ଚାଉଳିଆଗଞ୍ଜ ପୂଜା କମିଟି : ଦଶମୀରେ ହୁଏ ଦହି ପଖାଳ

କଟକ ଅଫିସ,୧୬ା୯ : ଷୋଡ଼ଶ ଉପଚାରରେ ହୁଏ ଜନଗହଳି। କେବଳ ଗୋଟିଏ ଦିନ ନୁହେଁ, ସମ୍ପୂର୍ଣ୍ଣ ଷୋଡ଼ଶ ଉପଚାରରେ ଏଠାରେ ଜନଗହଳି ହୁଏ। ଚଳିତଥର ଷୋଡ଼ଶ ଉପଚାର ସମୟରେ ଶ୍ରଦ୍ଧାଳୁଙ୍କ ନିମନ୍ତେ ସ୍ବତନ୍ତ୍ର ବ୍ୟବସ୍ଥା କରାଯିବ। କମିଟି ପକ୍ଷରୁ ଭାଇଚାରାକୁ ପ୍ରାଧାନ୍ୟ ଦିଆଯାଇଥାଏ। ଏଥିପାଇଁ ଦଶମୀରେ ୧୦ ହଜାରରୁ ଊର୍ଦ୍ଧ୍ୱ ଲୋକଙ୍କ ପାଇଁ ଦହିପଖାଳ ବ୍ୟବସ୍ଥା କରାଯିବ ବୋଲି କମିଟି ପକ୍ଷରୁ କୁହାଯାଇଛି।

ଉତ୍ତମ ସାଜସଜ୍ଜାଠାରୁ ଆରମ୍ଭ କରି ଶୃଙ୍ଖଳିତ ପୂଜା ନିମନ୍ତେ କଟକର ବିଭିନ୍ନ ପୂଜା କମିଟିକୁ ଜିଲା ପ୍ରଶାସନ ପକ୍ଷରୁ ସମ୍ମାନିତ କରାଯାଇଥାଏ। କିଛିବର୍ଷ ହେବ ବିଭିନ୍ନ ବର୍ଗରେ ଚାଉଳିଆଗଞ୍ଜ ପୂଜା କମିଟି ଏଭଳି ସମ୍ମାନିତ ହୋଇଆସୁଛି। ୧୯୯୯ରେ ଏହି ପୂଜା କମିଟି ଚାନ୍ଦିମେଢ଼ ନିର୍ମାଣ କରି ଚର୍ଚ୍ଚାରେ ରହିଥିଲା। ପୂର୍ବତନ ସମ୍ପାଦକ ରାମଚନ୍ଦ୍ର ପୃଷ୍ଟିଙ୍କ ଉଦ୍ୟମରେ ୫ କୁଇଣ୍ଟାଲ ଚାନ୍ଦିରେ ବିଶାଳ ମେଢ଼ ନିର୍ମାଣ ହୋଇଥିଲା। ୨୦୦୭ରେ ମା’ଙ୍କ ମୂର୍ତ୍ତିର ଦୁଇ ପାର୍ଶ୍ୱରେ ଚାନ୍ଦି ସିଂହ ନିର୍ମାଣ କରାଯାଇଥିଲା। ଏଥିସହ ଶେଖ୍‌ ବଜାରର କାରିଗର ବିଶ୍ୱନାଥ ଦେ ୪ କେଜି ସୁନାରେ ମା’ଙ୍କ ସ୍ବର୍ଣ୍ଣ ମୁକୁଟ ତିଆରି କରିଥିଲେ। ବଙ୍ଗୀୟ ରୀତିନୀତିରେ ଏଠାରେ ପୂଜାର୍ଚ୍ଚନା କରାଯାଇଥାଏ। ଚଳିତ ବର୍ଷ ପୂଜା ପାଇଁ ପ୍ରାୟ ୧୬ ଲକ୍ଷ ଟଙ୍କାର ବଜେଟ କରାଯାଇଛି।
୧୯୨୫ରେ ଚାଉଳିଆଗଞ୍ଜ ପୂଜା କମିଟି ଗଠନ କରାଯାଇଛି। ସ୍ବର୍ଗତଃ ଚିନ୍ତାମଣି ସାହୁ ଓ ସ୍ବର୍ଗତ ହାଡିବନ୍ଧୁ ସାହୁ ଏହି କମିଟିର ଯଥାକ୍ରମେ ପ୍ରଥମ ସଭାପତି ଓ ସମ୍ପାଦକ। ଏକ ଚାଳଘରେ ହରପାର୍ବତୀଙ୍କ ମୂର୍ତ୍ତି ନିମାର୍ଣ କରାଯାଇ ପୂଜା କରାଯାଉଥିଲା। ୧୯୬୨ରେ ମା’ ଦୁର୍ଗାଙ୍କର ମୂର୍ତ୍ତି ପୂଜା ଆରମ୍ଭ ହୋଇଥିଲା। ୧୯୮୨ରେ ସ୍ଥାୟୀ ମଣ୍ଡପ ନିର୍ମାଣ କରାଯାଇ ଦୁର୍ଗାଙ୍କ ସହିତ ଗଜଲକ୍ଷ୍ମୀ, ଗଣେଶ, କାଳୀଙ୍କର ପୂଜା କରାଯାଉଛି। ୧୯୯୧ରୁ ଅନ୍ୟ ଏକ ମଣ୍ଡପରେ ମା’ ଦୁର୍ଗାଙ୍କର ସ୍ଥାୟୀ ମୂର୍ତ୍ତି ସ୍ଥାପନ କରାଯାଇ ପୂଜା କରାଯାଉଛି। ଏହି ପୀଠରେ ଷୋଡ଼ଶ ଉପଚାର ପୂଜା ହୁଏ। ପ୍ରତିବର୍ଷ ନନ୍ଦ ଉତ୍ସବରେ ସ୍ଥାନୀୟ କହ୍ନେଇପୁରରୁ ମାଟି ଅଣାଯାଇ ମୂର୍ତ୍ତି ନିର୍ମାଣ କାର୍ଯ୍ୟ ଆରମ୍ଭ କରାଯାଇଥାଏ। ଚଳିତ ବର୍ଷ ଓଏମ୍‌ପି ଛକ ଓ ଗାନ୍ଧୀ ଛକ ନିକଟରେ ଦୁଇଟି ବିଦ୍ୟୁତ୍‌ ତୋରଣ ନିର୍ମାଣ କରାଯିବ। ଏହାଛଡା ଓଏମ୍‌ପି ଛକଠାରୁ ଗାନ୍ଧୀଛକ ପର୍ଯ୍ୟନ୍ତ ରାସ୍ତାର ଉଭୟ ପାର୍ଶ୍ୱରେ ୧୦୦ରୁ ଊର୍ଦ୍ଧ୍ୱ ଆକର୍ଷଣୀୟ ଆଲୋକ ଗେଟ୍‌ କରାଯିବ ବୋଲି ପୂଜା କମିଟି ପକ୍ଷରୁ କୁହାଯାଇଛି।

ଶାନ୍ତିଶୃଙ୍ଖଳା ବଜାୟ ରଖିବା ଆମର ମୁଖ୍ୟ ଲକ୍ଷ୍ୟ। ଏଠାରେ ପୂଜାର ପରିବେଶ ସବୁଠାରୁ ନିଆରା। ପୀଠରେ ଦେବୀ ଥିବା ହେତୁ ଷୋଡ଼ଶ ଉପଚାର ପୂଜା ପାଇଁ ଅନେକ ମହିଳା ଏଠାକୁ ଆସନ୍ତି। ଏଥର ମଧ୍ୟ ସୁଚାରୁରୂପେ ପୂଜା ଶେଷ କରିବାକୁ ଲକ୍ଷ୍ୟ ରଖିଛୁ।
– ଦେବେନ୍ଦ୍ର ପାତ୍ର,
ପୂଜା କମିଟି ସଭାପତି

ପୂଜା ପୂର୍ବରୁ କିଛି ସମସ୍ୟା ରହିଛି। ଜାତୀୟ ରାଜପଥକୁ ଲାଗି ପୂଜା ମଣ୍ଡପ ଥିବାରୁ ପୂଜା ସମୟରେ ଦୁର୍ଘଟଣାର ଭୟ ରହିଛି। ଏ ସମ୍ପର୍କରେ ଜିଲାପାଳଙ୍କୁ ଅବଗତ କରିଛୁ। ସ୍ପିଡ୍‌ ବ୍ରେକର ଲଗାଇବା ସହ ଟ୍ରାଫିକ ପୋଲିସ ନିୟୋଜିତ କରିବାକୁ ନିବେଦନ କରିଛୁ।
– ନିରଞ୍ଜନ ସାହୁ,
ପୂଜା କମିଟି ସମ୍ପାଦକ


All Right Reserved By Dharitri.Com

ଗୋନାସିକା କେନ୍ଦୁଝର ମହୋତ୍ସବ ଉଦ୍‌ଘାଟିତ: ସାଂସ୍କୃତିକ ଶୋଭାଯାତ୍ରାରେ ଦୁଲୁକିଲା ରାସ୍ତାଘାଟ

କେନ୍ଦୁଝର,୨୧।୧୨(ସ୍ବ.ପ୍ର./ଡି.ଏନ.ଏ.)-ଗୋନସିକା-କେନ୍ଦୁଝର ମହୋତ୍ସବ ଓ ପଲ୍ଲିଶ୍ରୀ ମେଳା ଶୁକ୍ରବାର ସ୍ଥାନୀୟ କାଳୀ ପଡିଆଠାରେ ରଙ୍ଗାରଙ୍ଗ ପରିବେଶରେ ଉଦ୍‌ଘାଟିତ ହୋଇଯାଇଛି ା ଖଣି ଓ ଇସ୍ପାତ ମନ୍ତ୍ରୀ ପ୍ରଫୁଲ...

ବସ୍ତାରୁ ମଣିଷ ଖପୁରି, ହାଡ଼ ମିଳିବା ଘଟଣା: ତଦନ୍ତ କଲା ପୋଲିସ, ସାଇଣ୍ଟିଫିକ୍‌ ଟିମ୍‌

ବାହାନଗା/ରେମୁଣା, ୧୯।୭(ଡି.ଏନ.ଏ.)-ରେମୁଣା ବ୍ଲକ ଗାଞ୍ଜିଆ ମଙ୍ଗଳା ଛକ ନିକଟରେ ଗତ ଗୁରୁବାର ଅପରାହ୍ନରେ ଏକ ପରିତ୍ୟକ୍ତ ଅମରିବୁଦା ସ୍ଥାନରୁ ଏକ ଛିଣ୍ଡା ବସ୍ତାରୁ ମଣିଷର ଖପୁରୀ...

ପୋଲିସ ଡିଜିପି ଭାବେ ଦାୟିତ୍ୱ ନେଲେ ଅଭୟ

କଟକ ଅଫିସ୍‌, ୯।୧୨:ସୋମବାର ନୂଆ ପୋଲିସ ଡିଜିପି ଭାବେ ଦାୟିତ୍ୱ ଗ୍ରହଣ କରିଛନ୍ତି ଅଭୟ। କଟକ ପୋଲିସ ମୁଖ୍ୟାଳୟରେ ପହଞ୍ଚି ସେ ଦାୟିତ୍ୱଗ୍ରହଣ କରିଛନ୍ତି। ଅନ୍ତରୀଣ...

ଗଞ୍ଜାମ ଜିଲା ଯୋଜନା କମିଟି ଅଧ୍ୟକ୍ଷ ଦାୟିତ୍ୱ ନେଲେ ବିଧାୟକ ଶ୍ରୀକାନ୍ତ ସାହୁ

ଛତ୍ରପୁର,୧୩।୮(ଡି.ଏନ୍‌.ଏ .): ଗଞ୍ଜାମ ଜିଲା ଯୋଜନା କମିଟି ଅଧ୍ୟକ୍ଷ ଭାବେ ପୋଲସରା ବିଧାୟକ ଶ୍ରୀକାନ୍ତ ସାହୁ ମଙ୍ଗଳବାର ଦାୟିତ୍ୱ ଗ୍ରହଣ କରିଛନ୍ତି। ଛତ୍ରପୁରସ୍ଥିତ ଜିଲା ଗ୍ରାମ୍ୟ...

ନାଗରିକତ୍ୱ ସଂଶୋଧନ ବିଧେୟକକୁ ସମର୍ଥନ କଲା ବିଜେଡି

ଭୁବନେଶ୍ୱର,୯ା୧୨:(ବ୍ୟୁରୋ): ସୋମବାର ପାର୍ଲାମେଣ୍ଟରେ ନାଗରିକତ୍ୱ ସଂଶୋଧନ ବିଧେୟକ-୨୦୧୯ ଆଗତ ହୋଇଛି। ପୂର୍ବାହ୍ନରେ ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହା ଲୋକ ସଭାରେ ବିବାଦୀୟ ନାଗରିକତ୍ୱ ସଂଶୋଧନ ବିଧେୟକ...

ଡ୍ରାଇଭରଙ୍କ ମୃତଦେହ ଉଦ୍ଧାର, ହତ୍ୟା ସନ୍ଦେହ

ଭୁବନେଶ୍ୱର, ୨।୧୨(ବ୍ୟୁରୋ): ଚନ୍ଦ୍ରଶେଖରପୁର ଥାନା ଶ୍ରୀବିହାର ଅଞ୍ଚଳରୁ ଜଣେ ଡ୍ରାଇଭରଙ୍କ ମୃତଦେହ ପୋଲିସ ଉଦ୍ଧାର କରିଛି। ମୃତକ ଜଣଙ୍କ ହେଲେ ପୁରୀ ବ୍ରହ୍ମଗିରି ଅଞ୍ଚଳ ସୁନୀଲ...

ବଣ୍ଡାଘାଟିରେ ଜଳକଷ୍ଟ: ବର୍ଷାଦିନେ ବି ଚୁଆପାଣି ଭରସା

ଗୋବିନ୍ଦପାଲି,୨୨ା୭(ଡି.ଏନ.ଏ.)- ମାଲକାନଗିରି ଜିଲା ଖଇରପୁଟ ବ୍ଲକ ବଣ୍ଡାଘାଟି ଅଞ୍ଚଳରେ ପାନୀୟ ଜଳ ସମସ୍ୟା ଦେଖିବାକୁ ମିଳିଛି। ବର୍ଷାଦିନେ ମଧ୍ୟ ଲୋକେ ଚୁଆପାଣି ଉପରେ ନିର୍ଭର କରୁଛନ୍ତି।...

ଏତେ ଭୟ କାହିଁକି

ଭୁବନେଶ୍ୱର, ୨୫।୬(ବ୍ୟୁରୋ): ରାଜ୍ୟ ସଭା ଉପନିର୍ବାଚନ ପୂର୍ବରୁ ଆଉ ଏକ ନୂଆ ଦୃଶ୍ୟ ସାମ୍ନାକୁ ଆସିଛି। ବିଜେଡି ଓ ଭାଜପା ମଧ୍ୟରେ ବୁଝାମଣା କେତେ ଗଭୀର...

Leave a comment

Your email address will not be published. Required fields are marked *