ଭୁବନେଶ୍ୱର ରେଳ ଷ୍ଟେଶନ:ବିଶ୍ୱସ୍ତରୀୟ ପାଇଁ ସଜବାଜ

ଭୁବନେଶ୍ୱର, ୨୦|୯(ସ୍ଥିତ ପ୍ରଜ୍ଞ ମିଶ୍ର):ଦେଶର ପ୍ରଥମ ମଲ୍ଟି ମୋଡାଲ ହବ୍‌ (ବହୁମୁଖି ପରିବହନ କେନ୍ଦ୍ର) ହେବ ଭୁବନେଶ୍ୱର ରେଳ ଷ୍ଟେଶନ। ଯାତ୍ରୀଙ୍କୁ ଏଠାରେ ବିମାନବନ୍ଦର ଅପେକ୍ଷା ଅଧିକ ସୁବିଧା ମିଳିବ। ରେଳ ଷ୍ଟେଶନକୁ ସମ୍ପୂର୍ଣ୍ଣ ଭାବେ ବିଶ୍ୱସ୍ତରୀୟ କରାଯିବାକୁ ରେଲଓ୍ବେ ସହିତ ରାଜ୍ୟ ସରକାର ହାତ ମିଳାଇଛନ୍ତି। ସମଗ୍ର ଷ୍ଟେଶନ ଶୀତତାପ ନିୟନ୍ତ୍ରିତ ହେବାକୁ ଥିବା ବେଳେ ୬ ମହଲା ବିଶିଷ୍ଟ ଷ୍ଟେଶନ ବିଲଡିଂ ରହିବ। ବିମାନବନ୍ଦର ପରି ରେଳ ଷ୍ଟେସନରେ ଯାତ୍ରୀଙ୍କୁ ଉତ୍କୃଷ୍ଟ ସେବା ଯୋଗାଇବା ପାଇଁ ଭିତରେ ରଙ୍ଗବେରଙ୍ଗର ଆଲୁଅ ସହ ଅତ୍ୟାଧୁନିକ ସୁବିଧା ଓ ବାହାରେ ବଡ ସମୟ ବିତାଇବା ଲାଗି ବଡ଼ ବଗିଚା ରହିବ। ଯେଉଁଠି ଯାତ୍ରୀମାନେ ବସି ଆରାମ କରିପାରିବେ। ଯାହାପାଇଁ ଗୁରୁବାର ନୂଆଦିଲ୍ଲୀଠାରେ ରେଲଓ୍ବେ ଓ ରାଜ୍ୟ ସରକାରଙ୍କ ମଧ୍ୟରେ ଚୁକ୍ତି ସ୍ବାକ୍ଷରିତ ହୋଇଛି। ଭୁବନେଶ୍ୱର ରେଲ୍‌ୱେ ଷ୍ଟେଶନର ଉନ୍ନତୀକରଣ ପାଇଁ ରେଲୱେ ୭୦ କୋଟି ଓ ରାଜ୍ୟ ସରକାର ୬୦ କୋଟି ଟଙ୍କା ଖର୍ଚ୍ଚ କରିବେ। ସେହିପରି ଷ୍ଟେଶନର ପାରିପାର୍ଶ୍ୱିକ ଉନ୍ନତୀକରଣ ଓ ନୂତନ ବିଲ୍ଡିଂ ନିର୍ମାଣ ପାଇଁ ରାଜ୍ୟ ସରକାର ଇଞ୍ଜିନିୟରିଂ ପ୍ରକ୍ୟୁରମେଣ୍ଟ ଆଣ୍ଡ କନଷ୍ଟ୍ରକଶନ (ଇପିସି) ମୋଡ଼ରେ ୩୦୦ କୋଟି ଓ ପବ୍ଲିକ ପ୍ରାଇଭେଟ ପାର୍ଟନରଶିପ (ପିପିପି) ମୋଡରେ ୫୪୦ କୋଟି ଟଙ୍କା ବ୍ୟୟ କରିବେ। ଯେଉଁଥିରେ କି ଥିଏଟର ପ୍ଲାଜା, ଆର୍ଟ ପ୍ଲାଜା, ଶିଶୁମାନଙ୍କ ପାଇଁ ପ୍ଲାଜା ଓ ଫୁଡ କୋର୍ଟର ସୁବିଧା କରାଯିବ। ଏଥିସହ ଗହଳି କମାଇବା ଲାଗି ପଥଗୁଡିକୁ ଭାଗ ଭାଗ କରାଯିବ। ବସ୍‌ ପାଇଁ ଅଲଗା, ଅଟୋ ରିକ୍ସା ପାଇଁ ଅଲଗା, ଟ୍ୟାକ୍ସି ପାଇଁ ଅଲଗା, ଦୁଇ ଚକିଆ ଯାନ ପାଇଁ ଅଲଗା ଓ ସ୍ବତନ୍ତ୍ର ଭାବେ ସାଇକେଲ ଆରୋହୀ ଏବଂ ପଥଚାରୀଙ୍କ ପାଇଁ ଭିନ୍ନ ଭିନ୍ନ ପଥ ନିର୍ମାଣ କରାଯିବ।

ସ୍ମାର୍ଟ ସିଟି ମିଶନରେ କରାଯିବ କାର୍ଯ୍ୟ
କେନ୍ଦ୍ର ସରକାରଙ୍କ ସ୍ମାର୍ଟ ସିଟି ମିଶନ ଅନ୍ତର୍ଭୁକ୍ତ ରେଳଷ୍ଟେଶନ ମଲ୍ଟିମୋଡାଲ ହବ୍‌ ନିର୍ମାଣ ଭାବେ ଭୁବନେଶ୍ୱର ରେଳଷ୍ଟେଶନ ସଂଲଗ୍ନ ଅଞ୍ଚଳକୁ ବିକଶିତ କରାଯିବ। ୧୨ ଏକର ଜାଗାରେ ନିର୍ମିତ ହେବାକୁ ଥିବା ଏହି ପ୍ରକଳ୍ପକୁ ଓଡିଶା ସରକାରଙ୍କ ଭୁବନେଶ୍ୱର ଉନ୍ନୟନ କର୍ତ୍ତୃପକ୍ଷ (ବିଡିଏ) ପ୍ଲାନିଂ, ଡିଜାଇନିଂ ଓ ଏକ୍‌ଜୁକେଶନରେ ନିର୍ମାଣ କରାଯିବ। ଓଡ଼ିଶା ସରକାରଙ୍କ ସାଧାରଣ ପ୍ରଶାସନ ବିଭାଗ ଓ ଭୁବନେଶ୍ୱର ଉନ୍ନୟନ କର୍ତ୍ତୃପକ୍ଷଙ୍କ ମିଳିତ ଜମିରେ ନୂଆ ଟର୍ମିନାଲ ବିଲ୍ଡିଂ ସହ ୨ଟି ନୂଆ ପ୍ଲାଟଫର୍ମ, ସିଟି ବସ୍‌ ଟର୍ମିନାଲ, ପବ୍ଲିକ କାର ପାର୍କିଂ ଏବଂ ଅନ୍ୟାନ୍ୟ ସାଧାରଣ ଲୋକଙ୍କ ଉପଯୋଗୀ ଭାବେ ନିର୍ମାଣ କରାଯିବ।
୩ ଭାଗରେ ଅର୍ଥ ଖର୍ଚ୍ଚ ହେବ
ନୂଆ ରୂପ ନେବାକୁ ଥିବା ଭୁବନେଶ୍ୱର ରେଳ ଷ୍ଟେଶନକୁ ତିନି ଭାଗରେ କାର୍ଯ୍ୟ କରାଯାଇ ଅର୍ଥ ଖର୍ଚ୍ଚ କରାଯିବ। ପ୍ରଥମଟିରେ ଦୁଇ ଅତିରିକ୍ତ ଲାଇନ ଓ ୩ ମହଲା କୋଠା ନିର୍ମାଣ ହେବ, ଯେଉଁଥିରେ ୧୩୦ କୋଟି ଖର୍ଚ୍ଚ ହେବ। ଅନ୍ୟଟି ଇପିସି (ଇଞ୍ଜିନିୟରିଂ ପ୍ରକ୍ୟୁରମେଣ୍ଟ ଆଣ୍ଡ କନଷ୍ଟ୍ରକଶନ) ରେ ଥିଏଟର ପ୍ଲାଜା, ଆର୍ଟ ପ୍ଲାଜା, ଶିଶୁମାନଙ୍କ ପାଇଁ ପ୍ଲାଜା ଓ ଫୁଡ୍‌ କୋର୍ଟର ସୁବିଧା କରାଯିବ। ଏଥିସହ ଗହଳି କମାଇବା ଲାଗି ପଥଗୁଡିକୁ ଭାଗଭାଗ କରାଯିବ। ଯେଉଁଥିରେ ୩୦୦ କୋଟି ଟଙ୍କା ଖର୍ଚ୍ଚ କରାଯିବ। ଶେଷରେ ପିପିପି ମୋଡ୍‌ରେ କାର୍ଯ୍ୟ ହେବ, ଯେଉଁଥିରେ ୫୪୦ ଟଙ୍କା ଖର୍ଚ୍ଚ କରାଯିବ। ସେଥିରେ ରେଳ ଷ୍ଟେଶନକୁ ସଂଯୋଗ କରୁଥିବା ରାସ୍ତା, ସୁଉଚ୍ଚ ଅଟ୍ଟାଳିକା ଓ ବିଭିନ୍ନ ବ୍ୟବସାୟିକ ପ୍ରତିଷ୍ଠାନ ପାଇଁ ଘର କରାଯିବ।
ତଳ ୩ ମହଲାରେ ରେଲଓ୍ବେ, ଉପର ୩ ବିଡିଏ
ପ୍ରସ୍ତାବିତ ୬ ମହଲା ଷ୍ଟେଶନ ବିଲ୍‌ଡିଂରେ ୩ ମହଲା ଷ୍ଟେଶନର ଓ ୩ ମହଲା ବିଡିଏ ନିକଟରେ ରହିବ। ତଳ ମହଲା ସହିତ ପ୍ରଥମ ଓ ଦ୍ୱିତୀୟ ମହଲା ରେଳ ଷ୍ଟେଶନକୁ ମିଳିବ। ଏଥିରେ ରେଳପଥର ୧.୭୪ ଲକ୍ଷ ବର୍ଗଫୁଟ ଜାଗା ବ୍ୟବହାର ହେବ। ବାକି ଉପର ତିନି ମହଲା ତକ ବିଡିଏ ନିକଟକୁ ଯିବ। ସେଠାରେ ବିଡିଏ ଶପ୍‌ଲାଇନ, ହୋଟେଲ, ହାଉସଲାଇନ, ପ୍ରେକ୍ଷାଳୟ କରାଯିବାର ବ୍ୟବସ୍ଥା କରାଯାଇଛି।
ସିଙ୍ଗାପୁରର ଡିଜାଇନିଂ କମ୍ପାନୀକୁ ବିଡିଏର ଦାୟିତ୍ୱ
ଏହି ପ୍ରକଳ୍ପ ପାଇଁ ବିଡିଏ ବହୁ ପୂର୍ବରୁ ଡିଟେଲ ପ୍ରୋଜେକ୍ଟ ରିପୋର୍ଟ (ଡିପିଆର୍‌) ପ୍ରସ୍ତୁତ କରି କାର୍ଯ୍ୟ ଆରମ୍ଭ କରିଛି। ଫଳସ୍ବରୂପ ରେଳ ଷ୍ଟେଶନ ନିକଟରୁ ଜବରଦଖଲ ଉଚ୍ଛେଦ ସହ ଅଶୋକା ମାର୍କେଟ ଭଙ୍ଗା ହେବା ଆଦି ରହିଛି। ସିଙ୍ଗାପୁରର ସୁବର୍ଣ୍ଣା ଜୁରଙ୍ଗ ନାମକୁ ଡିଜାଇନିଂ ସଂସ୍ଥାକୁ ଏନେଇ ନୂଆ ଡିଜାଇନ୍‌ ବନାଇବାକୁ ବିଡିଏ ଦାୟିତ୍ୱ ଦେଇଥିଲା। ଯାହାର କିଛି ଗ୍ରାଫିକାଲ ଛବି ଏବେ ପ୍ରକାଶିତ ହୋଇଛି। ଏହି ପ୍ରୋଜେକ୍ଟ ରିପୋର୍ଟ ପ୍ରସ୍ତୁତ କରିବାକୁ ସମ୍ପୃକ୍ତ ସଂସ୍ଥାକୁ ଏକ କୋଟି ଟଙ୍କା ଦିଆଯାଇଛି।
ଶୋଭା ବଢ଼ାଇବ ଐତିହ୍ୟ ସ୍ଥାପତ୍ୟ
ଷ୍ଟେଶନ ଭିତରକୁ ପଶିବା ଲାଗି ଭୂତଳ ରାସ୍ତା ଓ ବାହାରିବା ଲାଗି ଉପର ମହଲା ଦେଇ ରାସ୍ତା ନିର୍ମାଣ କରାଯିବ। ଏହି ରାସ୍ତାରେ ଓ ଷ୍ଟେଶନ ପରିସରରେ ପ୍ରସିଦ୍ଧ କଳିଙ୍ଗ ସ୍ଥାପତ୍ୟ ସହ ପରିବେଶକୁ ସବୁଜମୟ କରାଯିବ। ଓଡ଼ିଶାର ପୁରାତନ କଳା, ସଂସ୍କୃତିର କିଛି ପଟୋଚିତ୍ରକୁ ମଧ୍ୟ ଉଭୟ ପାର୍ଶ୍ୱରେ ସ୍ଥାନିତ କରାଯିବ।
ବହୁ କାର୍ଯ୍ୟାଳୟ ସ୍ଥାନାନ୍ତରିତ ହେବ
ନୂଆ ପ୍ରସ୍ତାବିତ ପ୍ରକଳ୍ପ ନିର୍ମାଣରେ ବହୁ କାର୍ଯ୍ୟାଳୟ ସ୍ଥାନାନ୍ତର ହେବ। ପାର୍ସଲ ଅଫିସ୍‌, ରନିଂ ରୁମ୍‌, ଜିଆରପି ବାରାକ୍‌ ସବୁଗୁଡ଼ିକ ବର୍ତ୍ତମାନ ଥିବା ୬ନମ୍ବର ପ୍ଲାଟଫର୍ମକୁ ଉଠିଯିବ। ଆର୍‌ପିଏଫ୍‌ ଓ ଜିଆର୍‌ପି ଥାନା ଗୋଟିଏ ଛାତ ତଳେ ରହିବ। ରନିଂ ରୁମ୍‌ ବର୍ତ୍ତମାନର ଆର୍‌ପିଏଫ୍‌ ଥାନା ନିକଟକୁ ସ୍ଥାନାନ୍ତର ହେବ ବୋଲି ଯୋଜନା ରଖାଯାଇଛି।


All Right Reserved By Dharitri.Com

ଭୂମିପୂଜାରେ ସୀମିତ ପାତାଳି ଶ୍ରୀକ୍ଷେତ୍ରର ବିକାଶ

ସୋନପୁର,୨୫।୨(ନି.ପ୍ର.) ସୁବର୍ଣ୍ଣପୁର ଜିଲା କୋଟସମଲାଇସ୍ଥିତ ପାତାଳି ଶ୍ରୀକ୍ଷେତ୍ର ହେଉଛି ପଶ୍ଚିମ ଓଡିଶାର ଅନ୍ୟତମ ଧାର୍ମିକ ପର୍ଯ୍ୟଟନସ୍ଥଳୀ। ୨୦୦୩ ମସିହାରେ ରାଜ୍ୟ ସରକାର ଏହି ସ୍ଥାନକୁ ପର୍ଯ୍ୟଟନସ୍ଥଳୀର...

ଖାଦ୍ୟ ତାଲିକା ଜାରିକଲେ ଗଞ୍ଜାମ ଜିଲାପାଳ: କ୍ୱାରାଣ୍ଟାଇନ କେନ୍ଦ୍ରରେ ସପ୍ତାହରେ ୪ଦିନ ମିଳିବ ଆମିଷ, ଶିଶୁଙ୍କୁ ହର୍‌ଲିକ୍ସ, କ୍ଷୀର

ଛତ୍ରପୁର, ୪।୫(ଡି.ଏନ୍‌.ଏ.): ଗଞ୍ଜାମ ଜିଲା ବେଗୁନିଆପଡ଼ା ବ୍ଲକର ୨ଟି କ୍ୱାରାଣ୍ଟାଇନ ସେଣ୍ଟରରେ କିଛି ଦିନ ତଳେ ଖାଦ୍ୟ ଅଭାବ ନେଇ ଗଣ୍ଡଗୋଳ କରି ସୁରଟ ଫେରନ୍ତାମାନେ...

ଶ୍ରୀମନ୍ଦିର ପରିଚାଳନା କମିଟି ବୈଠକ ଆରମ୍ଭ: ବହୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗରେ ହୋଇପାରେ ଆଲୋଚନା

ପୁରୀ ଅଫିସ,୬।୯: ଶ୍ରୀମନ୍ଦିର ପରିଚାଳନା କମିଟି ବୈଠକ ଶ୍ରୀମନ୍ଦିର ପ୍ରଶାସନ କାର୍ଯ୍ୟାଳୟରେ ଶୁକ୍ରବାର ଆରମ୍ଭ ହୋଇଛି। ଗଜପତି ମହାରାଜା ଦିବ୍ୟସିଂହ ଦେବଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି...

ଏଣିକି ଏସ୍‌ଏଚ୍‌ଜି ଗ୍ରୁପ୍‌କୁ ୩୦ ସେକେଣ୍ଡରେ ମିଳିବ ୫୦ହଜାର ଋଣ: ଧର୍ମେନ୍ଦ୍ର

ଭୁବନେଶ୍ୱର,୪।୧୦(ବ୍ୟୁରୋ): ଏଣିକି ଏସ୍‌ଏଚ୍‌ଜି ଗ୍ରୁପ୍‌ମାନଙ୍କୁ ୩୦ ସେକେଣ୍ଡରେ ୫୦ହଜାର ଟଙ୍କାର ଋଣ ମିଳିବ। କେବଳ ସେତିକି ନୁହେଁ ୫୯ ମିନିଟ୍‌ରେ ୧ କୋଟି ପର୍ଯ୍ୟନ୍ତ ଋଣ...

ଓଡ଼ିଆ ଭାଷା ଓ ସଂସ୍କୃତି ସୁରକ୍ଷାକୁ ନେଇ ବିଧାନସଭାରେ କଂଗ୍ରେସର ହଟ୍ଟଗୋଳ

ଭୁବନେଶ୍ୱର,୧୮।୨(ବ୍ୟୁରୋ): ଓଡ଼ିଆ ଭାଷା ଓ ସଂସ୍କୃତିକୁ ନେଇ ବିଧାନସଭାରେ କଂଗ୍ରେସ ଦଳର ସଭ୍ୟମାନେ ମଙ୍ଗଳବାର ହଙ୍ଗାମା କରିଛନ୍ତି। ସେମାନେ ଅଭିଯୋଗ କରିଛନ୍ତି ଯେ, ଭାଷା ଓ...

ଆଧାର ବାଧ୍ୟତାମୂଳକ ନ କରିବାକୁ ଦାବି

କଟକ ଅଫିସ୍‌,୨୭।୪: ଲକ୍‌ଡାଉନ୍‌ ପରେ ପ୍ରବାସୀ ଶ୍ରମିକମାନେ ବହୁ ଅସୁବିଧାରେ ରହିଛନ୍ତି। ରହୁଥିବା ସ୍ଥାନରେ ସମସ୍ୟା ଦେଖାଦେବାରୁ ସେମାନେ ଭିଟାମାଟିକୁ ଫେରିବାକୁ ଚାହୁଁଛନ୍ତି। ଓଡ଼ିଶା ସରକାର...

ରାଜ୍ୟରେ ରହିଛି ୬୩ କୃଷି, ୮୫ ଉଦ୍ୟାନ କୃଷି ଫାର୍ମ: ଆଧୁନିକୀକରଣ ପାଇଁ ଖର୍ଚ୍ଚ ହୋଇଛି ୧୨୬୨ଲକ୍ଷ ଟଙ୍କା

ଭୁବନେଶ୍ୱର,୨୦।୧୧(ବ୍ୟୁରୋ): ରାଜ୍ୟରେ ୬୩ଟି କୃଷି ଫାର୍ମ ଏବଂ ୮୫ଟି ଉଦ୍ୟାନ କୃଷି ଫାର୍ମ ରହିଛି। ସେଥିରୁ ୪ଟି କୃଷି ଫାର୍ମ ଓ ୫ଟି ଉଦ୍ୟାନ କୃଷି...

ବରଗଡ଼ରେ ସିଟି ହସ୍ପିଟାଲ ଦାବି: ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଲେ ସୁରେଶ ପୂଜାରୀ

ବରଗଡ଼ ଅଫିସ,୨।୨: ବରଗଡ଼ ସହରରେ ଥିବା ପୁରୁଣା ଜିଲା ମୁଖ୍ୟ ଡାକ୍ତରଖାନାକୁ ସିଟି ହସ୍ପିିଟାଲ ଘୋଷଣା ଦାବି ଜୋର ଧରିଛି। ସହରବାସୀ ଏହି ଦାବିରେ ଆନ୍ଦୋଳନକୁ...

Leave a comment

Your email address will not be published. Required fields are marked *