଞ୍ଜୀକରଣ କରି ନ ପାରି ବାରମ୍ବାର ବିଭିନ୍ନ କାର୍ଯ୍ୟାଳୟ ଓ ଘରୋଇ ଇଣ୍ଟରନେଟ ସଂସ୍ଥାକୁ ଦୌଡି ନିରାଶ ହୋଇଥାଏ। ଫଳରେ ଶତ ପ୍ରତିଶତ ଚାଷୀ ମଣ୍ଡିରେ ସେମାନଙ୍କ ଧାନ ବିକ୍ରି ପାଇଁ ପଞ୍ଜୀକୃତ ହୋଇ ନ ପାରି ଶେଷରେ ବାଧ୍ୟହୋଇ ସେମାନେ ଦଲାଲମାନଙ୍କୁ କମ୍‌ଦରରେ ଧାନ ବିକ୍ରି କରିଥାନ୍ତି।

ଏ ତ ଗଲା ମଣ୍ଡିରେ ଧାନ ବିକ୍ରି କଥା। ମାତ୍ର ଚାଷପାଇଁ ସମବାୟ ବ୍ୟାଙ୍କରୁ ଋଣ ନେଇ ସେସମୟରେ କରିଥିବା ବୀମା କ୍ଷେତ୍ରରେ ମଧ୍ୟ ସେ ଠକେଇର ଶିକାର ହୋଇଥାଏ। ବ୍ୟାଙ୍କରୁ ଋଣ ନେବା ବେଳେ ସେ ସମୟରେ ଚାଷୀଙ୍କୁ ବୀମା କରିବା ପାଇଁ ବାଧ୍ୟ କରାଯାଉଛି। ବୀମା କମ୍ପାନୀଗୁଡିକ ଋଣ ନେଇଥିବା ଚାଷୀଙ୍କ ବୀମା ବାବଦ ଅର୍ଥ ବ୍ୟାଙ୍କରୁ ନେଇଯାଇଥାନ୍ତି। ମାତ୍ର ଚାଷୀ ବନ୍ୟା, ବାତ୍ୟା, ମରୁଡି ପରି ପ୍ରାକୃତିକ ବିପର୍ଯ୍ୟୟରେ କ୍ଷତିଗ୍ରସ୍ତ ହେଲେ ବୀମା ଦ୍ୱାରା କ୍ଷତିପୂରଣ ପାଇ ନ ଥାନ୍ତି। ଏ ଦିଗରେ କୃଷି ବିଭାଗ କ୍ଷେତ୍ର କର୍ମଚାରୀମାନେ କ୍ଷତିଗ୍ରସ୍ତ ଚାଷଜମି ସମ୍ପର୍କରେ ଠିକ୍‌ ତଥ୍ୟ ଜିଲା ପ୍ରଶାସନକୁ ନ ଦେବା ଏବଂ ଜିଲା ପ୍ରଶାସନ କ୍ଷତିଗ୍ରସ୍ତ ଚାଷୀଙ୍କ ତାଲିକା ସରକାର ଓ ବୀମା କମ୍ପାନୀକୁ ଦେଉ ନ ଥିବାରୁ ବୀମା କମ୍ପାନୀ ଚାଷୀଙ୍କୁ କ୍ଷତିପୂରଣ ବାବଦ ଅର୍ଥ ଦେଉନାହାନ୍ତି। ଫଳରେ ବୀମା କମ୍ପାନୀ ଫାଇଦାରେ ରହୁଥିବା ବେଳେ ଚାଷୀ କିଛି ପାଏନାହିଁ। ଜିଲାରେ ୨୦୧୭-୧୮ରେ ୩ଟି ସମବାୟ ବ୍ୟାଙ୍କ ଅଧୀନରେ ଥିବା ୮ଟି ଲ୍ୟାମ୍ପ ମାଧ୍ୟମରେ ୧୭ହଜାର ୮୪୬ ଜଣ ଚାଷୀଙ୍କୁ ୬୦ କୋଟି ଟଙ୍କା ଋଣ ପ୍ରଦାନ କରାଯାଇଥିଲା। ଏହି ସମୟରେ ବୀମା ବାବଦରେ ଚାଷୀଙ୍କଠାରୁ ରଖାଯାଇଥିବା ୭୧ ଲକ୍ଷ ୫୦ ହଜାର ଟଙ୍କା ରୟାଲ ସୁନ୍ଦରମ୍‌ ନାମକ ବୀମା କମ୍ପାନୀ ନେଇଥିଲା। ସେହିପରି ୨୦୧୯ ଜୁଲାଇ ପର୍ଯ୍ୟନ୍ତ ଜିଲାର ୮୪୦୩ ଚାଷୀଙ୍କୁ ୨୮ କୋଟି ୧୯ ଲକ୍ଷ ୫୭ ହଜାର ଋଣ ପ୍ରଦାନ କରାଯାଇଛି। ସେଥିରୁ ବୀମା କମ୍ପାନୀ ୫୩ ଲକ୍ଷ ୮୧ ହଜାର ଟଙ୍କା ନେଇଛି। ୨ବର୍ଷରେ ବୀମା କମ୍ପାନୀ ମୋଟ ୧ କୋଟି ୨୫ ଲକ୍ଷ ୫୩ ହଜାର ଟଙ୍କା ନେଇଛି। ଏହି ୨ବର୍ଷ ମଧ୍ୟରେ ପ୍ରାକୃତିକ ବିପର୍ଯ୍ୟୟ ତଥା ବନ୍ୟା ବାତ୍ୟା ଓ ଅଦିନିଆ ବର୍ଷାରେ ଚାଷୀଙ୍କ ଅନେକ ଚାଷଜମି କ୍ଷତିଗ୍ରସ୍ତ ହୋଇଛି। ଗତ ଅଗଷ୍ଟ ମାସରେ ମଧ୍ୟ ଜିଲାରେ ପ୍ରବଳ ବର୍ଷା ଯୋଗୁ ୫ ଥର ବନ୍ୟା ପରିସ୍ଥିତି ସୃଷ୍ଟି ହୋଇ ଅନେକ ଚାଷୀଙ୍କ ଜମିରେ ଧାନଚାଷ ନଷ୍ଟ ହୋଇଛି। ଏନେଇ ଜିଲା ପ୍ରଶାସନ ଜିଲାରେ ୧୧ଶହ ଏକର ଧାନଚାଷ ନଷ୍ଟ ହୋଇଥିବା ସରକାରଙ୍କୁ ରିପୋର୍ଟ ଦେଇଛନ୍ତି। ତେବେ ଏହି କ୍ଷତିଗ୍ରସ୍ତ ଚାଷୀ ବୀମା ଅର୍ଥ ପାଇବେ କି ନାହିଁ ତାହା ପ୍ରଶ୍ନବାଚୀ ସୃଷ୍ଟି ହୋଇଛି। କାରଣ ଗତ ୨ବର୍ଷର କ୍ଷୟକ୍ଷତି ସମ୍ପର୍କରେ ଜିଲା ପ୍ରଶାସନ ତଥ୍ୟ ସଂଗ୍ରହ କରିନାହିଁ କିମ୍ବା ସରକାରଙ୍କୁ ରିପୋର୍ଟ ଦେଇନାହିଁ।

– ଦୁର୍ଯ୍ୟୋଧନ ପାତ୍ର


All Right Reserved By Dharitri.Com

ଉନ୍ନୟନ କାର୍ଯ୍ୟ ଜାରି ରହିବ: ଟୁକୁନୀ

ଗୁଡ଼ଭେଲା, ୬ା୬(ଡ଼ି.ଏନ.ଏ.): ରାଜ୍ୟ ମହିଳା, ଶିଶୁ ବିକାଶ ଓ ମିଶନ ଶକ୍ତିମନ୍ତ୍ରୀ ଟୁକୁନୀ ସାହୁଙ୍କୁ ବଲାଙ୍ଗୀର ଜିଲା ତୁଷୁରା ସହରବାସୀଙ୍କ ପକ୍ଷରୁ ଗୁରୁବାର ବିପୁଳ ସମ୍ବର୍ଦ୍ଧନା...

ଟ୍ରେନ୍‌ ଧକ୍କାରେ ଛାତ୍ର ମୃତ: ବିଦ୍ୟାଳୟ ଫାଟକ ବନ୍ଦ କରି ସ୍ଥାନୀୟ ଲୋକଙ୍କ ଆନ୍ଦୋଳନ

ବାରିପଦା ଅଫିସ,୩୦।୧୧: ମୟୂରଭଞ୍ଜ ଜିଲା ବୈଶିଙ୍ଗା ନିକଟ ମଛପଦା ଲେବଲ କ୍ରସିଂ ନିକଟରେ ଶନିବାର ଭୋର ସମୟରେ ଜଣେ ଛାତ୍ରଙ୍କ ମୃତଦେହ ଉଦ୍ଧାର ହୋଇଛି। ତାଙ୍କ...

ଏମ୍‌ସିସିକୁ ବିରୋଧ, ଫେରିଲା ପୌରପାଳିକା

ଅନୁଗୋଳ ଅଫିସ, ୧୨।୧୨: ଅନୁଗୋଳ ପୌରପାଳିକା ଅନ୍ତର୍ଗତ ମିଶ୍ରପଡ଼ା ହାଇଟେକ୍‌ ନର୍ସରୀ ନିକଟରେ ଏମ୍‌ସିସି ପ୍ରକଳ୍ପକୁ ମଙ୍ଗଳବାର ପୁଣି ସ୍ଥାନୀୟ ଲୋକମାନେ ବିରୋଧ କରିଛନ୍ତି। ଫଳରେ ଘଟଣାସ୍ଥଳକୁ...

ସୁଭଦ୍ରାଙ୍କ ରଥ ଚକ ତୁମ୍ବରେ ଫାଟ

ପୁରୀ ଅଫିସ, ୨୯ା୫: ଆସନ୍ତା ଜୁଲାଇ ୪ରେ ରଥଯାତ୍ରା। ଏଥିପାଇଁ ରଥଖଳାରେ ତିନିରଥ ନିର୍ମାଣ ଚାଲିଛି। ସବୁ ରଥର ତୁମ୍ବ ନିର୍ମାଣ ଶେଷ ହୋଇ ଚକ...

ବେଆଇନ ରେଲଓ୍ବେ ଇ-ଟିକେଟ ବିକ୍ରି, ୩ ଗିରଫ

କଟକ ରୋଡ,୧୫ା୬(ଡି.ଏନ୍‌.ଏ.): ବେଆଇନ ଭାବେ ରେଳବାଇ ସଂରକ୍ଷିତ ଟିକଟ ବିକ୍ରି ଅଭିଯୋଗରେ ଭୁବନେଶ୍ୱର ଆରପିଏଫ (ରେଲଓ୍ବେ ପ୍ରୋଟେକ୍ସନ ଫୋର୍ସ) ଶୁକ୍ରବାର ୩ ଜଣଙ୍କୁ ଗିରଫ କରି...

କାଳିଆ ଯୋଜନାରେ ଚାଲିଛି ରାଜନୀତି:ବାଦ୍‌ ପଡୁଛନ୍ତି ଯୋଗ୍ୟ ହିତାଧିକାରୀ

ଖୋର୍ଦ୍ଧା ଅଫିସ,୪ା୯:ନବନିର୍ମାଣ କୃଷକ ସଙ୍ଗଠନ ପକ୍ଷରୁ ଖୋର୍ଦ୍ଧାର ମଙ୍ଗଳା ମଣ୍ଡପଠାରେ ଜିଲାସ୍ତରୀୟ ବୈଠକ ମଙ୍ଗଳବାର ଅନୁଷ୍ଠିତ ହୋଇଯାଇଛି। ଜିଲା ସଭାପତି ସୁରେଶ ମାନସିଂଙ୍କ ନେତୃତ୍ୱରେ ଅନୁଷ୍ଠିତ...

ଜିଲା ଶିକ୍ଷାଧିକାରୀଙ୍କ ଅଫିସ୍‌ ଘେରାଉ

ବାଲେଶ୍ୱର ଅଫିସ, ୬।୭-ବାଲେଶ୍ୱର ଜିଲା ଭୋଗରାଇ ବ୍ଲକ ବାରବାଟିଆ ଗ୍ରାମର ଜନାର୍ଦ୍ଦନ ଉଚ୍ଚବିଦ୍ୟାଳୟର ଦୁଇ ଶିକ୍ଷକଙ୍କ ବଦଳିକୁ ବିରୋଧ କରି ଛାତ୍ରୀଛାତ୍ର ଓ ଅଭିଭାବକମାନେ ଶୁକ୍ରବାର...

୨୪ ହଜାର ଗଞ୍ଜେଇ ଗଛ ନଷ୍ଟ କରାଗଲା

ଆର.ଉଦୟଗିରି, ୧୫ା୧(ଡି.ଏନ.ଏ.)- ଆର.ଉଦୟଗିରି ପୋଲିସ ଓ ଅବକାରୀ ବିଭାଗ ପକ୍ଷରୁ ମିଳିତ ଚଢାଉ କରି ପୁଣି ବିପୁଳ ପରିମାଣର ଗଞ୍ଜେଇ ଗଛ ନଷ୍ଟ କରାଯାଇଛି। ଗଜପତି...

Leave a comment

Your email address will not be published. Required fields are marked *