କାଳ ହେଲା ଫାଇନାନ୍ସ ଟଙ୍କା: ମହିଳାଙ୍କ ମୃତ୍ୟୁ, ଗ୍ରାମରେ ଉତ୍ତେଜନା

ଜଗତ୍‌ସିଂହପୁର ଅଫିସ, ୧୬ା୯: ଜଗତ୍‌ସିଂହପୁର ଥାନା ଅଧୀନ ଚାଟଣା (ଗନ୍ତ) ଗ୍ରାମରେ ରବିବାର ଜଣେ ମହିଳାଙ୍କ ମୃତ୍ୟୁକୁ ନେଇ ତୀବ୍ର ଉତ୍ତେଜନା ପ୍ରକାଶ ପାଇଛି। ସେ ହେଲେ ହାଡ଼ିବନ୍ଧୁ ଭୋଇଙ୍କ ସ୍ତ୍ରୀ କାଞ୍ଚନ ଦାସ। କଟକ ବଡ଼ ଡାକ୍ତରଖାନାରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି। ଏହି ଖବରପାଇ ଗ୍ରାମର ବହୁ ମହିଳା ପୁରୁଷ ଅପରାହ୍ନରେ ଗ୍ରାମର ବାଦଲ ଦାସଙ୍କ ଘର ଆଗରେ ପୋଡ଼ାଜଳା କରିଛନ୍ତି। ଘଟଣାସ୍ଥଳରେ ପୋଲିସ ପହଞ୍ଚତ୍ ପରିସ୍ଥିତି ନିୟନ୍ତ୍ରିତ କରିବାକୁ ଉଦ୍ୟମ କରିଥିଲା। ତେବେ ହାଡ଼ିବନ୍ଧୁଙ୍କ ପରିବାର ସମେତ ବହୁ ଲୋକ ବାଦଲଙ୍କ ଘର ବାରଣ୍ଡାରେ ମୃତଦେହ ରଖି ହୋହଲ୍ଲା କରିଥିଲେ। ବାଦଲ ଓ ତାଙ୍କ ସ୍ତ୍ରୀ ଭାରତୀଙ୍କ ଯୋଗୁ କାଞ୍ଚନଙ୍କ ମୃତ୍ୟୁ ଘଟିଥିବା ସେମାନେ ଅଭିଯୋଗ କରିଛନ୍ତି। ଅଭିଯୋଗ ଅନୁଯାୟୀ, ପୂର୍ବରୁ ଥିବା ଏସ୍‌କେଏସ୍‌ ଫାଇନାନ୍ସ ତଥା ବର୍ତ୍ତମାନର ଭାରତ ଫାଇନାନ୍ସ ସଂସ୍ଥାରୁ କାଞ୍ଚନଙ୍କ ନାଁରେ ବାଦଲ ୪୫ ହଜାର ଟଙ୍କା ଋଣ ନେଇଥିଲେ। ପରେ ଟଙ୍କା ଶୁଝିଦେବେ କହି ଶୁଝି ନ ଥିଲେ। ତେଣୁ ଫାଇନାନ୍ସ ସଂସ୍ଥା କର୍ମଚାରୀମାନେ କାଞ୍ଚନଙ୍କ ଘରେ ପହଞ୍ଚତ୍ ବାରମ୍ବାର ଋଣ ଶୁଝିବାକୁ ତାଗିଦ୍‌ କରିଥିଲେ। ଯେହେତୁ ଏହି ଟଙ୍କା ବାଦଲ ନେଇଥିଲେ, ତେଣୁ କାଞ୍ଚନ ଏତେ ଟଙ୍କା କିପରି ଶୁଝିବେ ଚିନ୍ତାରେ ପଡିଥିଲେ। ଶନିବାର ସେ ବାଦଲଙ୍କ ଘରେ ପହଞ୍ଚତ୍ ଋଣ ଟଙ୍କା ତୁରନ୍ତ ଦେବାକୁ ଦାବି କରିଥିଲେ। ଏହି ସମୟରେ ବାଦଲ ଓ ତାଙ୍କ ସ୍ତ୍ରୀ ଭାରତି ସରବତରେ ବିଷ ମିଶାଇ ପିଆଇ ଦେବାରୁ କାଞ୍ଚନଙ୍କ ମୃତ୍ୟୁ ଘଟିଥିବା ହାଡ଼ିବନ୍ଧୁ ଅଭିଯୋଗ କରିଛନ୍ତି। କେବଳ କାଞ୍ଚନ ନୁହନ୍ତି ଗାଁର ପାଖାପାଖି ୪୦ ଜଣଙ୍କ ଋଣ ଟଙ୍କା ବାଦଲ ଚଳୁ କରି ଦେଇଥିବା ଅଭିଯୋଗ ହୋଇଛି। ଏନେଇ ଋଣ ଗ୍ରହୀତାମାନେ ତୀବ୍ର ପ୍ରତିକ୍ରିୟା ପ୍ରକାଶ କରିଛନ୍ତି। ହାଡ଼ିବନ୍ଧୁଙ୍କ ଅଭିଯୋଗ କ୍ରମେ ବାଦଲ ଓ ଭାରତୀଙ୍କ ବିରୋଧରେ ଦଫା ୪୨୦/୩୦୨/୩୪ ଆଇପିସିରେ ମାମଲା ସଂଖ୍ୟା ୩୦୪/୧୯ ରୁଜୁ ହୋଇଛି। ଅନ୍ୟପକ୍ଷରେ ବାଦଲ ଋଣ ଟଙ୍କା ନ ଦେବାରୁ ଚାପଗ୍ରସ୍ତ ହୋଇ କାଞ୍ଚନ ଆତ୍ମହତ୍ୟା କରିଥିବା କୁହାଯାଉଛି। ଘଟଣାର ତଦନ୍ତ ଜାରି ରହିଥିବା ଆଇଆଇସି ରଜନୀକାନ୍ତ ମିଶ୍ର କହିଛନ୍ତି।
ସୂଚନା ଅନୁଯାୟୀ, ଶନିବାର କାଞ୍ଚନ ଋଣ ଟଙ୍କା ମାଗିବା ପାଇଁ ବାଦଲଙ୍କ ଘରକୁ ଯାଇଥିଲେ। ପରେ ଘରକୁ ଫେରି ତଳେ ପଡିଯାଇଥିଲେ। କିଛି ସମୟ ପରେ ଅପରାହ୍ଣ ୨ଟାରେ ତାଙ୍କ ମଝିଆ ପୁଅ ବଳରାମ ପହଞ୍ଚତ୍ କାଞ୍ଚନଙ୍କ ପାଟିରୁ ଫେଣ ବାହାରୁଥିବା ଦେଖି ପରିବାର ଲୋକଙ୍କ ସହାୟତାରେ ଜିଲା ମୁଖ୍ୟ ଚିକିତ୍ସାଳୟକୁ ନେଇଥିଲେ। ସନ୍ଧ୍ୟାରେ ଡାକ୍ତର କଟକ ସ୍ଥାନାନ୍ତର କରିଥିଲେ। ସେଠାରେ ବିଳମ୍ବିତ ରାତି ପ୍ରାୟ ୨.୧୫ରେ କାଞ୍ଚନଙ୍କ ମୃତ୍ୟୁ ଘଟିଥିଲା। ଖବରପାଇ ରବିବାର ଗ୍ରାମର ବହୁ ମହିଳା ପୁରୁଷ ବାଦଲଙ୍କ ଘର ଆଗରେ ପହଞ୍ଚତ୍ ତୁରନ୍ତ ଋଣ ଟଙ୍କା ଫେରାଇବା ଦାବିରେ ହୋହଲ୍ଲା କରିଥିଲେ। କିନ୍ତୁ ବାଦଲ କିମ୍ବା ତାଙ୍କ ସ୍ତ୍ରୀ ଦେଖା ନ ଦେବାରୁ ଉତ୍ତ୍ୟକ୍ତ ଲୋକେ ବାଦଲଙ୍କ ଘର ପାର୍ଶ୍ୱରେ ଥିବା ତାଙ୍କ ଦୋକାନ ଭାଙ୍ଗି ବିଭିନ୍ନ ସାମଗ୍ରୀ ଆଣି ରାସ୍ତା ଉପରେ ପୋଡ଼ି ଦେଇଥିଲେ। ପୋଲିସ ପହଞ୍ଚତ୍ ପରିସ୍ଥିତି ନିୟନ୍ତ୍ରଣ କରିଥିଲା। କିନ୍ତୁ ସନ୍ଧ୍ୟାରେ ମୃତଦେହ ପହଞ୍ଚତ୍ବା ପରେ ସେମାନେ ବାଦଲଙ୍କ ଘର ବାରଣ୍ଡାରେ ରଖି ଆନ୍ଦୋଳନ କରିଥିଲେ। ଗାଁର ଏକାଧିକ ମହିଳା କହିଛନ୍ତି ଯେ, ଫାଇନାନ୍ସ ସଂସ୍ଥାର କର୍ମଚାରୀମାନେ ଆସିଲେ ବାଦଲଙ୍କ ବାରଣ୍ଡାରେ ବସି ଆଲୋଚନା କରନ୍ତି। କେଉଁ ମହିଳାଙ୍କୁ ଋଣ ଦିଆଯିବ ସେ ନିଷ୍ପତ୍ତିରେ ଭାରତୀଙ୍କ ଭୂମିକା ଥାଏ। ଫାଇନାନ୍ସ ସଂସ୍ଥା ଯେଉଁମାନଙ୍କ ନାଁରେ ଋଣ ମଞ୍ଜୁର କରେ ସେମାନଙ୍କ ବ୍ୟାଙ୍କ ଆକାଉଣ୍ଟରେ ଟଙ୍କା ଜମା କରିଥାଏ। ତେଣୁ ଭାରତୀ ଓ ବାଦଲ ଋଣ ଗ୍ରହୀତାଙ୍କୁ ବୁଝାଇ ସୁଝାଇ ଏହି ଟଙ୍କା ହାତେଇଥାନ୍ତି। ଗାଁର କାଦମ୍ବିନୀ ସିଂହ କହିଛନ୍ତି, ତାଙ୍କ ନାଁରେ ୪୦ ହଜାର ଟଙ୍କା ଋଣ ହୋଇଛି। ଏହି ଟଙ୍କା ବାଦଲ ନେଇ ଆଉ ଶୁଝୁନାହାନ୍ତି। ଏଥିପାଇଁ ଫାଇନାନ୍ସ ସଂସ୍ଥା କର୍ମଚାରୀମାନେ ତାଙ୍କଠାରୁ ଟଙ୍କା ଆଦାୟ ପାଇଁ ଚଢାଉ କରୁଛନ୍ତି। ସେହିପରି ପ୍ରେମଲତା ବାନୁଙ୍କ ନାଁରେ ୨୦,୦୦୦, ସସ୍ମିତା ବେହେରା ୨୨,୦୦୦, ଜିତନ ଦାସ ୮୦,୦୦୦, ଗୁଡି ଦେଈ ୪୦,୦୦୦, ଲକ୍ଷ୍ମୀ ଭୋଇ ୪୦,୦୦୦, କମରୁଲ ବିବି ୫୦,୦୦୦, ଦାଗି ଦାସ ୮୦,୦୦୦, ଅପସନା ବିବି ୪୦,୦୦୦, ନଗିନା ପରବିନ୍‌ ୧୫,୦୦୦ ଓ କମରୁନ୍‌ ବିବିଙ୍କ ନାମରେ ୧୨,୦୦୦ ଟଙ୍କା ଋଣ ହୋଇଛି। ଏମାନଙ୍କ ସହ ଅନେକଙ୍କ ନାମରେ ଋଣ ହୋଇଥିଲେ ସୁଦ୍ଧା ବାଦଲ ଏହି ଋଣ ରାଶି ନେଇ ଶୁଝୁ ନ ଥିବାରୁ ସେମାନେ ଚିନ୍ତାରେ ଥିବା ଅଭିଯୋଗ କରିଛନ୍ତି।


All Right Reserved By Dharitri.Com

ଲଗାଣ ବର୍ଷା: ବଢୁଛି ମହାନଦୀ ଜଳସ୍ତର; ବନ୍ୟା ଆଶଙ୍କାରେ ନଦୀକୂଳିଆ ଗ୍ରାମବାସୀ

ଗଣିଆ,୮ା୯ (ଡି.ଏନ.ଏ.): ଗତ ୩ଦିନ ଧରି ଲଘୁଚାପଜନିତ ଲଗାଣ ବର୍ଷା ଯୋଗୁ ମହାନଦୀର ଜଳସ୍ତର ବୃଦ୍ଧି ପାଇବାରେ ଲାଗିଛି । ହୀରାକୁଦ ନଦୀବନ୍ଧରୁ ବନ୍ୟାଜଳ ପ୍ରବାହିତ...

ଟ୍ରକ୍‌କୁ ପଛରୁ ଧକ୍କାଦେଲା ଟାଟାଏସିଇ, ଚାଳକ ମୃତ

ଭଣ୍ଡାରିପୋଖରୀ, ୭।୬(ଡି.ଏନ୍‌.ଏ.): ଭଦ୍ରକ ଜିଲା ଭଣ୍ଡାରିପୋଖରୀ ୧୬ ନମ୍ବର ଜାତୀୟ ରାଜପଥର ଯଶୋଟିକିରି ନିକଟରେ ଶୁକ୍ରବାର ଭୋରରେ ଏକ ଦୁର୍ଘଟଣା ଘଟିଛି। ଟାଟାଏସିଇ ଭାରସାମ୍ୟ ହରାଇ...

ଜୁନାଗଡ଼ରୁ ଭୁବନେଶ୍ୱରକୁ ଗଡ଼ିଲା ସ୍ବତନ୍ତ୍ର ଟ୍ରେନ: ଅରୁଣ ଜେଟଲୀଙ୍କ ବିୟୋଗ ଯୋଗୁ ବାତିଲ ହେଲା ଉଦ୍‌ଘାଟନୀ ଉତ୍ସବ

ଜୁନାଗଡ଼,୨୫।୮(ଡି.ଏନ.ଏ.): କଳାହାଣ୍ଡି ଜିଲା ଜୁନାଗଡ଼ଠାରୁ ଭୁବନେଶ୍ୱରକୁ ଶନିବାର ସ୍ବତନ୍ତ୍ର ଟ୍ରେନ୍‌ ଚାଲିଛି। ଅପରାହ୍ନ ସାଢେ ୪ଟାରେ ଜୁନାଗଡ଼ ରୋଡ-ଭୁବନେଶ୍ୱରକୁ ଏକ୍ସପ୍ରେସ ଟ୍ରେନ(ନଂ.୧୮୪୩୭-୧୮୪୩୮) ଯାତ୍ରା ଆରମ୍ଭ କରିଥିଲା।...

ଆଗକୁ ବିଜେପୁର ଉପନିର୍ବାଚନ, ଧାରଣାରେ ବସିଲେ ଚିନିକଳ କର୍ମଚାରୀ

ବରଗଡ଼ ଅଫିସ, ୧୪।୧୦: ବରଗଡ଼ ଜିଲା ବିଜେପୁର ଉପନିର୍ବାଚନକୁ ଆଉ ମାତ୍ର ସପ୍ତାହେ ବାକି। ୨/୩ ଦିନ ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିଜେପୁରକୁ ନିର୍ବାଚନୀ...

ପ୍ରେମିକାଙ୍କ ସହ ଅନ୍ତରଙ୍ଗ ମୁହୂର୍ତ୍ତର ଭିଡିଓ ଭାଇରାଲ କରି ପ୍ରେମିକ ଗିରଫ

ବାରିପଦା ଅଫିସ,୨୫।୯- ମୟୁରଭଞ୍ଜ ଜିଲା ବାରିପଦା ସଦର ଥାନା ଅଧିନ ଧନପୁର ଅଞ୍ଚଳର ଜଣେ ଯୁବକ ତାଙ୍କ ପ୍ରେମିକାଙ୍କ ସହ ବିତାଇଥିବା ଅନ୍ତରଙ୍ଗ ମୁହୂର୍ତ୍ତର ଭିଡିଓ...

ବିଭିନ୍ନ ସ୍କୁଲ ପରିଦର୍ଶନ କଲେ ‘ମୋ ସ୍କୁଲ ଅଭିଯାନ’ ଅଧ୍ୟକ୍ଷା: ‘ପାଠପଢ଼ା ସହ ସାମାଜିକ କାର୍ଯ୍ୟରେ ବ୍ରତୀ ହୁଅ’

ବାଲେଶ୍ୱର ଅଫିସ/ସଜନାଗଡ଼, ୮।୧୧(ଡି.ଏନ.ଏ.)-‘ମୋ ସ୍କୁଲ ଅଭିଯାନ’ର ଅଧ୍ୟକ୍ଷା ସୁସ୍ମିତା ବାଗ୍‌ଚୀ ଗୁରୁବାର ବାଲେଶ୍ୱର ଜିଲାର ବିଭିନ୍ନ ସ୍କୁଲ ପରିଦର୍ଶନ କରି ଛାତ୍ରୀଛାତ୍ରମାନଙ୍କର ପାଠପଢ଼ା ସମ୍ପର୍କରେ ବୁଝିଛନ୍ତି।...

ମହିଳାଙ୍କୁ ଅସଦାଚରଣ : ୨ କୋର୍ଟ ଚାଲାଣ

ବ୍ରହ୍ମପୁର ଅଫିସ,୨୨।୯: ଜଣେ ମହିଳା ଓ ତାଙ୍କ ଝିଅଙ୍କୁ ଅସଦାଚରଣ କରାଯାଇଥିବା ମାମଲାରେ ଗଞ୍ଜାମ ଜିଲା ସଦର ଥାନା ପୋଲିସ ୨ ଜଣ ଯୁବକଙ୍କୁ ଗିରଫ...

ଯୁବତୀଙ୍କୁ ବଳାତ୍କାର ଅଭିଯୋଗ: ଯୁବକ ଫେରାର୍‌

ନୂଆଗାଁ,୨୮।୪(ଡି.ଏନ.ଏ.)-ସୁନ୍ଦରଗଡ଼ ଜିଲା ନୂଆଗାଁ ବ୍ଲକ ବିଶ୍ରା ଥାନା ଅନ୍ତର୍ଗତ ଚିତାପେଡ଼ି ପଞ୍ଚାୟତର ଲୋଧାରାମ ଅଞ୍ଚଳର ଜନୈକ ଯୁବତୀଙ୍କୁ ସେହି ପଞ୍ଚାୟତର ରାଜେଶ ନାଏକ(୩୦) ନାମକ ଜଣେ...

Leave a comment

Your email address will not be published. Required fields are marked *