ବିଦେଶୀ ପକ୍ଷୀଙ୍କ ଉପରେ ଶିକାରୀଙ୍କ ଲୋଲୁପ ଦୃଷ୍ଟି

ଯାଜପୁର ରୋଡ଼,୧୯।୯(ନି.ପ୍ର.): ଯାଜପୁର ରୋଡ଼ ସହରର ସାପଗଡ଼ିଆ ଅଞ୍ଚଳରେ ବିଦେଶୀ ପକ୍ଷୀଙ୍କ ସମାଗମ ହୋଇଛି। ଏହି ପକ୍ଷୀମାନେ ସାଇବେରିଆ ଅଞ୍ଚଳରୁ ଆଜକୁ ୨୦ବର୍ଷ ଧରି ଏଠାକୁ ଆସି ଅଣ୍ଡା ଦେଇଥାନ୍ତି। ଅଣ୍ଡାରୁ ଛୁଆ ବାହାରିଲା ପରେ ଛୁଆକୁ ସାଙ୍ଗରେ ନେଇ ପୁଣି ଗନ୍ତବ୍ୟ ସ୍ଥଳକୁ ଚାଲିଯାନ୍ତି ବୋଲି ବନ ବିଭାଗ ପକ୍ଷରୁ କୁହାଯାଉଛି। ଚଳିତ ବର୍ଷ ୮ହଜାରରୁ ଊର୍ଦ୍ଧ୍ୱ ବିଦେଶୀ ପକ୍ଷୀ ଏହି ଅଞ୍ଚଳର ବିଭିନ୍ନ ଗଛରେ ବସା ବାନ୍ଧି ଅଣ୍ଡା ଦେଇଛନ୍ତି। ଏହି ପକ୍ଷୀ ଜୁଲାଇ ଶେଷ ସମୟରେ ଆସିଥାନ୍ତି। ଜାନୁୟାରୀରେ ପକ୍ଷୀମାନେ ଏଠାରୁ ପଳାଇଯାନ୍ତି। ଏବେ ଶିକାରୀମାନେ ପକ୍ଷୀଙ୍କ ଉପରେ ଲୋଲୁପ ଦୃଷ୍ଟି ପକାଇଛନ୍ତି ଓ ଶିକାର କରିବାରେ ଲାଗିଛନ୍ତି। ଗାଁ ଲୋକ ପକ୍ଷୀଙ୍କୁ ସୁରକ୍ଷା ଦେଉଥିଲେ ମଧ୍ୟ ଶିକାରୀମାନେ ପକ୍ଷୀଙ୍କୁ ମାରିଚାଲିଛନ୍ତି। ବନ ବିଭାଗ ପକ୍ଷରୁ ଏ ଦିଗରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ନାହିଁ। ଦିନରେ ମାଈ ପକ୍ଷୀମାନେ ବାହାରକୁ ଖାଦ୍ୟ ଅନ୍ବେଷଣରେ ନିକଟସ୍ଥ ବ୍ରାହ୍ମଣୀ ଖରସ୍ରୋତା ନଦୀକୁ ଯାଇଥାନ୍ତି। ଠିକ୍‌ ୪ଟାବେଳେ ଫେରିଆସନ୍ତି। ସେମାନଙ୍କ ଛୁଆକୁ ଅଣ୍ଡିରା ପକ୍ଷୀ ଜଗିଥାଏ। ଏବେ ପକ୍ଷୀଙ୍କ ରାବରେ ସମଗ୍ର ଅଞ୍ଚଳ ପ୍ରକମ୍ପିତ ହେଉଛି। ତେବେ ବର୍ଷା ହେଲେ ଶାବକ ପକ୍ଷୀଙ୍କ ପରରେ ପାଣି ଲାଗିଗଲେ ସେମାନେ ତଳେ ପଡ଼ିଯାଉଛନ୍ତି। ଫଳରେ ବିଲେଇ ଓ ଅନ୍ୟାନ୍ୟ ଜନ୍ତୁଙ୍କ ଆହାର ପାଲଟୁଛନ୍ତି। ଏହିଭଳି ଏକ ଘଟଣା ତିନି ବର୍ଷ ତଳେ ମଧ୍ୟ ଘଟିଥିଲା। ଗୋଟିଏ ଶାବକ ପକ୍ଷୀ ବର୍ଷାରେ ଓଦା ହୋଇ ତଳେ ପଡ଼ି ଯାଇଥିଲା। ଉକ୍ତ ପକ୍ଷୀଟିକୁ ସାପଗଡ଼ିଆ ଗାଁର ବିଜୟ ବାରିକ ନାମକ ବ୍ୟକ୍ତି ଆଣି ଚିକିତ୍ସା କରି ଭଲ କରିଥିଲେ। ଏହାପରେ ଉକ୍ତ ପକ୍ଷୀଟି ସେଠାରୁ ଆଉ ଯାଉ ନ ଥିବା ଦେଖିବାକୁ ମିଳିଛି। ବିଜୟ ତାଙ୍କ ନାଁ କାଳିଆ ଦେଇଛନ୍ତି। ବିଜୟ କାଳିଆ ଡାକିଲେ ପକ୍ଷୀଟି ଯେଉଁଠି ଥିଲେ ବି ଉଡ଼ିଆସି ତାଙ୍କ କାନ୍ଧରେ ବସେ। ସେ ଗେଣ୍ଡା ଓ ଅନ୍ୟାନ୍ୟ ଖାଦ୍ୟ ଦେଲେ ସେ ଖାଇ ପୁଣି ଉଡ଼ିଯାଏ। ଏଥିପାଇଁ ବାରିକଙ୍କୁ ବନ ବିଭାଗ ତରଫରୁ ବିଜୁ ପଟ୍ଟନାୟକ ପୁରସ୍କାର ମିଳିଛି। ଏହି ପକ୍ଷୀଟି ଅନ୍ୟ ପକ୍ଷୀଙ୍କ ସହ ମିଶୁନାହିଁ। ସେ ଏକ ଗଛରେ ରହୁଛି। ଏହାକୁ ଦେଖିବା ପାଇଁ ଅନେକ ଲୋକ ସେଠାରେ ରୁଣ୍ଡ ହୁଅନ୍ତି ଓ କାଳିଆକୁ ଶ୍ରଦ୍ଧାରେ ଆଉଁସି ଦିଅନ୍ତି। ଯେତେବେଳେ ଖାଦ୍ୟ ନ ପାଏ, ସେ ଉଡ଼ିଆସି ବିଜୟଙ୍କ ଘରେ ଆସି ବସେ। ତାକୁ ଖାଦ୍ୟ ଦେଲାପରେ ସେ ଖାଇ ଉଡ଼ିଯାଏ। ତେବେ ଏହିଭଳି ଏଠାକୁ ଆସୁଥିବା ବିଦେଶୀ ପକ୍ଷୀଙ୍କ ସୁରକ୍ଷା ସମ୍ପର୍କରେ ଯାଜପୁର ରୋଡ଼ ବନ ବିଭାଗର ଦେବେନ୍ଦ୍ର ପଟ୍ଟନାୟକଙ୍କୁ ପଚାରିବାରୁ, ଏଠାରେ ଅନେକ ବିଦେଶୀ ପକ୍ଷୀ ଆସି ରହିଥିବା ଜଣାପଡ଼ିଛି। ସେମାନଙ୍କୁ ସୁରକ୍ଷା ଦେବା ପାଇଁ ଷ୍ଟାଫ୍‌ ମୁତୟନ କରାଯିବ। ପକ୍ଷୀ ଶିକାରୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଆଶ୍ଚର୍ଯ୍ୟର ବିଷୟ ଯେ, ଯାଜପୁରରୋଡ଼ରେ ବହୁ ବଡ଼ ବଡ଼ ଗଛ ଥିଲେ ମଧ୍ୟ ଏହି ପକ୍ଷୀମାନେ ସେଠାରେ ନ ରହି କେବଳ ସାପଗଡ଼ିଆରେ ରହୁଛନ୍ତି। ଗ୍ରାମବାସୀମାନେ ପକ୍ଷୀପ୍ରେମୀ ହେଇଥିବାରୁ ସେମାନଙ୍କୁ ସୁରକ୍ଷା ଦେଉଛନ୍ତି। ପକ୍ଷୀଗୁଡ଼ିକ ଏଠାକୁ ଆସିବା ଦ୍ୱାରା ତାଙ୍କ ଗ୍ରାମର ମଙ୍ଗଳ ହେଉଛି ବୋଲି ଗ୍ରାମବାସୀଙ୍କ ବିଶ୍ୱାସ ରହିଛି।


All Right Reserved By Dharitri.Com

ବର୍ଷାଜଳ ନିଷ୍କାସନ ପାଇଁ ରାସ୍ତା ଅବରୋଧ: ଜିଲାପାଳଙ୍କ ପ୍ରତିଶ୍ରୁତି ପରେ ହଟିଲା ଅବରୋଧ

ବିଞ୍ଝାରପୁର, ୧୪|୮(ଡି.ଏନ୍‌.ଏ.)- ବିଞ୍ଝାରପୁର ବ୍ଲକ ଅନ୍ତର୍ଗତ କପିଳା- ପରବଦା ଅଞ୍ଚଳରେ ଚାଷ ଜମିରୁ ଜଳ ନିଷ୍କାସିତ ହୋଇପାରୁ ନାହଁି। ଫଳରେ ଶହଶହ ହେକ୍ଟର ଚାଷଜମିରୁ ଧାନ...

ମୋ ପୋଖରୀ ଯୋଜନାକୁ ଚାହିଁ ବସିଛନ୍ତି ହିତାଧିକାରୀ

ଭଞ୍ଜନଗର,୬।୧୦(ଡି.ଏନ.ଏ.)-ରାଜ୍ୟରେ ମାଛର ବେଶ୍‌ ଚାହିଦା ରହିଛି। ମାତ୍ର ଯେତିକି ମାଛ ଦୌନନ୍ଦିନ ରାଜ୍ୟରେ ଆବଶ୍ୟକ, ତାଠାରୁ କମ୍‌ ଉତ୍ପାଦନ ହେଉଛି। ତେଣୁ ପଡ଼ୋଶୀ ଆନ୍ଧ୍ର ଉପରେ...

ଛାତ୍ରୀଙ୍କୁ ମାଡ଼, ଗାଳିଗୁଲଜ ଅଭିଯୋଗ: ଶିକ୍ଷୟିତ୍ରୀଙ୍କ ବଦଳି ଦାବିରେ ଧାରଣା

ରାଇକିଆ,୫ା୧୧(ଡି.ଏନ୍‌.ଏ.)-ବିଦ୍ୟାଳୟରେ ମାଡ଼ ମରାଯିବା ସହ ଗାଳିଗୁଲଜ କରାଯାଇଥିବା ପ୍ରତିବାଦରେ ସୋମବାର କନ୍ଧମାଳ ଜିଲା ରାଇକିଆ କସ୍ତୁରବା ଗାନ୍ଧୀ ବାଳିକା ବିଦ୍ୟାଳୟର ଛାତ୍ରୀମାନେ ଧାରଣାରେ ବସିଥିଲେ ା...

କଣ୍ଟେନମେଣ୍ଟ ଜୋନ୍‌ରେ ମାସ୍କ ବଣ୍ଟନ ସହ ରୋଗୀଙ୍କ ଲାଗି ସ୍ବତନ୍ତ୍ର ଯାନ ବ୍ୟବସ୍ଥା

ଭଣ୍ଡାରିପୋଖରୀ, ୨୮।୪ (ଡି.ଏନ.ଏ.)-ଭଣ୍ଡାରିପୋଖରୀ ବ୍ଲକର ଦୁଇ କରୋନା ସଂକ୍ରମିତ ବ୍ୟକ୍ତିଙ୍କ ପାଇଁ କଣ୍ଟେନମେଣ୍ଟ ଜୋନ ଘୋଷଣା ହୋଇଥିବା ରହଣିଆ ଓ ତେସିଙ୍ଗା ପଞ୍ଚାୟତକୁ ବିଧାୟକ ପ୍ରଫୁଲ...

୧୩ ବସ୍ତା ଗୁଟ୍‌ଖା ଜବତ, ୫ ଗିରଫ

ଗୋପାଳପୁର,୨୨ା୪- ଗୁଟ୍‌ଖା ଚାଲାଣ ବେଳେ ଗୋଳନ୍ଥରା ପୋଲିସ ସୋମବାର ଚଢାଉ କରି ୧୩ ବସ୍ତା ଗୁଟ୍‌ଖା ଜବତ କରିବା ସହ ୫ଜଣଙ୍କୁ ଗିରଫ କରିଛି। ସେମାନେ...

ଉଦଳା ନିର୍ବାଚନମଣ୍ଡଳୀରେ ବିଜେଡି ଆଗୁଆ

ବାରିପଦା ଅଫିସ,୨୩ା୫: ମୟୂରଭଞ୍ଜ ଜିଲା ଉଦଳା ନିର୍ବାଚନମଣ୍ଡଳୀରେ ବିଜେଡି ଆଗୁଆ ରହିଛି। ବିଜେଡିର ଶ୍ରୀନାଥ ସୋରେନ ୨୭୮୪ ଖଣ୍ଡ ଭୋଟରେ ଆଗୁଆ ଥିବାବେଳେ ଭାଜପାର ଭାସ୍କର...

ଆମ୍ବୁଲାନ୍ସରେ ଗଞ୍ଜେଇ ଚାଲାଣ, ମାଲିକ ଗିରଫ

ଫୁଲବାଣୀ ଅଫିସ/ଫିରିଙ୍ଗିଆ,୨୬ା୧- କନ୍ଧମାଳ ଜିଲାରେ ଗଞ୍ଜେଇ ଚୋରା ଚାଲାଣ କାରବାର ବେଧଡକ ଚାଲିଛି। ପୋଲିସକୁ ଚକ୍‌ମା ଦେଖାଇବାକୁ ଚାଲାଣକାରୀମାନେ ବିଭିନ୍ନ ପନ୍ଥା ଅବଲମ୍ବନ କରୁଛନ୍ତି। ଗଞ୍ଜେଇ...

କରୋନା ମୁକାବିଲା: ଆଜି ପ୍ରଧାନମନ୍ତ୍ରୀଙ୍କ ସହ କଥା ହେବେ ନବୀନ

ଭୁବନେଶ୍ୱର,୧୧ା୪(ବ୍ୟୁରୋ): କରୋନା ମୁକାବିଲା ନେଇ ଆଗକୁ କିପରି ରଣନୀତି କରାଯିବ, ସେ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶନିବାର ବିଭିନ୍ନ ରାଜ୍ୟର ମୁଖ୍ୟମନ୍ତ୍ରୀମାନଙ୍କ ସହ କଥାବାର୍ତ୍ତା...

Leave a comment

Your email address will not be published. Required fields are marked *