ପରିତ୍ୟକ୍ତ ସ୍ଲୁଇସ୍‌ ଗେଟ, ନଦୀ ପଡ଼ିଛି ଶୁଖିଲା

ଧାମନଗର, ୨୩।୫ (ଡି.ଏନ.ଏ.) – ଭଦ୍ରକ ଜିଲାର ନଈନାଳ ଘେରା ଧାମନଗର ବ୍ଲକରେ ଜଳସେଚନ କାର୍ଯ୍ୟକୁ ସୁବ୍ୟବସ୍ଥିତ କରିବା ଲାଗି ନଦୀରେ ଚେକ୍‌ ଡ୍ୟାମ, ସ୍ଲୁଇସ ଗେଟ ନିର୍ମାଣ କରାଯାଇଥିଲେ ମଧ୍ୟ ଏସବୁ ଯୋଜନା ଫେଲ୍‌ ମାରିଛି। ରକ୍ଷଣାବେକ୍ଷଣ ଅଭାବରୁ ଜଳସେଚନ ବ୍ୟବସ୍ଥା ବିପର୍ଯ୍ୟସ୍ତ ହୋଇପଡିଥିବା ଚାଷୀମାନେ ଅଭିଯୋଗ କରୁଥିଲେ ମଧ୍ୟ କିଛି ପ୍ରତିକାର ହେଉ ନାହିଁ ା ବୈତରଣୀର ଶାଖା ଗେଙ୍ଗୁଟି ନଦୀର ଜାହାଙ୍ଗୀର ନିକଟ ଜନ୍ତମାହାରାରୁ ନିଷ୍କାସିତ ବନ୍ୟାଜଳକୁ ମିର୍ଘାହାଟକୂଳ ନିକଟରେ ସ୍ଲୁଇସ ଗେଟ୍‌ ଜରିଆରେ ଦୀର୍ଘ ୧୦ କିମି ପର୍ଯ୍ୟନ୍ତ ନଦୀ ଗର୍ଭରେ ଗଚ୍ଛିତ ରଖାଯାଉଥିଲା। ପ୍ରାୟ ୧୦ ବର୍ଷ ହେବ ଏହି ସ୍ଲୁଇସ ଗେଟ୍‌ ଭାଙ୍ଗି ନଷ୍ଟ ହୋଇଯାଇ ଥିଲେ ମଧ୍ୟ ଏହାର ପୁନରୁଦ୍ଧାର ହୋଇପାରୁ ନାହିଁ। ପୂର୍ବରୁ ବିଭାଗ ପକ୍ଷରୁ ପୁନରୁଦ୍ଧାର ଚେଷ୍ଟା କରାଯାଇଥିଲେ ମଧ୍ୟ ଏହା ସଫଳ ହୋଇପାରି ନାହିଁ। ଏ ନେଇ ଚାଷୀକୁଳ ଅସନ୍ତୋଷ ବ୍ୟକ୍ତ କରୁଛନ୍ତି।
ଉଲ୍ଲେଖନୀୟ ଯେ, ଧାମନଗର ବ୍ଲକ ଦେଇ ବୈତରଣୀ, କୋଚିଳା, ଗେଙ୍ଗୁଟି, ରେବ ଓ କପାଳି ନଦୀ ପ୍ରବାହିତ ହେଉଥିବାରୁ ନଦୀ ଅବବାହିକାରେ ଉର୍ବର ଚାଷଜମି ରହିଛି। ଏଠାରେ ବିଭିନ୍ନ ଫସଲ ଚାଷ ହେଉଥିବାରୁ ଏହି ଅଞ୍ଚଳକୁ ଜିଲାର ଭାତହାଣ୍ଡି କୁହାଯାଇଥାଏ। ପୂର୍ବରୁ ଚାଷୀମାନେ ନଦୀଶଯ୍ୟାର ସମତଳ ଜମି ନିକଟରେ ବନ୍ଧ ତିଆରି କରି ନଦୀରେ ଜଳ ଗଚ୍ଛିତ ରଖି ଚାଷକାର୍ଯ୍ୟ କରୁଥିଲେ। ଏପରି କି ସେମାନେ ବିଭିନ୍ନ ଚାଷ କରିବା ସହ ମରୁଡ଼ି ପରିସ୍ଥିତିର ମୁକାବିଲା କରି ପାରୁଥିଲେ। ପରେ କୋଟି କୋଟି ଟଙ୍କା ବ୍ୟୟରେ ସରକାରୀ ସ୍ତରରେ ଯୋଜନା କରି ବିଭିନ୍ନ ସ୍ଥାନରେ ଚେକ୍‌ ଡ୍ୟାମ, ସ୍ଲୁଇସ ଗେଟ ନିର୍ମାଣ କରାଯାଇଥିଲେ ମଧ୍ୟ ଚାଷୀଙ୍କ ପରାମର୍ଶ ନିଆ ନ ଯିବା କାରଣରୁ ଏ ସମସ୍ତ ଯୋଜନା ଠିକ୍‌ ଭାବେ କାର୍ଯ୍ୟକାରୀ ହୋଇପାରୁ ନାହିଁ। ସମ୍ପ୍ରତି ବିଧାୟକ ମୁକ୍ତିକାନ୍ତ ମଣ୍ଡଳ ବିଭାଗୀୟ ଅଧିକାରୀଙ୍କୁ ନେଇ ଏହି ସ୍ଥାନ ପରିଦର୍ଶନ କରି ସ୍ଲୁଇସ ଗେଟ୍‌ର ପୁନରୁଦ୍ଧାର ପ୍ରତି ଗୁରୁତ୍ୱ ଦେଇଥିଲେ। ଉକ୍ତ ପ୍ରକଳ୍ପ ଜରିଆରେ ଦଳାଙ୍ଗ, ବୟାଙ୍ଗଡିହି, ଅର୍ଜୁନପୁର, ଭଟ୍ଟସାହି, ନଦୀଗଁା, କୋଠାର, ଧୂଷୁରୀର ନଦୀପାର୍ଶ୍ୱ ଅଞ୍ଚଳର ଚାଷୀ ଉପକୃତ ହେବେ ବୋଲି କୁହାଯାଇଥିଲା। ବର୍ତ୍ତମାନ ଏହି ସ୍ଲୁଇସ ଗେଟ୍‌ ପରିତ୍ୟକ୍ତ ଅବସ୍ଥାରେ ପଡ଼ି ରହିଥିବାରୁ ନଦୀଗର୍ଭ ଶୁଖିଲା ପଡ଼ିଥିବାରୁ ଚାଷୀମାନେ ଜମିକୁ ପାଣି ମଡ଼ାଇ ନ ପାରି ହଇରାଣ ହେଉଛନ୍ତି। ନଦୀ ସଂସ୍କାର ଯୋଜନାରେ ନଦୀର ଦୁଇଧାର ସଫାଇ କାର୍ଯ୍ୟ ହୋଇଥିଲେ ବି ନଦୀ ଜଳକୁ ଅଟକାଇବା ସମ୍ଭବ ହୋଇପାରିନାହିଁ। ଉକ୍ତ ଅଞ୍ଚଳରେ କେନାଲ ବ୍ୟବସ୍ଥା ନ ଥିବାରୁ ଉଠା ଜଳସେଚନ ବ୍ୟବସ୍ଥା ଉପରେ ଚାଷୀମାନେ ଭରସା କରିପାରୁନାହାନ୍ତି। ନଦୀ ଶୁଖିଲା ପଡ଼ିଥିବାରୁ ଚାଷୀମାନେ ଚଳିତ ଋତୁରେ ଚାଷ ପାଇଁ ନିରାଶ ହୋଇଛନ୍ତି। ଏ ସମ୍ପର୍କରେ ବିଭାଗୀୟ ଅଧିକାରୀଙ୍କୁ ପଚାରିବାରୁ ପ୍ରକଳ୍ପ ଲାଗି ଡିଜାଇନ କାର୍ଯ୍ୟ ଶେଷ ହେବା ପରେ ଅର୍ଥ ବରାଦ ହୋଇ ସାରିଥିବା କହିଛନ୍ତି।


All Right Reserved By Dharitri.Com

ବୃତ୍ତି ପରୀକ୍ଷା ଦେଲେ ୨୬୪ ଛାତ୍ରୀଛାତ୍ର

ଭଣ୍ଡାରିପୋଖରୀ, ୧୫ା୭(ଡି.ଏନ୍‌.ଏ.)- ଭଦ୍ରକ ଜିଲା ଭଣ୍ଡାରିପୋଖରୀ ବ୍ଲକ ଶିକ୍ଷା କାର୍ଯ୍ୟାଳୟ ପକ୍ଷରୁ ଭଣ୍ଡାରିପୋଖରୀ ନୋଡାଲ ଉଚ୍ଚ ବିଦ୍ୟାଳୟ ଓ କୁଲଣା ସ୍ଥିତ ବିଶୋଳ କୁଲଣା ମୈତ୍ରୀ...

ମିଶନ୍‌ ‘ବିୟୁଟି ସିଟି’ ତ୍ୱରାନ୍ବିତ: ପୁଣି ଜବରଦଖଲ ଉଚ୍ଛେଦ ଆରମ୍ଭ

ବାଲେଶ୍ୱର ଅଫିସ, ୧୫।୧୦-ବାଲେଶ୍ୱର ଜିଲା ପ୍ରଶାସନ ପକ୍ଷରୁ ଆରମ୍ଭ ହୋଇଥିବା ମିଶନ୍‌ ‘ବିୟୁଟି ସିଟି’ ପାଇଁ ଉଚ୍ଛେଦ ପ୍ରକ୍ରିୟାକୁ ଚଳିତବର୍ଷ ଦୁର୍ଗାପୂଜା ପାଇଁ ବନ୍ଦ କରାଯାଇଥିଲା।...

୭ କ୍ରଶର ଉପରେ ଚଢ଼ାଉ

ସଜନାଗଡ଼, ୧୯।୧୦(ଡି.ଏନ.ଏ.)-ବାଲେଶ୍ୱର ଜିଲା ନୀଳଗିରି ପ୍ରଶାସନ ପକ୍ଷରୁ ଶୁକ୍ରବାର ମିତ୍ରପୁର ଅଞ୍ଚଳରେ ଥିବା ୭ଟି ପଥର କ୍ରଶର ଉପରେ ଚଢ଼ାଉ କରାଯାଇଛି। ନୀଳଗିରି ଉପ-ଜିଲାପାଳ ହରିଶ୍‌...

ଜିଲାସ୍ତରୀୟ ନିଯୁକ୍ତି ମେଳାରେ ୮୧ଜଣଙ୍କୁ ପ୍ରତ୍ୟକ୍ଷ ନିଯୁକ୍ତି

ବାଲେଶ୍ୱର ଅଫିସ, ୧୭।୧୦-ଓଡ଼ିଶା ଦକ୍ଷତା ବିକାଶ ପ୍ରାଧିକରଣ ଏବଂ ବାଲେଶ୍ୱର ଜିଲା ପ୍ରଶାସନର ମିଳିତ ଆନୁକୂଲ୍ୟରେ ଗୁରୁବାର ସ୍ଥାନୀୟ ବ୍ରିଟ୍‌ କଲ୍ୟାଣ ମଣ୍ଡପଠାରେ ଜିଲାସ୍ତରୀୟ ନିଯୁକ୍ତି...

ଅବକାରୀ ଭ୍ୟାନ୍‌କୁ ଧକ୍କା ଲଗାଇ ଖସିଗଲେ ମଦ ବେପାରୀ, ଡ୍ରାଇଭର

ଭଦ୍ରକ ଅଫିସ, ୧୬।୭ – କେନ୍ଦ୍ରାଞ୍ଚଳ ଅବକାରୀ ଗୋଇନ୍ଦା ବିଭାଗର ଏକ ସ୍ବତନ୍ତ୍ର ଟିମ୍‌ ସୋମବାର ଭୋର ସମୟରେ ଚଢ଼ାଉ କରି ୧୬ ନମ୍ବର ଜାତୀୟ...

ପାହାଡ଼ ଉପରେ ହେମଘର ଶୈବପୀଠ

କେନ୍ଦୁଝର, ୮ା୭ (ସ୍ବ.ପ୍ର.)-ସଦର ବ୍ଲକ ଅନ୍ତର୍ଗତ ନୂଆଗାଁ ପଞ୍ଚୟତର କାଦଗଡ ଗ୍ରାମ ନିକଟରେ ପ୍ରାକୃତିକ ସୌନ୍ଦର୍ଯ୍ୟମୟ ପରିବେଶ ମଧ୍ୟରେ ହେମଘର ପାହାଡ଼। ଜଙ୍ଗଲ ଓ ପାହାଡ...

ପର୍ଯ୍ୟଟନସ୍ଥଳୀର ସ୍ଥିତି ଉପରେ ସମୀକ୍ଷା: ଶୌଚାଳୟ, ପାନୀୟଜଳ ଉପରେ ଗୁରୁତ୍ୱ

ବାଲେଶ୍ୱର ଅଫିସ, ୨୭।୧୦-ବାଲେଶ୍ୱର ସ୍ଥାନୀୟ ସଦ୍‌ଭାବନା ସଭାଗୃହରେ ଶନିବାର ରାଜ୍ୟ ସରକାରଙ୍କ ପର୍ଯ୍ୟଟନମନ୍ତ୍ରୀ ତଥା ସିମୁଳିଆ ବିଧାୟକ ଜ୍ୟୋତିପ୍ରକାଶ ପାଣିଗ୍ରାହୀ ଜିଲାର ଥିବା ସମସ୍ତ ପର୍ଯ୍ୟଟନସ୍ଥଳୀଗୁଡ଼ିକର...

ଭାଲୁ ପାଇଁ ବନ ବିଭାଗ ନାକେଦମ

ଚମ୍ପୁଆ, ୨୬।୫(ଡି.ଏନ.ଏ)- କେନ୍ଦୁଝର ଜିଲା ଚମ୍ପୁଆ ରେଞ୍ଜ ଉଖୁଣ୍ଡା ସେକ୍ସନ ଅଧୀନ ସାନନେଉଳି ଗ୍ରାମ ନିକଟକୁ ଚାଲି ଆସିଥିବା ଏକ ଭାଲୁ ଲାଗି ବନ ବିଭାଗକୁ...

Leave a comment

Your email address will not be published. Required fields are marked *