ଓସିଏ ଭୋଟର୍‌ ତାଲିକାକୁ ନେଇ ବିବାଦ

ବ୍ରହ୍ମପୁର ଅଫିସ୍‌,୧୫ା୯-ଅନେକ ବର୍ଷ ପରେ ଓଡ଼ିଶା କ୍ରିକେଟ ଆସୋସିଏଶନ୍‌(ଓସିଏ) ନିର୍ବାଚନ ହେବାକୁ ଯାଉଛି । ଆସନ୍ତା ୨୭ତାରିଖରେ ନିର୍ବାଚନ ହେବ। ଏଥିରେ ମୋଟ ୭୩ଜଣ ଭୋଟର୍‌ଙ୍କ ନାମ ପ୍ରକାଶ କରାଯାଇଛି। ଭୋଟର୍‌ ହେବା ପାଇଁ ବିଭିନ୍ନ ସଂଘ ଏବଂ ଅନ୍ୟାନ୍ୟ ସଂସ୍ଥାଗୁଡ଼ିକରୁ ଆବେଦନ କରାଯାଇଥିଲେ ମଧ୍ୟ ମାତ୍ର ୭୩ ନାମକୁ ହିଁ ସ୍ବୀକୃତି ମିଳିଛି । ଗଞ୍ଜାମ ଜିଲା କ୍ରିକେଟ ସଂଘ(ଜିଡିସିଏ) ତରଫରୁ ସମ୍ପାଦକ ଅଶୋକ କୁମାର ସାହୁଙ୍କ ନାମ ଭୋଟର୍‌ ତାଲିକାରେ ରହିଛି । ଏହାକୁ ନେଇ ବିବାଦ ଦେଖାଦେଇଛି। କାରଣ ଜିଡିସିଏ ପଦାଧିକାରୀଙ୍କୁ ନେଇ ପୂର୍ବରୁ ଅନେକ ବିବାଦ ସୃଷ୍ଟି ହୋଇଥିଲା। ଏଣୁ ଭୋଟର୍‌ ତାଲିକାରେ ଅଶୋକଙ୍କ ନାମକୁ ଚ୍ୟାଲେଞ୍ଜ କରିଛନ୍ତି ସଭାପତି ରମେଶ ଚନ୍ଦ୍ର ପାତ୍ର। ଏନେଇ ସେ ଲିଖିତ ଭାବେ ଓସିଏ ନିର୍ବାଚନ ଅଧିକାରୀ ଏମ୍‌.ଏଲ୍‌.ମଜୁମଦାର୍‌, ବିସିସିଆଇ ପାଇଁ ସୁପ୍ରିମ୍‌କୋର୍ଟ ପକ୍ଷରୁ ନିଯୁକ୍ତ ଆମିକଶ୍‌କ୍ୟୁରୀ ପି.ଏସ୍‌. ନରସିଂହାଙ୍କୁ ଜଣାଇଛନ୍ତି ।
ଚିଠିରେ ସଭାପତି ରମେଶ ଉଲ୍ଲେଖ କରିଛନ୍ତି, ଜିଡିସିଏର ଅଧିକାଂଶ ସଦସ୍ୟ ଏବଂ ପ୍ରତିଷ୍ଠାତା ଓ ଆଜୀବନ ସଦସ୍ୟମାନେ ତାଙ୍କ ନାମକୁ ଭୋଟର୍‌ ତାଲିକାରେ ଯୋଡ଼ିବାକୁ ଓସିଏକୁ ପ୍ରସ୍ତାବ ଦେଇଛନ୍ତି। ପୂର୍ବରୁ ସଂଘ ପଦାଧିକାରୀଙ୍କ ନାମକୁ ନେଇ ବିବାଦ ସୃଷ୍ଟି ହୋଇଥିଲା। ଏ ସମ୍ପର୍କିତ ଏକ ମାମଲା ଆଡିସିନାଲ୍‌ ସିନିୟର୍‌ ସିଭିଲ ଜଜ୍‌ଙ୍କ କୋର୍ଟରେ ରୁଜୁ ହୋଇଥିଲା। ଶୁଣାଣି ପରେ ସଂଘ ସଭାପତି ଭାବେ ରମେଶଙ୍କ ନାମକୁ ସ୍ବୀକୃତି ମିଳିଥିଲା।
ଅନ୍ୟପଟେ ଗତ ବର୍ଷ ଜୁଲାଇରେ ସଂଘ ପଦାଧିକାରୀ ନିର୍ବାଚନ ଅନୁଷ୍ଠିତ ହୋଇଥିଲା। ହେଲେ ଏହି ନିର୍ବାଚନକୁ ନେଇ ପୁଣି ଥରେ ବିବାଦ ସୃଷ୍ଟି ହୋଇଥିଲା ।
ମତଦାନ ହୋଇଥିଲେ ମଧ୍ୟ ଫଳାଫଳ ଶୁଣାଣି ଉପରେ ରୋକ୍‌ ଲଗାଇଥିଲେ ଜିଲା ଜଜ୍‌ କୋର୍ଟ। ଏଯାଏ ନିର୍ବାଚନ ଫଳ ଘୋଷଣା ହୋଇନାହିଁ। ଏଭଳି ସ୍ଥଳେ ଅଶୋକଙ୍କ ନାମ ଓସିଏ ଭୋଟର୍‌ ତାଲିକାରେ କେମିତି ରହିଲା ବୋଲି ସେ ପ୍ରଶ୍ନ ଉଠାଇଛନ୍ତି । ଜିଡିସିଏ ପକ୍ଷରୁ କେବଳ ସେ ହିଁ ଭୋଟର୍‌ ତାଲିକାରେ ରହିପାରିବେ ବୋଲି ରମେଶ ନିଜ ଚିଠିରେ ଉଲ୍ଲେଖ କରିଛନ୍ତି । ଏପରିକି ଜିଡିସିଏ ପଦାଧିକାରୀଙ୍କୁ ନେଇ ବିଭିନ୍ନ କୋର୍ଟରେ ରୁଜୁ ହୋଇଥିବା ମାମଲା ଏବଂ ତାର ଶୁଣାଣିଗୁଡ଼ିକର ନକଲ ସେ ନିଜ ଦାବିପତ୍ର ସହ ଯୋଡ଼ିଛନ୍ତି। ଏଥି ସହ ଓସିଏର ପୂର୍ବ ପଦାଧିକାରୀଙ୍କୁ ମଧ୍ୟ ସେ ଏହି ମାମଲାରେ ସମାଲୋଚନା କରିଛନ୍ତି।
ଉପରେ ଅଧିକାରକୁ ନେଇ ଅନେକ ବର୍ଷ ହେଲା ବିବାଦ ଲାଗି ରହିଛି। ପୂର୍ବରୁ ଏ ସମ୍ପର୍କରେ ଏକ ମାମଲା ବ୍ରହ୍ମପୁର ଆଡିସିନାଲ୍‌ ସିନିୟର୍‌ ସିଭିଲ ଜଜ୍‌ଙ୍କ କୋର୍ଟରେ ଚାଲିଥିଲା।
୨୦୧୮ ଫେବୃୟାରୀ ୨୮ରେ କୋର୍ଟ ଏହାର ରାୟ ଶୁଣାଇଥିଲେ। ୨୦୦୫ ମାର୍ଚ୍ଚ ୬ରେ ସଂଘର ଯେଉଁ ପଦାଧିକାରୀମାନେ ରହିଥିଲେ, ସେମାନେ ପୁନଃ ସେହି ପଦବୀଗୁଡ଼ିକରେ ରହିବେ ବୋଲି କୋର୍ଟ ରାୟ ଦେଇଥିଲେ। ଏଥି ସହ ପୁଣି ଥରେ ନିର୍ବାଚନ କରିବାକୁ ମଧ୍ୟ ନିର୍ଦ୍ଦେଶ ଦେଇଥିଲେ। କୋର୍ଟଙ୍କ ନିର୍ଦ୍ଦେଶ ପରେ ଜିଡିସିଏ ନିର୍ବାଚନ ପାଇଁ ୨୦୧୮ ଜୁଲାଇରେ ବିଜ୍ଞପ୍ତି ପ୍ରକାଶ ପାଇଥିଲା । ଏହାକୁ ଚ୍ୟାଲେଞ୍ଜ କରି ନିର୍ବାଚନକୁ ସ୍ଥଗିତ ରଖିବା ପାଇଁ ୨୦୧୮ ଜୁଲାଇରେ ସଭାପତି ରମେଶ ପାତ୍ର ଏବଂ ପୂର୍ବତନ ସମ୍ପାଦକ ଡବ୍ଲୁ.ଭି. ରାଜା ଜିଲା ଜଜ୍‌ କୋର୍ଟରେ ଏକ ମାମଲା ଦାଏର କରିଥିଲେ। ନିର୍ବାଚନ ଜାରି ରଖିବାକୁ କୋର୍ଟ ନିର୍ଦ୍ଦେଶ ଦେଇଥିଲେ। କିନ୍ତୁ ପରବର୍ତ୍ତୀ ଶୁଣାଣି ପର୍ଯ୍ୟନ୍ତ ନିର୍ବାଚନ ଫଳାଫଳ ଘୋଷଣା ଉପରେ ଅଙ୍କୁୁଶ ଲଗାଇଥିଲେ । ଜୁଲାଇ ୨୨ରେ ନିର୍ବାଚନ ହୋଇଥିଲା। ୧୧ ପଦବୀ ଥିଲେ ମଧ୍ୟ ୧୦ଜଣ ପ୍ରାର୍ଥୀପତ୍ର ଦାଖଲ କରିଥିଲେ ।
ଏଯାଏ ଏହି ନିର୍ବାଚନର ଫଳ ଘୋଷଣା ହୋଇନାହିଁ ।
ସମ୍ପର୍କରେ ସମ୍ପାଦକ ଅଶୋକ ସାହୁଙ୍କୁ ପଚାରିବାରୁ ଗତ ୧୧ତାରିଖରେ ଜିଡିସିଏର ଏକ୍‌ଜିକ୍ୟୁଟିଭ୍‌ କମିଟି ବୈଠକ ଅନୁଷ୍ଠିତ ହୋଇଥିଲା। ଏଥିରେ ଜିଡିସିଏ ପକ୍ଷରୁ ମୋ ନାମକୁ ଭୋଟର୍‌ ତାଲିକାରେ ରଖିବାକୁ ନିଷ୍ପତ୍ତି ନିଆଯାଇଥିଲା। ଏ ସମ୍ପର୍କରେ ଓସିଏକୁ ଅବଗତ କରାଯାଇଥିଲା। ତଦନୁଯାୟୀ ଓସିଏ ଭୋଟର୍‌ ତାଲିକାରେ ମୋ ନାମ ରହିଛି। ଅନେକ ବର୍ଷ ହେଲା ଗଞ୍ଜାମ ଜିଲାରେ କ୍ରିକେଟ ଶିବିର ଆୟୋଜନଠାରୁ ଖେଳାଳି ଚୟନ ଦିଗରେ କାର୍ଯ୍ୟ କରିଛି। ଜିଲାରେ କ୍ରିକେଟ ସହ ସମ୍ପୃକ୍ତ ପ୍ରତ୍ୟେକ ବ୍ୟକ୍ତି ଏ କଥାକୁ ଅନୁଭବ କରିଛନ୍ତି ବୋଲି ସେ କହିଛନ୍ତି ।


All Right Reserved By Dharitri.Com

ମନୋଜ ହତ୍ୟା ମାମଲା ଅଭିଯୁକ୍ତଙ୍କ ଟେର୍‌ ପାଉନି ପୋଲିସ

ବ୍ରହ୍ମପୁର ଅଫିସ,୨୮ା୫-ଆସିକା କଂଗ୍ରେସ ପ୍ରାର୍ଥୀ ମନୋଜ ଜେନା ହତ୍ୟା ଘଟଣାକୁ ଇତି ମଧ୍ୟରେ ୫ ଦିନ ବିତିଛି । ପୋଲିସ ବିଭିନ୍ନ ଦିଗକୁ ଆଧାର କରି...

ଏନଏଚ୍‌ ନଂ.୧୬ ରେ ଫ୍ଲାଇଓଭର, ଅଣ୍ଡରପାସ୍‌ ପ୍ରସଙ୍ଗ: କେନ୍ଦ୍ରମନ୍ତ୍ରୀଙ୍କୁ ଭେଟିବେ ଏମ୍‌ପି, ବିଧାୟକ

ଛତ୍ରପୁର,୧୭ା୧(ଡି.ଏନ.ଏ.)- ଗଞ୍ଜାମ ଜିଲା ଗିରିଶୋଲାରୁ ପୁଇଁତଳା ପର୍ଯ୍ୟନ୍ତ ଜାତୀୟ ରାଜପଥ-୧୬ନଂ. ର ଉନ୍ନତୀକରଣ କାମ ଚାଲିଛି। ୬ ଲେନ୍‌ ତ ଦୂରର କଥା ଆବଶ୍ୟକତା ଅନୁସାରେ...

ଛାତ୍ରୀଛାତ୍ରଙ୍କୁ ଘରକୁ ଯାଇ ପୁସ୍ତକ ବାଣ୍ଟିଲେ ଶିକ୍ଷକ: ମେ’ ୩ ସୁଦ୍ଧା ବଣ୍ଟାଯିବ ୧୮୭୭୨୫୮ ବହି

ବ୍ରହ୍ମପୁର ଅଫିସ,୨୬ା୪ – କରୋନା ମୁକାବିଲା ପାଇଁ ସରକାର ଲକ୍‌ଡାଉନ ଘୋଷଣା କରିଛନ୍ତି। ଏହାର ପ୍ରଭାବରେ ରାଜ୍ୟର ସମସ୍ତ ସରକାରୀ ଓ ବେସରକାରୀ ଅନୁଷ୍ଠାନ ବନ୍ଦ...

ଜାଗରରେ ଅଘଟଣ: ଦୀପ ନିଆଁରେ ପୋଡ଼ି ମହିଳା ଗୁରୁତର

ବ୍ରହ୍ମପୁର ଅଫିସ,୨୧।୨: ପବିତ୍ର ମହାଶିବରାତ୍ରି ଅବସରରେ ଜଣେ ମହିଳା ମନ୍ଦିର ଯାଇଥିବା ବେଳେ ସେଠାରେ ଏକ ଅଘଟଣ ଘଟିଛି। ଗଞ୍ଜାମ ଥାନା ଅନ୍ତର୍ଗତ ଝାଡ଼କୁଦା ଗ୍ରାମର...

ଆର୍‌ଡିସିଙ୍କ କାର୍ଯ୍ୟାଳୟରେ ସଂସ୍କାରବାଦୀଙ୍କ ଧାରଣା

ବ୍ରହ୍ମପୁର ଅଫିସ,୨୯ା୬-କେସି ହାଇସ୍କୁଲ ପରିସରରେ ଚାଲିଥିବା ବେସରକାରୀ ଇଂଲିଶ ମାଧ୍ୟମ ସ୍କୁଲ ଉଚ୍ଛେଦ ଦାବି ଏବେ ଜୋର ଧରିଛି ା ସାମାଜିକ ଅନୁଷ୍ଠାନ ସଂସ୍କାରବାଦୀ ପକ୍ଷରୁ...

ଧମକ, ଆକ୍ରମଣ ଘଟଣା, ଜଣେ ଗିରଫ

ଛତ୍ରପୁର,୯ା୯(ଡି.ଏନ.ଏ.): ଏକ କାର ଅଟକାଇ ଧମକ ଦେବା ସହ ଆକ୍ରମଣ କରିଥିବା ଅଭିଯୁକ୍ତଙ୍କୁ ଛତ୍ରପୁର ଥାନା ପୋଲିସ ସୋମବାର ଗିରଫ କରିଛି। ସେ ହେଲେ ରାଜେଶ...

ହୁମ୍ମା ଶୁଖୁଆ ହାଟରେ ମହିଳା ବ୍ୟବସାୟୀଙ୍କୁ ଶୋଷଣ

ଛତ୍ରପୁର,୨୧ା୧(ଡି.ଏନ.ଏ.)-ଗଞ୍ଜାମ ଜିଲା ହୁମ୍ମା ଶୁଖୁଆ ହାଟରେ ବ୍ୟବସାୟୀମାନଙ୍କୁ ପାନୁ ଆଦାୟ ନଁାରେ ଶୋଷଣ କରାଯାଉଥିବା ଅଭିଯୋଗ ହୋଇଛି। ଏହାର ପ୍ରତିବାଦ କଲେ ଧମକ ଚମକଠାରୁ ଆରମ୍ଭ...

ପ୍ରଦ୍ୟୁମ୍ନ ହତ୍ୟା ମାମଲା: ପ୍ରମାଣ ଅଭାବରୁ ଅଭିଯୁକ୍ତ ନିର୍ଦ୍ଦୋଷରେ ଖଲାସ

ଭଞ୍ଜନଗର,୧୪।୮(ଡି.ଏନ.ଏ)-ଜଗନ୍ନାଥପ୍ରସାଦ ଥାନା ଗୋଚ୍ଛାବାଡ଼ିର ପ୍ରଦ୍ୟୁମ୍ନ କୁମାର ନାୟକ ହତ୍ୟା ମାମଲାର ରାୟ ମଙ୍ଗଳବାର ପ୍ରକାଶ ପାଇଛି। ଭଞ୍ଜନଗର ଏଡ଼ିଜେ ମହଲତ ସା ମାମଲାର ବିଚାର କରି...

Leave a comment

Your email address will not be published. Required fields are marked *