ଚିନ୍ତାବ୍ୟକ୍ତ କଲା ଆଇଏମ୍‌ଏଫ୍‌;ଆଶାଠାରୁ ଅନେକ କମ୍‌ ରହିଛି ଭାରତର ବିକାଶ ହାର

ଓ୍ବାଶିଂଟନ,୧୪-୯: ଭାରତର ଆର୍ଥିକ ବିକାଶର ଅସ୍ପଷ୍ଟ ଚିତ୍ରକୁ ନେଇ ଅନ୍ତର୍ଜାତୀୟ ମୁଦ୍ରା ପାଣ୍ଠି(ଆଇଏମ୍‌ଏଫ୍‌) ଚିନ୍ତାବ୍ୟକ୍ତ କରିଛି। କର୍ପୋରେଟ ଓ ପରିବେଶ ସହ ଜଡ଼ିତ ନିୟାମକ ସଂସ୍ଥାଗୁଡ଼ିକରେ ଦେଖାଦେଇଥିବା ଅନିଶ୍ଚିତତା ଏବଂ କେତେକ ଅଣ ବ୍ୟାଙ୍କିଙ୍ଗ୍‌ ଆର୍ଥିକ ସଂସ୍ଥା ଦୁର୍ବଳ ହେବା କାରଣରୁ ଭାରତର ଆର୍ଥିକ ବୃଦ୍ଧି ହାର ଅନେକାଂଶରେ କମିଛି। ଏହା ଆଶାଠାରୁ ଅନେକ କମ୍‌ ରହିଛି ବୋଲି ଆଇଏମ୍‌ଏଫ୍‌ କହିଛି।
ତେବେ ଭାରତରେ ଆର୍ଥିକ ମାନ୍ଦାବସ୍ଥା ମାଡି ସାରିଥିଲେ ସୁଦ୍ଧା ଚାଇନାର ବିକାଶ ହାର ଠାରୁ ଏହା ବହୁ ଆଗରେ ରହିବ ବୋଲି ଆଇଏମ୍‌ଏଫ୍‌ କହିଛି। ବିଶ୍ୱରେ ଏହା ସର୍ବାଧିକ ଦ୍ରୁତ ବିକାଶ କରୁଥିବା ଦେଶ ଭାବେ ଆଗେଇ ଚାଲିବ ବୋଲି ଅନ୍ତର୍ଜାତୀୟ ମୁଦ୍ରା ପାଣ୍ଠି ଅନୁମାନ କରିଛି। ଏଠାରେ ଗଣମାଧ୍ୟମ ପ୍ରତିନିଧିଙ୍କ ସହ ଆଲୋଚନା କାଳରେ ଆଇଏମ୍‌ଏଫ୍‌ ମୁଖପାତ୍ର ଗ୍ୟାରୀ ରାଇସ୍‌ କହିଛନ୍ତି ଯେ, ନିକଟରେ ପ୍ରକାଶ ପାଇଥିବା ଭାରତର ଜିଡିପି ହାର ଧିମା ଆର୍ଥିକ ବିକାଶର ସଙ୍କେତ ଦେଉଛି। ଖୁବଶୀଘ୍ର ନୂଆ ତଥ୍ୟ ସାମ୍‌ନାକୁ ଆସିବ। ତେବେ ଏହା ସ୍ପଷ୍ଟ ଯେ, ଭାରତର ଆର୍ଥିକ ବିକାଶ ହାର ଆଶାଠାରୁ କମ୍‌ ରହିଛି। ସେ କହିଛନ୍ତି ଯେ, ଅଣ ବ୍ୟାଙ୍କିଙ୍ଗ୍‌ ଆର୍ଥିକ ସଂସ୍ଥାଗୁଡ଼ିକ ପକ୍ଷରୁ ସୃଷ୍ଟି ହୋଇଥିବା ବିପଦ କାରଣରୁ ଭାରତର ଅର୍ଥନୀତି ଧିମା ହୋଇଛି ବୋଲି କୁହାଯାଇପାରେ। ଉଲ୍ଲେଖଥାଉ କି, ଆଇଏମ୍‌ଏଫ୍‌ ପକ୍ଷରୁ ଜୁଲାଇରେ ୨୦୧୯ ଓ ୨୦୨୦ ପାଇଁ ଭାରତ ଆର୍ଥିକ ବିକାଶ ହାର ଅନୁମାନ ଦର୍ଶାଯାଇସାରିଛି। ସେତେବେଳେ ଆଇଏମ୍‌ଏଫ୍‌ ପକ୍ଷରୁ ଭାରତର ଆର୍ଥିକ ବିକାଶ ହାର ୨ ବର୍ଷରେ ୦.୩% ହ୍ରାସ ପାଇବ ବୋଲି ଅନୁମାନ କରାଯାଇଥିଲା। ଭାରତର ଜିଡିପି ଅଭିବୃଦ୍ଧି ୨୦୧୯ରେ ୭% ଏବଂ ୨୦୨୦ରେ ୭.୨% ରହିବ ବୋଲି ଅନୁମାନ କରାଯାଇଥିଲା। ଚାଇନା ଓ ଭାରତର ଆର୍ଥିକ ଅଭିବୃଦ୍ଧି ସମ୍ପର୍କରେ ରାଇସ୍‌ କହିଛନ୍ତି ଯେ, ଏ କ୍ଷେତ୍ରରେ ଭାରତ ଏହାର ପଡୋଶୀ ଦେଶ ଠାରୁ ବହୁ ଆଗରେ ରହିବ। ରାଇସ୍‌ କହିଛନ୍ତି ଯେ, ଭାରତର ଆର୍ଥିକ ଅଭିବୃଦ୍ଧି ହାର ଉପରେ ଆଇଏମ୍‌ଏଫ୍‌ କ୍ରମାଗତ ଦୃଷ୍ଟି ରଖିବ। ଉଲ୍ଲେଖଥାଉ କି, ଅଗଷ୍ଟ ୩୦ରେ ଜାରି ବର୍ତ୍ତମାନର ଆର୍ଥିକ ବର୍ଷର ପ୍ରଥମ ତ୍ରୈମାସର ଜିଡିପି ହାର ଜାରି କରାଯାଇଥିଲା। ଏହି ସମୟରେ ଭାରତର ଜିଡିପି ବୃଦ୍ଧି ହାର ମାତ୍ର ୫% ରହିଥିବା ସରକାର ଘୋଷଣା କରିଥିଲା, ଯାହା କି ୬ ବର୍ଷର ସର୍ବନିମ୍ନ ସ୍ତର ଥିଲା। ଏହା ଅର୍ଥନୀତିଜ୍ଞମାନଙ୍କୁ ଚକିତ କରିଥିଲା। ଗତବର୍ଷ ପ୍ରଥମ ତ୍ରୈମାସରେ ଦେଶର ଆର୍ଥିକ ବିକାଶ ହାର ୮% ରହିଥିଲା। ଦୁର୍ବଳ ଘରୋଇ ଚାହିଦା ଏବଂ ନିବେଶ ବୃଦ୍ଧି ଧିମା ହେବା ଯୋଗୁ ଆର୍ଥିକ ବିକାଶ ହାର ହ୍ରାସ ପାଇଛି ବୋଲି ଅର୍ଥନୀତିଜ୍ଞମାନେ ମତବ୍ୟକ୍ତ କରିଛନ୍ତି।


All Right Reserved By Dharitri.Com

ସିସିଡିର ଅଂଶଧନ କିଣିପାରେ ଆଇଟିସି

ନୂଆଦିଲ୍ଲୀ,୨୨।୮: ଏସିଆର ସର୍ବବୃହତ୍‌ ସିଗାରେଟ ନିର୍ମାତା ତଥା ଭାରତର ଅନ୍ୟତମ ପ୍ରମୁଖ ଏଫ୍‌ଏମ୍‌ସିଜି କମ୍ପାନୀ ଇଣ୍ଡିଆନ ଟବାକୋ କମ୍ପାନୀ (ଆଇଟିସି) ଏବେ କ୍ୟାଫେ କଫି ଡେ(ସିସିଡି)ର...

ସୁଧହାର କମାଇଲା ଆରବିଆଇ

ନୂଆଦିଲ୍ଲୀ,୪।୧୦: ମୁଦ୍ରାନୀତି ସମୀକ୍ଷା ପରେ ଶୁକ୍ରବାର ଭାରତୀୟ ରିଜର୍ଭ ବ୍ୟାଙ୍କ (ଆରବିଆଇ) ୦.୨୫ ବେସିସ୍‌ ପଏଣ୍ଟ ହ୍ରାସ କରିଛି। ଫଳରେ ୫.୧୫ ପ୍ରତିଶତକୁ ରେପୋ ରେଟ...

ଖାଉଟି ସର୍ଭେ ଡାଟା ପ୍ରକାଶ କରିବାକୁ ଚିଠି ଲେଖିଲେ ୨୦୦ ସ୍କଲାର

ମୁମ୍ବାଇ,୨୨-୧୧: ଖାଉଟି ଖର୍ଚ୍ଚ ସର୍ଭେ ଡାଟାକୁ ପ୍ରକାଶ କରିବାକୁ ସରକାରଙ୍କୁ ୨୦୦ ସ୍କଲାର ଚିଠି ଲେଖିଛନ୍ତି। ଡାଟା ଗୁଣବତ୍ତାରେ ଅସୁବିଧା ରହିଥିବାରୁ ୨୦୧୭-୧୮ର ଡାଟା ପ୍ରକାଶ...

ଏସ୍‌ପ୍ଲାନେଡ ଓ୍ବାନ ପାଳିଲା ପ୍ରଥମବର୍ଷ ପୂର୍ତ୍ତି

ଭୁବନେଶ୍ୱର,୧୩।୭(ବ୍ୟୁରୋ): ଏସ୍‌ପ୍ଲାନେଡ ଓ୍ବାନ ମଲ୍‌ ପକ୍ଷରୁ ପ୍ରଥମ ବର୍ଷ ପୂର୍ତ୍ତି ଏବଂ ବାହୁଡା ଯାତ୍ରା ମଲ୍‌ ପରିସରରେ ପାଳିତ ହୋଇଯାଇଛି। ଏହା ସହ କେକ୍‌ କାଟି...

କର୍ପୋରେଟ ଜଗତକୁ ସୀତାରାମନ୍‌ଙ୍କ ପୂଜା ଭେଟି

ପାନାଜୀ,୨୧-୯: ଅର୍ଥମନ୍ତ୍ରୀ ନିର୍ମଳା ସୀତାରାମନ୍‌ କର୍ପୋରେଟ ଜଗତକୁ ପୂଜା ଉପହାର ଭେଟି ଦେବାକୁ ଯାଇ ବଜେଟ ଢ଼ାଞ୍ଚାରେ ଟିକସ ହ୍ରାସ ଘୋଷଣା କରିଛନ୍ତି। ଏହାକୁ ତାଙ୍କର...

ସପ୍ତାହେ ସୁଦ୍ଧା ସମ୍ପୂର୍ଣ୍ଣ ଠିକ୍‌ ହେବ ବିଏସ୍‌ଏନ୍‌ଏଲ୍‌ ନେଟଓ୍ବର୍କ

ଭୁବନେଶ୍ୱର,୨୮-୫: ଫନୀ ଯୋଗୁ ରାଜ୍ୟରେ ବିଏସ୍‌ଏନ୍‌ଏଲ୍‌ ନେଟଓ୍ବର୍କ କ୍ଷତିଗ୍ରସ୍ତ ହୋଇଛି। ନେଟଓ୍ବର୍କ ପୁନରୁଦ୍ଧାର କାର୍ଯ୍ୟ ତ୍ୱରିତ ଭିତ୍ତିରେ ଜାରି ରହିଛି। ଏଭଳି ସ୍ଥିତିରେ ଗ୍ରାହକମାନେ ଲ୍ୟାଣ୍ଡ...

ଏଫ୍‌ପିଆଇଙ୍କ ସରଚାର୍ଜ ପ୍ରତ୍ୟାହାର ନେଇ ବିଚାର

ନୂଆଦିଲ୍ଲୀ,୯-୮: ବଜେଟରେ ସରଚାର୍ଜ ଘୋଷଣା ପରେ ବିଦେଶୀ ନିବେଶକ(ଏଫ୍‌ପିଆଇ) ଦେଶରୁ ନିଜର ନିବେଶ ପ୍ରତ୍ୟାହାର କରିବା ଆରମ୍ଭ କରିଛନ୍ତି। ଭାରତୀୟ ଷ୍ଟକ୍‌ ବଜାର ପାଇଁ ଏହା...

ପି-ନୋଟ୍‌ସ ଜରିଆରେ ୮୨,୬୧୯ କୋଟି ନିବେଶ

ମୁମ୍ବାଇ,୨୪।୬: ଭାରତୀୟ ପୁଞ୍ଜି ବଜାରରେ ପାର୍ଟିସିପେଟରୀ ନୋଟ୍ସ(ପି-ନୋଟ୍ସ) ଜରିଆରେ ମେ’ ଶେଷ ସୁଦ୍ଧା ନିବେଶ ପ୍ରାୟ ୧୪୦୦ କୋଟି ଟଙ୍କା ବୃଦ୍ଧି ପାଇ ୮୨,୬୧୯ କୋଟି...

Leave a comment

Your email address will not be published. Required fields are marked *