ଜଳବାୟୁ ପରିବର୍ତ୍ତନ ମୁକାବିଲା ଜରୁରୀ

ନୂଆଦିଲ୍ଲୀ/ନ୍ୟୁୟର୍କ,୨୧ା୯: ଜଳବାୟୁ ପରିବର୍ତ୍ତନ ସଙ୍କଟ ମୁକାବିଲାରେ ବିଫଳତାକୁ ନେଇ ଚିନ୍ତିତ ଓ ଭବିଷ୍ୟତକୁ ନେଇ ଉତ୍କଣ୍ଠିତ ଅଗଣିତ ସ୍ବଳ୍ପବୟସ୍କ ଛାତ୍ରୀଛାତ୍ର ରାଜରାସ୍ତାକୁ ଓହ୍ଲାଇଛନ୍ତି। ଶୁକ୍ରବାର ଏଭଳି ଭାବେ ବିଶ୍ୱ ଜଳବାୟୁ ବିକ୍ଷୋଭ ପ୍ରଦର୍ଶନ କରାଯାଇଛି, ଯାହାର ନାମ ରଖାଯାଇଛି ‘ଫ୍ରାଇଡେ ଫର୍‌ ଫ୍ୟୁଚର’। ଆମେରିକାର ନ୍ୟୁୟର୍କରେ ଜାତିସଂଘ ଜଳବାୟୁ ପରିବର୍ତ୍ତନ ସମ୍ମିଳନୀ ପୂର୍ବରୁ ବିଶ୍ୱବ୍ୟାପୀ ଏଭଳି ବିକ୍ଷୋଭ କାର୍ଯ୍ୟକ୍ରମ ଚାଲିଛି। ବିକ୍ଷୋଭ ବେଳର ଫଟୋ ଓ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି।
ଉତ୍ସର୍ଜନ ବୃଦ୍ଧି ବିରୋଧରେ ମୁଣ୍ଡ ଟେକିଥିବା ଏହି ଆନ୍ଦୋଳନ କେବଳ ୟୁରୋପୀୟ ଦେଶରେ ସୀମିତ ହୋଇ ରହିନାହିଁ। ଏଥିରେ ପ୍ରାୟ ସବୁ ମହାଦେଶର ଲକ୍ଷ ଲକ୍ଷ ଜନତା ବିଶେଷକରି କିଶୋରୀକିଶୋର ଓ ଯୁବତୀଯୁବକ ଯୋଡ଼ିହୋଇ ସଚେତନତାର ବାର୍ତ୍ତା ବାଣ୍ଟିଛନ୍ତି। ଏହିକ୍ରମରେ ଆମେରିକାରେ ୮୦୦ରୁ ଊର୍ଦ୍ଧ୍ୱ କାର୍ଯ୍ୟକ୍ରମ କରାଯାଇଥିବାବେଳେ ଜର୍ମାନୀରେ ୪୦୦ ରାଲିର ଆୟୋଜନ କରାଯାଇଛି। ଅଷ୍ଟ୍ରେଲିଆର ମେଲବୋର୍ନ ସହରରେ ଆୟୋଜିତ ରାଲିରେ ଲକ୍ଷାଧିକ ବିକ୍ଷୋଭକାରୀ ସାମିଲ ହୋଇଛନ୍ତି, ଯାହାକି ଦେଶର ଇତିହାସରେ ଜଳବାୟୁ ପରିବର୍ତ୍ତନ ବିରୋଧୀ ସବୁଠୁ ବଡ଼ ଆୟୋଜନ। ୧୭ ବର୍ଷୀୟ ନିଆମ୍‌ ଓ’କୋନ୍ନୋର ସ୍ମିଥ୍‌ ମେଲବୋର୍ନ ସଭାକୁ ସମ୍ବୋଧିତ କରି କହିଛନ୍ତି, ସମସ୍ତେ ଏକ ନିରାପଦ ଭବିଷ୍ୟତ ଚାହାନ୍ତି, ଯାହାକୁ ଆମ ସରକାର ଅଦ୍ୟାବଧି ସମର୍ଥନ କରିନାହିଁ। ଆମେ ସମସ୍ତେ ଏକଜୁଟ ହୋଇ ଏଥିରେ ପରିବର୍ତ୍ତନ ଆଣିପାରିବା। ଅଷ୍ଟ୍ରେଲିଆ ଉପପ୍ରଧାନମନ୍ତ୍ରୀ ମାଇକେଲ ମ୍ୟାକ୍‌ କୋରମାକ୍‌ ଏହି ବିକ୍ଷୋଭକୁ ଏକ ବ୍ୟାଘାତ ଭାବେ ଅଭିହିତ କରି ଛାତ୍ରୀଛାତ୍ର ଆନ୍ଦୋଳନସ୍ଥଳ ଅପେକ୍ଷା ସ୍କୁଲରେ ଅଧିକ ଶିଖିପାରିବେ ବୋଲି କହିଛନ୍ତି। ଫିଲିପାଇନ୍ସର କ୍ୱେଜନ ସହରରେ ବିକ୍ଷୋଭକାରୀମାନେ ବିଶାଳ ଶୋଭାଯାତ୍ରା କରିଛନ୍ତି। ଜଣକ ହାତରେ ଥିବା ପ୍ଲାକାର୍ଡରେ ଲେଖାଅଛି, ‘ପୃଥିବୀର ମୃତ୍ୟୁ ଆସନ୍ନ। ଏବେ କାର୍ଯ୍ୟାନୁଷ୍ଠାନର ବେଳ।’ କେନିଆ ରାଜଧାନୀ ନାଇରୋବିରେ ବ୍ୟାନର ପୋଷ୍ଟର ଛାଇଦେଇଛନ୍ତି ବିକ୍ଷୋଭକାରୀ। ‘ଏବେ ଜଳବାୟୁ ଜରୁରିକାଳୀନ ପରିସ୍ଥିତି’ ବୋଲି ଏକ ପୋଷ୍ଟରରେ ଲେଖାଥିବାବେଳେ ଜଣେ ଯୁବତୀ ବ୍ୟଙ୍ଗ କରି କହୁଥିଲେ, ବିଶ୍ୱ ଦିନକୁ ଦିନ ଉତ୍ତପ୍ତ ହେବାରେ ଲାଗିଛି। ଏହାର ଉତ୍ତାପ ମୋ କାଳ୍ପନିକ ପୁରୁଷବନ୍ଧୁଙ୍କଠାରୁ ମଧ୍ୟ ଅଧିକ। ଜର୍ମାନୀର ବର୍ଲିନରେ ମଧ୍ୟ ଲକ୍ଷାଧିକ ବିକ୍ଷୋଭକାରୀ ଆନ୍ଦୋଳନରେ ସାମିଲ ହୋଇଥିଲେ। ବ୍ରିଟେନର ବ୍ରାଇଟନ୍‌ରୁ ନେଇ ଏଡିନ୍‌ବର୍ଗ ପର୍ଯ୍ୟନ୍ତ ଏବଂ ରାଜଧାନୀ ଲଣ୍ଡନରେ ଜଳବାୟୁ ପରିବର୍ତ୍ତନକୁ ନେଇ ସଚେତନତା କାର୍ଯ୍ୟକ୍ରମ ଦେଖିବାକୁ ମିଳିଛି। ମୁମ୍ବାଇରେ ଛୋଟଛୋଟ ପିଲାମାନେ ସେମାନଙ୍କଠାରୁ ବଡ଼ ରେନିକୋଟ୍‌ ପିନ୍ଧି ବର୍ଷାରେ ଶୋଭାଯାତ୍ରା କରିଥିଲେ। ବିଶ୍ୱର ସବୁଠୁ ପ୍ରଦୂଷିତ ସହର ନୂଆଦିଲ୍ଲୀରେ ମଧ୍ୟ ଅନୁରୂପ କାର୍ଯ୍ୟକ୍ରମ ହୋଇଥିଲା। ଜଣେ ବିକ୍ଷୋଭକାରୀ ସ୍ଲୋଗାନ ଦେଉଥିଲେ, ‘ମୁଁ ସ୍ବଚ୍ଛବାୟୁ ଗ୍ରହଣ କରିବାକୁ ଚାହେଁ।’ ପଡ଼ୋଶୀ ପାକିସ୍ତାନର ‘କ୍ଲାଇମେଟ ଆକ୍ସନ ନାଓ’ ସଙ୍ଗଠନ ପକ୍ଷରୁ ୨୫ ସହରରେ ଜଳବାୟୁ ପରିବର୍ତ୍ତନ ନେଇ ଶୋଭାଯାତ୍ରା କରାଯାଇଛି। ତେବେ ବିଶ୍ୱର ସବୁଠୁ ଅଧିକ ସବୁଜଗୃହ ଉତ୍ସର୍ଜନକାରୀ ଚାଇନାରେ ବିକ୍ଷୋଭକୁ ଅନୁମତି ମିଳୁ ନ ଥିବାରୁ ଏହି ଦେଶରେ ଏହାର ବ୍ୟତିକ୍ରମ ଦେଖିବାକୁ ମିଳିଛି।


All Right Reserved By

ଗ୍ଲୋବାଲ ବିଜ୍‌ନେସ୍‌ ଫୋରମରେ ମୋଦି: ‘ଭାରତରେ ନିବେଶ ଲାଗି ସୁବର୍ଣ୍ଣ ସୁଯୋଗ’

ନ୍ୟୁୟର୍କ,୨୬।୯: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବୁଧବାର ଏଠାରେ ବ୍ଲୁମ୍‌ବର୍ଗ ଗ୍ଲୋବାଲ ଇନ୍‌ଭେଷ୍ଟର ଫୋରମ୍‌ରେ ଯୋଗ ଦେଇଛନ୍ତି। ଭାରତରେ ରାଜନୈତିକ ସ୍ଥିରତା ରହିଥିବା ବେଳେ ନିବେଶ ଲାଗି...

ପ୍ରଶିକ୍ଷଣ ସମୟରେ ୩ ଆମେରିକା ସେନା ମୃତ

ଓ୍ବାଶିଂଟନ,୨୧।୧୦: ଆମେରିକାର ଜର୍ଜିଆରେ ଚାଲିଥିବା ସେନା ପ୍ରଶିକ୍ଷଣ ସମୟରେ ୩ ଯବାନଙ୍କ ମୃତ୍ୟୁ ହୋଇଥିବା ସୂଚନା ମିଳିଛି। ଏଥିରେ ଅନ୍ୟ ୩ ଜଣ ଆହତ ମଧ୍ୟ...

ପୁଣି ହୃଦୟ ଜିତିଲେ ମୋଦି: ବିମାନବନ୍ଦରରେ ତଳୁ ଉଠାଇଲେ ଫୁଲ

ହ୍ୟୁଷ୍ଟନ,୨୨।୯: ପୁଣିଥରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସାଧାରଣ ଜୀବନଯାପନ ଶୈଳୀ ଚର୍ଚ୍ଚାକୁ ଆସିଛି। ‘ହାଓଡି ମୋଦି’ କାର୍ଯ୍ୟକ୍ରମ ପାଇଁ ଶନିବାର ଆମେରିକାର ହ୍ୟୁଷ୍ଟନରେ ପହଞ୍ଚିଛନ୍ତି ପ୍ରଧାନମନ୍ତ୍ରୀ...

ଶୁଦ୍ଧ ବାୟୁମଣ୍ଡଳର ଦେଶ ଫିନ୍‌ଲ୍ୟାଣ୍ଡ୍‌

ଭାରତର ରାଜଧାନୀ ଦିଲ୍ଲୀର ବାୟୁମଣ୍ଡଳ ଏବେ ଦିନକୁ ଦିନ ବିଷାକ୍ତ ହେବାରେ ଲାଗିଛି। କେବଳ ଦିଲ୍ଲୀ ନୁହେଁ, ବାୟୁପ୍ରଦୂଷଣ ଦୃଷ୍ଟିରେ ଦୁନିଆର ସବୁଠୁ ଅଧିକ ପ୍ରଦୂଷିତ...

ପ୍ୟାରିସ୍‌ ଜଳବାୟୁ ଚୁକ୍ତି: ଆମେରିକା ବ୍ୟତୀତ ସବୁ ଜି୨୦ ରାଷ୍ଟ୍ରଙ୍କ ସମର୍ଥନ

ଓସାକା,୩୦ା୬(ପି.ଟି): ପ୍ୟାରିସ୍‌ ଜଳବାୟୁ ଚୁକ୍ତିନାମାକୁ ପୂର୍ଣ୍ଣମାତ୍ରାରେ କାର୍ଯ୍ୟକାରୀ କରିବାକୁ ଶନିବାର ଜି-୨୦ ରାଷ୍ଟ୍ରଗୋଷ୍ଠୀର ୧୯ ସଦସ୍ୟ ରାଷ୍ଟ୍ର ପ୍ରତିଶ୍ରୁତିବଦ୍ଧ ହୋଇଛନ୍ତି। କେବଳ ଆମେରିକା ଏହାକୁ ସମର୍ଥନ...

କମେଡିଆନ ମଞ୍ଜୁନାଥ ନାଇଡୁଙ୍କ ଦେହାନ୍ତ

ଦୁବଇ,୨୧।୭: ଷ୍ଟାଣ୍ଡଅପ୍‌ କମେଡିଆନ୍‌ ମଞ୍ଜୁନାଥ ନାଇଡୁଙ୍କର ଦୁବଇରେ ଏକ ଷ୍ଟେଜ ଶୋ’ ସମୟରେ ମୃତ୍ୟୁ ହୋଇଛି। ମୂଳ ଭାରତୀୟ ମଞ୍ଜୁନାଥ ଷ୍ଟେଜରେ ପରଫର୍ମ କରୁଥିବା ସମୟରେ...

ଭାରତର ଜାତୀୟ ସଙ୍ଗୀତ ସ୍ବରରେ ଝୁମିଲେ ଆମେରିକା ଆର୍ମି ବ୍ୟାଣ୍ଡ

ଓ୍ବାଶିଂଟନ,୧୯।୯: ଆମେରିକାର ମ୍ୟାକୋର୍ଡ ସ୍ଥିତ ଜଏଣ୍ଟ ବେସ ଲେବିସରେ ଭାରତ-ଆମେରିକା ମଧ୍ୟରେ ୧୯ତମ ସଂଯୁକ୍ତ ଯୁଦ୍ଧାଭ୍ୟାସ ଚାଲିଛି। ଏହି ଅବସରରେ ଆମେରିକାର ଆର୍ମି ବ୍ୟାଣ୍ଡ ଭାରତର...

ଭୋକିଲାଙ୍କ ପେଟକୁ ଦାନା ନ ଦେଇ ଇମ୍ରାନ୍‌ଙ୍କ ମୁହଁତୋଡ଼

ଇସଲାମାବାଦ୍‌,୮।୮: ପାକିସ୍ତାନର ଆର୍ଥିକ ଅବସ୍ଥା ଏବେ ଦୟନୀୟ ହୋଇପଡ଼ିଛି। ଲୋକଙ୍କ ପାଖରେ ଖାଇବା ପାଇଁ ଦାନା ନାହିଁ। ଭୋକିଲାଙ୍କ ପେଟକୁ ଦାନା ନ ଦେଇ ପାକିସ୍ତାନ...

selfi corner

Model This Week

Why Dharitri

Leave a comment

Your email address will not be published. Required fields are marked *