ସୁନା ଶଙ୍ଖ ବିକିବା ଆଳରେ ଅପହରଣ: ଅପହୃତ ଯୁବକ ଉଦ୍ଧାର

ନବରଙ୍ଗପୁର,୧୯।୯(ବି.ପ୍ର.)- ସୁନା ଶଙ୍ଖ ଅଛି। କମ ମୂଲ୍ୟରେ ମିଳିଯିବ। କଟକ ଜିଲା କନ୍ଦରପୁର ଥାନା ଅଧୀନ ସିଦ୍ଧେଶ୍ୱରପୁର ଗାଁର କେଦାର ନାଥ ମଲ୍ଲିକଙ୍କ ପୁଅ ରଶ୍ମୀ ରଞ୍ଜନ ମଲ୍ଲିକଙ୍କୁ ଏଭଳି ଲୋଭ ଅପହରଣକାରୀମାନେ ଦେଖାଇଥିଲେ। ସୁନା ଶଙ୍ଖ କିଣିବାକୁ ରଶ୍ମୀ କଟକରୁ ଜୟପୁର ଆସିଥିଲେ। ଶନିବାର ଜୟପୁର ବସଷ୍ଟାଣ୍ଡରେ ପହଞ୍ଚିବା ପରେ ରଶ୍ମୀଙ୍କୁ ଅପହରଣକାରୀମାନେ ଅପହରଣ କରି ନେଇଥିଲେ। ୧୦ ଲକ୍ଷ ଟଙ୍କା ଦେବାକୁ ରଶ୍ମୀଙ୍କ ପରିବାର ଲୋକଙ୍କୁ ଫୋନ ଯୋଗେ ଅପହରଣକାରୀମାନେ କହିଥିଲେ। ଏହା ଜାଣିବା ପରେ ରଶ୍ମୀଙ୍କ ପରିବାର ଲୋକ କନ୍ଦରପୁର ଥାନାରେ ଗତ ୧୫ ତାରିଖରେ ଏତଲା ଦେଇଥିଲେ। ନବରଙ୍ଗପୁର ଏସପିଙ୍କୁ ମଙ୍ଗଳବାର ଅପରାହ୍ନରେ ଖବର ମିଳିବା ପରେ ଆରମ୍ଭ ହୋଇଥିଲା ଅପରେଶନ ଉଦ୍ଧାର। ତୁରନ୍ତ ଏସପିଙ୍କ ତତ୍ତ୍ୱାବଧାନରେ ଗଠନ ହୋଇଥିଲା ୩ଟି ଟିମ। ୮ ଘଣ୍ଟା ମଧ୍ୟରେ ଧରାପଡିଲେ ୪ ଜଣ ଅପହରଣକାରୀ। ଉଦ୍ଧାର ପାଇଥିଲେ ଅପହୃତ ଯୁବକ। ନବରଙ୍ଗପୁର ପୋଲିସ ଉଦ୍ଧାର ଯୁବକ ଓ ୪ ଜଣ ଅପହରଣକାରୀଙ୍କୁ କଟକ ପୋଲିସକୁ ହସ୍ତାନ୍ତର କରିଛି। ଏ ନେଇ କନ୍ଦରପୁର ଥାନାରେ ନଂ. ୧୦୬/୧୯ରେ ଏକ ମାମଲା ରୁଜୁ ହୋଇଛି।
ସିଦ୍ଧେଶ୍ୱରପୁର ଗାଁର କେଦାରନାଥ ପୂର୍ବରୁ ଜୟପୁର ବିଏସଏନଏଲ ଅଫିସରେ ଚାକିରି କରୁଥିଲେ। ଏବେ ସେ ଗାଁରେ ରହୁଛନ୍ତି। ତାଙ୍କ ଘରେ ଡାବୁଗାଁ ବ୍ଲକ ତେନ୍ତୁଳିଗୁଡା ଗାଁର ବୁଟି କାମ କରୁଥିଲେ। କେଦାରଙ୍କ ପୁଅ ରଶ୍ମୀଙ୍କୁ ବୁଟି ଏକ ସୁନାର ଶଙ୍ଖ ଅଛି। ୬ ଲକ୍ଷ ଟଙ୍କା ମାଗୁଛି। ୨ ଲକ୍ଷ ଟଙ୍କା ଦେଲେ ଶଙ୍ଖ ଦେଇଦେବ। ବକେୟା ଟଙ୍କା ପରେ ଦେଲେ ମଧ୍ୟ ଚଳିବ ବୋଲି ବୁଟି କହିଥିଲେ। ଶନିବାର ରଶ୍ମୀ ଗାଁରୁ ବାହାରି ଜୟପୁରେ ପହଞ୍ଚିବ ବୋଲି କହିଥିଲେ। ରଶ୍ମୀ ଜୟପୁର ପହଞ୍ଚିବା ପରେ ବୁଟିଙ୍କୁ ଫୋନ କରିଥିଲେ। ବୁଟି ଓ ସୁଶାନ୍ତ ହରିଜନ ବାଇକରେ ରଶ୍ମୀଙ୍କୁ ଜୟପୁରର ବଡକାଉଡି ଗାଁକୁ ନେଇଯାଇଥିଲେ। ସେଠାରେ ବାବୁଲି ଡମ୍‌ ସହିତ ୯ ଜଣ ରହିଥିଲେ। ରଶ୍ମୀଙ୍କୁ ନିସ୍ତୁକ ମାଡ ମାରିବା ସହ ବନ୍ଧୁକ ଦେଖାଇ ଭୟଭୀତ କରାଇଥିଲେ। ଘରକୁ ଫୋନ କରି ୧୦ ଲକ୍ଷ ଟଙ୍କା ମଗାଅ ନଚେତ ଛାଡିବୁ ନାହିଁ ବୋଲି କହିଥିଲେ। ରବିବାର ଗରୁଡଗୁଡା ଗାଁରେ ରଖି ନିସ୍ତୁକ ମାଡ ମାରିଥିଲେ। ସୋମବାର କୋଟପାଡ ଥାନା ଅଧୀନ କଂଗ୍ରା ଗାଁକୁ ନେଇ ସେଠାରେ ରଖିଥିଲେ। ମଙ୍ଗଳବାର ୨ ଜଣ ରଶ୍ମୀଙ୍କୁ ଏକ ବାଇକରେ ବସାଇ କୋଟପାଡ ଦେଇ ନବରଙ୍ଗପୁର ଜିଲାର କୋଡିଙ୍ଗାର ରାଜୋଡାରେ ପହଞ୍ଚିଥିଲେ। ସୁଶାନ୍ତ ଓ ବୁଟି ବସରେ ନବରଙ୍ଗପୁର ଦେଇ ପାପଡାହାଣ୍ଡିରେ ପହଞ୍ଚିଥିଲେ। ତେନ୍ତୁଳିଗୁଡା ଗାଁର ଜଣେ ଯୁବକଙ୍କୁ ବାଇକ ଧରି ଆସିବା ପାଇଁ କହିଥିଲେ। ପରେ ସମସ୍ତେ ଏକାଠି ହୋଇ ଡଙ୍ଗର ରାସ୍ତା ଦେଇ ଜଟାବାଲ ହୋଇ ତେନ୍ତୁଳିଗୁଡା ଗାଁର ଏକ ମକା କ୍ଷେତରେ ପହଞ୍ଚିଥିଲେ। ସେଠାରେ ଥିବା ମଞ୍ଚା ଉପରେ ରଶ୍ମୀ ସମେତ ଦୁଇଜଣ ଓ ଅନ୍ୟମାନେ ମଞ୍ଚା ତଳେ ଶୋଇଥିଲେ। ଏହି ସମୟ ମଧ୍ୟରେ ନବରଙ୍ଗପୁର ଏସ୍‌ପି ନୀତିନ କୁସଲକରଙ୍କୁ ଅପହରଣ ଘଟଣାର ଖବର ଆସିଥିଲା। ଜୟପୁର ପୋଲିସ ମଧ୍ୟ ନବରଙ୍ଗପୁରର ବିଭିନ୍ନ ସ୍ଥାନରେ ରହି ଘଟଣାର ତନାଘନା କରୁଥିଲା। ଅପହରଣକାରୀଙ୍କୁ ଧରିବା ପାଇଁ ଏସ୍‌ପି କୁସଲକର ୩ଟି ଟିମ ଗଠନ କରିଥିଲେ । ଗୋଟିଏ ଟିମରେ ସେ ନିଜେ ରହିବା ସହ ୧୨ ଜଣଙ୍କୁ ସାଥିରେ ରଖିଥିଲେ। ଅନ୍ୟ ଏକ ଟିମରେ ନବରଙ୍ଗପୁର ଥାନା ଅଧିକାରୀ ତାରିକ ଅହମ୍ମଦଙ୍କ ସମେତ ୧୩ ଜଣ ଓ ଅନ୍ୟ ଏକ ଟିମରେ ୧୨ ଜଣ ରହିଥିଲେ। ଏସ୍‌ପିଙ୍କ ନିର୍ଦ୍ଦେଶ ଅନୁଯାୟୀ ଅପରେଶନ ଉଦ୍ଧାର ଆରମ୍ଭ ହୋଇଥିଲା। ମୋବାଇଲ ଟ୍ରାକିଂ କରି ମଙ୍ଗଳବାର ବିଳମ୍ବିତ ରାତିରେ ତେନ୍ତୁଳିଗୁଡାରେ ପୋଲିସ ପହଞ୍ଚିଥିଲେ।ଗୋଟିଏ ଟିମ ଗାଁ ଚାରିଆଡେ ଘେରି ରହିଥିବା ବେଳେ ଅନ୍ୟ ଏକ ଟିମ ଜମି ଓ ବିଭିନ୍ନ ରାସ୍ତା ଉପରେ ଛକି ରହିଥିଲେ। ଏସପିଙ୍କ ନେତୃତ୍ୱରେ ଗଠିତ ଟିମ ମକା କ୍ଷେତରେ ହୋଇଥିବା ମଞ୍ଚାରେ ଚଡାଉ କରି ପ୍ରଥମେ ରଶ୍ମୀଙ୍କୁ ଉଦ୍ଧାର କରିବା ସହ ଅନ୍ୟ ୪ ଜଣଙ୍କୁ ଧରିଥିଲେ।
ସେମାନଙ୍କ ଠାରୁ ୪ଟି ବାଇକ, ଗୋଟିଏ ପିସ୍ତଲ, ଦୁଇଟି ଅଫୁଟାଗୁଳି, ୪ଟି ମୋବାଇଲ ଜବତ କରାଯାଇଥିଲା । ବୁଧବାର ଭୋରରୁ ନବରଙ୍ଗପୁର ଅଣାଯିବା ପରେ ସେମାନଙ୍କୁ ପଚରାଉଚରା କରାଯାଇଥିଲା। ଅଭିଯୁକ୍ତ ସମ୍ପର୍କରେ ଅନେକ ତଥ୍ୟ ପୋଲିସ ପାଇଥିଲା। ପରେ ରାତିରେ କଟକ ପୋଲିସକୁ ହସ୍ତାନ୍ତର କରାଯାଇଛି ।


All Right Reserved By

ସିଂହଦ୍ୱାରରେ ଜମିଲା ମେଳଣ

ପୁରୀ ଅଫିସ, ୧୦ା୧୦: ଶେଷ ହୋଇଛି ଦଶହରା। ଧରାପୃଷ୍ଠରୁ ବିଦାୟ ନେଇଛନ୍ତି ଜଗଜ୍ଜନନୀ ମା’ ଦୁର୍ଗା। ମୃଣ୍ମୟୀ ଦୁର୍ଗାଙ୍କ ବିସର୍ଜନ ପରେ ଏକାଦଶୀରେ ଶ୍ରୀକ୍ଷେତ୍ରରେ ପାରମ୍ପରିକ...

ଦ୍ୱାରଶୁଣି ଘାଟିରେ ଦୁର୍ଘଟଣା, ଟ୍ରକ ଚାଳକ ମୃତ

ବାଙ୍ଗିରିପୋଷି,୧୪ା୧୦(ଡି.ଏନ୍‌.ଏ.): ବାଙ୍ଗିରିପୋଷି ଥାନା ଅନ୍ତର୍ଗତ ୪୯ ନମ୍ବର ଜାତୀୟ ରାଜପଥର ଦ୍ୱାରଶୁଣି ଘାଟିରେ ରବିବାର ଟ୍ରକ ଓଲଟି ଡ୍ରାଇଭରଙ୍କ ମୃତ୍ୟୁ ଘଟିଥିବା ବେଳେ ହେଲପର ଆହତ...

ବିନା କାରଣରେ ୪ ଦିନ ବନ୍ଦ ରହିଲା ଇଫ୍‌କୋର ସାର ପରିବହନ

ପାରାଦୀପ,୫ା୯(ସ୍ବ.ପ୍ର.): ରାଜନୈତିକ ସ୍ବାର୍ଥ ପାଇଁ କିପରି ଚାଷୀ, ଶିଳ୍ପସଂସ୍ଥା ଓ ପ୍ରଶାସନ ବଳିପଡ଼ନ୍ତି ତାର ଦୃଷ୍ଟାନ୍ତ ପାରାଦୀପରେ ଦେଖିବାକୁ ମିଳିଛି। କୌଣସି କାରଣ ନ ଥାଇ...

ଜଜାଙ୍ଗ ଖଣିରେ ସୁରକ୍ଷାକର୍ମୀଙ୍କୁ ଆକ୍ରମଣ: ଡକାୟତି ଉଦ୍ୟମ, ୪ ଗିରଫ

ଯୋଡ଼ା, ୧୯।୫(ଡି.ଏନ.ଏ.)-କେନ୍ଦୁଝର ଜିଲା ବାମେବାରୀ ଥାନା ଅନ୍ତର୍ଗତ ଜଜାଙ୍ଗ ଖଣିର ରେଳ ସାଇଡିଂରେ କାର୍ଯ୍ୟରତ ସୁରକ୍ଷାକର୍ମୀଙ୍କୁ ଆକ୍ରମଣ କରି ଡକାୟତି ଉଦ୍ୟମ ଅଭିଯୋଗରେ ୪ ଅଭିଯୁକ୍ତଙ୍କୁ...

ପଞ୍ଚାୟତସ୍ତରୀୟ ପ୍ରଧାନଶିକ୍ଷକ ସମ୍ମିଳନୀ:ବିଦ୍ୟାଳୟ ଆନୁଷଙ୍ଗିକ ବ୍ୟବସ୍ଥାରେ ସୁଧାର ଦରକାର

ନୂଆପଡା ଅଫିସ,୨୫ା୮ ନୂଆପଡା ଜିଲା କୁରୁମପୁରୀ ଭଳି ଗ୍ରାମପଞ୍ଚାୟତ ଅଞ୍ଚଳରେ ପ୍ରାଥମିକ ଶିକ୍ଷାର ଉନ୍ନତିର ଆବଶ୍ୟକତା ରହିଛି । ଏଥିପାଇଁ ବିଦ୍ୟାଳୟଗୁଡିକର ଭିତ୍ତିଭୂମିର ବିକାଶ କରିବା...

୧୪ ଦଫା ଦାବିରେ ଆଶାକର୍ମୀଙ୍କ ବିକ୍ଷୋଭ

ନୟାଗଡ଼ ଅଫିସ,୫ା୯- କେନ୍ଦ୍ର ଓ ରାଜ୍ୟ ସରକାରଙ୍କ ଶ୍ରମିକ ଓ କର୍ମଚାରୀ ମାରଣନୀତିର ପ୍ରତିବାଦ ଏବଂ ଆଶାକର୍ମୀମାନଙ୍କ ବିଭିନ୍ନ ଦାବି ତୁରନ୍ତ କାର୍ଯ୍ୟକାରୀ କରିବା ଦାବିରେ...

ମୁଖ୍ୟମନ୍ତ୍ରୀଙ୍କ ଜନ୍ମଦିନରେ ବିଜେଡି ପକ୍ଷରୁ ରୋଗୀଙ୍କୁ ଫଳ,ବସ୍ତ୍ର ବଣ୍ଟନ

ମୁନିଗୁଡ଼ା,୧୬।୧୦(ଡି.ଏନ୍‌.ଏ.): ବିଜେଡି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ୭୪ ତମ ଜନ୍ମ ଦିବସ ଅବସରରେ ରାୟଗଡ଼ା ଜିଲା ମୁନିଗୁଡ଼ା ବିଜୁ ଜନତା ଦଳ ପକ୍ଷରୁ...

ନିଖୋଜ ବ୍ୟକ୍ତିଙ୍କ ମୃତଦେହ ଉଦ୍ଧାର

କେନ୍ଦୁଝର,୧୬।୧୦(ସ୍ବ.ପ୍ର.): ଗତ ସୋମବାର ଦିନ ବଳଦ ଚରାଇବାକୁ ଯାଇ ଅରଡେଇ ନଦୀରେ ନିଖୋଜ ହୋଇଥିବା ନିର୍ମଳ ମହାରଣା (୪୫)ଙ୍କ ମୃତଦେହ ପୋଲିସ ବୁଧବାର ସକାଳେ ଉଦ୍ଧାର...

selfi corner

Model This Week

Why Dharitri

Leave a comment

Your email address will not be published. Required fields are marked *