Posted inଖେଳ

ବଡ଼ଭଉଣୀ ବ୍ଲାକମେଲ କରୁଛନ୍ତି: ଦୂତୀ

ଭୁବନେଶ୍ୱର,୨୨।୫ (ସ୍ପୋଟର୍‌ସ ବ୍ୟୁରୋ)- ଦେଶର ଦ୍ରୁତତମ ଧାବିକା ତଥା ସ୍ପ୍ରିଣ୍ଟ କୁଇନ୍‌ ଦୂତୀ ଚାନ୍ଦ ନିଜ ସମଲିଙ୍ଗୀ ସମ୍ପର୍କକୁ ନେଇ ମୁହଁ ଖୋଲିବା ପରେ କେବଳ ରାଜ୍ୟ ନୁହଁ ସାରା ଦେଶରେ ହଇଚଇ ସୃଷ୍ଟି ହୋଇଛି। ଏପରିକି ଲୋକେ ଦେଶରେ ଶେଷ ହୋଇଥିବା ସାଧାରଣ ନିର୍ବାଚନ, ଏକ୍‌ଜିଟ୍‌ ପୋଲ୍‌ର ଫଳାଫଳ ଓ ୨୩ ତାରିଖ ଦିନ ଘୋଷିତ ହେବାକୁ ଥିବା ନିର୍ବାଚନ ଫଳାଫଳକୁ କିଛି ସମୟ ପାଇଁ ଭୁଲି ଯାଇଛନ୍ତି। ଦୂତୀଙ୍କ ଏହି ସମଲିଙ୍ଗୀ ସମ୍ପର୍କକୁ ତାଙ୍କର ପରିବାର ସଦସ୍ୟ ଖୋଲାଖୋଲି ବିରୋଧ କରିବା କଥା କାହାକୁ ଅଛପା ନାହିଁ। ଏବେ ଦୂତୀ ଏ ସଂକ୍ରାନ୍ତରେ ନିଜର ମୁହଁ ଖୋଲିଛନ୍ତି। ମଙ୍ଗଳବାର ଆୟୋଜିତ ହୋଇଥିବା ଏକ ଖବରରଦାତା ସମ୍ମିଳନୀରେ ସେ ନିଜ ମନକଥା ଖୋଲି କହିଛନ୍ତି। ଦେଶର ପ୍ରଥମ କ୍ରୀଡ଼ାବିତ୍‌ ଭାବେ ସେ ସମଲିଙ୍ଗୀ ସମ୍ପର୍କକୁ ସ୍ବୀକାର କରି ସାହସିକତାର ପରିଚୟ ଦେଇଛନ୍ତି। ତେବେ ଏ ନେଇ ସାରା ଦେଶରେ ମିଶ୍ର ପ୍ରତିକ୍ରିୟା ପ୍ରକାଶ ପାଇଛି। ତାଙ୍କ ସମ୍ପର୍କକୁ ନେଇ ପରିବାର ଲୋକେ ବିରୋଧ କରିଥିବାରୁ ସେ ଏହାକୁ ନାପସନ୍ଦ କରିଛନ୍ତି। ପରିବାର ଲୋକଙ୍କ ବିରୋଧ ଆଗରେ ମୁଣ୍ଡ ନୁଆଁଇବି ନାହିଁ ବୋଲି ସେ ସ୍ପଷ୍ଟ କରିଛନ୍ତି। ତାଙ୍କୁ ପରିବାରରୁ ବେଦଖଲ କରିବାକୁ ପୂର୍ବରୁ ଧମକ ଦିଆଯାଇଥିଲା ବୋଲି ସେ କହିଥିଲେ। ଖାସ କରି ନିଜ ବଡ଼ଭଉଣୀ ସରସ୍ବତୀ ଚାନ୍ଦଙ୍କ ବିରେଧାରେ ଦୂତୀ ବିଷୋଦ୍‌ଗାର କରିଛନ୍ତି।
ସମଲିଙ୍ଗୀ ବୋଲି ଜଣାପଡ଼ିବା ପରେ ମୋତେ ଘରୁ ବାହାର କରିବାକୁ ମୋବଡ଼ ଭଉଣୀ ଧମକ ଦେଇଛନ୍ତି ବୋଲି ସେ ଖୋଲାଖୋଲି କହିଛନ୍ତି। ମୋ ସମ୍ପର୍କ ବିଷୟରେ ଜାଣିବା ପରେ ସରସ୍ବତୀ ବ୍ଳାକମେଲ କରିଆସୁଥିଲେ। ଏଥିପାଇଁ ସେ ମୋଠାରୁ ୨୫ ଲକ୍ଷ ଟଙ୍କା ଦାବି କରିଥିଲେ । ଥରେ ସେ ମୋତେ ବାଡ଼େଇଥିଲେ ଓ ଏ ନେଇ ମୁଁ ଥାନାରେ ଏତଲା ଦେଇଥିଲି। ସେ ବରାବର ବ୍ଲାକମେଲ୍‌ କରିବା ପରେ ମୋ ସମ୍ପର୍କ ନେଇ ମୁହଁ ଖୋଲିବାକୁ ବାଧ୍ୟହୋଇଥିଲି ବୋଲି ଦୂତୀ ସ୍ପଷ୍ଟ କରିଛନ୍ତି। ୩ ବର୍ଷ ପୂର୍ବରୁ ଆମର ସମ୍ପର୍କ ସୃଷ୍ଟି ହୋଇଥିଲା। କେବଳ ସେତିକି ନୁହଁ ମା’ଙ୍କୁ ମୋ ବିରୋଧରେ ପରିବାର ଲୋକେ ଉସ୍‌କାଇଛନ୍ତି। ମୋ ବିରୋଧରେ ଏକ ଷଡ଼ଯନ୍ତ୍ର ରଚାଯାଇଛି ବୋଲି ସେ ଅଭିଯୋଗ ଆଣିଛନ୍ତି। ପରିବାର ପାଇଁ ମୁଁ କିଛି କରିନାହିଁ ବୋଲି ମୋ ବିରୋଧରେ ଅପବାଦ କରାଯାଉଛି। କିନ୍ତୁ ତାହା ଆଦୌ ସତ ନୁହେଁ ବୋଲି ସେ କହିଛନ୍ତି। ଭାଇ, ଭଉଣୀ, ମା- ବାପାଙ୍କ ପାଇଁ ମୁଁ ଯଥା ସାଧ୍ୟ ସବୁ କିଛି କରିଛି। ଗାଁରେ ପରିବାର ଲୋକଙ୍କ ପାଇଁ ଘର କରିଛି। ଭଉଣୀମାନଙ୍କୁ ପଢ଼ାଇବାରେ ସାହାଯ୍ୟ କରିଛି। ଏପରିକି ଜଣେ ଭଉଣୀଙ୍କୁ ଗାଡି ଦେଇଛି। ମୋ ବିରୋଧରେ ମା’ଙ୍କୁ ମତାଇବାକୁ ପରିବାର ଲୋକେ ପ୍ରୟାସ କରିଛନ୍ତି। ଏହା ମୋତେ ଦୁଃଖ ଦେଇଛି। ତେବେ ପରିବାର ସଦସ୍ୟଙ୍କ ଚାପ୍‌ ଆଗରେ ମୁଣ୍ଡ ନୁଆଁଇବି ନାହିଁ ବୋଲି ସେ ସ୍ପଷ୍ଟ କରିଛନ୍ତି। ଏବେ ମୁଁ ବିଶ୍ୱ ଚାମ୍ପିୟନଶିପ୍‌ ଓ ୨୦୨୦ ଟୋକିଓ ଅଲିମ୍ପିକ୍ସ ପ୍ରସ୍ତୁତି ଉପରେ ଫୋକସ କରୁଛି ବୋଲି ଦୂତୀ କହିଛନ୍ତି। ଆୟୋଜିତ ଖବରଦାତା ସମ୍ମିଳନୀରେ ଦୂତୀଙ୍କ ସମେତ, ମିରା ପରିଡା, ସାଧନା ମିଶ୍ର, ଦୀପକ ମହାପାତ୍ର ଓ ତପି ମିଶ୍ର ଉପସ୍ଥିତ ଥିଲେ।
ପୂର୍ବରୁ ସରସ୍ବତୀ ମୋ ଭାଇଙ୍କୁ ମଧ୍ୟ ଘରୁ ବାହାର କରିଦେଇଥିଲେ। ଭାଉଜଙ୍କୁ ସେ ପସନ୍ଦ କରୁ ନ ଥିବାରୁ ସେ ଏଭଳି କଠୋର ନିଷ୍ପତ୍ତି ନେଇଥିଲେ। ସମଲିଙ୍ଗୀ ସମ୍ପର୍କ ନେଇ ସରସ୍ବତୀ ମୋତେ ଜେଲ ପଠାଇବାକୁ ମଧ୍ୟ ଧମକ ଦେବାକୁ ପିଛାଇ ନ ଥିଲେ ବୋଲି ସେ କହିଛନ୍ତି। ପୂର୍ବରୁ ନିଜ ତଥାକଥିତ ବାନ୍ଧବୀଙ୍କ ତାଙ୍କ ଗଁାର ବୋଲି ଦୂତୀ କହିଥିଲେ। କ୍ରୀଡ଼ା ହିଁ ଆମ ଦୁହିଁଙ୍କୁ ଏକାଠି କରିଥିଲା। ଏହା ମୋର ବ୍ୟକ୍ତିଗତ ପସନ୍ଦ। ସମସ୍ତଙ୍କୁ ସ୍ବାଧୀନ ଭାବେ ବଞ୍ଚିବାର ଅଧିକାର ଅଛି। ଆମେ କିଛି ଅପରାଧ କରୁନାହୁଁ ବୋଲି ସେ ପୂର୍ବରୁ କହିଥିଲେ। ଯଦି ସବୁ କିଛି ଠିକ୍‌ଠାକ୍‌ ଚାଲେ ସାଥିହୋଇ ବାନ୍ଧବୀଙ୍କ ସହ ଭବିଷ୍ୟତରେ ଆମେ ଏକାଠି ରହିବୁ ବୋଲି ଦୂତୀ କହିଥିଲେ।


All Right Reserved By

Posted inଖେଳ

ବିଶ୍ୱ ରେକର୍ଡ ନିକଟରେ କୋହଲି

ନୂଆଦିଲ୍ଲୀ,୧୩।୬: ଶିଖର ଧାଓ୍ବନଙ୍କ ଅନୁପସ୍ଥିତି ଅଧିନାୟକ ବିରାଟ କୋହଲିଙ୍କ କାନ୍ଧ ଉପରେ ଆହୁରି ଦାୟିତ୍ୱ ବୃଦ୍ଧି ପାଇଛି। ଏଭଳି ସ୍ଥିତିରେ ନ୍ୟୁଜିଲାଣ୍ଡ ବିପକ୍ଷ ମ୍ୟାଚ୍‌ରେ କୋହଲି...

ଅଲିମ୍ପିକ ହକି ଟେଷ୍ଟ ଇଭେଣ୍ଟ : ଅଷ୍ଟ୍ରେଲିଆ ବିପକ୍ଷରେ ମ୍ୟାଚ୍‌ ଡ୍ର ରଖିଲେ ଭାରତୀୟ ମହିଳା

ଟୋକିଓ,୧୮।୮(ପି.ଟି.): ଏଠାରେ ଆରମ୍ଭ ହୋଇଥିବା ଅଲିମ୍ପିକ୍‌ ହକି ଟେଷ୍ଟ ଇଭେଣ୍ଟର ଏକ ରାଉଣ୍ଡ- ରବିନ ଲିଗ୍‌ ମ୍ୟାଚ୍‌ରେ ଭାରତୀୟ ମହିଳା ଦଳ ଦମ୍‌ଦାର ଖେଳ ପ୍ରଦର୍ଶନ...

ଲଦାଖରେ ସ୍ବାଧୀନତା ଦିବସ ପାଳିଲେ ଧୋନୀ

ଲେ,୧୫।୮- ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ତଥା ଲ୍ୟୁଟନାଣ୍ଟ କଲୋନେଲ ମହେନ୍ଦ୍ର ସିଂ ଧୋନୀ ଦେଶର ନୂଆ କେନ୍ଦ୍ରଶାସିତ ଅଞ୍ଚଳ ଲଦାଖରେ ୭୩ତମ ସ୍ବାଧୀନତା...

ପାକିସ୍ତାନରେ ଖେଳାଯିବା ପିଏସ୍‌ଏଲ-୫

ନୂଆଦିଲ୍ଲି,୨୯।୭(ପିଟି)- ପାକିସ୍ତାନ ସୁପର ଲିଗ୍‌ (ପିଏସ୍‌ଏଲ)ର ୫ମ ସଂସ୍କରଣ ସମ୍ପୂର୍ଣ୍ଣ ଭାବେ ପାକିସ୍ତାନରେ ଖେଳାଯିବ ବୋଲି ପିସିବି ସୂତ୍ରରୁ ଜଣାପଡ଼ିଛି। ଏହି ଲିଗ୍‌ ଆସନ୍ତା ବର୍ଷ...

ମିଳିମିଶି କାର୍ଯ୍ୟ କରିବାକୁ ଆଇ-ଲିଗ୍‌ କ୍ଲବ୍‌ଗୁଡିକୁ ଫିଫାର ପରାମର୍ଶ

ନୂଆଦିଲ୍ଲୀ,୮।୮(ପି.ଟି.)- ସବୁ ପ୍ରକାର ସମସ୍ୟାର ସମାଧାନ ପାଇଁ ମିଳିମିଶି କାର୍ଯ୍ୟ କରିବାକୁ ବିଦ୍ରୋହ କରିଥିବା ଆଇ- ଲିଗ୍‌ କ୍ଲବଗୁଡିକୁ ବିଶ୍ୱ ଫୁଟବଲର ସର୍ବୋଚ୍ଚ ପ୍ରଶାସନିକ ସଂସ୍ଥା...

ଶୋଇକି ଉଠିଲା ବେଳକୁ ବେଶୀ ଯନ୍ତ୍ରଣା ଦେଉଛି ବିଶ୍ୱକପ୍‌ ପରାଜୟ:କୋହଲି

ନୂଆଦିଲ୍ଲୀ, ୨୫।୭: ଆଇସିସି ବିଶ୍ୱକପ୍‌ ସରିବାର ପାଖାପାଖି ମାସେ ହୋଇଯାଇଥିଲେ ମଧ୍ୟ ସେମିଫାଇନାଲରେ ଭାରତୀୟ ଦଳର ପରାଜୟ ଦର୍ଶକଙ୍କ ମନରୁ ଲିଭିନାହିଁ। କେବଳ ଦର୍ଶକ ନୁହଁନ୍ତି,...

ଡୋପିଙ୍ଗ୍‌: ସଞ୍ଜିବନୀ ଯାଦବ ୨ ବର୍ଷ ସସ୍‌ପେଣ୍ଡ

ନୂଆଦିଲ୍ଲୀ, ୧୮ା୭ (ପି.ଟି.)-ଡୋପିଙ୍ଗ ନିୟମ ଉଲ୍ଲଂଘନ କରିଥିବାରୁ ଲଙ୍ଗ୍‌ ଡିଷ୍ଟାନ୍ସ ଧାବିକା ସଞ୍ଜିବନୀ ଇଣ୍ଟରନ୍ୟାଶନାଲ ଆସୋସିଏଶନ ଅଫ୍‌ ଆଥଲେଟିକ୍ସ ଫେଡେରେଶନ୍ସ(ଆଇଏଏଏଫ୍‌)ର ଆଥଲେଟିକ୍ସ ଇଣ୍ଟିଗ୍ରିଟି ୟୁନିଟ୍‌(ଏଆଇୟୁ) ଦ୍ୱାରା...

ଫ୍ରେଞ୍ଚ ଓପନ: ଟଏଲେଟ୍‌ ଯିବା ଉପରେ କଟକଣା

ପ୍ୟାରିସ୍‌,୨୫ା୫(ଏଏଫ୍‌ପି)-ଫ୍ରେଞ୍ଚ ଓପନ୍‌ ଗ୍ରାଣ୍ଡସ୍ଲାମ ଟେନିସ୍‌ ପ୍ରତିଯୋଗିତାରେ ଏଥର ଖେଳାଳିଙ୍କ ଲାଗି ଟଏଲେଟ୍‌ ବ୍ରେକ୍‌ ସଂଖ୍ୟାକୁ ସୀମିତ କରିବା ଲାଗି ଆୟୋଜକଗଣ ନିଷ୍ପତ୍ତି ନେଇଛନ୍ତି। ଏଥର ଏକ...

selfi corner

Model This Week

Why Dharitri

Leave a comment

Your email address will not be published. Required fields are marked *