‘ପିଲାଙ୍କ ମନ ଜିଣିବା ଖୁସି ନିଆରା’

(ଦୀପ୍ତିରଞ୍ଜନ ନାୟକ)
ଆରଡି, ୨୩।୫ (ଡି.ଏନ.ଏ.)- ହସହସ ମୁହଁ। ହାତରେ ଡମ୍ବରୁ। ମୁଣ୍ଡରେ ଧଳାଟୋପି ା କମରରେ ଭିଡ଼ା ହୋଇଥିବ ଗାମୁଛା। ଏଭଳି ନିଆରା ବେଶଭୂଷାରେ ୪୦ବର୍ଷ ଧରି ସବୁ ପିଲାଙ୍କ ମନ ଜିଣି ଆଇସକ୍ରିମ ବିକି ପରିବାର ଚଳାଉଛନ୍ତି ନାରାୟଣ ଦଳାଇ(୫୬)। ଦୀର୍ଘ ୩୭ ବର୍ଷ ଧରି ସେ ସାଇକେଲରେ ବିଭିନ୍ନ ଅଞ୍ଚଳ ବୁଲି ଆଇସକ୍ରିମ ବିକୁଥିଲେ। ୩ ବର୍ଷ ହେଲା ସେ ଲୁନାରେ ବେପାର ଚଳାଇଛନ୍ତି। ଖରାଦିନ ଆସିଲେ ସେ ସକାଳୁ ସକାଳୁ ଆଇସକ୍ରିମ ବିକିବାକୁ ଘରୁ ବାହାରି ପଡ଼ନ୍ତି। ଖରାଦିନ ସରିଗଲେ ଅନ୍ୟ ସମୟରେ ବିରି, ମୁଗ, ବାଦାମ, ତେନ୍ତୁଳି ଖଟା ଭଳି ବିଭିନ୍ନ ସାମଗ୍ରୀ ଫେରି କରି ବେଶ୍‌ ଦୁଇପଇସା କମାନ୍ତି।
ନାରାୟଣଙ୍କ ଘର ପଡ଼ୋଶୀ ଯାଜପୁର ଜିଲାର ମଙ୍ଗଳପୁର ସନ୍ନିକଟ ଥାଲକୁଡ଼ି ଗଁାରେ। ସେ ଦୀର୍ଘଦିନ ଧରି ଭଦ୍ରକ ଜିଲାର ଆରଡ଼ି ଅଞ୍ଚଳକୁ ନିଜର କର୍ମକ୍ଷେତ୍ର ଭାବେ ବାଛି ନେଇଛନ୍ତି। ସେ ପ୍ରତିଦିନ କୁଳେଇପଦା, ଚମ୍ପାସାହି, ପାରଡିଆ, କୋଇଲଖା, ଭୂଇଁପୁର, ଓଳଗ, ଷାଠିବାଙ୍କୁଡା ଗଁା ଆଦି ବୁଲୁଥିବାରୁ ସବୁ ଲୋକେ ତାଙ୍କୁ ଚିହ୍ନନ୍ତି। କିଏ ତାଙ୍କୁ ନାରଣ ଡାକେ ତ ଆଉ କିଏ ନାରଣା ଭାଇ ଓ ନାରଣ ଦାଦା ବୋଲି ସମ୍ବୋଧନ କରନ୍ତି। ଜଣେ ସଚ୍ଚୋଟ, ଶାନ୍ତ ଓ ସରଳ ମଣିଷ ଭାବେ ସେ ଅଞ୍ଚଳରେ ଜଣାଶୁଣା। ଆଇସ୍‌କ୍ରିମ ବ୍ୟବସାୟରେ ଅଧିକ ଲାଭ କରିବା ଆଶା ନ ରଖି ସେ ପିଲାଙ୍କୁ ଖୁସି ବାଣ୍ଟିଥାନ୍ତି। କୌଣସି ପିଲା ଆଇସକ୍ରିମ ଖାଇବାକୁ କାନ୍ଦିଲେ ବିନା ପଇସାରେ ତାକୁ ଆଇସକ୍ରିମ ଦେଇଥାନ୍ତି। ଖରା ବେଳେ ଗ୍ରୀଷ୍ମ ତାପରୁ ରକ୍ଷା ପାଇବା ଲାଗି ଗଁା ଲୋକଙ୍କ ପିଣ୍ଡାରେ ଆଶ୍ରୟ ନିଅନ୍ତି। ସୁଯୋଗ ପାଇଲେ ସେ ପିଲାଙ୍କୁ ବିଭିନ୍ନ ଗପ ଶୁଣାଇଥାନ୍ତି। ନାରାୟଣ କହନ୍ତି, ତାଙ୍କ ବାପାଙ୍କ ଦେହାନ୍ତ ପରେ ତାଙ୍କ ମୁଣ୍ଡ ଉପରେ ପରିବାର ବୋଝ ପଡ଼ିଥିଲା। ତୀର୍ଥସ୍ଥାନ ଆରଡ଼ି ଓ ଏହା ଆଖପାଖ ଅଞ୍ଚଳରେ ସେ ଆଇସକ୍ରିମ ବିକିବା ଆରମ୍ଭ କରିଥିଲେ। ନୂଆକରି ଖୋଲିଥିବା ଏକ ଆଇସକ୍ରିମ ଫ୍ୟାକ୍ଟ୍ରି ମାଲିକଙ୍କ ସହ କଥାବାର୍ତ୍ତା କରି ୧୯୮୦ ମସିହାରେ ସେ ସାଇକେଲରେ ଆଇସକ୍ରିମ ପେଟି ବାନ୍ଧି ବ୍ୟବସାୟ ଆରମ୍ଭ କରିିଥିଲେ। ପ୍ରଥମ ଦିନ ମାତ୍ର ୨ ଘଣ୍ଟାରେ ତାଙ୍କର ସମସ୍ତ ଆଇସକ୍ରିମ ବିକ୍ରି ହୋଇଯାଇଥିଲା। ଏଥିରେ ମାଲିକ ଖୁସିହୋଇ ତାଙ୍କର ରୋଜ ୩୦ ଟଙ୍କା ବ୍ୟତୀତ ଅଧିକ ୫ ଟଙ୍କା ଦେଇଥିଲେ। ଏହା ପରେ ସେ ପଦ୍ମାବତୀଙ୍କୁ ବିବାହ କରିଥିଲେ। ସେବେଠାରୁ ସେ ତାଙ୍କୁ ବ୍ୟବସାୟରେ ସାହାଯ୍ୟ କରି ଆସୁଛନ୍ତି। ତାଙ୍କର ୨ ପୁଅ ଓ ୨ ଝିଅ। ସମସ୍ତଙ୍କୁ ପାଠ ପଢ଼ାଇ ଶିକ୍ଷିତ କରିଛନ୍ତି ନାରାୟଣ। ୨ ଝିଅ ଓ ବଡ଼ପୁଅ ବାହା ହୋଇ ଯାଇଛନ୍ତି। ଏବେ ୭ ବର୍ଷର ନାତି ସହ ନାରାୟଣ ସନ୍ଧ୍ୟା ସମୟ କାଟୁଛନ୍ତି। ବେପାର ସାରି ଫେରିଲା ବେଳେ ନାତି ପାଇଁ ଚକୋଲେଟ କିଣି ଆଣନ୍ତି। ପୁଅମାନେ ରୋଜଗାର କରିବା ପରେ ୩ ବଖରା ବନାଇଛନ୍ତି। ପିଲାଙ୍କ ମନ ଜିଣିବା ଖୁସି ସବୁଠାରୁ ନିଆରା ବୋଲି ସେ କହିଛନ୍ତି। ଏଥର ଟାଣ ଖରା ହେଉଥିବାରୁ ଦୂର ଗଁାକୁ ଯାଇ ଆଇସକ୍ରିମ ନ ବିକିବାକୁ ଘର ଲୋକେ ମନା କରୁଛନ୍ତି। କିନ୍ତୁ ହାତଗୋଡ଼ ଚାଲୁଥିବା ପର୍ଯ୍ୟନ୍ତ ସେ ପିଲାଙ୍କୁ ସ୍ନେହ ମମତା ବାଣ୍ଟିବା ଲକ୍ଷ୍ୟରେ କାର୍ଯ୍ୟ କରୁଥିବା କହିଛନ୍ତି।


All Right Reserved By Dharitri.Com

ବିଦ୍ୟୁତ୍‌ ସଂସ୍ପର୍ଶରେ ଆସି ୪ ଶ୍ରମିକ ଆହତ

ରସାଳପୁର,୩୧।୮(ଡି.ଏନ.ଏ.)- ବାଲେଶ୍ୱର ସହରର ଆଇଟିଆଇ ପଡ଼ିଆ ପାର୍ଶ୍ୱରେ ବିଦ୍ୟୁତ୍‌ ଖୁଣ୍ଟ ପୋତିବା କାମରେ ନିୟୋଜିତ ୪ ଠିକା ଶ୍ରମିକ ଶନିବାର ବିଦ୍ୟୁତ୍‌ ସଂସ୍ପର୍ଶରେ ଆସି ଆହତ...

ଆଖୁବାଡ଼ିରେ ନିଆଁ ଲଗାଇବା ସମୟରେ ଜୀବନ୍ତ ଦଗ୍ଧ

ବସ୍ତା,୫।୮(ସ୍ବ.ପ୍ର) : ବାଲେଶ୍ୱର ଜିଲା ବସ୍ତା ବ୍ଲକ ଅନ୍ତର୍ଗତ ରଘୁନାଥପୁର ପଞ୍ଚାୟତ ଗିଲାଜୋଡ଼ି ଗ୍ରାମରେ ସୋମବାର ପୂର୍ବାହ୍ନରେ ଏକ ଅଭାବନୀୟ ଘଟଣା ଘଟିଯାଇଛି। ଏହି ଗ୍ରାମର...

ଜଳୁନି ଟୋଲପ୍ଲାଜା ହାଇମାଷ୍ଟ

ଢେଙ୍କିକୋଟ,୧୯ା୭(ଡି.ଏନ୍‌.ଏ.)- ଜାତୀୟ ରାଜପଥ ୨୦ନଂ. ନବୀକରଣ ପରେ ଢେଙ୍କିକୋଟ ଗ୍ରାମବାସୀଙ୍କ ଦୁଃଖ ବଢ଼ିଯାଇଛି। ଅଧାପନ୍ତରିଆ କରି ଠିକା ସଂସ୍ଥା ଚାଲିଗଲା। ଉଭୟ ପାର୍ଶ୍ୱ ସର୍ଭିସ ରୋଡ୍‌...

ନାବାଳିକାଙ୍କୁ ବଳାତ୍କାର, ଅଭିଯୁକ୍ତ ପୁରୀରୁ ଗିରଫ

ଜଳେଶ୍ୱର,୯।୧(ଡି.ଏନ୍‌.ଏ.): ବାଲେଶ୍ୱର ଜିଲା ଜଳେଶ୍ୱର ରାଇବଣିଆ ଥାନା ଅଞ୍ଚଳରେ ଜଣେ ନାବାଳିକାଙ୍କୁ ଅପହରଣ ପରେ ବଳାତ୍କାର କରାଯାଇଥିବା ଅଭିଯୋଗ ହୋଇଛି। ଘଟଣାରେ ଜଣଙ୍କୁ ଗିରଫ କରାଯାଇଛି।...

ନିଶା ବ୍ୟବସାୟକୁ କେନ୍ଦ୍ରକରି ମରଣାନ୍ତକ ଆକ୍ରମଣ : ଦାଦା ଗୁରୁତର, ବର୍ତ୍ତିଗଲେ ପୁତୁରା

ବାଲେଶ୍ୱର ଅଫିସ, ୨୬।୧୦: ବାଲେଶ୍ୱର ସଦର ଥାନା ଅଧୀନ ରସାଳପୁର ଛେଳିଆପଦା ଛକ ନିକଟସ୍ଥ କାଳିମଣ୍ଡପ ପଡ଼ିଆରେ ଜଣେ ଦୁର୍ବୃତ୍ତ ନିଶା ବ୍ୟବସାୟକୁ କେନ୍ଦ୍ର କରି...

ଡାକ୍ତରଖାନା ଅବ୍ୟବସ୍ଥା ଦେଖିଲେ କେନ୍ଦ୍ରମନ୍ତ୍ରୀ

ବସ୍ତା,୧୭।୧୦(ସ୍ବ.ପ୍ର.)-କେନ୍ଦ୍ରମନ୍ତ୍ରୀ ପ୍ରତାପ ଷଡ଼ଙ୍ଗୀ ବୁଧବାର ଅପରାହ୍ନରେ ଅଚାନକ ବସ୍ତା ହସ୍‌ପିଟାଲ ପରିଦର୍ଶନ କରିଥିଲେ। ତାଙ୍କ ସହ ରଘୁନାଥ ମହାନ୍ତି ଓ ଅନ୍ୟ ନେତୃମଣ୍ଡଳୀ ଉପସ୍ଥିତ ଥିଲେ।...

୬ ବସ୍ତା ଚୋରା ମଦ ପୋଡିଲେ ମହିଳା

ସୋର, ୯ା୧(ଡି.ଏନ୍‌.ଏ.)-ବାଲେଶ୍ୱର ଜିଲା ସୋର ମ୍ୟୁନିସିପାଲିଟି ଅନ୍ତର୍ଗତ ଖଣ୍ଡାସାହି ଗ୍ରାମରେ ଗୁରୁବାର ୫ଟି ସ୍ବୟଂସହାୟକ ଗୋଷ୍ଠୀର ୫୦ରୁ ଉର୍ଦ୍ଧ୍ୱ ମହିଳା ମଦ ବିରୋଧୀ ଆନ୍ଦୋଳନରେ ସାମିଲ...

ଭାରସାମ୍ୟ ହରାଇ ପୋଲ ତଳକୁ ଖସିଲା ଟାଟା ଏସି

ପାଟଣା,୩୦।୫(ସ୍ବ.ପ୍ର.): କେନ୍ଦୁଝର ଜିଲା ପାଟଣା ମୁଖ୍ୟାଳୟ ଦେଇ ଯାଇଥିବା ୨୨୦ନମ୍ବର ଜାତୀୟ ରାଜପଥରେ ସଡ଼କ ଦୁର୍ଘଟଣା ଘଟିଛି। ଏହି ଦୁର୍ଘଟଣାରେ ଡ୍ରାଇଭର ଜଣଙ୍କ ଆହତ ହୋଇଥିବା...

Leave a comment

Your email address will not be published. Required fields are marked *