ଡ୍ରଗ୍ସ ଡିଲର ଏସ୍‌.କେ. ରାଜା ଗିରଫ:ଜଳପଥରେ ଆଣୁଥିଲେ ନିଶା

ଭୁବନେଶ୍ୱର,୧୭-୯(ବ୍ୟୁରୋ):ବ୍ରାଉନ୍‌ସୁଗାର ଚୋରା କାରବାରର କିଙ୍ଗପିନ୍‌ ତଥା ଓଡ଼ିଶା ପୋଲିସ୍‌ର ମୋଷ୍ଟ ଓ୍ବାଣ୍ଟେଡ୍‌ ଡ୍ରଗ୍ସ ଡିଲର ଏସ୍‌.କେ. ରାଜା(୨୯)ଙ୍କୁ ଏସ୍‌ଟିଏଫ୍‌ ଖୋର୍ଦ୍ଧାରୁ ଗିରଫ କରିଛି। ସେ ଏଜେଣ୍ଟ ଓ ଖୁଚୁରା ବେପାରୀଙ୍କୁ ବ୍ରାଉନସୁଗାର ଦେବାକୁ ଅପେକ୍ଷା କରିଥିବାବେଳେ ଧରାପଡ଼ିଥିଲେ। ତାଙ୍କଠାରୁ ୧୩୦ ଗ୍ରାମର ବ୍ରାଉନସୁଗାର, ଗୋଟିଏ ବନ୍ଧୁକ, ଗୁଳି, ୧ ଲକ୍ଷ ଟଙ୍କା, ଗୋଟିଏ କାର ଓ ୬ ମୋବାଇଲ୍‌ ଫୋନ୍‌ ମିଳିଛି। ଦଫା ୨୫/୨୭ ଆର୍ମସ ଆକ୍ଟ ସହ ଏନ୍‌ଡିପିଏସ୍‌ରେ ମାମଲା (ନଂ.୧୨/୧୯) ରୁଜୁ କରି କୋର୍ଟ ଚାଲାଣ କରିଛି ଏସ୍‌ଟିଏଫ୍‌। ତେବେ ପଚରାଉଚରାବେଳେ ପୋଲିସକୁ ବହୁ ତଥ୍ୟ ମିଳିଛି। ସେ ବାଂଲାଦେଶ ଓ କୋଲ୍‌କାତାରୁ ବୋଟରେ ବେଆଇନ ଭାବେ ବ୍ରାଉନସୁଗାର ସହ ଅନ୍ୟ ନିଶାଦ୍ରବ୍ୟ ଓଡ଼ିଶାକୁ ଆଣୁଥିଲେ। ଜଳପଥକୁ ସୁରକ୍ଷିତ ମାଧ୍ୟମ କରିବା ସହ ସେ ସାମ୍ରାଜ୍ୟ ବଢ଼ାଇ ଚାଲିଥିଲେ। ସମୁଦ୍ର ଦେଇ ଉପକୂଳରେ ପହଞ୍ଚତ୍ବା ପରେ ବିଭିନ୍ନ ନଦୀ ଦେଇ ପ୍ରମୁଖ ସ୍ଥାନକୁ ନେଉଥିଲେ। ବିଶେଷକରି ବାଲେଶ୍ୱର ଓ ଖୋର୍ଦ୍ଧାକୁ ଆଡ୍ଡାସ୍ଥଳ କରି ହୋଲ୍‌ସେଲିଂ କରୁଥିଲେ। ସେଠାରୁ ସ୍ବତନ୍ତ୍ର ଏଜେଣ୍ଟଙ୍କ ଜରିଆରେ ରାଜ୍ୟର ବିଭିନ୍ନ ଜିଲା ଓ ଅନ୍ୟ ରାଜ୍ୟକୁ ଚୋରା ଚାଲାଣ କରୁଥିଲେ। ଓଡ଼ିଶା ସମେତ ପଶ୍ଚିମବଙ୍ଗ, ଗୋଆ, ରାଜସ୍ଥାନ ଏବଂ ନେପାଳରେ ରାଜା ବ୍ରାଉନସୁଗାର ଡିଲରଭାବେ କାର୍ଯ୍ୟ କରୁଥିଲେ। ରାଜାଙ୍କ ଏହି ନିଶା ସାମ୍ରାଜ୍ୟର ଖୋଳତାଡ଼ ପାଇଁ ତାଙ୍କୁ ରିମାଣ୍ଡରେ ଆଣିବାକୁ ଏସ୍‌ଟିଏଫ୍‌ ଯୋଜନା କରୁଥିବା ଜଣାପଡ଼ିଛି।

ମତ୍ସ୍ୟଜୀବୀ ବେଶରେ ମାଛଧରା ବୋଟରେ ଯିବାଆସିବା କରୁଥିଲେ
ରାଜା ନିଜେ ବ୍ରାଉନ୍‌ସୁଗାର ଆଣିବା ପାଇଁ ବାଂଲାଦେଶ ଯାଉଥିଲେ। ତାଙ୍କ ସହ କେତେଜଣ ସହଯୋଗୀ ଯାଉଥିଲେ। ମାଛଧରା ବୋଟ ମାଧ୍ୟମରେ ଯିବାଆସିବା କରୁଥିଲେ। କୋଷ୍ଟଗାର୍ଡ କିମ୍ବା ପୋଲିସ ହାବୁଡ଼ରେ ପଡିଲେ ସେ ମତ୍ସ୍ୟଜୀବୀ ପରିଚୟ ଦେଉଥିଲେ। ଏଥିରେ ସହଯୋଗ କରୁଥିଲେ ନିର୍ଦ୍ଦିଷ୍ଟ କିଛି ମତ୍ସ୍ୟଜୀବୀ ଗୋଷ୍ଠୀ। ବିଶେଷକରି ମତ୍ସ୍ୟଜୀବୀ କୁହାଯାଉଥିବା ନୋଳିଆମାନେ ହିଁ ଏଥିପାଇଁ ତାଙ୍କଠାରୁ ମୋଟାଅଙ୍କର ଅର୍ଥ ନେଉଥିଲେ। ନିକଟରେ ବାଲେଶ୍ୱରରେ ଏକ ମାଛ ବୋଝେଇ ବୋଟ୍‌ ଉପରେ ପୋଲିସ ଚଢ଼ାଉ କରିଥିଲା। ଯାଞ୍ଚ ପରେ ମାଛ ପେଟରୁ ବ୍ରାଉନ ସୁଗାର ବାହାରିଥିଲା। ଏହି ର଼୍ୟାକେଟ ପଛରେ ରାଜା ହିଁ ମାଷ୍ଟରମାଇଣ୍ଡ୍‌ ବୋଲି ଜଣାପଡିଥିଲା। ବାଲେଶ୍ୱର ପୋଲିସ ରାଜାକୁ ଧରିବା ପାଇଁ ଚେଷ୍ଟା କରିଥିଲେ ମଧ୍ୟ ସେ ବିଭିନ୍ନ ସମୟରେ ବେଶ ବଦଳାଇ ଫେରାର ହେବାରେ ସକ୍ଷମ ହେଉଥିଲେ। ତେଣୁ ରାଜା ବାଲେଶ୍ୱର ପୋଲିସ ପାଇଁ ମୋଷ୍ଟ ଓ୍ବାଣ୍ଟେଡ ଥିଲେ। ସେହିଭଳି ମାସକ ତଳେ ରାଜାଙ୍କ ସହଯୋଗୀ ଏସ୍‌.କେ. ଆଜବାହର, ଏସ୍‌.କେ. ଆଜାଦ ଓ ରମାକାନ୍ତ ସାହୁ ଗିରଫ ହୋଇଥିଲେ। ସେହିଭଳି ଜେଲ୍‌ରେ ଥିବା ଖୋର୍ଦ୍ଧାର ବ୍ରାଉନ୍‌ସୁଗାର ବେପାରୀ ଛୋଟା ଓ ସହଯୋଗୀଙ୍କଠାରୁ ରାଜାଙ୍କ ସମ୍ପର୍କରେ ଏସ୍‌ଟିଏଫ୍‌ ସୂଚନା ପାଇବା ପରେ ଧରିବାକୁ ଯୋଜନା ହୋଇଥିଲା। ଗତ କିଛିଦିନ ତଳେ ମାଛ ପେଟରେ ବ୍ରାଉନସୁଗାର ଭର୍ତ୍ତି କରାଯାଇ ବାଂଲାଦେଶରୁ ବୋଟରେ ଓଡ଼ିଶା ଆସୁଥିବାବେଳେ ବାଲେଶ୍ୱର ପୋଲିସ ଜବତ କରିଥିଲା। ଏହି ଘଟଣାରେ ରାଜା ମୁଖ୍ୟ କାର୍ପଟଦାର ଥିବା ଜଣାପଡିଥିଲା।

ହିରୋ ନିଶାରେ ଟିକ୍‌ଟକ୍‌ ଭିଡିଓ କରିଥିଲେ
ରାଜା କେବଳ ନିଜର କଳା ସାମ୍ରାଜ୍ୟରେ ବୁଡି ରହି ନ ଥିଲେ। ସେ ଓ ତାଙ୍କ ସହଯୋଗୀ ଏହି ଟଙ୍କାରେ ମଉଜମସ୍ତି କରୁଥିଲେ। ଏପରିକି ରାଜା ମୋବାଇଲ୍‌ରେ ଟିକ୍‌ଟକ୍‌ ଭିଡିଓ କରି ମଜା ଉଠାଉଥିଲେ। ସେ ଗିରଫ ହେବା ପରେ ପୋଲିସ ତାଙ୍କ ଟିକ୍‌ଟକ୍‌ ଭିଡିଓକୁ ଜବତ କରି ତଦନ୍ତ କରୁଛି। ରାଜା ହିରୋ ହେବା ନିଶାରେ ଏଭଳି ଏକାଧିକ ଟିକ୍‌ଟକ୍‌ ଭିଡିଓ କରିଥିବା ଏସ୍‌ଟିଏଫ୍‌କୁ ସୂଚନା ମିଳିଛି।

୭ ଦିନ ରିମାଣ୍ଡରେ ଆଣିବାକୁ ଯୋଜନା
ରାଜାଙ୍କ ବ୍ରାଉନସୁଗାର କାରବାରର ଆନ୍ତଃଦେଶୀୟ ସାମ୍ରାଜ୍ୟର ପୂରା ଖୁଲାସା କରିବା ସହ ଏହାକୁ ଧ୍ୱଂସ କରିବାକୁ ଏସ୍‌ଟିଏଫ୍‌ ତାଙ୍କୁ ୭ଦିନ ରିମାଣ୍ଡରେ ଆଣିବା ପାଇଁ କୋର୍ଟରେ ଆବେଦନ କରିବ। ଅନୁମତି ମିଳିବା ପରେ ତାଙ୍କୁ ପଚରାଉଚରା କରାଯିବ। ତାଙ୍କ ବୟାନ ଆଧାରରେ ସ୍ବତନ୍ତ୍ର ଅପରେଶନ ଆରମ୍ଭ ହେବ ବୋଲି ଏସ୍‌ଟିଏଫ୍‌ ଏସ୍‌ପି ରାହୁଲ ପିଆର କହିଛନ୍ତି। ରାଜାଙ୍କ ସହ ଓଡ଼ିଶା ତଥା ବାହାରେ କେଉଁମାନେ ଲିଙ୍କରେ ରହିଛନ୍ତି, ତାହା ସ୍ପଷ୍ଟ ହେବ ବୋଲି ସେ କହିଛନ୍ତି।


All Right Reserved By Dharitri.Com

ସ୍ବର୍ଗଦ୍ୱାରରୁ ଜବରଦଖଲ ଉଚ୍ଛେଦ ଆରମ୍ଭ

ପୁରୀ ଅଫିସ, ୨୪।୨: ପୁରୀ ସ୍ବର୍ଗଦ୍ୱାରରୁ ଜବରଦଖଲ ଉଚ୍ଛେଦ କାର୍ଯ୍ୟ ଆରମ୍ଭ ହୋଇଛି। ସୋମବାର ପୂର୍ବାହ୍ନରେ ପୌରସଂସ୍ଥା ପକ୍ଷରୁ ଏହି ଉଚ୍ଛେଦ କରାଯାଉଛି। ସମୂଦ୍ର କୂଳ...

ଚିକିତ୍ସା ଅବହେଳାରୁ ଶିଶୁ ମୃତ୍ୟୁ ଘଟଣା : କିମ୍ସ ହସ୍ପିଟାଲ କର୍ତ୍ତୃପକ୍ଷ ୨.୫ ଲକ୍ଷ ଦେବାକୁ ଓଏଚ୍‌ଆର୍‌ସିଙ୍କ ନିର୍ଦ୍ଦେଶ

ଭୁବନେଶ୍ୱର,୨୭ା୯(ବ୍ୟୁରୋ) : ଚିକିତ୍ସାରେ ଗୁରୁତର ଅବହେଳା ଯୋଗୁ କିମ୍ସ ହସ୍ପିଟାଲରେ ଜଣେ ନବଜାତ ଶିଶୁପୁତ୍ରଙ୍କ ମୃତ୍ୟୁ ନେଇ ଅଭିଯୋଗ ହୋଇଥିଲା। ଏହି ଘଟଣାକୁ ନେଇ ମୃତକଙ୍କ...

ବର୍ଷା, ଚାଷୀ ଆତ୍ମହତ୍ୟା ନେଇ ଗୃହରେ ଉଦ୍‌ବେଗ

ଭୁବନେଶ୍ୱର,୨୦ା୭(ବ୍ୟୁରୋ): ଦକ୍ଷିଣ ପଶ୍ଚିମ ମୌସୁମୀ ବାୟୁ ଧୋକା ଦେଇଛି। ରାଜ୍ୟରେ ନିଅଣ୍ଟିଆ ବର୍ଷା। ଜୁନ ପହିଲାରୁ ଜୁଲାଇ ୧୯ ତାରିଖ ମଧ୍ୟରେ ରାଜ୍ୟରେ ୨୬ ପ୍ରତିଶତ...

ବ୍ୟାଙ୍କ କାରବାର ଠପ୍‌

ଭୁବନେଶ୍ୱର,୧।୨: ବେତନ ସଂଶୋଧନ ଦାବିରେ ବ୍ୟାଙ୍କ ସଂଘଗୁଡିକ ଦେଇଥିବା ୨ ଦିନିଆ ଧର୍ମଘଟ ଡାକରା ଯୋଗୁ ସାରା ଦେଶରେ ବ୍ୟାଙ୍କ କାରବାର ଠପ୍‌ ହୋଇଯାଇଛି। ୟୁନାଇଟେଡ...

ଉଚ୍ଛେଦ ନ ସରୁଣୁ ତରବରିଆ ନିର୍ମାଣ: ପୂର୍ତ୍ତ ବିଭାଗର କାର୍ଯ୍ୟକୁ ନେଇ ସନ୍ଦେହ

ପୁରୁଣା ଭୁବନେଶ୍ୱର,୨୭।୧୨(ଡି.ଏନ.ଏ.): ଏକାମ୍ର କ୍ଷେତ୍ରରେ ଶ୍ରୀଲିଙ୍ଗରାଜ ମନ୍ଦିର ଚତୁଃପାର୍ଶ୍ୱ ଉଚ୍ଛେଦ ଠିକ୍‌ ଭାବେ ସରିନାହିଁ। ଏଭଳିସ୍ଥଳେ ସମସ୍ତ ନୀତିନିୟମକୁ ଦଳିମକଚି ରାତିଅଧିଆ ପୂର୍ତ୍ତବିଭାଗ ନିର୍ମାଣ କାର୍ଯ୍ୟକୁ...

୪ ଜିଲାରେ ନିର୍ମାଣ ହେବ ସ୍ପୋଟର୍‌ସ କମ୍ପ୍ଲେକ୍ସ:  ଅଲିମ୍ପିକ୍‌, ହକି ଯୋଗ୍ୟତାପର୍ଯ୍ୟାୟ ଖେଳ ପାଇଁ ୩୧ ଲକ୍ଷ ଟଙ୍କାର ଟିକେଟ ବିକ୍ରି ହୋଇଛି

ଭୁବନେଶ୍ୱର, ୨୮।୬(ବ୍ୟୁରୋ): ରାଜ୍ୟର ୪ଟି ଜିଲାରେ କ୍ରୀଡ଼ାର ବିକାଶ ପାଇଁ ସ୍ପୋଟର୍‌ସ କମ୍ପ୍ଲେକ୍ସ ନିର୍ମାଣ ହେବ। ଏହି ଜିଲାଗୁଡ଼ିକ ହେଲା ବରଗଡ଼, ଢେଙ୍କାନାଳ, ଝାରସୁଗୁଡ଼ା ଏବଂ...

ଘର ପରିସରରେ ଶୌଚାଳୟ ଟାଙ୍କି ନିର୍ମାଣ ନିର୍ଦ୍ଦେଶ ଦେଲା ବିଏମ୍‌ସି : ପାଇଖାନା ମଇଳା ଡ୍ରେନକୁ ଛାଡ଼ିଲେ ଜରିମାନା

ଭୁବନେଶ୍ୱର, ୧୨।୭(ବ୍ୟୁରୋ) : ନିଜ ଘରୁ ବାହାରୁ ଥିବା ମଳଯୁକ୍ତ ମଇଳା ଓ ପଚା ମଇଳାକୁ କୌଣସି ଡ୍ରେନ କିମ୍ବା ନଦୀକୁ ପାଇପ ଯୋଗେ ଛାଡୁଥିଲେ...

ଦୁର୍ଘଟଣାରୁ ବର୍ତ୍ତିଲା ଏଲ୍‌ଟିଟି ଏକ୍ସପ୍ରେସ୍‌

ଢେଙ୍କାନାଳ ଅଫିସ, ୬।୩ – ଭାଗ୍ୟ ସହାୟ ହେଲା। ଦୁଇଖଣ୍ଡ ହୋଇଯାଇଥିବା ରେଳଧାରଣାକୁ କୌଣସି ମତେ ଅତିକ୍ରମ କରିଗଲା ଲୋକମାନ୍ୟ ତିଲକ (ଏଲ୍‌ଟିଟି) ସୁପରଫାଷ୍ଟ ଏକ୍ସପ୍ରେସ୍‌।...

Leave a comment

Your email address will not be published. Required fields are marked *