ଆର୍‌ଟିଓରେ ଭିଡ଼ ମହିଳାଙ୍କ ପାଇଁ ହେଉନି ସ୍ବତନ୍ତ୍ର ଧାଡ଼ି

ପୁରୀ ଅଫିସ, ୧୪ା୯: ନୂଆ ଟ୍ରାଫିକ ନିୟମ ଲାଗୁ ହେବା ପରେ ସବୁଠି ଏବେ ହଇଚଇ। ପୋଲିସ ଅଧିକ ସକ୍ରିୟ ହୋଇପଡିଥିବାବେଳେ ଜୋର୍‌ଦାର ଚାଲିଛି ଧରପଗଡ଼।  ମୋଟା ଆର୍ଥିକ ଜରିମାନା ଏବେ ଗାଡ଼ି ଚାଳକ ଏବଂ ମାଲିକଙ୍କ ଆଖିରୁ ନିଦ ହଜାଇ ଦେଇଛି। କାରଣ ଟ୍ରାଫିକ ଆଇନକୁ ଅଣଦେଖା କରିଆସୁଥିବା ଲୋକେ ଏବେ ନୂଆ ଆଇନ ଜାଲରେ ଛନ୍ଦି ହୋଇପଡୁଛନ୍ତି। ତେବେ ୩ମାସ ପାଇଁ ନିୟମ କୋହଳ ହୋଇଥିଲେ ବି ଲୋକେ ଗାଡି କାଗଜପତ୍ର ଠିକ୍‌ କରିବା ଲାଗି ଅଣନିଃଶ୍ୱାସୀ ହୋଇ ବିଭିନ୍ନ କାର୍ଯ୍ୟାଳୟକୁ ଧାଉଁଛନ୍ତି। ବିଶେଷକରି ଆର୍‌ଟିଓରେ ଅଧିକ ଗହଳି ହେଉଛି। ଫିଟ୍‌ନେସ ହେଉ କି ଡ୍ରାଇଭିଂ ଲାଇସେନ୍ସ ପାଇଁ ସବୁ ଆର୍‌ଟିଓରେ ଲମ୍ବା ଲାଇନ ଲାଗୁଛି। ପୁରୀ ଆର୍‌ଟିଓରେ ସକାଳ ସାଢେ ୮ଟାରୁ ଚାଳକ ଏବଂ ମାଲିକ ଆସି ଧାଡିରେ ଛିଡା ହେଉଛନ୍ତି। ତେବେ ଏମାନଙ୍କ ମଧ୍ୟରେ ଅନେକ ମହିଳା ଏବଂ ଯୁବତୀ ବି ଆସୁଛନ୍ତି। କିନ୍ତୁ ଏଠାରେ ମହିଳାଙ୍କ ପାଇଁ କୌଣସି ସ୍ବତନ୍ତ୍ର ଧାଡି ବ୍ୟବସ୍ଥାା କରାଯାଉ ନାହିଁ। ଫଳରେ ପୁରୁଷଙ୍କ ମଧ୍ୟରେ ଛିଡା ହେବାକୁ ଏକପ୍ରକାର ବାଧ୍ୟ ହେଉଛନ୍ତି। ମନରେ ଅସନ୍ତୋଷ ଏବଂ ପୁରୁଷଙ୍କ ଧାଡିରେ ଛିଡା ହେବା ଲାଗି ଅସ୍ବାଭାବିକ ଲାଗୁଥିଲେ ମଧ୍ୟ କିଛି କହିପାରୁ ନାହାନ୍ତି।
ପୋଲିସ ଅଧିକ ସକ୍ରିୟ ହୋଇପଡିଥିବାବେଳେ ଗାଡି ଚାଳକ ଏବଂ ମାଲିକ ମଧ୍ୟ ନିଜକୁ ସୁବ୍ୟବସ୍ଥିତ କରିବାରେ ଲାଗି ପଡିଛନ୍ତି। ଗାଡି କାଗଜପତ୍ର ଏବଂ ଡ୍ରାଇଭିଂ ଲାଇସେନ୍ସ ସହ ନୂଆ ମୋଟର ଯାନ ଆଇନକୁ ପାଳନ କରିବା ଲାଗି ତତ୍ପରତା ଦେଖାଇଛନ୍ତି। ଏଥିପାଇଁ ପୁରୀ ଆର୍‌ଟିଓରେ ପ୍ରତ୍ୟେହ ପ୍ରବଳ ଭିଡ଼ ହେଉଛି। ଆର୍‌ଟିଓ ପରିସର ଏବଂ ଏହା ସମ୍ମୁଖ ରାସ୍ତାର ଦୁଇପାର୍ଶ୍ୱରେ ପ୍ରାୟ ଅଧକିମି ପର୍ଯ୍ୟନ୍ତ ଗାଡି ମୋଟର ପାର୍କିଂ କରାଯାଉଛି। ପୂର୍ବାହ୍ନ ୯ଟା ପରଠାରୁ ଦିନ ତମାମ୍‌ ପ୍ରବଳ ଗହଳି ରହୁଛି। ଗାଡି ଚାଳକ ଏବଂ ମାଲିକ ଲମ୍ବା ଧାଡ଼ିରେ ଠିଆ ହୋଇ ସେମାନଙ୍କ କାଗଜପତ୍ର କାମ କରୁଛନ୍ତି। ତେବେ ଆଗ କରିବାର ମନୋବୃତ୍ତି ଯୋଗୁ ଠେଲାପେଲା ହେଉଥିବା ଏହି ଧାଡି ମଧ୍ୟରେ ମହିଳାମାନେ ବି ଠିଆ ହେଉଛନ୍ତି। ସେମାନେ ବି ଠେଲାପେଲାର ଶିକାର ହେଉଥିଲେ ମଧ୍ୟ କିଛି କହିପାରୁ ନାହାନ୍ତି। ଏହି ଘଟଣା ଶୁକ୍ରବାର ଯୁବ ସ୍ବେଚ୍ଛାସେବୀ ଶଙ୍କର ସର୍କାର କାର୍ଯ୍ୟାଳୟ ଅଧିକାରୀଙ୍କ ନଜରକୁ ଆଣିଥିଲେ। ତେବେ ମହିଳାଙ୍କ ପାଇଁ କାହିଁକି ଅଲଗା ଧାଡ଼ି କରାଯାଉ ନାହିଁ ବୋଲି କହିଥିଲେ। ହେଲେ କେହି କିଛି ଶୁଣି ନ ଥିଲେ। ଏହାକୁ ନେଇ କେତେଜଣ ଲୋକ ବି ହୋ ହଲ୍ଲା କରିଥିଲେ। ବର୍ତ୍ତମାନ ଆର୍‌ଟିଓରେ ଯେଉଁଭଳି ଭାବେ ଭିଡ଼ ହେଉଛି ସେଥିଲାଗି ମହିଳାଙ୍କ ପାଇଁ ସ୍ବତନ୍ତ୍ର ଧାଡ଼ି କରାଯିବା ଦରକାର ବୋଲି ସର୍କାର କହିଛନ୍ତି। ଏ ସମ୍ପର୍କରେ ଆର୍‌ଟିଓ ଦାୟିତ୍ୱରେ ଥିବା ଉପଜିଲାପାଳ ଭବତାରଣ ସାହୁ କହିଛନ୍ତି, ମହିଳାମାନେ ଧାଡିରେ ଠିଆ ହେଉଥିବା ନଜରକୁ ଆସିନାହିଁ। ତେବେ ଶନିବାରଠାରୁ ମହିଳାଙ୍କ ପାଇଁ ସ୍ବତନ୍ତ୍ର ଧାଡି ସହ ସେମାନଙ୍କୁ ଅଗ୍ରାଧିକାର ଦିଆଯିବ। ବର୍ତ୍ତମାନ ସୁଦ୍ଧା ୯,୩୧୪ ଜଣ ଡିଏଲ୍‌ ପାଇଁ ଆବେଦନ କରିଛନ୍ତି। ୧ ତରିଖ ସୁଦ୍ଧା ସମୟ ଥିବାରୁ ଶନିବାର, ରବିବାର ଛୁଟିଦିନରେ କାର୍ଯ୍ୟାଳୟ ଖୋଲା ରହି କାମ କରାଯିବ। ଦିନକୁ ୭୦ଟି ସ୍ଲଟ ଟେଷ୍ଟ ପାଇଁ ରହିଥିବା ବେଳେ ବର୍ତ୍ତମାନ ଏହାକୁ ୨୦୦ କରାଯାଇଛି।


All Right Reserved By

୭ ମନ୍ଦିରରେ ବିଗ୍ରହ ପ୍ରତିଷ୍ଠା ହେବ

ଭଞ୍ଜନଗର,୨୮।୫(ଡି.ଏନ.ଏ)- ରାଜ୍ୟର ପ୍ରମୁଖ ପର୍ଯ୍ୟଟନସ୍ଥଳୀ ଭଞ୍ଜନଗର ବେଲେଶ୍ୱେର ଶୈବପୀଠରେ ଆଜକୁ ୪ଦିନ ହେବ ୭ ମନ୍ଦିର ପ୍ରତିଷ୍ଠା ଉସତ୍ବ ଚାଲିଛି। ବୁଧବାର ଉଦ୍‌ଯାପିତ ହେବ। ବୁଧବାର...

ଅଂଶୁଘାତ ପ୍ରତିକାର ପାଇଁ ନାହିଁ କୌଣସି ବ୍ୟବସ୍ଥା

ହାଟଡିହୀ୧୧ା୫(ସ୍ବ.ପ୍ର.): ଏବେ ପ୍ରବଳ ଗ୍ରୀଷ୍ମ ପ୍ରବାହ ଅନୁଭୂତ ହେଉଥିଲାବେଳେ ହାଟଡିହୀ ସରକାରୀ  ଡାକ୍ତରଖାନାରେ ଅଂଶୁଘାତ ପ୍ରତିକାର ପାଇଁ କୌଣସି ବ୍ୟବସ୍ଥା ନାହିଁ। ଲୋକେ ନାନା ଅସୁବିଧାର...

ଆଜିଠୁ ପାନ, ଗୁଟ୍‌ଖା ଖାଇ ଶ୍ରୀମନ୍ଦିରକୁ ପ୍ରବେଶ ମନା: ଧରାପଡିଲେ ୫୦୦ ଟଙ୍କା ଜରିମାନା

ପୁରୀ ଅଫିସ୍‌, ୧।୮:ଏଣିକି ପାନ ଖାଇ କେହି ଶ୍ରୀମନ୍ଦିରକୁ ପ୍ରବେଶ କରିପାରିବେ ନାହିଁ। ସେବାୟତ ହୁଅନ୍ତୁ ଅବା ଭକ୍ତ କେହି ବି ଧରାପଡ଼ିଲେ ସେମାନଙ୍କଠାରୁ ଜରିମାନା...

ରାସ୍ତା ସମ୍ପ୍ରସାରଣ ପାଇଁ ଗଛକଟା

ବ୍ରହ୍ମପୁର ଅଫିସ୍‌,୧୫ା୭-ବାତ୍ୟା ପ୍ରଭାବିତ ଗଞ୍ଜାମ ଜିଲାରେ ସବୁଜିମା ପାଇଁ ସରକାରୀ ଏବଂ ବେସରକାରୀସ୍ତରରେ ପଦକ୍ଷେପ ନିଆଯାଉଛି। ସ୍କୁଲ ପିଲାଙ୍କୁ ‘ପିଲାଟିଏ ଗଛଟିଏ’ କାର୍ଯ୍ୟକ୍ରମ ଜରିଆରେ ଚାରାରୋପଣ...

୯ ହଜାରରୁ ଅଧିକ ଭୋଟରେ ବିକ୍ରମ ଆଗୁଆ

ବ୍ରହ୍ମପୁର ଅଫିସ,୨୩।୫- ବ୍ରହ୍ମପୁର ବିଧାନସଭା ର୍ନିବାଚନ ମଣ୍ଡଳୀରେ ବିଜେଡି ପ୍ରାର୍ଥୀ ବିକ୍ରମ ପଣ୍ଡା ୯ ହଜାରରୁ ଅଧିକ ଭୋଟରେ ଆଗୁଆ ହୋଇଛନ୍ତି। ପଞ୍ଚମ ରାଉଣ୍ଡ ସୁଦ୍ଧା...

ଭିମ୍‌ସାର, ଏସ୍‌ସିବି ନର୍ସିଂ କଲେଜ୭୦ ନୂତନ ପଦବୀକୁ ମୁଖ୍ୟମନ୍ତ୍ରୀଙ୍କ ଅନୁମୋଦନ

ଭୁବନେଶ୍ୱର,୨୪।୬(ବ୍ୟୁରୋ): ବୁର୍ଲାସ୍ଥିତ ଭିମ୍‌ସାର ନର୍ସିଂ କଲେଜ ଓ କଟକ ଏସ୍‌ସିବି ନର୍ସିଂ କଲେଜ ପାଇଁ ୭୦ ନୂତନ ପଦବୀ ସୃଷ୍ଟି କରିବା ନିମନ୍ତେ ସୋମବାର ମୁଖ୍ୟମନ୍ତ୍ରୀ...

ରଙ୍ଗ ମିସ୍ତ୍ରୀ କାମ କରି ସୁନାଗହଣା ନେଇ ଚମ୍ପଟ, ଯାଜପୁର ରେଳଷ୍ଟେଶନରୁ ଅଭିଯୁକ୍ତ ଗିରଫ

ଢେଙ୍କିକୋଟ, ୧୮ା୬(ଡି.ଏନ.ଏ.)-କେନ୍ଦୁଝର ଜିଲା ଢେଙ୍କିକୋଟ ଫାଣ୍ଡି ଅନ୍ତର୍ଗତ ତୋରାଣିପୋଖରୀ ପଞ୍ଚାୟତ ତୋରାଣିପୋଖରୀ ଗ୍ରାମର ପ୍ରଶ୍ନଜିତ୍‌ ମିଶ୍ରଙ୍କ ଘରେ ରଙ୍ଗ ମିସ୍ତ୍ରୀ ଭାବେ କାମ କରୁଥିବା ଜଣେ...

ସୁନ୍ଦରପୁର ରଜ ମହୋତ୍ସବ ଉଦ୍‌ଘାଟିତ: ସଭା ସାଙ୍ଗକୁ ରଜ କୁଇନ ପ୍ରତିଯୋଗିତା

ଖଇରା, ୧୪।୬(ଡି.ଏନ.ଏ.)-ବାଲେଶ୍ୱର ଜିଲା ଖଇରା ବ୍ଲକ ଅଧୀନ ସୁନ୍ଦରପୁର ହାଇସ୍କୁଲ ପଡିଆରେ ବ୍ଲକସ୍ତରୀୟ ରଜ ମହୋତ୍ସବ ଗୁରୁବାର ଉଦ୍‌ଘାଟିତ ହୋଇଯାଇଛି। ସକାଳେ କମିଟି ସଭାପତି ଅଧ୍ୟାପକ...

selfi corner

Model This Week

Why Dharitri

Leave a comment

Your email address will not be published. Required fields are marked *