ଏସ୍‌ବିଆଇ ଆକାଉଣ୍ଟଧାରୀଙ୍କୁ ରଖିବାକୁ ହେବ ସର୍ବନିମ୍ନ ୩ ହଜାର ଜମା

ନୂଆଦିଲ୍ଲୀ,୧୪-୯: ଭାରତୀୟ ଷ୍ଟେଟ୍‌ ବ୍ୟାଙ୍କ ଆକାଉଣ୍ଟଧାରୀଙ୍କ ପାଇଁ ଅକ୍ଟୋବର ପହିଲାରୁ କେତେକ ସର୍ଭିସ ଚାର୍ଜରେ ପରିବର୍ତ୍ତନ କରାଯିବ। ଜମାଖାତାରେ ମାସକୁ ସର୍ବନିମ୍ନ ଜମା ରାଶି ନ ରଖିଲେ ଜରିମାନାକୁ ୮୦ ପ୍ରତିଶତ ପର୍ଯ୍ୟନ୍ତ ହ୍ରାସ କରାଯାଇଛି। ଏନ୍‌ଇଏଫ୍‌ଟି ଓ ଆର୍‌ଟିଜିଏସ୍‌ ମାଧ୍ୟମରେ ଅନ୍‌ଲାଇନରେ ନେଣଦେଣ କରୁଥିବା ବ୍ୟକ୍ତିବିଶେଷଙ୍କ ପାଇଁ ଟ୍ରାଞ୍ଜାକ୍‌ଶନକୁ ଶସ୍ତା କରାଯାଇଛି। ଏଣିକି ମେଟ୍ରୋ ସହର ଏବଂ ସହରାଞ୍ଚଳରେ ହାରାହାରି ମାସିକ ଜମା ଯଥାକ୍ରମେ ୫୦୦୦ ଟଙ୍କା ଏବଂ ୩ ହଜାର ଟଙ୍କା ବଦଳରେ ୩ ହଜାର ଟଙ୍କା ରଖାଯାଇଛି। ଏହାଠାରୁ କମ୍‌ ଅର୍ଥ ଜମା ରହିଲେ ପରିମାଣ ହିସାବରେ ଶୁଳ୍କ ଆଦାୟ କରାଯିବ। ସହରାଞ୍ଚଳରେ ଆକାଉଣ୍ଟଧାରୀଙ୍କୁ ୩ ହଜାର ଟଙ୍କା ବାଲାନ୍ସ ନ ରଖି ପାରିଲେ ତାଙ୍କ ବାଲାନ୍ସ ୭୫%ରୁ କମ୍‌ ହୋଇଥିଲେ ୧୫ ଟଙ୍କା ପେନାଲ୍ଟି ଏବଂ ଜିଏସ୍‌ଟି ଦେବାକୁ ହେବ। ବର୍ତ୍ତମାନ ୮୦ ଟଙ୍କା ଏବଂ ଜିଏସ୍‌ଟି ଆଦାୟ କରାଯାଉଛି। ସେହିଭଳି ୫୦ରୁ ୭୫% କମ୍‌ ବାଲାନ୍ସ ରହିବା କ୍ଷେତ୍ରରେ ୧୨ ଟଙ୍କା ଏବଂ ଜିଏସ୍‌ଟି ଆଦାୟ ହେବ ଯାହା କି ବର୍ତ୍ତମାନ ୬୦ ଟଙ୍କା ଏବଂ ଜିଏସ୍‌ଟି ରହିଛି। ୫୦%ରୁ କମ୍‌ ବାଲାନ୍ସ ରହିବା କ୍ଷେତ୍ରରେ ୧୦ ଟଙ୍କା ଏବଂ ଜିଏସ୍‌ଟି ଆଦାୟ କରାଯିବ। ବର୍ତ୍ତମାନ ସାଲାରି ଆକାଉଣ୍ଟ, ବେସିକ ସେଭିଙ୍ଗ୍‌ସ ବ୍ୟାଙ୍କ ଆକାଉଣ୍ଟ, ପିଏମ୍‌ ଜନଧନ ଯୋଜନା ଆକାଉଣ୍ଟର ହାରାହାରି ମାସିକ ବାଲାନ୍ସ ରଖିବାର ନିୟମ ନାହିଁ। ତେବେ ଅକ୍ଟୋବର ପହିଲାରୁ ନୋ ଫିଲ୍‌ ଆକାଉଣ୍ଟ, ପ୍ରଥମ ପଦକ୍ଷେପ ଓ ପ୍ରଥମ ଉଡ଼ାଣ ଆକାଉଣ୍ଟ, ୧୮ ବର୍ଷରୁ କମ୍‌ ନାବାଳକ, ପେନସନର, ସିନିୟର ସିଟିଜେନ ଏବଂ ୨୧ ବର୍ଷ ପର୍ଯ୍ୟନ୍ତ ଛାତ୍ରୀଙ୍କ ଆକାଉଣ୍ଟ ଉକ୍ତ ନିୟମରୁ ବାଦ୍‌ ପଡିବେ। ଜୁଲାଇ ପହିଲାରୁ ଆର୍‌ଟିଜିଏସ୍‌ ଓ ଏନ୍‌ଇଏଫ୍‌ଟି ମାଧ୍ୟମରେ ଟ୍ରାଞ୍ଜାକ୍‌ଶନ ମାଗଣା ହୋଇଛି। ତେବେ ଶାଖାରୁ ଏଭଳି ମାଧ୍ୟମରେ ଟଙ୍କା ନେଣଦେଣ ପାଇଁ ଶୁଳ୍କ ହ୍ରାସ କରାଯାଇଛି। ଶାଖାରୁ ୧୦ ହଜାର ପର୍ଯ୍ୟନ୍ତ ଏନ୍‌ଇଏଫ୍‌ଟି କରିବା ଲାଗି ୨ ଟଙ୍କା, ୧ରୁ ୨ ଲକ୍ଷ ଟଙ୍କା ପାଇଁ ୧୨ ଟଙ୍କା, ୨ ଲକ୍ଷରୁ ଅଧିକ ପାଇଁ ୨୦ ଟଙ୍କା ବ୍ୟତୀତ ଜିଏସ୍‌ଟି ଆଦାୟ କରାଯିବ। ସେହିଭଳି ୨ରୁ ୫ ଲକ୍ଷ ଟଙ୍କା ପର୍ଯ୍ୟନ୍ତ ଆର୍‌ଟିଜିଏସ୍‌ ପାଇଁ ୨୦ ଟଙ୍କା ଏବଂ ୫ ଲକ୍ଷରୁ ଅଧିକ ଟଙ୍କା ପାଇଁ ୪୦ ଟଙ୍କା ଦେବାକୁ ହେବ। ସମସ୍ତ କ୍ଷେତ୍ରରେ ଜିଏସ୍‌ଟି ଆଦାୟ ହେବ। ସେହିଭଳି ଏସ୍‌ବିଆଇ ଏଟିଏମ୍‌ ଚାର୍ଜରେ ପରିବର୍ତ୍ତନ କରିଛି। ଗ୍ରାହକ ୬ ମେଟ୍ରୋ ସହରରେ ନଗଦ ଉଠାଣ ପାଇଁ ୧୦ ଥର ମାଗଣାରେ ଟ୍ରାଞ୍ଜାକ୍‌ଶନ କରିପାରିବେ। ଅନ୍ୟ ସହର ପାଇଁ ଏହା ୧୨ ରଖାଯାଇଛି। ସମସ୍ତ ସହରରେ ସାଲାରି ଆକାଉଣ୍ଟରେ ଏସ୍‌ବିଆଇ ଏଟିଏମ୍‌ରେ ଅଧିକ ଟ୍ରାଞ୍ଜାକ୍‌ଶନ କରିହେବ। ସେହିଭଳି ସେଭିଙ୍ଗ୍‌ସ ଆକାଉଣ୍ଟଧାରୀଙ୍କୁ ଗୋଟିଏ ଆର୍ଥିକ ବର୍ଷରେ ପ୍ରଥମେ ୧୦ ଟିକିଆ ଚେକ୍‌ ବହି ଜାରି କରାଯିବ। ଏହାପରେ ୧୦ ଚେକ୍‌ ବିଶିଷ୍ଟ ବହି ପାଇଁ ୪୦ ଟଙ୍କା ଏବଂ ଜିଏସ୍‌ଟି ଦେବାକୁ ହେବ। ସେହିପରି ୨୫ ଚେକ୍‌ ଥିବା ବହି ପାଇଁ ୭୫ ଟଙ୍କା ଓ ଜିଏସ୍‌ଟି ଆଦାୟ ହେବ। ତେବେ ସିନିୟର ସିଟିଜେନ ଓ ସାଲାରି ଆକାଉଣ୍ଟଧାରୀଙ୍କୁ ମାଗଣାରେ ଚେକ୍‌ ବହି ଜାରି କରାଯିବ ବୋଲି ଏସ୍‌ବିଆଇ ପକ୍ଷରୁ କୁହାଯାଇଛି।


All Right Reserved By

ଏସ୍‌ବିଆଇ ବିରୋଧରେ ଅଭିଯୋଗ ଆଣିଲେ ମାଲ୍ୟା

ଲଣ୍ଡନ,୨୦-୪: ପଳାତକ ଘୋଷିତ ବିଜୟ ମାଲ୍ୟା ରାଷ୍ଟ୍ରାୟତ୍ତ ଷ୍ଟେଟ ବ୍ୟାଙ୍କ ଅଫ୍‌ ଇଣ୍ଡିଆ (ଏସ୍‌ବିଆଇ) ବିରୋଧରେ ଅଭିଯୋଗ ଆଣିଛନ୍ତି। ସୋସିଆଲ ମିଡିଆରେ ଏସ୍‌ବିଆଇକୁ ଟାର୍ଗେଟ କରି...

ଏନ୍‌ଡିଏର କ୍ଷମତା ପ୍ରତ୍ୟାବର୍ତ୍ତନରେ ସହାୟକ ମୁଖ୍ୟ ଆର୍ଥିକ ନୀତି

ନୂଆଦିଲ୍ଲୀ,୨୪-୫: ସାଧାରଣ ନିର୍ବାଚନର ଗଣନାରେ ଭାଜପା ନେତୃତ୍ୱାଧୀନ ଏନ୍‌ଡିଏ ସରକାରଙ୍କୁ ଜନାଦେଶ ମିଳିବାକୁ ଯାଉଛି। ନିଜ କାର୍ଯ୍ୟକାଳରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କେତେକ ଯୋଜନା ଘୋଷଣା...

ମୂର୍ତ୍ତି ପରେ ଘରେ ପହଞ୍ଚୁଛି ଚାଇନା ଧୂପବତି;ସଙ୍କଟରେ ଭାରତୀୟ ଘରୋଇ ଉଦ୍ୟୋଗ

ନୂଆଦିଲ୍ଲୀ,୩୦-୮: ଭାରତୀୟ ଘରେ ଏବେ ମୂର୍ତ୍ତି ପରେ ଚାଇନା ନିର୍ମିତ ଧୂପବତି ପହଞ୍ଚତ୍ବାରେ ଲାଗିଛି। ଏହା ଏବେ ଏଭଳି ସ୍ଥିତିରେ ପହଞ୍ଚତ୍ଲାଣି ଯେ, ଦେଶର ଘରୋଇ...

ମାନ୍ଦାବସ୍ଥା ଲାଗି ବିମୁଦ୍ରୀକରଣ, ଜିଏସ୍‌ଟି ଦାୟୀ:ମନମୋହନ

ନୂଆଦିଲ୍ଲୀ,୧୩-୯: ଦେଶର ଅର୍ଥନୀତିରେ ଦେଖାଦେଇଥିବା ମାନ୍ଦାବସ୍ଥା ପାଇଁ ବିମୁଦ୍ରୀକରଣ ଓ ତରବରିଆ ଭାବେ ଲାଗୁ କରାଯାଇଥିବା ଜିଏସ୍‌ଟି ଦାୟୀ ବୋଲି ବିଶିଷ୍ଟ ଅର୍ଥନୀତିଜ୍ଞ ଏବଂ ପୂର୍ବତନ...

ବଜେଟ ପ୍ରସ୍ତୁତି କାମ ଆରମ୍ଭ;୧୦ରୁ ଅର୍ଥମନ୍ତ୍ରଣାଳୟରେ ବାହ୍ୟ ପ୍ରବେଶ ବନ୍ଦ

ନୂଆଦିଲ୍ଲୀ,୫-୬: ମୋଦି ସରକାରଙ୍କ ଦ୍ୱିତୀୟ କାର୍ଯ୍ୟକାଳର ପ୍ରଥମ ପୂର୍ଣ୍ଣାଙ୍ଗ ବଜେଟ ଜୁଲାଇ ୫ରେ ଉପସ୍ଥାପିତ ହେବାକୁ ଯାଉଛି। ଏଭଳି ସ୍ଥିତିରେ ବଜେଟ ପ୍ରସ୍ତୁତି ଆରମ୍ଭ ହୋଇଯାଇଛି।...

ଘରୋଇ ସହାୟକ ପାଇବେ କର୍ମଚାରୀଙ୍କ ଭଳି ସୁବିଧା

ନୂଆଦିଲ୍ଲୀ,୨୬-୬: ମୋଦି ସରକାର ସାମାଜିକ କ୍ଷେତ୍ରରେ କାର୍ଯ୍ୟରତ ପରିଚାରିକା/ପରିଚାରକ, ଡ୍ରାଇଭରଙ୍କ ଭଳି ଶ୍ରମିକଙ୍କ ପାଇଁ ଏକ ରାଷ୍ଟ୍ରୀୟ ନୀତି ଆଣିବେ। କେନ୍ଦ୍ର ଶ୍ରମମନ୍ତ୍ରୀ ସନ୍ତୋଷ ଗଙ୍ଗଓ୍ବାର...

ସେନସେକ୍ସ, ନିଫ୍ଟିରେ ନୂଆ ରେକର୍ଡ

ମୁମ୍ବାଇ,୧୭-୪: ଭାରତୀୟ ଶେୟାର ବଜାରରେ ମଙ୍ଗଳବାର ନିବେଶକଙ୍କ ଆଗ୍ରହ ବୃଦ୍ଧି ଯୋଗୁ ଉଭୟ ସେନସେକ୍ସ ଓ ନିଫ୍ଟିରେ ନୂଆ ରେକର୍ଡ ହୋଇପାରିଛି। ବମ୍ବେ ଷ୍ଟକ୍‌ ଏକ୍ସଚେଞ୍ଜର...

ବଡ଼ ଜମା-ଉଠାଣ ଲାଗି ଜରୁରୀ ହେବ ଆଧାର

ନୂଆଦିଲ୍ଲୀ,୨୩-୭: କଳାଧନ ଉପରେ ଲଗାମ ଲଗାଇବାକୁ ଯାଇ କେନ୍ଦ୍ର ସରକାର ଏକ ନୂଆ ଯୋଜନା ପ୍ରସ୍ତୁତ କରିଛନ୍ତି, ଯାହାର ସିଧାସଳଖ ପ୍ରଭାବ ସାଧାରଣରେ ଦେଖାଯିବ। ବ୍ୟାଙ୍କ...

selfi corner

Model This Week

Why Dharitri

Leave a comment

Your email address will not be published. Required fields are marked *