Posted inଖେଳ

ପଞ୍ଚମ ଆଶେସ ଟେଷ୍ଟ: ଇଂଲଣ୍ଡ ୧୩୫ ରନରେ ବିଜୟୀ

ଲଣ୍ଡନ, ୧୫।୯- କେନିଂଟନ ଓଭାଲ ଗ୍ରାଉଣ୍ଡରେ ଚାଲିଥିବା ୫ମ ତଥା ଅନ୍ତିମ ଆଶେସ କ୍ରିକେଟ ଟେଷ୍ଟରେ ଇଂଲଣ୍ଡ ୧୩୫ ରନରେ ଅଷ୍ଟ୍ରେଲିଆକୁ ପରାସ୍ତ କରିଛି। ୩୯୯ ରନ ବିଜୟ ଲକ୍ଷ୍ୟର ପିଛା କରିଥିବା ଅଷ୍ଟ୍ରେଲିଆ ରବିବାର ୪ର୍ଥ ଦିବସରେ ମାଥ୍ୟୁ ଓ୍ବାଡେଙ୍କ ଶତକ ସତ୍ତ୍ୱେ ଦ୍ୱିତୀୟ ଇନିଂସରେ ୨୬୩ ରନ କରି ଆଉଆଉଟ ହୋଇଯାଇଛି। ଫଳରେ ୫ ମାଚ ବିଶିଷ୍ଟ ଆଶେସ ସିରିଜ ୨-୨ ସ୍ଥିତିରେ ଶେଷ ହୋଇଛି। ଗୋଟିଏ ଟେଷ୍ଟ ଅମୀମାଂସିତଭାବେ ଶେଷ ହୋଇଥିଲା। ତେବେ ଅଷ୍ଟ୍ରେଲିଆ ଗତଥର ଚାମ୍ପିୟନ ଥିବାରୁ ଆଶେସ ଟ୍ରଫି ନିଜ ପାଖରେ ରଖିବାକୁ ସକ୍ଷମ ହୋଇଛି। ଜୋଫ୍ରା ଆର୍ଚର ପ୍ଲେୟର ଅଫ୍‌ ଦି ମ୍ୟାଚ ଏବଂ ବେନ୍‌ ଷ୍ଟୋକ୍ସ ଓ ଷ୍ଟିଭେନ ସ୍ମିଥ ଯୁଗ୍ମଭାବେ ପ୍ଲେୟର ଅଫ ଦି ସିରିଜ ବିବେଚିତ ହୋଇଛନ୍ତି।
ତୃତୀୟ ଦିବସର ଅସମାପ୍ତ ସ୍କୋର ୩୧୩/୮ରୁ ଖେଳ ଆରମ୍ଭ କରି ଇଂଲଣ୍ଡ ଦ୍ୱିତୀୟ ଇନିଂସରେ ୩୨୯ ରନ କରି ଅଲଆଉଟ ହୋଇଯାଇଥିଲା। ଅର୍ଥାତ୍‌ ଦଳ ୧୬ ରନ ଯୋଗକରି ଅବଶିଷ୍ଟ ୨ଟି ଉଇକେଟ ହରାଇଥିଲା। ପୂର୍ବ ଦିନ ଅପରାଜିତ ଥିବା ଦୁଇ ବ୍ୟାଟ୍ସମ୍ୟାନ ଜୋଫ୍ରା ଆର୍ଚର ୩ ଓ ଜ୍ୟାକ ଲିଚ୍‌ ୯ ରନ କରି ଆଉଟ ହୋଇଥିଲେ। ପ୍ୟାଟ୍‌ କୁମିନ୍ସ ଓ ନାଥାନ ଲିୟନ ଏହି ଉଇକେଟ ୨ଟି ପାଇଥିଲେ।
୪ର୍ଥ ଇନିଂସରେ କଷ୍ଟସାଧ୍ୟ ବିଜୟ ଲକ୍ଷ୍ୟର ପିଛା କରିଥିବା ଅଷ୍ଟ୍ରେଲିଆର ଆରମ୍ଭ ଭଲ ହୋଇ ନ ଥିଲା। ଇଂଲଣ୍ଡର ଷ୍ଟୁଆର୍ଟ ବ୍ରଡ୍‌ ଚମତ୍କାର ବୋଲିଂ କରି ମାତ୍ର ୨୯ ରନ ମଧ୍ୟରେ ଅଷ୍ଟ୍ରେଲିଆର ଦୁଇ ଓପନରଙ୍କୁ ପ୍ୟାଭିଲିୟନ ପଠାଇ ଦେଇଥିଲେ। ମାର୍କୁସ ହାରିସ ୯ ଓ ଡେଭିଡ ଓ୍ବାର୍ନର ୧୧ ରନ କରିବାକୁ ସକ୍ଷମ ହୋଇଥିଲେ। ଫର୍ମରେ ଥିବା ଦୁଇ ବ୍ୟାଟ୍ସମ୍ୟାନ ମାର୍ନୁସ ଲାବୁସ୍କାନ ୧୪ ଓ ଷ୍ଟିଭେନ ସ୍ମିଥ ୨୩ ରନ କରି ଆଉଟ ହେବାରୁ ଅଷ୍ଟ୍ରେଲିଆ ବ୍ୟାକ୍‌ଫୁଟକୁ ଚାଲି ଯାଇଥିଲା। ମିଡଲ ଅର୍ଡରରେ ମାଥ୍ୟୁ ଓ୍ବାଡେ ଶତକ ହାସଲ କରି ଇନିଂସ ସମ୍ଭାଳିଥିଲେ ହେଁ ମିଚେଲ ମାର୍ଶ ୨୪ ଓ ଟିମ୍‌ ପେନ୍‌ ୨୧ ରନ କରି ଆଉଟ ହେବାରୁ ଅଷ୍ଟ୍ରେଲିଆ ପରାଜୟ ଆଡ଼କୁ ମୁହାଁଇଥିଲା। ଓ୍ବାଡେ ଏଠାରେ ହାସଲ କରିଥିଲେ କ୍ୟାରିୟରର ୪ର୍ଥ ଟେଷ୍ଟ ଶତକ। ୧୪୭ ବଲ୍‌ର ସମ୍ମୁଖୀନ ହୋଇ ସେ ୧୫ ଚୌକା ଓ ୧ ଛକା ସହାୟତାରେ ଶତକ ପୂରଣ କରିଥିଲେ। ତାଙ୍କୁ ଉପଯୁକ୍ତ ସହାୟତା ଦେଇ ପ୍ୟାଟ୍‌ କୁମିନ୍ସ ମାତ୍ର ୯ ରନ କରିଥିଲେ ହେଁ ୪୧ଟି ବଲ୍‌ ଖେଳି ଇଂଲଣ୍ଡ ବୋଲରଙ୍କୁ ନିରାଶ କରିଥିଲେ। ଓ୍ବାଡେ ୧୧୭ ରନ କରି ଜୋ ରୁଟ୍‌ଙ୍କ ଶିକାର ହୋଇଥିଲେ। ଇଂଲଣ୍ଡ ପକ୍ଷରୁ ଷ୍ଟୁଆର୍ଟ ବ୍ରଡ୍‌ ଓ ଜ୍ୟାକ ଲିଚ୍‌ ୪ଟି ଲେଖାଏ ଏବଂ ଜୋ ରୁଟ୍‌ ୨ଟି ଉଇକେଟ ନେଇଥିଲେ।
ସଂକ୍ଷିପ୍ତ ସ୍କୋର
ଇଂଲଣ୍ଡ ପ୍ରଥମ ଇନିଂସ: ୨୯୪। ଅଷ୍ଟ୍ରେଲିଆ ପ୍ରଥମ ଇନିଂସ: ୨୨୫। ଇଂଲଣ୍ଡ ଦ୍ୱିତୀୟ ଇନିଂସ: ୩୨୯/ଅଲଆଉଟ(ଜୋ ଡେନ୍‌ଲି-୯୪, ବେନ୍‌ ଷ୍ଟୋକ୍ସ-୬୭, ଜୋସ ବଟଲର-୪୭, ନାଥାନ ଲିୟନ-୪/୬୯, ପ୍ୟାଟ୍‌ କୁମିନ୍ସ-୨/୬୭, ପିଟର ସିଡ୍‌ଡେ-୨/୫୨, ମିଚେଲ ମାଶର୍’-୨/୪୦)। ଅଷ୍ଟ୍ରେଲିଆ ଦ୍ୱିତୀୟ ଇନିଂସ: ୨୬୩/ଅଲଆଉଟ(ଓ୍ବାଡେ-୧୧୭, ବ୍ରଡ୍‌-୪/୬୨, ଲିଚ୍‌-୪/୪୯, ରୁଟ୍‌-୨/୨୬)।


All Right Reserved By Dharitri.Com

Posted inଖେଳ View All

ଅନ୍ତର୍ଜାତୀୟ କ୍ରିକେଟରୁ ଯୁବିଙ୍କ ଅଲ୍‌ବିଦା

ମୁମ୍ବାଇ,୧୦।୬- କିମ୍ବଦନ୍ତୀ ଅଲରାଉଣ୍ଡର ଯୁବରାଜ ସିଂ (ଯୁବି) ସୋମବାର ଅନ୍ତର୍ଜାତୀୟ କ୍ରିକେଟରୁ ଅବସର ନେଇଛନ୍ତି। ୨୦୧୧ ଆଇସିସି ବିଶ୍ୱକପ୍‌ ଓ ୨୦୦୭ ଟି୨୦ ବିଶ୍ୱକପ୍‌ ହିରୋ...

ଘରୁ ୩ ମାସ ବାହାରି ପାରିବେନି ଫୁଟ୍‌ବଲର

ବେଲ୍‌ଗ୍ରେଡ୍‌ (ସର୍ବିୟା), ୬ା୪ (ଏପି)- ମହାମାରୀ କରୋନା ଭାଇରସ୍‌ ବ୍ୟାପିବାକୁ ରୋକିବା ଲାଗି ଜାରି ହୋଇଥିବା କର୍ଫ୍ୟୁ ଅମାନ୍ୟ କରିବା ଅଭିଯୋଗରେ ସର୍ବୀୟ ଫୁଟ୍‌ବଲ ଖେଳାଳି...

୧୮ ବର୍ଷରୁ କମ୍‌ ସାଫ ଫୁଟ୍‌ବଲ: ପ୍ରଥମ ଥର ଚାମ୍ପିୟନ ଭାରତ

କାଠମାଣ୍ଡୁ,୩୦।୯: ଏଠାରେ ଚାଲିଥିବା ୧୮ ବର୍ଷରୁ କମ୍‌ ସାଫ ଫୁଟ୍‌ବଲ ଚାମ୍ପିୟନଶିପରେ ଭାରତୀୟ ଦଳ ପ୍ରଥମ ଥର ଚାମ୍ପିୟନ ହୋଇଛି। ରବିବାର ଖେଳାଯାଇଥିବା ଫାଇନାଲରେ ଭାରତୀୟ...

ଜାତୀୟ ସବ୍‌ଜୁନିୟର ବାସ୍କେଟବଲ୍‌ : ବାଳିକାରେ ତାମିଲନାଡୁ, ବାଳକରେ ମିଜୋରାମ ଚାମ୍ପିୟନ

କଟକ ଅଫିସ,୧୦ା୯- ଜାତୀୟ ସବଜୁନିୟର ବାସ୍କେଟବଲ ଚାମ୍ପିୟନଶିପର ୪୬ତମ ସଂସ୍କରଣ ସୋମବାର ସନ୍ଧ୍ୟାରେ ଏଠାରେ ଉଦ୍‌ଯାପିତ ହୋଇଛି। ବାଳକ ବର୍ଗରେ ମିଜୋରାମ ଓ ବାଳିକା ବର୍ଗରେ...

ସେପ୍ଟେମ୍ବର ପର୍ଯ୍ୟନ୍ତ ୫୪ ଏନ୍‌ଏସ୍‌ଏଫ୍‌ଗୁଡିକୁ ସ୍ବୀକୃତି ପ୍ରଦାନ

ନୂଆଦିଲ୍ଳୀ,୧୧।୫ (ପି.ଟି.): କେନ୍ଦ୍ର କ୍ରୀଡ଼ା ମନ୍ତ୍ରଣାଳୟ ଦେଶର ୫୪ ଜାତୀୟ ସ୍ପୋଟର୍‌ସ ଫେଡେରେଶନ (ଏନ୍‌ଏସ୍‌ଏଫ୍‌)ଗୁଡିକୁ ସ୍ବୀକୃତି ପ୍ରଦାନ କରିଛି। ଚଳିତବର୍ଷ ସେପ୍ଟେମ୍ବର ପର୍ଯ୍ୟନ୍ତ ଏହି ସ୍ବୀକୃତି...

ରଣଜୀ ଟ୍ରଫି: ଓଡ଼ିଶା ବନାମ ଝାଡ଼ଖଣ୍ଡ: ଇନିଂସ ଅଗ୍ରଣୀ ପାଇଁ ସଂଘର୍ଷ

କଟକ ଅଫିସ,୧୫ା୨- ବାରବାଟୀ ଷ୍ଟାଡିୟମରେ ଚାଲିଥିବା ଓଡ଼ିଶା-ଝାଡ଼ଖଣ୍ଡ ରଣଜୀ ଟ୍ରଫି କ୍ରିକେଟ ମ୍ୟାଚ୍‌ରେ ଇନିଂସ ଅଗ୍ରଣୀ ପାଇଁ ସଂଘର୍ଷ ଜାରି ରହିଛି। ଓଡ଼ିଶାର ପ୍ରଥମ ଇନିଂସ...

ଅଲ୍‌ ଇଂଲଣ୍ଡ ଚାମ୍ପିୟନଶିପ୍‌: ଲକ୍ଷ୍ୟ ଆଗେଇଲେ, ସାଇନା, ପ୍ରଣୀଥ୍‌ ନିରାଶ

ବର୍ମିଂହାମ୍‌, ୧୨।୩ (ପି.ଟି.)- ଏଠାରେ ଚାଲିଥିବା ସମ୍ମାନଜନକ ଅଲ୍‌ଇଂଲଣ୍ଡ ବ୍ୟାଡ୍‌ମିଣ୍ଟନ ପ୍ରତିଯୋଗିତାରେ ଭାରତର ଲକ୍ଷ୍ୟ ସେନ୍‌ ଦମ୍‌ଦାର ଆରମ୍ଭ କରିଛନ୍ତି। କ୍ୟାରିୟରର ପ୍ରଥମ ବିଡବ୍ଲ୍ୟୁଏଫ୍‌ ଓ୍ବାଲର୍‌ଡ...

ସାନ୍ତା ବେଶରେ ପିଲାଙ୍କ ପାଖରେ ପହଞ୍ଚିଲେ କୋହଲି

ଯୀଶୁଖ୍ରୀଷ୍ଟଙ୍କ ଜନ୍ମଦିନ ରୂପେ ବଡ଼ଦିନକୁ ଖ୍ରୀଷ୍ଟ ଧର୍ମାବଲମ୍ବୀମାନେ ବଡ଼ ଧୂମ୍‌ଧାମରେ ପାଳନ କରନ୍ତି। ପ୍ରତିବର୍ଷ ଡିସେମ୍ବର ୨୫ ତାରିଖରେ କ୍ରିସ୍‌ମାସ ପାଳନ କରାଯାଏ। ଯାହା ବିଶ୍ୱାସ...

Leave a comment

Your email address will not be published. Required fields are marked *