Posted inUncategorized

ତାଳଚେର ସାର କାରଖାନାରୁ ଉତ୍ପାଦନ ହେବ ୟୁରିଆ, ଆମୋନିଆ

ନୂଆଦିଲ୍ଲୀ,୧୮-୯: ଅନୁଗୋଳ ଜିଲାର ତାଳଚେରସ୍ଥିତ ସାର କାରଖାନାରୁ ୟୁରିଆ ଏବଂ ଆମୋନିଆ ଉତ୍ପାଦନ ଲାଗି କୋଲ୍‌ ଗ୍ୟାସିଫିକେଶନ(କୋଇଲା ବାଷ୍ପୀକରଣ) ୟୁନିଟ ସ୍ଥାପନ ଲାଗି ଅଂଶୀଦାରଙ୍କ ମଧ୍ୟରେ ମଙ୍ଗଳବାର ଚୁକ୍ତି ସ୍ବାକ୍ଷରିତ ହୋଇଛି। ୧୩,୨୭୭ କୋଟି ଟଙ୍କା ନିବେଶରେ ଏହି ୟୁନିଟ ଗ୍ୟାସ୍‌ ଅଥରିଟି ଇଣ୍ଡିଆ ଲିମିଟେଡ୍‌(ଗେଲ୍‌), ଆର୍‌ସିଏଫ୍‌, କୋଲ ଇଣ୍ଡିଆ ଲିମିଟେଡ (ସିଆଇଏଲ୍‌) ଏବଂ ଏଫ୍‌ସିଆଇଏଲ୍‌ ଭଳି କମ୍ପାନୀ ଦ୍ୱାରା ମିଳିତ ଭାବେ ସ୍ଥାପନ କରାଯିବ। ପ୍ଲାଣ୍ଟ କାର୍ଯ୍ୟକ୍ଷମ ହେଲେ ବାର୍ଷିକ ୧.୨୭ ନିୟୁତ ମେଟ୍ରିକ ଟନ୍‌ ୟୁରିଆ ଏବଂ ୦.୭୩ ନିୟୁତ ମେଟ୍ରିକ ଟନ୍‌ ଆମୋନିଆ ଉତ୍ପାଦିତ ହେବ। ପ୍ଲାଣ୍ଟ ଲାଗି କୋଲ୍‌ ଗ୍ୟାସିଫିକେଶନ ଟେକ୍ନୋଲୋଜି ଉହାନ ଇଞ୍ଜିନିୟରିଂ କମ୍ପାନୀ ଲିମିଟେଡ ପ୍ରଦାନ କରିବ ବୋଲି ଜଣାପଡିଛି।
କାର୍ଯ୍ୟକ୍ରମରେ ଅତିଥି ଭାବେ ଯୋଗ ଦେଇ ପେଟ୍ରୋଲିୟମ ତଥା ପ୍ରାକୃତିକ ବାଷ୍ପ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି ଯେ, ତାଳଚେର ସାର କାରଖାନା ନୂଆ ଜ୍ଞାନକୌଶଳ ଆଧାରରେ ଆମୋନିଆ ଏବଂ ୟୁରିଆ ପ୍ରସ୍ତୁତ କରିବାକୁ ସକ୍ଷମ ହେବ। ଦେଶର ବିକାଶ ଧାରାରେ ଏହା ଏକ ନୂତନ ଅଧ୍ୟାୟ ଯୋଡିବ। ଶିଳ୍ପ ୟୁନିଟଗୁଡିକରେ ଅଙ୍ଗାରକାମ୍ଳ ବାଷ୍ପ କମାଇବା ଦିଗରେ ଭାରତ ଏହାର ପ୍ରତିବଦ୍ଧତା ଦେଖାଇବା ସହ କୋଲ୍‌ ଗ୍ୟାସିଫିକେଶନ ଟେକ୍ନୋଲୋଜି ଦ୍ୱାରା ଏହି ଦିଗରେ ଅଗ୍ରସର ହେଉଛି।
ଅନେକ ଦିନରୁ ବନ୍ଦ ପଡିଥିବା ଏହି ୟୁନିଟକୁ ପୁନରୁଦ୍ଧାର ଲାଗି ସରକାର ନିଷ୍ପତ୍ତି ନେଇଥିବା ସେ ପ୍ରକାଶ କରିଛନ୍ତି। ପୂର୍ବାଞ୍ଚଳ ଗ୍ୟାସ୍‌ ଗ୍ରୀଡ ଲାଗି ପ୍ରଧାନମନ୍ତ୍ରୀ ଉର୍ଜା ଗଙ୍ଗା ପ୍ରକଳ୍ପ କାର୍ଯ୍ୟ ତ୍ୱରାନ୍ବିତ କରାଯାଇଛି। ଗୋରଖପୁର ଏବଂ ବରୌଣୀକୁ ଏଥିରେ ଯୋଡାଯାଇଥିବା ବେଳେ ସିନ୍ଧରୀକୁ ଶୀଘ୍ର ଏହା ଛୁଇଁବ। ସାର ଉତ୍ପାଦନ ପାଇଁ ଉଭୟ କୋଇଲା ଏବଂ ପେଟ୍‌କୋକ ଜାଳେଣୀ ଭାବେ ବ୍ୟବହାର କରାଯିବ। ତାଳଚେର ଅଞ୍ଚଳର ଉତ୍ତର ଅର୍ଖପାଳ ଖଣିର ଉତ୍ତର ଭାଗରୁ ଏହି ୟୁନିଟ୍‌ ଲାଗି କୋଇଲା ବ୍ୟବହାର କରାଯିବ। ଏହାକୁ ଟିଏଫ୍‌ଏଲ୍‌କୁ ପ୍ରଦାନ କରାଯାଇଥିବାବେଳେ କ୍ୟାଫ୍ଟିଭ ଖଣିର ବିକାଶ ଲାଗି କାର୍ଯ୍ୟକ୍ରମ ଜାରି ରହିଛି।
ଧର୍ମେନ୍ଦ୍ର କହିଛନ୍ତି ଯେ, ପାରାଦୀପ ରିଫାଇନେରୀରୁ ପେଟ୍‌କୋକ ଅଣାଯାଇ ଏଠାରେ ବ୍ୟବହାର ହେବ। ପରିବେଶ ଉପଯୋଗୀ ଢଙ୍ଗରେ ସ୍ଥାନୀୟ ଅଞ୍ଚଳର କୋଇଲାକୁ ବ୍ୟବହାର କରିବା ଦିଗରେ ଏହା ସହାୟକ ହେବ। ଉକ୍ତ ଟେକ୍ନୋଲୋଜିର ସଫଳତା ଦ୍ୱାରା ସିନ୍‌ଗ୍ୟାସ, ଡିଜେଲ, ମିଥାନଲ, ପେଟ୍ରୋକେମିକାଲ ଉତ୍ପାଦନ ଲାଗି କୋଇଲାର ବ୍ୟବହାର ବୃଦ୍ଧି ଘଟିବ। କ୍ଲିନ ଟେକ୍ନୋଲୋଜି ଦ୍ୱାରା କୋଇଲା ବ୍ୟବହାର ଫଳରେ ଦୈନିକ ୨.୩୮ ମିଲିୟନ ଷ୍ଟାଣ୍ଡାର୍ଡ କ୍ୟୁବିକ୍‌ ଫିଟ୍‌ ପ୍ରାକୃତିକ ବାଷ୍ପ ଉତ୍ପାଦନ ହେବ। ଏଲ୍‌ଏନ୍‌ଜି ଆମଦାନୀ ବିଲ୍‌ କମାଇବା ଦିଗରେ ଏଭଳି ପଦକ୍ଷେପ ସହାୟକ ହେବ ବୋଲି ସେ କହିଛନ୍ତି।
କାର୍ଯ୍ୟକ୍ରମରେ ରସାୟନ ଏବଂ ସାର ମନ୍ତ୍ରୀ ଡି.ଭି. ସଦାନନ୍ଦ ଗୌଡା କହିଛନ୍ତି, ଦେଶର ଖାଦ୍ୟ ଆବଶ୍ୟକତା ପୂରଣ ଲାଗି ୟୁରିଆର ଭୂମିକା ଗୁରୁତ୍ୱପୂର୍ଣ୍ଣ। ପ୍ରତିବର୍ଷ ୫୦ରୁ ୭୦ ଲକ୍ଷ ଟନ୍‌ ୟୁରିଆ ଆମଦାନୀ କରାଯାଉଛି। ଦେଶ ମଧ୍ୟରେ ଉତ୍ପାଦିତ ୟୁରିଆ ବ୍ୟବହାରକୁ ସରକାର ପ୍ରାଥମିକତା ଦେଉଛନ୍ତି। ଏବେ ଦେଶରେ ପ୍ରାକୃତିକ ବାଷ୍ପ ଏବଂ ଆମଦାନୀ ହେଉଥିବା ଏଲ୍‌ଏନ୍‌ଜି ବ୍ୟବହାର ଦ୍ୱାରା ୟୁରିଆ ପ୍ରସ୍ତୁତ ହେଉଛି। ଏଲ୍‌ଏନ୍‌ଜି ଆମଦାନୀ ଲାଗି ସରକାର ପ୍ରତିବର୍ଷ ବହୁ ପରିମାଣର ବିଦେଶୀ ମୁଦ୍ରା ଖର୍ଚ୍ଚ କରୁଛନ୍ତି। ଏହାକୁ ଧ୍ୟାନରେ ରଖି ସାର ଉତ୍ପାଦନ ଲାଗି ଅନ୍ୟାନ୍ୟ କଞ୍ଚାମାଲ ବ୍ୟବହାରକୁ ସରକାର ଗୁରୁତ୍ୱ ଦେଉଛନ୍ତି।
ସେ କହିଛନ୍ତି ଯେ, ତାଳଚେରସ୍ଥିତ ସାର କାରଖାନା ଏହି ଦିଗରେ ନିଜର ଯୋଗଦାନ ରଖିବ। ୟୁରିଆ ଉତ୍ପାଦନ କ୍ଷେତ୍ରରେ ଏହା ଭାରତର ଆତ୍ମନିର୍ଭରଶୀଳତା ବଢାଇବ। ଏହାବାଦ ଓଡ଼ିଶାରେ କୃଷି ଅଭିବୃଦ୍ଧି ତ୍ୱରାନ୍ବିତ କରିବା ସହ ପ୍ରତ୍ୟକ୍ଷ ତଥା ପରୋକ୍ଷ ଭାବେ ୪,୫୦୦ ନିଯୁକ୍ତି ସୁଯୋଗ ସୃଷ୍ଟି କରିବ ବୋଲି ଗୌଡା ସ୍ପଷ୍ଟ କରିଛନ୍ତି। ଏହି ଅବସରରେ ରାଷ୍ଟ୍ରାୟତ୍ତ କମ୍ପାନୀ ମୁଖ୍ୟମାନେ ଉପସ୍ଥିତ ଥିଲେ।


All Right Reserved By Dharitri.Com

Posted inUncategorized View All

ହେଲିକେପ୍ଟରରେ ୟଦୁରୁପ୍ପା ଯାଉଥିବା ବେଳେ ଇସିଙ୍କ ଚଢ଼ାଉ

ଶିଭମ୍‌ଗଗା,୧୬।୪: ଲୋକ ସଭା ନିର୍ବାଚନ ପାଇଁ ନିର୍ବାଚନ କମିଶନ ସବୁ ସ୍ଥାନରେ ଅଚାନକ ଚଢ଼ାଉ କରି କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରୁଛି। ଏହି କ୍ରମରେ ମଙ୍ଗଳବାର...

ଏଫ୍‌ଆଇଏଚ୍‌ ସିରିଜ ଫାଇନାଲ୍ସ:ଦକ୍ଷିଣ ଆଫ୍ରିକା ୬-୦ରେ ବିଜୟୀ

ଭୁବନେଶ୍ୱର, ୧୧।୬(କ୍ରୀଡ଼ା ପ୍ରତିନିଧି)-କଳିଙ୍ଗ ଷ୍ଟାଡିୟମରେ ଚାଲିଥିବା ଏଫଆଇଏଚ୍‌୍‌ ସିରିଜ ଫାଇନାଲ୍ସ ହକି ଟୁର୍ନାମେଣ୍ଟର ସୋମବାର ଅନୁଷ୍ଠିତ ପୁଲ ‘ବି’ ଶେଷ ଲିଗ୍‌ ମ୍ୟାଚରେ ଦକ୍ଷିଣ ଆଫ୍ରିକା...

ସ୍ବାସ୍ଥ୍ୟ ବିଭାଗର ବିଭିନ୍ନ କାର୍ଯ୍ୟକ୍ରମ ଉଦ୍‌ଘାଟିତ

ଫୁଲବାଣୀ ଅଫିସ,୧୬ା୧୨-କନ୍ଧମାଳ ଜିଲା ମୁଖ୍ୟ ଚିକିତ୍ସାଳୟରେ ରବିବାର ଏମ୍‌ପି ଡା. ଅଚ୍ୟୁତ ସାମନ୍ତଙ୍କ ଦ୍ୱାରା ବିଭିନ୍ନ ଉଦ୍‌ଘାଟନ ଏବଂ ଲୋକାର୍ପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ା...

ସ୍ବାଧୀନତା ଦିବସ ପାଳିତ

ବରଗଡ ଅଫିସ,୧୫।୮: ବରଗଡ କେଶବ ନଗରସ୍ଥିତ ସରସ୍ବତୀ ଶିଶୁ ବିଦ୍ୟା ମନ୍ଦିରରେ ଗୁରୁବାର ସ୍ବାଧୀନତା ଦିବସ ପାଳିତ ହୋଇଯାଇଛି। ଉକ୍ତ ସମାରୋହରେ ଶିକ୍ଷାବିତ୍‌ ରୁକ୍ମଣ ମହାପାତ୍ର...

ଡ୍ରାଗନ୍‌ର ନୂଆ ଯୋଜନା: ନେପାଳ ସ୍କୁଲରେ ଚାଇନା ଭାଷା ବାଧ୍ୟତାମୂଳକ

କାଠମାଣ୍ଡୁ,୧୫।୬: ନେପାଳରେ ନିଜର ପତିଆରା ବୃଦ୍ଧି ପାଇଁ ଚାଇନା ନୂଆ ଯୋଜନା କରିଛି। ଏହି ଯୋଜନା ଅନ୍ତର୍ଗତ ନେପାଳ ସ୍କୁଲରେ ଚାଇନା ଭାଷାକୁ ବାଧ୍ୟତାମୂଳକ କରାଯାଇଛି।...

ସୁନିଲ ଆରୋରା ବିଶ୍ୱ ନିର୍ବାଚନ ସଂସ୍ଥା ସଂଘର ଅଧ୍ୟକ୍ଷ

ନୂଆଦିଲ୍ଲୀ, ୪-୯: ମୁଖ୍ୟ ନିର୍ବାଚନ କମିଶନର ସୁନିଲ ଆରୋରା ମଙ୍ଗଳବାର ବିଶ୍ୱ ନିର୍ବାଚନ ସଂସ୍ଥା ସଂଘର ଅଧ୍ୟକ୍ଷ ଭାବେ ଦାୟିତ୍ୱ ଗ୍ରହଣ କରିଛନ୍ତି। ସେ ୨୦୨୧...

ସିଲ୍‌ଜୋରା, କାଳିମାଟି ଖଣି ହାତେଇଲେ ଓଡ଼ିଆ ଖଣି ବ୍ୟବସାୟୀ

ଭୁବନେଶ୍ୱର,୧୪।୨(ବ୍ୟୁରୋ): କେନ୍ଦୁଝର ଜିଲା ଅନ୍ତର୍ଗତ ସିଲ୍‌ଜୋରା ଏବଂ କାଳିମାଟି ଲୁହାପଥର ଏବଂ ମାଙ୍ଗାନିଜ୍‌ ଖଣିକୁ ଓଡ଼ିଆ ଖଣି ବ୍ୟବସାୟୀ ଦେବବ୍ରତ ବେହେରା ହାତେଇଛନ୍ତି। ଗୁରୁବାର ଚାଲିଥିବା...

Leave a comment

Your email address will not be published. Required fields are marked *