ଚାଷୀଙ୍କୁ ତହସିଲଦାରଙ୍କ ଦୁର୍ବ୍ୟବହାର ଅଭିଯୋଗ: ଇନପୁଟ ସବ୍‌ସିଡି ପାଇଁ ଯାଇଥିବା ଚାଷୀ ହଟହଟା

ନୂଆପଡା ଅଫିସ,୧୯ା୯: ସରକାର ଚାଷୀ କିମ୍ବା କୌଣସି ହିତାଧିକାରୀ ଅଧିକାରୀଙ୍କ ନିକଟକୁ ଆସିଲେ ତାଙ୍କୁ ଉପଯୁକ୍ତ ଆତିଥ୍ୟ ଦେଇ ଗୁହାରି ଶୁଣିବାକୁ ନିର୍ଦ୍ଦେଶ ରହିଥିବାବେଳେ ନୂଆପଡ଼ା ଜିଲା କୋମନା ତହସିଲଦାର ଚାଷୀଙ୍କୁ ଦୁର୍ବ୍ୟବହାର କରିଥିବା ଅଭିଯୋଗ ହୋଇଛି । ଗତବର୍ଷ ମରୁଡିର ଇନପୁଟ ସବ୍‌ସିଡି ବାବଦକୁ ଗୁହାରି କରିବାକୁ ଆସିଥିବା ପଏଁର ଗ୍ରାମପଞ୍ଚାୟତ ଚାଷୀମାନେ ତହସିଲଦାର ଶ୍ୟାମଲ ରଏଙ୍କୁ ଭେଟି ଗୁହାରି କରିବାବେଳକୁ ଦୁର୍ବ୍ୟବହାର କରି ଅଫିସରୁ ତଡିଦେଇଛନ୍ତି। ଏହାକୁ ନେଇ ଚାଷୀମାନେ ତୁରନ୍ତ ନୂଆପଡା ଆସି ଜିଲାପାଳଙ୍କୁ ଲିଖିତ ଭାବେ ଜଣାଇଛନ୍ତି ।
ଅଭିଯୋଗ ଅନୁସାରେ ଗତବର୍ଷ ବର୍ଷାଭାବ ଯୋଗୁ କୋମନା ବ୍ଲକରେ ମରୁଡି ହୋଇଥିଲା। ଏଥିସକାଶେ ସରକାର ଇନପୁଟ ସବ୍‌ସିଡି ଟଙ୍କା ଯୋଗାଇଦେବାକୁ ଘୋଷଣା କରିଥିଲେ। କୋମନା ତହସିଲରେ ଚାଷୀଙ୍କୁ ବର୍ଷତମାମ ଭୁଆଁବୁଲାଇ ଚାଲିଥିବା ଅଭିଯୋଗ ହୋଇଛି । ସବୁଠାରୁ ବହୁଳ ପରିମାଣରେ ପ୍ରଭାବିତ ହୋଇଥିବା ପଏଁର ଗ୍ରାମପଞ୍ଚାୟତର ଚାଷୀମାନ ବାରମ୍ବାର ଅଫିସକୁ ଦୌଡିଛନ୍ତି। ହେଲେ ସମ୍ପୃକ୍ତ ତହସିଲଦାର ବିଭିନ୍ନ ବାହାନା କରି ବୁଲାଇ ଚାଲିଥିଲେ । ବୁଧବାର ମଧ୍ୟାହ୍ନ ୧୨ଟାରେ ପଞ୍ଚାୟତର ମହୁଲ ଭଟା, ପଏଁର ଏବଂ ଅନୁପଗଡ ଗାଁର ଚାଷୀ ଲଚ୍ଛିନ୍ଦ୍ର ମାଝି, କୈଳାସ ଭୋଇ, ଅମିୟ ପାଢୀ, ସୁଦାମ ସାହୁ, ଦେବଦତ ସାହୁ, ଭୀମ ଭୋଇ ପ୍ରମୁଖ ଅନ୍ୟ ଚାଷୀଙ୍କ ସହ ତହସିଲଦାରଙ୍କ କାର୍ଯ୍ୟାଳୟରେ ଯାଇ ଭେଟିଥିଲେ। କାର୍ଯ୍ୟାଳୟ ଭିତରକୁ ଯିବାକୁ ଅନୁମତି ଦେଇଥିଲେ । ଦାବିପତ୍ର ଗ୍ରହଣ କରିଥିଲେ । ହେଲେ ସେଠାରୁ ହଠାତ ଉତକ୍ଷିପ୍ତ ହୋଇ ଚାଷୀମାନଙ୍କୁ ଗେଟ ଆଉଟ କହି ତଡିଦେଇଥିଲେ। ଚାଷୀମାନେ ବୁଝାଇ ନିଜର ନିବେଦନ ରଖିଥିଲେ ମଧ୍ୟ ସେ ଶୁଣି ନ ଥିଲେ । ଓଲଟା ପାଟି କରି ଟେବୁଲ ପିଟି ତଡିଦେଇଥିଲେ । ଅସନ୍ତୋଷ ଚାଷୀମାନେ ଫୋନ ଯୋଗେ ଜିଲାପାଳଙ୍କୁ ଜଣାଇବା ପରେ ନୂଆପଡା ଆସି ଅପରାହ୍ନରେ ଦାବିପତ୍ର ପ୍ରଦାନ କରିଛନ୍ତି । ଏହା ଉପରେ ତୁରନ୍ତ କାର୍ଯ୍ୟାନୁଷ୍ଠାନ କରିବାକୁ ଦାବି କରିଛନ୍ତି । ଏହି ଘଟଣାକୁ ବିଭିନ୍ନ ମହଲରେ ନିନ୍ଦା କରାଯାଇଛି । ଏହା ଉପରେ ତହସିଲଦାରଙ୍କୁ ପଚାରିବାରୁ ଏଭଳି କୌଣସି ଦୁର୍ବ୍ୟବହାର କରି ନ ଥିବା କହିଛନ୍ତି ।


All Right Reserved By Dharitri.Com

ମିନି ବସ୍‌ ଓଲଟିଲା: ୧ ମୃତ, ୧୫ରୁ ଉର୍ଦ୍ଧ୍ୱ ଆହତ

ଆସିକା,୭ା୧୧(ଡି.ଏନ୍‌.ଏ.)- ଗାଙ୍ଗପୁର ଥାନା ବୋରି ନିକଟରେ ବୁଧବାର ରାତି ପ୍ରାୟ ୧୧ଟାରେ ଏକ ମିନିବସ୍‌ ରାସ୍ତା କଡକୁ ଓଲଟି ପଡିଥିଲା। ଏଥିରେ ଜଣେ ଯାତ୍ରୀଙ୍କ ମୃତ୍ୟୁ...

ଛାତ୍ର କଂଗ୍ରେସ କଲା ଟୁଇଟ୍‌

ଅନୁଗୋଳ ଅଫିସ, ୧।୫ – ଲକ୍‌ଡାଉନ କଟକଣା ଉଲ୍ଲଂଘନ କରି ଡିସ୍‌ ସଫେଇ ବାହାନାରେ ଅନୁଗୋଳ କଳାକେନ୍ଦ୍ରରେ ବୁଧବାର ପୌରପାଳିକାର କେତେଜଣ କର୍ମଚାରୀ ଭୋଜିର ଆୟୋଜନ...

କରୋନା ସଂକ୍ରମଣ ସନ୍ଦେହ: ବିଷ୍ଣୁପୁର ଅଞ୍ଚଳର ଯୁବକଙ୍କୁ ଜିଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କଲା ପୋଲିସ

ବାହାନଗା, ୨୮।୩(ଡି.ଏନ୍‌.ଏ.): ବାଲେଶ୍ୱର ଜିଲା ବାହାନଗା ବ୍ଳକ ବିଷ୍ଣୁପୁର ଅଞ୍ଚଳର ଜଣେ ଦିଲ୍ଲୀ ଫେରନ୍ତା ଯୁବକ କରୋନା ସଂକ୍ରମିତ ହୋଇଥିବା ସନ୍ଦେହ କରାଯାଉଛି। ଖନ୍ତାପଡା ଥାନା...

ବନ୍ତରେ ଜବରଦଖଲ ଉଚ୍ଛେଦ

ବନ୍ତ,୩ା୧୨(ଡି.ଏନ୍‌.ଏ.)- ମଙ୍ଗଳବାର ଭଦ୍ରକ-ଆନନ୍ଦପୁର ୫୩ନଂ. ରାଜ୍ୟ ରାଜପଥ ଅଧୀନ ବନ୍ତ ବଜାରର ଉନ୍ନତୀକରଣ କାର୍ଯ୍ୟ ଲାଗି ପ୍ରଶାସନ ପକ୍ଷରୁ ଜବରଦଖଲ ଉଚ୍ଛେଦ ପ୍ରକ୍ରିୟା ଆରମ୍ଭ ହୋଇଛି...

‘କରୋନା’କୁ ନେଇ ଗୁଜବ: ଶନି ମନ୍ଦିରରେ ମହିଳା ଶ୍ରଦ୍ଧାଳୁଙ୍କ ଭିଡ

କେନ୍ଦୁଝର, ୧୫ା୩ (ସ୍ବ.ପ୍ର.)-ବିଶ୍ୱବ୍ୟାପୀ ଆତଙ୍କ ଖେଳାଇଥିବା ‘କରୋନା’ ଭାଇରସକୁ ନେଇ ବିଭିନ୍ନ ସ୍ଥାନରେ କିଭଳି ଗୁଜବ ପ୍ରଚାରିତ ହେଉଛି ତାହାର ଏକ ନଜିର କେନ୍ଦୁଝର ଜିଲା...

ଯକ୍ଷ୍ମା ରୋଗୀଙ୍କ ମୃତଦେହ ଉଦ୍ଧାର

ଯୋଡ଼ା,୩।୧୧(ଡି.ଏନ୍‌.ଏ.): କେନ୍ଦୁଝର ଜିଲା ବାମେବାରୀ ଥାନା କାଳିମାଟି ଗ୍ରାମ ଦୋଳମଣ୍ଡପ ନିକଟରୁ ଶନିବାର ପୋଲିସ ଜଣେ ବ୍ୟକ୍ତିଙ୍କ ମୃତଦେହ ଉଦ୍ଧାର କରିଛି। ସେ ସୁନ୍ଦରଗଡ ଜିଲା...

ବଳାତ୍କାର ଶିକାର ନାବାଳିକାଙ୍କୁ ବାପାଙ୍କ ଜିମା: ପ୍ରଶ୍ନ ଉଠାଇଲା ଶିଶୁ ମଙ୍ଗଳ ସମିତି

ଅନୁଗୋଳ ଅଫିସ, ୧୧।୮ – ଅନୁଗୋଳ ବସ୍‌ଷ୍ଟାଣ୍ଡ ନିକଟରେ ଜୁଲାଇ ୨୧ରେ ବଳାତ୍କାରର ଶିକାର ହୋଇଥିବା ନାବାଳିକାଙ୍କୁ ଅନୁଗୋଳ ପୋଲିସ ଶନିବାର ମେଡିକାଲ ପରିସରରେ ତାଙ୍କ...

ବାରଣ ସତ୍ତ୍ୱେ କମୁନି ପଲିଥିନ ବ୍ୟବହାର: ବିଜେପୁର ଏନ୍‌ଏସି ପକ୍ଷରୁ ଚଢ଼ାଉ, ୩,୯୦୦ ଟଙ୍କା ଜରିମାନା ଆଦାୟ

ବିଜେପୁର, ୩।୧୨(ଡି.ଏନ୍‌.ଏ.): ବରଗଡ ଜିଲା ବିଜେପୁର ଏନ୍‌ଏସି ପକ୍ଷରୁ ସହରରେ ପଲିଥିନ ଚଢାଉ ଅଭିଯାନ ମଙ୍ଗଳବାରରୁ ଆରମ୍ଭ ହୋଇଛି। କାର୍ଯ୍ୟନିର୍ବାହୀ ଅଧିକାରୀ ରୁକ୍ମଣ ମେହେରଙ୍କ ନେତୃତ୍ୱରେ...

Coronavirus Update


selfi corner

Archives

Model This Week

Why Dharitri

Leave a comment

Your email address will not be published. Required fields are marked *