ଥାନାର ଦ୍ୱାରସ୍ଥ ହୋଇ ନ ଥିବା ଗାଁ

କେନ୍ଦୁଝର, ୨୨ା୯ (ସ୍ବ.ପ୍ର.)-ବର୍ତ୍ତମାନ ସମୟରେ ବୃଦ୍ଧି ପାଉଥିବା ଆଇନ ଶୃଙ୍ଖଳା ପରିସ୍ଥିତି ପାଇଁ ପୋଲିସର ସହାୟତା ସମସ୍ତେ ନେଇଥାନ୍ତି। କିନ୍ତୁ କେନ୍ଦୁଝର ଜିଲାରେ ଏଭଳି ଏକ ଗ୍ରାମ ରହିଛି ଯେଉଁଠି ଏବେ ସୁଦ୍ଧା ପୋଲିସର ସହାୟତା ନେଇନାହାନ୍ତି। କଥାଟା ଏକଦମ୍‌ ସତ। ଏଭଳି ଏକ ଗ୍ରାମ ହେଉଛି ଝୁମ୍ପୁରା ବ୍ଲକର ତେଲିଅର୍ଶଳା ଗ୍ରାମ ା ଜିଲା ମୁଖ୍ୟାଳୟଠାରୁ ପ୍ରାୟ ୨୫ କି.ମି. ଦୂରରେ ଏହି ଗ୍ରାମ ଅବସ୍ଥିତ। ଏହି ଗ୍ରାମରେ ପାଖାପାଖି ୭୦୦ ମାଝି ସଂପ୍ରଦାୟର ଲୋକ ବସବାସ କରନ୍ତି।
ଗ୍ରାମକୁ ପୋଲିସ ଆସିବା ମନା। କୌଣସି ମାମଲାରେ ଯଦି ପୋଲିସ ଆସେ ତେବେ ସେମାନଙ୍କୁ ଗ୍ରାମ ଭିତରକୁ ପ୍ରବେଶ କରାଇଦିଅନ୍ତି ନାହିଁ। ବିଭିନ୍ନ ମାମଲାର ଫଇସଲା ଗ୍ରାମରେ ହୋଇଥାଏ। ସମସ୍ତ ସୁବିଧା ଅସୁବିଧାର ସମାଧାନ ଗ୍ରାମରେ କରାଯାଏ। ଗ୍ରାମର ମୁଖିଆ ହେଉଛନ୍ତି ଧନେଶ୍ୱର ମାଝି। ତାଙ୍କ ନେତୃତ୍ୱରେ ପଞ୍ଚାୟତ ବସି ସମସ୍ତ ପ୍ରକାରର ବିବାଦ, ଗଣ୍ଡଗୋଳର ସମାଧାନ ହୋଇଥାଏ। ଗ୍ରାମର ଡାକୁଆ ଜରିଆରେ ମୁରବିମାନଙ୍କୁ ଡକାଯାଏ। ଅଭିଯୋଗକାରୀ ତଥା ଅଭିଯୁକ୍ତଙ୍କୁ ମଧ୍ୟ ଡକାଯାଏ। ଯାହା ନିଷ୍ପତ୍ତି ହୋଇଥାଏ ତାହା ସମସ୍ତ ମାନିଥାନ୍ତି। ଏହି ଗ୍ରାମରେ ରହିଛି ଏକ ଆଶ୍ରମ ସ୍କୁଲ ା ଥରେ ଏହି ସ୍କୁଲର ଜଣେ ପିଲା କେଉଁ ଆଡେ ଚାଲିଯିବାରୁ ତାଙ୍କ ବାପା ପୋଲିସରେ ଅଭିଯୋଗ କରିଥିଲେ। ପୋଲିସ ଅଭିଯୋଗ ପାଇ ଗ୍ରାମକୁ ଆସିଥିଲା। କିନ୍ତୁ ଗ୍ରାମବାସୀ ପୋଲିସକୁ ଅଟକାଇ ଫେରାଇ ଦେଇଥିଲେ ା ନିଜେ ଗ୍ରାମବାସୀ ଉକ୍ତ ଛାତ୍ରକୁ ଖୋଜିବା ପାଇଁ ସ୍କୁଲ କର୍ତ୍ତୃପକ୍ଷଙ୍କୁ ସହାୟତା କରି ଫେରିପାଇଥିଲେ। ଯେଉଁ ସବୁ କେସ ଅନ୍ୟ ଗ୍ରାମରେ ପୋଲିସ ଥାନା ବା କୋର୍ଟ କଚେରିରେ ହୋଇଥାଏ ସେଭଳି କେସଗୁଡ଼ିକ ଏହି ଗ୍ରାମରେ ହୋଇଥାଏ ବୋଲି ଗ୍ରାମର ଦିନେଶ କୁମାର ଟୁଡୁ କହିଛନ୍ତି। ଏହି ପରମ୍ପରା ଏବେକାର ନୁହେଁ। ବହୁ ଆଗରୁ ଚାଲି ଆସୁଛି ା ଏପରିକି ବିବାହ ବିଚ୍ଛେଦ ମାମଲାଗୁଡିକ ମଧ୍ୟ ଫଇସଲା କରାଯାଇଥାଏ। ସମସ୍ତେ ଭାଇଚାରା ମନୋଭାବ ନେଇ ଖୁସିରେ ରହିଆସୁଛନ୍ତି ବୋଲି ବରିଷ୍ଠ ଗ୍ରାମବାସୀ ସୁରେନ୍ଦ୍ର ମାଝି କହିଛନ୍ତି।
ଏହି ଗ୍ରାମବାସୀ ଗୁଣିଗାରେଡି ଉପରେ ବିଶ୍ୱାସ କରନ୍ତି ନାହିଁ ା ଗ୍ରାମରେ ରହିଛି ଠାକୁରାଣୀ ଶାଳ ସେଠାରେ ପୂଜାପାଠ ସମସ୍ତେ ମିଳିମିଶି କରନ୍ତି। ଗ୍ରାମରେ ଓଷା ବା ଅନ୍ୟାନ୍ୟ ଗଣେଶ, ବିଶ୍ୱକର୍ମା ଆଦି ପୂଜା କରାଯାଏ ନାହିଁ। ବର୍ଷରେ କାଳୀପୂଜା ଓ ହୋଲିକୁ ଧୁମଧାମରେ ପାଳନ କରିଥାନ୍ତି। ଏହି ପର୍ବ ଗ୍ରାମର ସମସ୍ତେ ମିଶି ପାଳନ କରିଥିବାବେଳେ ମିଳିମିଶି ଖର୍ଚ୍ଚ ଉଠାଇଥାନ୍ତି। ମାଦଳ ଓ ନାଗରା ବଜାଇ ପାରମ୍ପରିକ ବେଶଭୂଷାରେ ସଜ୍ଜିତ ହୋଇ ନାଚଗୀତ କରି କଟାନ୍ତି। ଏହି ଗ୍ରାମର ଲୋକମାନେ ଧାନ, ଡାଲିଜାତୀୟ ଫସଲ, ପନିପରିବା ଚାଷବାସ ସହିତ ଗୋପାଳନ କରି ଚଳିଥାନ୍ତି।
ଫଟୋ-
ତେଲିଅର୍ଶଳ ଗ୍ରାମବାସୀ


All Right Reserved By Dharitri.Com

ବୈତରଣୀ ଶୈବ୍ୟା କାବେରୀ ଘାଟରେ ବୋଇତ ବନ୍ଦାଣ ଉତ୍ସବ: ବୁଡ଼ ପକାଇଲେ ହଜାର ହଜାର ଶ୍ରଦ୍ଧାଳୁ

ପାଟଣା,୧୨।୧୧(ସ୍ବ.ପ୍ର.): କେନ୍ଦୁଝର ଜିଲା ପାଟଣା ବ୍ଲକ ଦେଇ ଯାଇଥିବା ବୈତରଣୀ ନଦୀର ରାଜନଗରସ୍ଥିତ ଶୈବ୍ୟା କାବେରୀ ଘାଟ ଓ ପାଟଣାସ୍ଥିତ ବୈତରଣୀ ତୀର୍ଥ ଘାଟରେ ମଙ୍ଗଳବାର...

ବଲାଣିରୁ ଚାଲିବ ଟାଟା-ବଡବିଲ ପାସେଞ୍ଜର: ଦକ୍ଷିଣ-ପୂର୍ବ ରେଳପଥର ମହାପ୍ରବନ୍ଧକଙ୍କ ବଲାଣି ପରିଦର୍ଶନ

କେନ୍ଦୁଝର , ୯ା୮ (ସ୍ବ.ପ୍ର) – ଅନେକ ବର୍ଷ ପରେ ବଲାଣି ବାସୀଙ୍କର ସ୍ବପ୍ନ ସାକାର ହେବାକୁ ଯାଉଛି। ଟାଟା- ବଡବିଲ ପାସେଞ୍ଜର ଟ୍ରେନ୍‌ ଅଳ୍ପ...

ବିଳମ୍ବରେ ଆସିଲା ଶୀତ: ପନିପରିବା ଚାଷ ପ୍ରଭାବିତ

ଯୋଡ଼ା,୭।୧୨(ଡି.ଏନ୍‌.ଏ.): କେନ୍ଦୁଝର ଜିଲା ଯୋଡ଼ା ଅଞ୍ଚଳକୁ ଚଳିତ ବର୍ଷ ବିଳମ୍ବରେ ଶୀତ ଆସିଛି। ଗତ ମଙ୍ଗଳବାରଠାରୁ ଏଠାରେ ତାପମାତ୍ରା ହ୍ରାସ ପାଇବାରେ ଲାଗିଛି। ବର୍ତ୍ତମାନ ଦିନବେଳା...

ଅଙ୍ଗନଓ୍ବାଡି ଶିଶୁକୁ ମାଡ଼ ଘଟଣା: ଅଭିଯୁକ୍ତ ଗିରଫ

ଆନନ୍ଦପୁର/ହାଟଡିହୀ,୭।୧୧(ସ୍ବ.ପ୍ର./ଡି.ଏନ୍‌.ଏ.): କେନ୍ଦୁଝର ଜିଲା ଆନନ୍ଦପୁର ଥାନା ଅନ୍ତର୍ଗତ ବଞ୍ଚୋ ପଞ୍ଚାୟତ ଶିବନାରାୟଣପୁର ୧ ନଂ. ଅଙ୍ଗନଓ୍ବାଡି କେନ୍ଦ୍ରରେ ଜଣେ ଅଭିଭାବକଙ୍କ ଦ୍ୱାରା ଶିଶୁକୁ ମାଡ ମରାଯିବା...

ପିଲାଙ୍କୁ ଇଂଲିଶ ମାଧ୍ୟମ ପାଠପଢା ନାଁରେ ପ୍ରତାରଣା: ଠକେଇର ଶିକାର ଶତାଧିକ ମହିଳା

ଝୁମ୍ପୁରା, ୩୦।୧୧ (ଡି.ଏନ.ଏ.)- ଗ୍ରାାମାଞ୍ଚଳ ପିଲାଙ୍କୁ ଇଂଲିଶ ମାଧ୍ୟମରେ ପାଠ ପଢାଇବା ପ୍ରଲୋଭନ ଦେଖାଇ ଝାଡଖଣ୍ଡ ରାଜ୍ୟର ଜଣେ ବ୍ୟକ୍ତି କେନ୍ଦୁଝର ଜିଲା ଝୁମ୍ପୁରା ଅଞ୍ଚଳରେ...

ବିଶ୍ୱ ଏଡ୍‌ସ ଦିବସ: ସଚେତନତା ସୃଷ୍ଟି ପାଇଁ ଦସ୍ତଖତ ଅଭିଯାନ

କେନ୍ଦୁଝର,୧।୧୨(ସ୍ବ.ପ୍ର.): କେନ୍ଦୁଝର ଜିଲା ମୁଖ୍ୟାଳୟରେ ରବିବାର ବିଶ୍ୱ ଏଡ୍‌ସ ଦିବସ ପାଳିତ ହୋଇଯାଇଛି। ଏହି ଅବସରରେ ଜିଲାମୁଖ୍ୟ ଡାକ୍ତରଖାନା ପରିସରରୁ ଏକ ସଚେତନତା ଶୋଭାଯାତ୍ରା ବାହାରି...

ନୋ-ଏଣ୍ଟ୍ରି ଜୋନ୍‌ରେ ଅବାଧ ପ୍ରବେଶ:ଭାରିଯାନକୁ ଅଟକ ରଖିଲେ ଲୋକେ

ବଡବିଲ, ୧୦।୮(ସ୍ବ.ପ୍ର.)-କେନ୍ଦୁଝର ଜିଲା ବଡବିଲ ପୌରାଞ୍ଚଳ ଦେଇ ଭାରିଯାନ ଚଳାଚଳ ଉପରେ ସକାଳ ୬ଟାରୁ ଅପରାହ୍ନ ଗୋଟାଏ ଏବଂ ଅପରାହ୍ନ ୩ଟାରୁ ରାତି ୮ଟା ପର୍ଯ୍ୟନ୍ତ...

ଅସୁରକ୍ଷିତ ଐତିହ୍ୟ: ଦିନେ ଏହା ଥିଲା ରାଜାଙ୍କ ସଭାଗୃହ

କେନ୍ଦୁଝର, ୧୩ା୧୦ (ସ୍ବ.ପ୍ର.)- ଗଡ଼ଜାତ ଶାସନ ସମୟରେ ନିର୍ମିତ ପୁରାତନ ଐତିହ୍ୟ ସମ୍ପନ୍ନ କୋଠାରେ ଚାଲିଛି କେନ୍ଦୁଝର ଜିଲାପାଳଙ୍କ କାର୍ଯ୍ୟାଳୟ। ଗଡ଼ଜାତ ଶାସନବେଳେ ଏହାକୁ ରାଜା...

Leave a comment

Your email address will not be published. Required fields are marked *