ହାଇସିକ୍ୟୁରିଟି ନମ୍ବର ପ୍ଲେଟ୍‌: ନିୟମ ମାନୁନାହାନ୍ତି ଅନେକ ଶୋ’ରୁମ୍‌ ମାଲିକ

ଭୁବନେଶ୍ୱର, ୨୧ା୯(ବ୍ୟୁରୋ): ଆତଙ୍କବାଦ କାର୍ଯ୍ୟକଳାପକୁ ଦୃଷ୍ଟିରେ ରଖି କେନ୍ଦ୍ର ସରକାର ସମଗ୍ର ଦେଶରେ ହାଇସିକ୍ୟୁରିଟି ନମ୍ବର ପ୍ଲେଟ ଲଗାଇବାକୁ ସବୁ ରାଜ୍ୟକୁ ପରାମର୍ଶ ଦେଇଛନ୍ତି। ଓଡ଼ିଶାରେ ଗତ ମେ ୧ରୁ ନୂତନ ଗାଡ଼ିରେ ହାଇସିକ୍ୟୁରିଟି ନମ୍ବର ପ୍ଲେଟ ଲଗାଇବା ନିୟମ ଲାଗୁ ହୋଇଛି। ଜଣେ ବ୍ୟକ୍ତିଙ୍କୁ ଗାଡ଼ି ବିକିବା ବେଳେ ଶୋ’ ରୁମ୍‌ କର୍ତ୍ତୃପକ୍ଷ ଏହି ନମ୍ବର ପ୍ଲେଟ ଲଗାଇ ଦେବେ। ବିନା ନମ୍ବର ପ୍ଲେଟରେ କୌଣସି ଗାଡ଼ି ରାସ୍ତାରେ ଗଡ଼ିପାରିବ ନାହିଁ। ଏପରି କି ୨୦୧୯ ମୋଟର ଯାନ ଆଇନ ଅନୁଯାୟୀ, ଯଦି କୌଣସି ଶୋ’ରୁମ୍‌ ମାଲିକ ବିନା ନମ୍ବର ପ୍ଲେଟରେ ଗାଡ଼ି ଗ୍ରାହକଙ୍କୁ ଦେଇଥାନ୍ତି, ତାହାହେଲେ ମୋଟରଯାନ ଆକ୍ଟ ୧୮୨(ଏ) ଅନୁଯାୟୀ ଏକ ଲକ୍ଷ ଟଙ୍କା ଫାଇନ କରାଯିବ। ଏଥିସହ ଆର୍‌ଟିଓ ଉକ୍ତ ନମ୍ବର ପ୍ଲେଟ ବିହୀନ ଗାଡ଼ିକୁ ଜବତ କରି ଏକ ଚାଲାଣ କାଟି ମାମଲାକୁ କୋର୍ଟକୁ ପଠାଇ ଦେବେ। କିନ୍ତୁ ଏବେ ରାଜଧାନୀ ସହ ରାଜ୍ୟର ବିଭିନ୍ନ ଜିଲାରେ ଗାଡ଼ି ଶୋ’ରୁମ୍‌ ଗୁଡ଼ିକରେ ଏହି ନିୟମ ଉଲ୍ଲଂଘନ କରାଯାଉଛି। ଶୋ’ରୁମ୍‌ ମାଲିକମାନେ ଗ୍ରାହକଙ୍କୁ ଖୁସି କରିବାକୁ ଯାଇ ବିନା ନମ୍ବର ପ୍ଲେଟ୍‌ରେ ଗାଡ଼ି ଦେଇ ଦେଉଛନ୍ତି। ଫଳରେ ଅନେକ ସମୟରେ ଅପରାଧ ଘଟାଇ ସହଜରେ ଖସିଯିବା ପାଇଁ ନମ୍ବରବିହୀନ ଗାଡ଼ିକୁ ବ୍ୟବହାର କରୁଛନ୍ତି ଦୁର୍ବୃତ୍ତ। ଆର୍‌ଟିଓ କିମ୍ବା ପୋଲିସ ପକ୍ଷରୁ ଏଭଳି ଗାଡ଼ିଗୁଡ଼ିକର ଯାଞ୍ଚ କରାଯାଉନାହିଁ। ଏହି ନିୟମ କେବଳ କାଗଜପତ୍ରରେ ସୀମିତ ରହିଛି।
ରାଜଧାନୀର ବିଭିନ୍ନ ଛକରେ ଗୁରୁବାର ମାଳମାଳ ନୂଆ ଗାଡ଼ିରେ ନମ୍ବର ପ୍ଲେଟ ନ ଥିବା ଦେଖିବାକୁ ମିଳିଥିଲା। ସିଆରପି ଛକରେ ଗୋଟିଏ ନମ୍ବର ପ୍ଲେଟ ବିହୀନ ଗାଡ଼ିର ଚାଳକଙ୍କୁ ଅଟକାଇ ପଚାରିବାରୁ ସେ କହିଥିଲେ, ୪ଦିନ ତଳେ ଗାଡ଼ି କିଣିଛି। ତେବେ ହାଇସିକ୍ୟୁରିଟି ନମ୍ବର ପ୍ଲେଟ ସମ୍ପର୍କରେ କିଛି ଜାଣିନାହିଁ। ସେହିଭଳି ଜୟଦେବ ବିହାର ଛକ, ରାଜମହଲ ଓ ଏଜି ଛକରେ ଏଭଳି ଗାଡ଼ି ସହ କେବଳ ନମ୍ବର ପ୍ଲେଟ ଲାଗିଥିବା ବାଇକ୍‌ ଗଡୁଥିଲା। ପୋଲିସ ଏସବୁ ଦେଖୁଥିଲେ ମଧ୍ୟ ଚୁପ୍‌ ରହିଥିଲା। ଅନ୍ୟପକ୍ଷେ, ୫ଦିନ ତଳେ ଜଣେ ମହିଳା ଏକ ନମ୍ବର ବିହୀନ ଆକ୍ଟିଭାରେ ଯାଉଥିବାବେଳେ ବାରଙ୍ଗ ନିକଟରେ ଆର୍‌ଟିଓ ଚେକିଂରେ ଧରାପଡ଼ିଥିଲେ। ଶୋ’ରୁମ୍‌ ପକ୍ଷରୁ ତାଙ୍କୁ ନମ୍ବର ପ୍ଲେଟ ଦିଆଯାଇ ନ ଥିଲା। ଆର୍‌ଟିଓ କର୍ମଚାରୀ ସେହି ବାଇକ୍‌ ଜବତ କରି ଶୋ’ରୁମ୍‌ ମାଲିକଙ୍କୁ ୧ଲକ୍ଷ ଟଙ୍କା ଫାଇନ୍‌ କରିଥିଲେ। ଭୁବନେଶ୍ୱରସ୍ଥିତ ଏକ ବାଇକ୍‌ ଶୋ’ରୁମ୍‌ ମ୍ୟାନେଜର ମୃତ୍ୟୁଞ୍ଜୟ ମହାପାତ୍ର ଏ ନେଇ କହିଛନ୍ତି, ଆମେ ବିନା ନମ୍ବର ପ୍ଲେଟରେ ବାଇକ୍‌ ଦେବାକୁ ଗ୍ରାହକଙ୍କୁ ମନା କରୁଛୁ। ଏପରି କି, ଯିଏ ଗାଡ଼ି ନେବେ ସେ ଟଙ୍କା ଜମା କରିବା ପରେ ନିଜର ଆଧାରକାର୍ଡ ଦେଇଯିବେ। ପରେ ତାଙ୍କ ନାମରେ ନମ୍ବର ପ୍ଲେଟ ରେଜିଷ୍ଟ୍ରି କରାଯିବ। ଏ ନେଇ ତାଙ୍କ ମୋବାଇଲ ଫୋନ୍‌କୁ ଏକ ମେସେଜ ଯିବ। ୩ ଦିନ ଭିତରେ ଆର୍‌ଟିଓ ଅଫିସରୁ ନୂଆ ନମ୍ବର ଆସିବା ପରେ ଗ୍ରାହକଙ୍କୁ ଗାଡ଼ି ହସ୍ତାନ୍ତର କରାଯାଉଛି। ସୂଚନାନୁଯାୟୀ, ରାଜ୍ୟ ବାହାରର ୫ ଭେଣ୍ଡର ଓଡ଼ିଶାରେ ନୂତନ ନମ୍ବର ପ୍ଲେଟ ଯୋଗାଉଛନ୍ତି। ଏହି ଭେଣ୍ଡରମାନେ ଶୋ’ରୁମ ମାଲିକଙ୍କଠାରୁ ଦୁଇଚକିଆ ଯାନ ନମ୍ବର ପ୍ଲେଟ ଲଗାଇବା ସକାଶେ ୨୨୦ ଟଙ୍କା ଏବଂ ଚାରିଚକିଆ ଯାନ ପାଇଁ ୪୩୦ ଟଙ୍କା ସହିତ ୧୮% ଜିଏସ୍‌ଟି ନେଉଛନ୍ତି। ଶୋ’ରୁମ୍‌ ମାଲିକମାନେ ଗାଡି କିଣୁଥିବା ବ୍ୟକ୍ତିଙ୍କଠାରୁ ଟଙ୍କା ନେଉଥିଲେ ମଧ୍ୟ ତାହା ଠିକ୍‌ ସମୟରେ ପଇଠ କରୁ ନ ଥିବାରୁ ଗ୍ରାହକ ଜିଦ୍‌ କରି ଗାଡ଼ିି ନେଉଛନ୍ତି। ଏ ସଂକ୍ରାନ୍ତରେ ଆର୍‌ଟିଓ ପ୍ରଦୀପ ମହାନ୍ତି କହିଛନ୍ତି, ଶୋ’ରୁମଗୁଡିକ ଏଭଳି କରୁଥିଲେ ଦଣ୍ଡନୀୟ। ଯେଉଁ ନୂଆ ଗାଡିଗୁଡିକ ରାସ୍ତାରେ ବୁଲୁଥିବା ଆମ ନଜରରେ ଆସିବ, ତାହାକୁ ଜବତ କରି ଶୋ’ରୁମ୍‌ ମାଲିକଙ୍କୁ ଏକ ଲକ୍ଷ ଟଙ୍କା ଫାଇନ କରାଯିବ।


All Right Reserved By Dharitri.Com

ଇସ୍କନ ମୁଖ୍ୟଙ୍କୁ ଚିଠି ଲେଖିବେ ଗଜପତି

ପୁରୀ ଅଫିସ, ୬ା୨: ବିଧି ପରମ୍ପରାକୁ ବେଖାତିର କରି ବିଭିନ୍ନ ସ୍ଥାନରେ ଅଦିନରେ ହେଉଛି ରଥଯାତ୍ରା। ଗତ ଗୁରୁବାର ମୁମ୍ବାଇରେ ଇସ୍କନ ପକ୍ଷରୁ ଅସମୟରେ ରଥଯାତ୍ରା...

୬୫ତମ ରାଜ୍ୟସ୍ତରୀୟ ବନ୍ୟପ୍ରାଣୀ ସପ୍ତାହ ପାଳିତ: ଜଙ୍ଗଲ ଆୟତନ ୮୮୫ ବର୍ଗ କିଲୋମିଟର ବଢ଼ିଛି

ଭୁବନେଶ୍ୱର, ୫ା୧୦(ବ୍ୟୁରୋ): ଜଙ୍ଗଲ ଓ ପରିବେଶ ବିଭାଗ ପକ୍ଷରୁ ଶୁକ୍ରବାର ସୂଚନା ଭବନଠାରେ ୬୫ତମ ରାଜ୍ୟସ୍ତରୀୟ ବନ୍ୟପ୍ରାଣୀ ସପ୍ତାହ ପାଳିତ ହୋଇଯାଇଛି। କାର୍ଯ୍ୟକ୍ରମରେ ବିଭାଗୀୟ ମନ୍ତ୍ରୀ...

ଅଣସର ସମୟର ନିଷିଦ୍ଧ ନିୟମ: ବିବାହିତ ଝିଅ ବାପଘରକୁ ଆସନ୍ତି ନାହିଁ

ପୁରୀ ଅଫିସ, ୨୩ା୬: ସରିଛି ସ୍ନାନଯାତ୍ରା। ଜ୍ୱରରେ ପୀଡ଼ିତ ମହାପ୍ରଭୁଙ୍କର ଅଣସର ଘରେ ଚାଲିଛି ଗୁପ୍ତସେବା। ଚତୁର୍ଦ୍ଧାବିଗ୍ରହଙ୍କ ସେବାରେ ଗୋଷ୍ଠୀଗତ ଭାବେ ଲାଗିପଡ଼ିଛନ୍ତି ଦଇତାପତି ସେବକ।...

ଜରୁରୀକାଳୀନ ପାସ୍‌ ଦେବାକୁ ଡାକ୍ତର ନେଲେ ଲାଞ୍ଚ, ସିଡିଏମ୍‌ଓଙ୍କ ନିର୍ଦ୍ଦେଶ ପରେ ତଦନ୍ତ ଆରମ୍ଭ

କାକଟପୁର, ୨୬।୪(ଡି.ଏନ.ଏ): ଲକ୍‌ଡାଉନ ସମୟରେ ବାହାରକୁ ଯିବା ପାଇଁ ଆବଶ୍ୟକ ଜରୁରୀକାଳୀନ ପାସ୍‌ ଦେବାକୁ କାକଟପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରର ଜଣେ ଡାକ୍ତର ଲାଞ୍ଚ ନେଇଥିବା ଅଭିଯୋଗ...

ଗରୁଡ଼ ଶୟନ ଦ୍ୱାଦଶୀ ତିଥିରେ ସୁନାବେଶରେ ଦର୍ଶନ ଦେବେ ମହାପ୍ରଭୁ

ପୁରୀ ଅଫିସ, ୧୩।୭: ଶନିବାର ହେଉଛି ମହାପ୍ରଭୁଙ୍କର ପବିତ୍ର ସୁନାବେଶ। ମହଣ ମହଣ ସ୍ବର୍ଣ୍ଣାଳଙ୍କାରରେ ସଜ୍ଜିତ ହୋଇ ଶ୍ରୀଜୀଉମାନେ ରଥ ଉପରୁ ଭକ୍ତଙ୍କୁ ଦର୍ଶନ ଦେବେ।...

ହାଇଦ୍ରାବାଦରେ ଅଭିଯୁକ୍ତଙ୍କୁ ଏନ୍‌କାଉଣ୍ଟର ଘଟଣାକୁ ଆଇନ୍‌ ମନ୍ତ୍ରୀଙ୍କ ସମର୍ଥନ: କହିଲେ ‘ଯାହା ହୋଇଛି ଉଚିତ୍‌ ହୋଇଛି’

ଭୁବନେଶ୍ୱର,୬।୧୨(ବ୍ୟୁରୋ): ନଭେମ୍ବର ୨୭ରେ ହାଇଦ୍ରାବାଦରେ ମହିଳା ପ୍ରାଣୀ ଚିକିତ୍ସକଙ୍କୁ ଗଣବଳାତ୍କାର ଓ ହତ୍ୟା ପରେ ତାଙ୍କ ମୃତଦେହକୁ ଜାଳିଦେବା ଘଟଣାରେ ସମ୍ପୃକ୍ତ ୪ ଅଭିଯୁକ୍ତଙ୍କୁ ଏନକାଉଣ୍ଟର...

ଆନ୍ଧ୍ରପ୍ରଦେଶ, ତେଲେଙ୍ଗାନାରେ ଅଟକି ରହିଛନ୍ତି ୩୩ଶ୍ରମିକ

ଖପ୍ରାଖୋଲ, ୧ା୪(ଡି.ଏନ.ଏ.): ସାରା ଦେଶରେ କରୋନା ଭୁତାଣୁ ସଂକ୍ରମଣ ରୋକିବାକୁ ଆଠ ଦିନ ହେଲା ଲକ ଡାଉନ। ଏହି ସମୟରେ ବଲାଙ୍ଗୀର ଜିଲା ଖପ୍ରାଖୋଲ ବ୍ଲକ...

ପରକୀୟା ପ୍ରୀତିରୁ ହତ୍ୟାକାଣ୍ଡ

କଣିହାଁ, ୩ା୧୨(ଡି.ଏନ.ଏ.) ଅନୁଗୋଳ ଜିଲା କଣିହାଁ ବ୍ଲକ ରେଙ୍ଗାଳି ଥାନା ବାଲିପଶିସାହିର ଏକ କୂଅରୁ ଗତ ୨୮ ତାରିଖରେ ଦୁର୍ଯ୍ୟୋଧନ ତୁଙ୍ଗଙ୍କ ମୁଣ୍ଡବିହୀନ ମୃତଦେହ ଉଦ୍ଧାର...

Leave a comment

Your email address will not be published. Required fields are marked *