କର୍ପୋରେଟ ଜଗତକୁ ସୀତାରାମନ୍‌ଙ୍କ ପୂଜା ଭେଟି

ପାନାଜୀ,୨୧-୯: ଅର୍ଥମନ୍ତ୍ରୀ ନିର୍ମଳା ସୀତାରାମନ୍‌ କର୍ପୋରେଟ ଜଗତକୁ ପୂଜା ଉପହାର ଭେଟି ଦେବାକୁ ଯାଇ ବଜେଟ ଢ଼ାଞ୍ଚାରେ ଟିକସ ହ୍ରାସ ଘୋଷଣା କରିଛନ୍ତି। ଏହାକୁ ତାଙ୍କର ମିନି ବଜେଟ କୁହାଯାଉଛି। ସେହିପରି ମିନିମମ୍‌ ଅଲ୍ଟରନେଟିଭ ଟିକସ ହ୍ରାସ କରି ସେ କର୍ପୋରେଟ ଜଗତକୁ ଆଉ ଏକ ବଡ଼ ଉପହାର ଦେଇଛନ୍ତି। ଷ୍ଟକ୍‌ ମାର୍କେଟ ନିବେଶକଙ୍କ ପାଇଁ ସେ ବଡ଼ଧରଣର ଘୋଷଣା କରିଛନ୍ତି। କର୍ପୋରେଟ ଟିକସକୁ ୧୦ ପ୍ରତିଶତ ହ୍ରାସ କରି ୨୫.୧୭%ରେ ରଖାଯାଇଥିବା ବେଳେ ଏହା ଏସିଆରେ ଭାରତର ପ୍ରତିଦ୍ୱନ୍ଦ୍ୱି ଦେଶ ଚାଇନା,ଦକ୍ଷିଣ କୋରିଆ ଓ ଇଣ୍ଡୋନେସିଆ ସହ ସମକକ୍ଷ ହୋଇଛି ବୋଲି ଏଠାରେ ଆୟୋଜିତ ଏକ ଖବରଦାତା ସମ୍ମିଳନୀରେ ସୀତାରାମନ୍‌ ଶୁକ୍ରବାର କହିଛନ୍ତି। ଏହାଦ୍ୱାରା ଚାହିଦା ଓ ନିବେଶ ବଢ଼ିବ ବୋଲି ଉଲ୍ଲେଖ କରି ସେ କହିଛନ୍ତି ଯେ, ଏଥିଯୋଗୁ ସରକାରଙ୍କୁ ବାର୍ଷିକ ୧.୪୫ ଲକ୍ଷ କୋଟି ଟଙ୍କାର ରାଜସ୍ବ ହରାଇବାକୁ ପଡିବ।
ଆର୍ଥିକ ଅଭିବୃଦ୍ଧିକୁ ଗତିଶୀଳ କରିବା ଉଦ୍ଦେଶ୍ୟରେ କର୍ପୋରେଟ ଜଗତକୁ ଖୁସି କରିବାକୁ ଯାଇ ସୀତାରାମନ୍‌ ତାଙ୍କର ଚତୁର୍ଥ ଅଭିବୃଦ୍ଧି ପଦକ୍ଷେପ ଘୋଷଣା କରିଛନ୍ତି। ଘରୋଇ କମ୍ପାନୀ ଓ ନୂଆ ମାନୁଫାକ୍‌ଚରିଂ କମ୍ପାନୀଙ୍କ ଲାଗି ଏକ ଅଧ୍ୟାଦେଶ ଜରିଆରେ କର୍ପୋରେଟ ଟିକସକୁ ହ୍ରାସ କରାଯାଇଛି ବୋଲି ସେ କହିଛନ୍ତି। ତାଙ୍କର କହିବାନୁଯାୟୀ, ଘରୋଇ କମ୍ପାନୀ ଅନ୍ୟ କୌଣସି ଛାଡ଼ ନେଉ ନ ଥିଲେ କେବଳ ୨୨% ଟିକସ ଦେବେ। ତେବେ ସରଚାର୍ଜ ଓ ଅନ୍ୟ ସେସ୍‌ ମିଶାଇଲେ ପ୍ରଭାବୀ ଟିକସ ପରିମାଣ ୨୫.୧୭% ହେବ। ବର୍ତ୍ତମାନ କମ୍ପାନୀଗୁଡ଼ିକ ୩୦% ହାରରେ କର୍ପୋରେଟ ଟିକସ ଦେଉଛନ୍ତି। ସେସ୍‌ ଓ ସରଚାର୍ଜ ମିଶାଇଲେ ଏହା ୩୪.୯୪%ରେ ପହଞ୍ଚତ୍ୟାଉଛି। ଅର୍ଥାତ୍‌ ନୂଆ ଟିକସ ହାର ଲାଗୁ ହେବା ପରେ କର୍ପୋରେଟ ଜଗତର ଟିକସ ହାର ୧୦% ହ୍ରାସ ପାଇବ। ସୂଚନାଥାଉ କି, ପ୍ରାଇଭେଟ, ଲିମିଟେଡ, ଷ୍ଟକ୍‌ ମାର୍କେଟରେ ତାଲିକାଭୁକ୍ତ ଅଥବା ଅଣ ତାଲିକାଭୁକ୍ତ କମ୍ପାନୀ ସମସ୍ତଙ୍କ ଠାରୁ କର୍ପୋରେଟ ଟିକସ ଆଦାୟ କରାଯାଇଥାଏ। କର୍ପୋରେଟ ଟିକସକୁ ସରକାରଙ୍କ ମୁଖ୍ୟ ରାଜସ୍ବ ଆୟ ଭାବେ ଧରାଯାଏ। ସୀତାରାମନ୍‌ କହିଛନ୍ତି ଯେ, କୌଣସି କମ୍ପାନୀ ଯଦି ବର୍ତ୍ତମାନ ଛାଡ଼ ନେଉଛନ୍ତି, ତେବେ ଏହା ଟିକସ ହଲିଡେ ଶେଷ ହେବା ପରେ କମ୍‌ ଟିକସ ହାର ବିକଳ୍ପ ବାଛି ପାରିବେ। ନୂଆ ଟିକସ ହାର ଏପ୍ରିଲ ପହିଲାରୁ ଲାଗୁ ହେବ। ଏହା ଦକ୍ଷିଣ-ପୂର୍ବ ଏସିଆରେ ସବୁଠାରୁ କମ୍‌ ହୋଇଛି।
ଅର୍ଥମନ୍ତ୍ରୀ କହିଛନ୍ତି ଯେ, ଅକ୍ଟୋବର ପହିଲା ପରେ ପ୍ରତିଷ୍ଠା ହେବାକୁ ଥିବା ନୂଆ ଘରୋଇ ମାନୁଫାକ୍‌ଚରିଂ କମ୍ପାନୀଙ୍କ ଲାଗି ଟିକସ ହାର ୧୫% ରହିବ। ସରଚାର୍ଜ ଓ ସେସ୍‌ ମିଶାଇଲେ ଏହା ୧୭.୦୧%ରେ ହେବ। ତେବେ ସେମାନଙ୍କୁ ଅନ୍ୟ କୌଣସି ଇନ୍‌ସେଣ୍ଟିଭ ବା ପ୍ରୋତ୍ସାହନ ମିଳିବ ନାହିଁ। ସୂଚନାଥାଉ କି, ନୂଆ ମାନୁଫାକ୍‌ଚରିଂ କମ୍ପାନୀଙ୍କ ପାଇଁ ପୂର୍ବରୁ ୨୫% ଟିକସ ଆଦାୟ କରାଯାଉଥିଲା। ସେସ୍‌ ଓ ସରଚାର୍ଜ ମିଶାଇଦେଲେ ଏହା ୨୯.୧୨%ହେଉଥିଲା। ଅର୍ଥାତ୍‌ ଅକ୍ଟୋବର ପହିଲା ପରେ ନୂଆ ମାନୁଫାକ୍‌ଚରିଂ କମ୍ପାନୀଙ୍କ ଟିକସ ଦେୟ ୧୨% କମିଯିବ। ନୂଆ କମ୍ପାନୀ ଅନ୍ୟ କୌଣସି ପ୍ରୋତ୍ସାହନ ନେଉ ନ ଥିଲେ ତାଙ୍କୁ ଏହି ଫାଇଦା ମିଳିବ। ତେବେ ୨୦୨୩ ମାର୍ଚ୍ଚ ୩୧ ସୁଦ୍ଧା ସେମାନଙ୍କୁ ପ୍ରଡକ୍ସନ ବା ଉତ୍ପାଦନ ଆରମ୍ଭ କରିବାକୁ ହେବ ବୋଲି ସର୍ତ୍ତ ରଖାଯାଇଛି। ଟିକସ ଛାଡ଼ ଦେବା ଦ୍ୱାରା ‘ମେକ୍‌ ଇନ୍‌ ଇଣ୍ଡିଆ’ ଅଧୀନରେ ନିବେଶ, ରୋଜଗାର ଓ ଆର୍ଥିକ ଗତିବିଧି ବଢ଼ିବ ଏବଂ ରାଜସ୍ବ ଆୟ ବୃଦ୍ଧି ପାଇବ। ଏହାଦ୍ୱାରା ବ୍ୟବସାୟୀ ନୂଆ ମାନୁଫାକ୍‌ଚରିଂ କମ୍ପାନୀ ଖୋଲିବା ଲାଗି ପ୍ରୋତ୍ସାହିତ ହେବେ ବୋଲି ସୀତାରାମନ୍‌ କହିଛନ୍ତି।
ସେହିପରି ସରକାର ମିନିମମ୍‌ ଅଲ୍ଟରନେଟ୍‌ ଟ୍ୟାକ୍ସ ବା ସର୍ବନିମ୍ନ ବିକଳ୍ପ ଟିକସ(ମ୍ୟାଟ୍‌)କୁ ହ୍ରାସ କରିଛନ୍ତି। ଅର୍ଥମନ୍ତ୍ରୀ କହିଛନ୍ତି ଯେ, କମ୍ପାନୀଗୁଡ଼ିକ ଏଣିକି ମ୍ୟାଟ୍‌ ବାବଦରେ ୧୫% ଟିକସ ଦେବେ। ସୂଚନାଥାଉ କି, ରିହାତି ହାସଲ କରୁଥିବା କମ୍ପାନୀ ବିଭିନ୍ନ ଛାଡ଼ ପାଉଥିବା କାରଣରୁ ଆଦୌ ଟିକସ ଦିଅନ୍ତି ନାହିଁ। ଏଭଳି କମ୍ପାନୀଙ୍କ ଠାରୁ ମ୍ୟାଟ୍‌ ଆଦାୟ କରାଯାଇଥାଏ। ବର୍ତ୍ତମାନ ସେମାନଙ୍କ ଠାରୁ ୧୮.୫% ଟିକସ ଆଦାୟ କରାଯାଉଛି। ସରକାରଙ୍କ ଏହି ନିଷ୍ପତ୍ତି ଯୋଗୁ ବିଦେଶୀ କମ୍ପାନୀ ଅଧିକ ଉତ୍ସାହିତ ହେବେ। କାରଣ ସେମାନେ ଅଧିକ ମ୍ୟାଟ୍‌ କାରଣରୁ ଭାରତରେ ନିବେଶ କରିବାକୁ ପଛାଉଛନ୍ତି। ସରକାରଙ୍କ ଘୋଷଣା ପରେ ବିଦେଶୀ ନିବେଶକଙ୍କ ଆଗମନ ବୃଦ୍ଧି ପାଇଲେ ମୋଦି ସରକାରଙ୍କ ୨୦୨୫ ସୁଦ୍ଧା ୫ ଲକ୍ଷ କୋଟି ଡଲାର ଅର୍ଥନୀତି ଲକ୍ଷ୍ୟ ହାସଲ କରିବା ସହଜ ହୋଇଯିବ।
ଷ୍ଟକ୍‌ ମାର୍କେଟ ନିବେଶକଙ୍କୁ ଆଶ୍ୱସ୍ତ କରିବାକୁ ଯାଇ ସରକାର ଶେୟାର ବିକ୍ରି ଉପରେ ଆଦାୟ ହେଉଥିବା କ୍ୟାପିଟାଲ ଗେନ୍ସ ଟ୍ୟାକ୍ସ ଉପରେ ଲାଗୁଥିବା ଅତିରିକ୍ତ ସରଚାର୍ଜକୁ ହଟାଇ ଦେଇଛନ୍ତି। ଜୁଲାଇ ୫ ପୂର୍ବରୁ ଶେୟାର ବାଏବ୍ୟାକ୍‌ ପାଇଁ ଘୋଷଣା କରିଥିବା କମ୍ପାନୀଙ୍କ ପାଇଁ ମଧ୍ୟ ଏହି ଅତିରିକ୍ତ ସରଚାର୍ଜ ଲାଗୁ ହେବ ନାହିଁ ବୋଲି ଅର୍ଥମନ୍ତ୍ରୀ କହିଛନ୍ତି। ସୂଚନାଥାଉ କି, ଜୁଲାଇ ୫ ସାଧାରଣ ବଜେଟରେ ଉଭୟ ଘରୋଇ ଓ ବିଦେଶୀ ନିବେଶକଙ୍କୁ ଝଟକା ଦେଇ ସରକାର ଅତିରିକ୍ତ ସରଚାର୍ଜ ଲାଗୁ କରିଥିଲେ। ଏଥିସହ ଶେୟାର ବଜାରରେ ନିବେଶ ଉପରେ ଲଙ୍ଗ୍‌ ଟର୍ମ କ୍ୟାପିଟାଲ ଗେନ୍ସ ସରଚାର୍ଜ ବଢ଼ାଇ ଦେଇଥିଲେ। ସରକାରଙ୍କ ନୂଆ ଘୋଷଣା ଦ୍ୱାରା ଷ୍ଟକ୍‌ ମାର୍କେଟରେ ଶେୟାର କିଣାବିକା କରୁଥିବା, ଇକ୍ୟୁଇଟି ମ୍ୟୁଚୁଆଲ୍‌ ଫଣ୍ଡରେ ନିବେଶ କରୁଥିବା ବ୍ୟକ୍ତିବିଶେଷଙ୍କୁ ଏହାଦ୍ୱାରା ଫାଇଦା ମିଳିବ।
ସେହିଭଳି କର୍ପୋରେଟ ସୋସିଆଲ ରେସ୍‌ପନ୍‌ସିବିଲିଟି(ସିଏସ୍‌ଆର୍‌) ଅଧୀନରେ ହେଉଥିବା ୨% ଖର୍ଚ୍ଚର ପରିଧିକୁ ବୃଦ୍ଧି କରିବାକୁ ନିଷ୍ପତ୍ତି ନିଆଯାଇଛି। ବର୍ତ୍ତମାନ ୨% ସିଏସ୍‌ଆର୍‌ ଅର୍ଥରାଶିକୁ କେନ୍ଦ୍ର କିମ୍ବା ରାଜ୍ୟ ସରକାର,ଅନ୍ୟ କୌଣସି ଏଜେନ୍ସି କିମ୍ବା କେନ୍ଦ୍ର ଓ ରାଜ୍ୟର ରାଷ୍ଟ୍ରାୟତ୍ତ ଉଦ୍ୟୋଗ ଦ୍ୱାରା ଅର୍ଥ ଯୋଗାଣ ହେଉଥିବା ଇନ୍‌କ୍ୟୁବେଟର୍ସ ଉପରେ ମଧ୍ୟ ଖର୍ଚ୍ଚ କରାଯାଇପାରିବ।


All Right Reserved By

୫ ଲକ୍ଷ କୋଟି ଡଲାର ଅର୍ଥନୀତି ଲକ୍ଷ୍ୟ ହାସଲ ସମ୍ଭବ:ନୀତି ଆୟୋଗ ଉପାଧ୍ୟକ୍ଷ

ନୂଆଦିଲ୍ଲୀ,୧୦-୭: ଦେଶର ଅର୍ଥନୀତି ୨୦୨୪-୨୫ ସୁଦ୍ଧା ୫ ଲକ୍ଷ କୋଟି ଡଲାରରେ ପହଞ୍ଚତ୍ପାରିବ ବୋଲି ନୀତି ଆୟୋଗ ଉପାଧ୍ୟକ୍ଷ ରାଜୀବ କୁମାର ଆଶାବ୍ୟକ୍ତ କରିଛନ୍ତି। ତାଙ୍କ...

ଏୟାର ଇଣ୍ଡିଆରେ ଅର୍ଥ ସଙ୍କଟ; ତେଲ ନ ଦେବାକୁ ତୈଳ କମ୍ପାନୀଙ୍କ ଧମକ

ନୂଆଦିଲ୍ଲୀ,୧-୯: ରାଷ୍ଟ୍ରାୟତ୍ତ ବିମାନ କମ୍ପାନୀ ଏୟାର ଇଣ୍ଡିଆରେ ଅର୍ଥ ସଙ୍କଟ ଅତ୍ୟନ୍ତ ଗମ୍ଭୀର ହୋଇଛି। ବିମାନ ଇନ୍ଧନ ବାବଦରେ କମ୍ପାନୀ ତୈଳ ମାର୍କେଟିଂ କମ୍ପାନୀ(ଓଏମ୍‌ସି)ଙ୍କୁ ବକେୟା...

ଆର୍‌କମ୍‌ ବିରୋଧରେ ଚାଲିବ ଦେବାଳିଆ ପ୍ରକ୍ରିୟା

ନୂଆଦିଲ୍ଲୀ,୧-୫: ନିଜର ବକେୟା ଫେରସ୍ତ ପାଇଁ ରିଲାଏନ୍ସ କମ୍ୟୁନିକେଶନ୍ସ(ଆର୍‌କମ୍‌) ବିରୋଧରେ ଦୀର୍ଘ ଦିନ ଧରି ମାମଲା ଚଳାଇ ଆସିଥିବା ଏରିକସନକୁ ମଙ୍ଗଳବାର ଜୋରଦାର ଝଟ୍‌କା ଲାଗିଛି।...

କ୍ଷୁଦ୍ର ରପ୍ତାନିକାରୀଙ୍କ ଲାଗି ବୀମା ପ୍ରିମିୟମ କମିବ:ଗୋୟଲ

ନୂଆଦିଲ୍ଲୀ,୧୭-୯: ବାଣିଜ୍ୟ ମନ୍ତ୍ରଣାଳୟ କ୍ଷୁଦ୍ର ରପ୍ତାନିକାରୀଙ୍କ ଲାଗି ବୀମା ପ୍ରିମିୟମ ହାର କମ୍‌ କରିବା ପାଇଁ କ୍ୟାବିନେଟରେ ଏକ ପ୍ରସ୍ତାବ ଆଣିବ। ଯେଉଁ ରପ୍ତାନିକାରୀଙ୍କ ବକେୟା...

ଏଫ୍‌ଡିଆଇ ନୀତି କୋହଳ, ଆଖୁ ଚାଷୀଙ୍କୁ ସହାୟତା

ନୂଆଦିଲ୍ଲୀ,୨୯-୮: ଦେଶରେ ପ୍ରତ୍ୟକ୍ଷ ବିଦେଶୀ ପୁଞ୍ଜି ନିବେଶ(ଏଫ୍‌ଡିଆଇ) ବୃଦ୍ଧି ପାଇଁ ପରିବେଶ ସୃଷ୍ଟି କରିବା ଉଦ୍ଦେଶ୍ୟରେ କେନ୍ଦ୍ର ସରକାର ବୁଧବାର ଏଫ୍‌ଡିଆଇ ନୀତିକୁ କୋହଳ କରିଛନ୍ତି।...

୦.୨୫% କମିପାରେ ରେପୋ ରେଟ୍‌

ନୂଆଦିଲ୍ଲୀ,୫-୮: ଭାରତୀୟ ରିଜର୍ଭ ବ୍ୟାଙ୍କ(ଆର୍‌ବିଆଇ) ବୁଧବାର ଚଳିତ ଆର୍ଥିକ ବର୍ଷର ତୃତୀୟ ଦ୍ୱିମାସିକ ମୁଦ୍ରାନୀତି ଘୋଷଣା କରିବ। କ୍ରମାଗତ ଚତୁର୍ଥ ଥର ପାଇଁ ଏହା ରେପୋ...

କର୍ପୋରେଟ ଟିକସ ହ୍ରାସ ଘୋଷଣା;ବିତ୍ତୀୟ ନିଅଣ୍ଟ ଭରଣାର ବାଟ ବତାଇଲା ନୀତି ଆୟୋଗ

ମୁମ୍ବାଇ,୨୨-୯: ଅର୍ଥମନ୍ତ୍ରୀ ନିର୍ମଳା ସୀତାରାମନ୍‌ ଶୁକ୍ରବାର କର୍ପୋରେଟ ଟିକସ ହ୍ରାସ ଘୋଷଣା କରିଛନ୍ତି। ଏହାଦ୍ୱାରା ସରକାର ରାଜସ୍ବ ବାବଦରେ ୧.୪୫ ଲକ୍ଷ କୋଟି ଟଙ୍କା ହରାଇବେ...

ଏୟାର ଇଣ୍ଡିଆ ମ୍ୟାନେଜମେଣ୍ଟକୁ ପାଇଲଟଙ୍କ ଚେତାବନୀ; ବକେୟା ଦରମା ଦିଅ ନଚେତ୍‌ ନୋଟିସ ପିରିୟଡ ପ୍ରତ୍ୟାହାର କର

ନୂଆଦିଲ୍ଲୀ,୧୮-୭: ଏୟାର ଇଣ୍ଡିଆ ପାଇଲଟଙ୍କ ପକ୍ଷରୁ ମ୍ୟାନେଜମେଣ୍ଟକୁ ସ୍ପଷ୍ଟ ଚେତାବନୀ ଦିଆଯାଇଛି। କମ୍ପାନୀ ତୁରନ୍ତ ସେମାନଙ୍କ ଦରମା ବାବଦରେ ବକେୟା ପ୍ରଦାନ କରୁ ନଚେତ୍‌ ଚାକିରି...

selfi corner

Model This Week

Why Dharitri

Leave a comment

Your email address will not be published. Required fields are marked *