ବାବୁଙ୍କ ବିଦ୍ରୋହ

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌
ଗୋଟିଏ ମାସ ଭିତରେ ତିନିଜଣ ଆଇଏଏସ୍‌ ଅଫିସର ଇସ୍ତଫା ଦେବା ଘଟଣା ସରକାରୀ ମହଲରେ ଏକ ପ୍ରକାର ଗୋପନ ଭୟର ବାତାବରଣ ସୃଷ୍ଟି କରିଛି। ତାହାକୁ ନେଇ ମୋଦି ସରକାର ଚିନ୍ତାରେ ଅଛନ୍ତି। ଏଜିଏମ୍‌ୟୁଟି କ୍ୟାଡର ଅଫିସର କନ୍ନନ ଗୋପୀନାଥନ୍‌ ଏବଂ କର୍ନାଟକ କ୍ୟାଡର ଅଫିସର ଶଶିକାନ୍ତ ସେନ୍ଥିଲ ଭିନ୍ନମତ ପାଇଁ ଏ ଦେଶରେ ସ୍ଥାନର ଅଭାବ ଥିବା ଦର୍ଶାଇ ଚାକିରିରୁ ଇସ୍ତଫା ଦେଇଛନ୍ତି। ଉଭୟ ଘଟଣାରେ ଅଫିସରଦ୍ୱୟଙ୍କ ନିଷ୍ପତ୍ତିକୁ ବିଭିନ୍ନ ମହଲରୁ ସମାଲୋଚନା କରାଯାଇଛି। ଗୋପୀନାଥନ୍‌ ତାଙ୍କ ସରକାରୀ ଚାକିରି ଛାଡ଼ିବାର କାରଣ ଭାବେ କଶ୍ମୀରରେ ଚାଲିଥିବା ଦମନଲୀଳାକୁ କାରଣ ଭାବେ ଦର୍ଶାଇଥିବା ବେଳେ ତାଙ୍କୁ ପ୍ରଶାସନିକ ଅବହେଳା ଅଭିଯୋଗ ଉପରେ କାରଣ ଦର୍ଶାଇବାକୁ ନୋଟିସ ଜାରି କରି ଚାକିରିରେ ପୁଣି ଯୋଗଦେବାକୁ କୁହାଯାଇଛି। ତାଙ୍କ ବିରୋଧରେ ଅଣାଯାଇଥିବା ଅଭିଯୋଗକୁ ସେ ମାମୁଲି ବୋଲି ଦର୍ଶାଇବା ସହ କହିଛନ୍ତି ଯେ ଏକ ଜବାବୀ କଥନିକା (କାଉଣ୍ଟର ନ୍ୟାରେଟିଭ୍‌) ସୃଷ୍ଟି କରିବା ପାଇଁ ପୁରୁଣା ପ୍ରସଙ୍ଗ ଉଠାଯାଇଛି। ତୃତୀୟ ଅଫିସର ଜଣକ ହେଉଛନ୍ତି ଏଜିଏମ୍‌ୟୁଟି କ୍ୟାଡରର କାଶୀନାଥ ମିଟ୍ଟଲ, ଯିଏ କି ନୀତି ଆୟୋଗରେ ନିଯୁକ୍ତି ପାଇଥିଲେ। ତାଙ୍କୁ ଅରୁଣାଚଳ ପ୍ରଦେଶକୁ ବଦଳି କରାଯିବା ପରେ ସେ ଇସ୍ତଫା ଦେଇଛନ୍ତି।
ରାଜନୈତିକ ପାଣିପାଗ ଗରମ ଥିଲାବେଳେ ଏହି ଇସ୍ତଫାଗୁଡ଼ିକୁ ନେଇ ରାଜନୈତିକ ବିବାଦ ଦେଖାଦେଇଛି। ବାବୁରୁ ନେତା ହୋଇଥିବା ଶାହ ଫୈଜଲଙ୍କ ପ୍ରସଙ୍ଗ ଏବେ ଚର୍ଚ୍ଚାକୁ ଆସିଛି। ଗତ ଜାନୁୟାରୀ ମାସରେ ଆଇଏଏସ୍‌ ଚାକିରିରୁ ଇସ୍ତଫା ଦେଇଥିବା ଫୈଜଲ ସରକାରଙ୍କ କଶ୍ମୀର ନୀତିକୁ ସମାଲୋଚନା କରିଛନ୍ତି। ଭାରତ ଛାଡ଼ି ଚାଲିଯିବାକୁ ଉଦ୍ୟମ କରୁଥିବା ବେଳେ ତାଙ୍କୁ ରୋକାଯାଇ କର୍ତ୍ତୃପକ୍ଷଙ୍କ ଦ୍ୱାରା ଅଟକ ରଖାଯାଇଛି। ସରକାର ଚାକିରିଆମାନଙ୍କ ଉପରେ ଚାପ ପକାଉଛନ୍ତି ବୋଲି ବିରୋଧୀ ଦଳଗୁଡ଼ିକ ପକ୍ଷରୁ ଅଭିଯୋଗ କରାଯାଇଥିବା ବେଳେ ସରକାର ଏହାକୁ ଅସ୍ବୀକାର କରିଛନ୍ତି।
ତଥାପି ବାହାରେ ଶାନ୍ତଭାବ ଥିବାବେଳେ ମୋଦି ସରକାର ଇସ୍ତଫାଗୁଡ଼ିକୁ ଗୁରୁତ୍ୱର ସହ ନେଇଛନ୍ତି। କେନ୍ଦ୍ର ସରକାର ଏବେ ପ୍ରଶାସନିକ ଚାକିରି ଛାଡ଼ିବାର ସର୍ତ୍ତାବଳୀକୁ ସଂଶୋଧନ କରିବା କଥା ଚିନ୍ତା କରୁଥିବା ଜଣାପଡ଼ିଛି। କାର୍ମିକ ଓ ପ୍ରଶିକ୍ଷଣ ବିଭାଗ (ଡିଓପିଟି) ଉକ୍ତ ଇସ୍ତଫାଗୁଡ଼ିକ ଉପରେ ଆଲୋଚନା କରି ସମସ୍ୟା ସମାଧାନର ସୂତ୍ର ବାହାର କରିବାକୁ ଯୋଜନା କରୁଛି। ବାବୁମାନେ ଯେପରି ସହଜରେ ଚାକିରି ଛାଡ଼ି ନ ପାରିବେ ସେଥିପାଇଁ ଏକ ନୀତି ପ୍ରଣୟନ କରିବାକୁ ସରକାର ଯୋଜନା କରୁଥିବା ବିଶ୍ୱାସ କରାଯାଉଛି। ଏ ଲେଖା ପ୍ରସ୍ତୁତ ହେବା ପର୍ଯ୍ୟନ୍ତ ସରକାର ଉକ୍ତ ବାବୁମାନଙ୍କର ଇସ୍ତଫା ଗ୍ରହଣ କରି ନ ଥିବା ଜଣାପଡ଼ିଛି। ଆଇଏଏସ୍‌, ଆଇପିଏସ୍‌, ଆଇଏଫ୍‌ଓଏସ୍‌ ପ୍ରଭୃତି ସର୍ବଭାରତୀୟ ସେବା କ୍ଷେତ୍ରରେ ଏବେ ବହୁ ପଦବୀ ଖାଲି ପଡ଼ିଥିବା ନେଇ ସରକାର ସଚେତନ ଅଛନ୍ତି। ତେଣୁ ବାବୁମାନେ ଚାକିରିରୁ ଇସ୍ତଫା ଦେବା ଲାଗି ସରକାର ଅଧିକ ସର୍ତ୍ତ ରଖିବାକୁ ଚାହୁଁଥିବା ଜଣାପଡ଼ିଛି।
ବାବୁମାନଙ୍କ ପିଛା ସରକାର ତାଲିମ ବାବଦକୁ ବିପୁଳ ଟଙ୍କା ଖର୍ଚ୍ଚ କରୁଥିବାରୁ ସେହି ବାବୁମାନେ ଯେକୌଣସି କାରଣରୁ ଅଧାରୁ ଚାକିରି ଛାଡ଼ିଦେଲେ ଏହାଦ୍ୱାରା ସରକାରଙ୍କର ବିପୁଳ ଆର୍ଥିକ କ୍ଷତି ଘଟୁଛି। ତେଣୁ ତାଲିମ ପରେ ବାବୁମାନେ ଯେପରି ସହଜରେ ଚାକିରି ଛାଡ଼ି ନ ପାରିବେ ସେଥିପାଇଁ ସରକାର ଚାକିରି ସର୍ତ୍ତାବଳୀକୁ କଡ଼ା କରିବା ପାଇଁ ଚାହୁଁଛନ୍ତି। ସେହି ଅନୁଯାୟୀ ତାଲିମ ପରେ କିଛିବର୍ଷ ଚାକିରି କରିବାକୁ ସରକାର ବାଧ୍ୟତାମୂଳକ କରିବେ ଏବଂ ତା’ ପୂର୍ବରୁ ଚାକିରି ଛାଡ଼ିବାକୁ ଚାହିଁଲେ ଉକ୍ତ ତାଲିମ ବାବଦରେ ଖର୍ଚ୍ଚ ହୋଇଥିବା ବିପୁଳ ପରିମାଣର ଅର୍ଥ ସମ୍ପୃକ୍ତ ବାବୁମାନଙ୍କୁ ଫେରସ୍ତ ଦେବାକୁ ହେବ- ଏପରି ନିୟମ କରିବା ନିଶ୍ଚୟ ଯୁକ୍ତିଯୁକ୍ତ ହେବ।
ବର୍ତ୍ତମାନର ନିୟମ ଅନୁସାରେ ଚାକିରିରୁ ଇସ୍ତଫା ଦେଉଥିବା ଜଣେ ବାବୁଙ୍କ ପିଛା ତାଙ୍କୁ ବିଦେଶରେ ତାଲିମ ଦେବା ପାଇଁ ସରକାର ଯେଉଁ ଖର୍ଚ୍ଚ କରିଛନ୍ତି, ତାହା ଫେରସ୍ତ ଦେବାକୁ ହେବ। ଯେଉଁ ବାବୁ ପ୍ରୋବେଶନ ସମୟରେ ଚାକିରି ଛାଡ଼ିବାକୁ ଚାହିଁବେ ତାଙ୍କୁ ସମ୍ପୂର୍ଣ୍ଣ ତାଲିମ ଅର୍ଥ ଫେରସ୍ତ ଦେବାକୁ ହେବ। କିନ୍ତୁ ଅନେକ ପର୍ଯ୍ୟବେକ୍ଷକଙ୍କ ମତରେ ଅନିଚ୍ଛୁକ ବାବୁମାନଙ୍କ ଇସ୍ତଫା ବନ୍ଦକରିବା ଦୀର୍ଘକାଳୀନ ଭିତ୍ତିରେ ଉପଯୋଗୀ ହୋଇ ନ ପାରେ। ଏଥିପାଇଁ ସରକାରଙ୍କୁ ଆଇନଗତ ଆହ୍ବାନର ସମ୍ମୁଖୀନ ହେବାକୁ ପଡ଼ିପାରେ। ଏହି ଚିନ୍ତାଧାରା ପୋଷଣ କରୁଥିବା ଲୋକମାନଙ୍କ ବିଶ୍ୱାସ ଅନୁସାରେ ଜବରଦସ୍ତ ଅନିଚ୍ଛୁକ ବାବୁମାନଙ୍କୁ ଅଟକେଇ ରଖିବା ସରକାରଙ୍କ ସ୍ବାର୍ଥର ଅନୁକୂଳ ହୋଇ ନ ପାରେ। ତେବେ ଏହି ସମସ୍ୟାର ସମାଧାନ ପାଇଁ ସରକାର କ’ଣ ନିଷ୍ପତ୍ତି ନେଉଛନ୍ତି ତାହା ଦେଖିବାକୁ ବାକି ରହିଲା।
Email: dilipcherian@gmail.com


All Right Reserved By Dharitri.Com

ନମସ୍କାର ଓ ଆଶୀର୍ବାଦ

ଅଲେଖ ଚନ୍ଦ୍ର ମିଶ୍ର ନମଃ, ନମସ୍ତେ, ନମସ୍କାର, ଜୁହାର, ଓଳଗି, ଦଣ୍ଡବତ, ପ୍ରଣାମ, ଅଭିନନ୍ଦନ, ଅଭିବାଦନ ଏ ସମସ୍ତ ପ୍ରାୟ ସମାର୍ଥକ ଶବ୍ଦ। ଏଗୁଡ଼ିକ ଏପରି...

କ୍ଷମତା କ୍ଷୁଣ୍ଣ

ସାଧାରଣ ନିର୍ବାଚନ ୨୦୧୯ର ଚୂଡ଼ାନ୍ତ ପର୍ଯ୍ୟାୟ ଭୋଟ ଗ୍ରହଣ ୧୯ ମେ’ରେ ଶେଷ ହୋଇଛି। କେତେକ ଲୋକ ବୁଥ୍‌ଫେରନ୍ତା ମତ (ଏକ୍‌ଜିଟ୍‌ ପୋଲ୍‌)କୁ ନେଇ ନାନା...

ଆୟକର ଓ ଭାରତର ପ୍ରଗତି

ସୁରେଶ ଚନ୍ଦ୍ର ମହାପାତ୍ର ୧୮୫୭ ମସିହାରେ ଭାରତରେ ସଂଘଟିତ ସିପାହୀ ବିଦ୍ରୋହରେ ତତ୍କାଳୀନ ବ୍ରିଟିଶ ସରକାରଙ୍କୁ ପ୍ରଭୂତ କ୍ଷତି ସହିବାକୁ ପଡ଼ିଥିଲା। ସେହି ଆର୍ଥିକ କ୍ଷତିକୁ...

ଅପରାଧ ଯଦି ପ୍ରତିନିଧିର ଯୋଗ୍ୟତା ହୁଏ

ସହଦେବ ସାହୁ ବଳାତ୍କାର ଭଳି ଅପରାଧ କାହିଁକି ବଢୁଛି ବୋଲି ପ୍ରଶ୍ନ କଲେ ଆମେ ନିଜେ ଦାୟୀ ହୋଇଯିବା। କାରଣ ଏବଂ ଉଦାହରଣ ଖୋଜିବା ଲାଗି...

ଜୀବ ସୁରକ୍ଷା ପୃଥିବୀ ରକ୍ଷା

ଡ. ଦେବାନନ୍ଦ ବେଉରା ୨୦୧୯ର ଧରିତ୍ରୀ ଦିବସ ପାଳନ ଅବସରରେ ଦିଆଯାଇଥିବା ସଚେତନଧର୍ମୀ ଡାକରାଟା ହେଉଛି ‘ସବୁ ଜୀବଙ୍କୁ ସୁରକ୍ଷା ଦିଅ।’ ଆଠ ନିୟୁତ ଜୀବ...

ଏଇ ଭାରତରେ

କୃଷିଋଣ ଯନ୍ତାରେ ପଡ଼ି ସର୍ବସ୍ବ ହରାଇବା ପରେ ପୁଣି ନିଜସ୍ବ ଉଦ୍ୟମରେ ସବୁକିଛି ଫେରି ପାଇ କୃଷିରେ ଅନ୍ୟମାନଙ୍କ ପାଇଁ ପ୍ରେରଣା ସାଜିଛନ୍ତି ଗୁଜରାଟର ଜଣେ...

ଏଇ ଭାରତରେ

ଝିଅଙ୍କୁ ବୋଝ ମନେକରି ଗର୍ଭାବସ୍ଥାରୁ ସେମାନଙ୍କୁ ମାରିଦେଉଥିତ୍ବା ବ୍ୟକ୍ତିଙ୍କ ସଂଖ୍ୟା ଆମ ଦେଶରେ କମ୍‌ ନାହିଁ। କିନ୍ତୁ ଗୁଜରାଟର ଜଣେ ଦିବ୍ୟାଙ୍ଗ ଝିଅ ଅଙ୍କିତା ଅଟୋରିକ୍ସା...

ଅପରାଧର ଶିକାର

ସମ୍ପାଦକୀୟ/ତଥାଗତ ସତପଥୀ ନିକଟରେ ହାଇଦ୍ରାବାଦରେ ମହିଳା ଡାକ୍ତରଙ୍କୁ ଗଣବଳାତ୍କାର ଓ ହତ୍ୟା ଘଟଣା ସମଗ୍ର ଭାରତରେ ଚାଞ୍ଚଲ୍ୟ ଖେଳାଇଛି। ପ୍ରାୟ ସବୁ ଗଣମାଧ୍ୟମରେ ଏ ସମ୍ପର୍କରେ...

Leave a comment

Your email address will not be published. Required fields are marked *