Posted inUncategorized

ଆଇଟି ରିଟର୍ନର ହେବ ଫେସ୍‌ଲେସ ଇ-ଆସେସ୍‌ମେଣ୍ଟ; ଜାରି ହେଲା ବିଜ୍ଞପ୍ତି

ମୁମ୍ବାଇ,୧୫-୯: ଆୟକର ରିଟର୍ନ ପ୍ରକ୍ରିୟାରେ ଫେସ୍‌ଲେସ୍‌ (ସାମ୍ନାସାମ୍ନି ନ ହୋଇ) ଆସେସ୍‌ମେଣ୍ଟ କରାଇବା ପାଇଁ କେନ୍ଦ୍ର ଅର୍ଥମନ୍ତ୍ରଣାଳୟ ପକ୍ଷରୁ ଇ-ଆସେସ୍‌ମେଣ୍ଟ ସ୍କିମ୍‌ର ବିଜ୍ଞପ୍ତି ଜାରି କରାଯାଇଛି। ନୂଆ ବ୍ୟବସ୍ଥା ଦ୍ୱାରା ଆୟକର ଅଧିକାରୀଙ୍କୁ ସାମ୍ନା ନ କରି ଟିକସଦାତାଙ୍କ ରିଟର୍ନ ଯାଞ୍ଚ ତଥା ଅନ୍ୟାନ୍ୟ କାର୍ଯ୍ୟ କରାଯାଇ ପାରିବ। ଏହା ଦ୍ୱାରା ବ୍ୟବସ୍ଥାରେ ସ୍ବଚ୍ଛତା, ସମୟ ସଞ୍ଚୟ ହୋଇ ପାରିବ। ନୂଆ ବ୍ୟବସ୍ଥାରେ ଏସବୁ ସୁବିଧା ସତ୍ତ୍ୱେ ଟିକସ ବିଶେଷଜ୍ଞମାନେ ଏଥିରେ ଚ୍ୟାଲେଞ୍ଜ ରହିଥିବା ପ୍ରକାଶ କରିଛନ୍ତି। ସାରା ଦେଶରେ ଇ-ଆସେସ୍‌ମେଣ୍ଟ ବ୍ୟବସ୍ଥା ଲାଗୁ କରାଇବା ଲାଗି ଆୟକର ବିଭାଗ ପ୍ରସ୍ତୁତ ଥିବା ୨୦୧୮ ଫେବୃୟାରୀରେ ପୂର୍ବତନ ଅର୍ଥମନ୍ତ୍ରୀ ଅରୁଣ ଜେଟ୍‌ଲୀ ବଜେଟ୍‌ ଭାଷଣରେ ଘୋଷଣା କରିଥିଲେ। ଏହା ଦ୍ୱାରା ବ୍ୟକ୍ତି-ବ୍ୟକ୍ତି ମଧ୍ୟରେ ବିନା କୌଣସି ସାମ୍ନାସାମ୍ନି ସମ୍ପର୍କରେ ରିଟର୍ନର ତର୍ଜମା କରାଯିବ। ବ୍ୟବସ୍ଥା ଦୃଢୀକରଣ ତଥା ସ୍ବଚ୍ଛତା ଆଣିବାରେ ଏହା ସହାୟକ ହେବ ବୋଲି ଜେଟ୍‌ଲୀ କହିଥିଲେ। କେନ୍ଦ୍ରୀୟ ପ୍ରତ୍ୟକ୍ଷ ଟିକସ ବୋର୍ଡ(ସିବିଡିଟି) ଗତ ୨ ବର୍ଷ ହେବ ଏହି ବ୍ୟବସ୍ଥାକୁ ପରୀକ୍ଷାମୂଳକ ଭାବେ ଦେଶର ୧୦୨ ସହରରେ ବଛାବଛା ଟିକସଦାତାଙ୍କ କ୍ଷେତ୍ରରେ କାର୍ଯ୍ୟକାରୀ କରାଇଛି।
ନୂଆ ବ୍ୟବସ୍ଥା ଅନ୍ତର୍ଗତ ସିବିଡିଟି ଜାତୀୟ ଏବଂ ଆଞ୍ଚଳିକ ସ୍ତରରେ ଇ-ଆସେସ୍‌ମେଣ୍ଟ ସେଣ୍ଟର ସ୍ଥାପନ କରିବ। ଏହା ବାଦ୍‌ ଇ-ଆସେସ୍‌ମେଣ୍ଟର ଅନ୍ୟାନ୍ୟ ଆନୁଷଙ୍ଗିକ ୟୁନିଟ୍‌ ମଧ୍ୟ ସ୍ଥାପନ କରାଯିବାର ବ୍ୟବସ୍ଥା ରହିଛି। ଟିକସ ଅଧିକାରୀ ଏବଂ ଟିକସଦାତାଙ୍କ ମଧ୍ୟରେ ସମ୍ପର୍କ କେବଳ ଇଲେକଟ୍ରୋନିକ୍ସ ମାଧ୍ୟମରେ ହିଁ ହେବ। କୌଣସି ବ୍ୟକ୍ତିଙ୍କୁ ଆଇଟି ଅଫିସ ଯିବାକୁ ପଡିବ ନାହିଁ। କେତେକ ନିର୍ଦ୍ଧିଷ୍ଟ କ୍ଷେତ୍ରରେ ଭିଡିଓ କନଫରେନ୍ସି ଯୋଗେ ମାମଲାର ଫଇସଲା କରାଯିବାକୁ ନିୟମରେ ଉଲ୍ଲେଖ ରହିଛି। କୌଣସି ମାମଲାର ଆସେସ୍‌ମେଣ୍ଟ ଅର୍ଡର ଚୂଡାନ୍ତ ହେବା ପରେ ଜାତୀୟ ଇ-ଆସେସ୍‌ମେଣ୍ଟ ସେଣ୍ଟର ସମସ୍ତ ଇଲେକଟ୍ରୋନିକ୍‌ ତଥ୍ୟକୁ ଜୁଡିସିଆଲ ଆଇଟି ଅଧିକାରୀଙ୍କୁ ପ୍ରଦାନ କରିବେ। ଏହି ଆଧାରରେ ଟିକସ ସଂଗ୍ରହ କିମ୍ବା ଜରିମାନା ଆଦାୟ ନେଇ ଅର୍ଡର ଜାରି କରାଯିବ। ଯଦି ଟିକସଦାତାଙ୍କର କୌଣସି ଅଭିଯୋଗ ଆସେ ତେବେ ଆଇଟି ଅଧିକାରୀ ଏଥି ସଂକ୍ରାନ୍ତ ରିପୋର୍ଟକୁ ଆପିଲେଟ୍‌ କମିଶନରଙ୍କୁ ପ୍ରଦାନ କରିବେ।
କ’ଣ ରହିଛି ପ୍ରକ୍ରିୟା
– ନ୍ୟାଶନାଲ ଇ-ଆସେସ୍‌ମେଣ୍ଟ ସେଣ୍ଟର(ଏନ୍‌ଏସି) ଟିକସଦାତାଙ୍କୁ ଧାରା ୧୪୨(୨) ଅନୁସାରେ ନୋଟିସ ଜାରି କରିବ। ଆସେସ୍‌ମେଣ୍ଟ ସମୟରେ ରହିଥିବା ସମସ୍ୟାକୁ ଏଥିରେ ବିଭାଗ ଜଣାଇବ। ପଞ୍ଜୀକୃତ ଇ-ମେଲ ଆକାଉଣ୍ଟରେ ଟିକସଦାତା ବିଭାଗକୁ ଉତ୍ତର ରଖିବେ।
– ଏନ୍‌ଏସି କୌଣସି ଆସେସ୍‌ମେଣ୍ଟ ମାମଲାକୁ ନିର୍ଦ୍ଦିଷ୍ଟ ଆଞ୍ଚଳିକ ଇ-ଆସେସ୍‌ମେଣ୍ଟ ସେଣ୍ଟର(ଆର୍‌ଏସି)କୁ ପ୍ରଦାନ କରିବ। ଏହା ସ୍ବୟଂକ୍ରିୟ ସିଷ୍ଟମ ଦ୍ୱାରା ହେବ।
– ଆସେସ୍‌ମେଣ୍ଟର ଯାଞ୍ଚ,ଟେକ୍ନିକାଲ, ରିଭ୍ୟୁ ୟୁନିଟ ଏନ୍‌ଏସି ସହ ସହଯୋଗ ଭିତ୍ତିରେ କାର୍ଯ୍ୟ କରିବେ। କେଉଁ କାର୍ଯ୍ୟ କାହା ପରିସରରେ ଆସିବ ତାହା ସ୍ବୟଂକ୍ରିୟ ଭାବେ ନିର୍ଦ୍ଧାରଣ ହେବ।
– ଆର୍‌ଏସି ଡ୍ରାଫ୍ଟ ଆସେସ୍‌ମେଣ୍ଟ ଅର୍ଡର ପ୍ରସ୍ତୁତ କରିବା ସହ ଏହାକୁ ଏନ୍‌ଏସିକୁ ପଠାଇବ। ଉକ୍ତ ସେଣ୍ଟର ଏହାକୁ ଚୂଡାନ୍ତ କରିପାରେ କିମ୍ବା ଏହାର ପୁନଶ୍ଚ ତର୍ଜମା ଲାଗି ଅନ୍ୟ ରିଭ୍ୟୁ ୟୁନିଟକୁ ପଠାଇବା ଦିଗରେ ଟିକସଦାତାଙ୍କୁ ସୁଯୋଗ ଦିଆଯିବ।
– ଯଦି ଡ୍ରାଫ୍ଟ ଅର୍ଡର ତର୍ଜମା ପ୍ରସଙ୍ଗ ପରିସରଭୁକ୍ତ ହୋଇଥାଏ ଏହାକୁ ପୁନଶ୍ଚ ଆସେସ୍‌ମେଣ୍ଟ ୟୁନିଟକୁ ପଠାଯିବ। ପରେ ଏହା ଏନ୍‌ଏସିକୁ ଆସିବ।
– ଆସେସ୍‌ମେଣ୍ଟ ଥରେ ସମ୍ପୂର୍ଣ୍ଣ ହେବା ପରେ ସମସ୍ତ ଇଲେକଟ୍ରୋନିକ୍ସ ରେକର୍ଡ ଆଇଟି ଅଧିକାରୀଙ୍କୁ ପ୍ରଦାନ କରାଯିବ। ସେହି ଅନୁଯାୟୀ ସେ ଟିକସ ଡିମାଣ୍ଡ ଅସୁଲ କରିବେ।


All Right Reserved By Dharitri.Com

Posted inUncategorized View All

ଟେଲିଫୋନ୍‌ କମ୍ପାନୀଙ୍କୁ ସୁପ୍ରିମ୍‌କୋର୍ଟରେ ଝଟ୍‌କା: ଡଟ୍‌ ଆବେଦନକୁ ମଞ୍ଜୁରୀ; ଦେବାକୁ ପଡ଼ିବ ୯୨ ହଜାର କୋଟିରୁ ଅଧିକ ବକେୟା

ନୂଆଦିଲ୍ଲୀ,୨୪।୧୦: ଦେଶର ବିଭିନ୍ନ ଟେଲିଫୋନ୍‌ କମ୍ପାନୀଗୁଡ଼ିକୁ ସୁପ୍ରିମ୍‌କୋର୍ଟରେ ବଡ଼ ଝଟ୍‌କା ମିଳିଛି। ଡିପାର୍ଟମେଣ୍ଟ୍‌ ଅଫ୍‌ ଟେଲିକମ୍ୟୁନିକେଶନ (ଡଟ୍‌) ପକ୍ଷରୁ ବକେୟା ଆଦାୟ ପାଇଁ ଏକ ଆବେଦନ...

ପୌରସଂସ୍ଥାର ପ୍ରାକ୍ତନ ସଦସ୍ୟା, ସଦସ୍ୟଙ୍କୁ ମିଳୁ ପେନ୍‌ସନ

ବ୍ରହ୍ମପୁର ଅଫିସ,୨୬ା୮-ବ୍ରହ୍ମପୁର ପୌର ନିଗମ (ବିଏମସି)ର ପୂର୍ବତନ କାଉନସିଲର ଓ କର୍ପୋରେଟର ସଂଘର ସମାବେଶ ରବିବାର ଅନୁଷ୍ଠିତ ହୋଇଯାଇଛି । ଏମ୍‌ପି ଓ ବିଧାୟକଙ୍କ ଭଳି...

ମଣ୍ଡିରୁ ଉଠୁନି ଧାନ, ଚାଷୀଙ୍କ ରାସ୍ତାରୋକୋ

କୋକସରା,୧।୧(ଡି.ଏନ୍‌.ଏ.):କଳାହଣ୍ଡି ଜିଲା କୋକସରା ବ୍ଲକର ବିଭିନ୍ନ ମଣ୍ଡିରେ ଧାନକିଣା ପ୍ରକ୍ରିୟାରେ ଅଚଳାବସ୍ତା ଯୋଗୁ ଚାଷୀମାନେ ବିଭିନ୍ନ ସମୟରେ ଆନ୍ଦୋଳନ କରି ବିକ୍ଷୋଭ ପ୍ରଦର୍ଶନ କରୁଛନ୍ତି। ଏପରିସ୍ଥିତିରେ...

ବେଆଇନ ପଥର ଖନନ ବନ୍ଦ ଦାବି

ବନ୍ତଳା,୪।୧୨(ଡି.ଏନ.ଏ.)-ଅନୁଗୋଳ ଜିଲା ବନ୍ତଳା ଥାନା ଚମ୍ପତ୍ତିମୁଣ୍ଡା ରାଜସ୍ବ କାର୍ଯ୍ୟାଳୟ ଅଧୀନରେ ଥିବା ନନ୍ଦପୁର ପଞ୍ଚାୟତ ଚନ୍ଦନପୁର ସଂରକ୍ଷିତ ଜଙ୍ଗଲରୁ ବେଆଇନ ଭାବେ ପଥର ଖୋଳାଯାଇ ଚୋରା...

ନିଜ ବିବାହକୁ ନେଇ ଫିଲ୍ମ ନିର୍ମାଣ କରିବେ ପ୍ରିୟଙ୍କା

ବଲିଉଡ୍‌ ଅଭିନେତ୍ରୀ ପ୍ରିୟଙ୍କା ଚୋପ୍ରା ଏବେ ଭାରତ ଆସିଛନ୍ତି। ବିବାହ ପରେ ପ୍ରାୟତଃ ସ୍ବାମୀ ନିକ୍‌ ଜୋନାସ୍‌ଙ୍କ ସହ ଆମେରିକାରେ ରହୁଥିବା ପ୍ରିୟଙ୍କା ନିଜ ଆଗାମୀ...

ଟିନି ଏୟାରଫ୍ରିଜ୍‌

ସ୍ବିଡେନ୍‌ର ଦୁଇ ଜଣ ଇଞ୍ଜିନିୟର ବିକାଶ କରିଥିବା ଏକ ଛୋଟ ଏୟାରଫ୍ରିଜ୍‌ ଆପଣଙ୍କୁ ଭୀଷଣ ଗରମରୁ ରକ୍ଷା କରିବ। ୨୦୧୯ରେ ବିକାଶ କରାଯାଇଥିବା ଅନେକ ଗେଜେଟ୍‌...

ବେଲପାହାଡ଼ ଆକ୍ସିସ୍‌ ବ୍ୟାଙ୍କରେ ସଶସ୍ତ୍ର ଡକାୟତି: ବନ୍ଧୁକ ଦେଖାଇ ଲୁଟିନେଲେ ୧୪ ଲକ୍ଷ

ବେଲପାହାଡ଼,୪।୯(ଡ଼ି.ଏନ୍‌.ଏ.): ଝାରସୁଗୁଡ଼ା ଜିଲା ବେଲପାହାଡ଼ ସହରାଞ୍ଚଳ ଗୁମାଡ଼େରାସ୍ଥିତ ଆକ୍ସିସ୍‌ ବ୍ୟାଙ୍କ ଶାଖାରେ ବୁଧବାର ମଧ୍ୟାହ୍ନରେ ସଶସ୍ତ୍ର ଡକାୟତି ହୋଇଛି। ୫ ଜଣ ଲୁଟେରା ବନ୍ଧୁକ ଦେଖାଇ...

Leave a comment

Your email address will not be published. Required fields are marked *