‘ଦେଶାନ୍ତରୀ ଶିଶୁ, କିଶୋର ଶ୍ରମିକ ଚାଲାଣକୁ ନେଇ ଜାରି ହେବ ନିର୍ଦ୍ଦେଶାବଳୀ’

ବଲାଙ୍ଗୀର ଅଫିସ,୧୪ା୯
ବଲାଙ୍ଗୀର ଡିଆରଡିଏ ସମ୍ମିଳନୀ କକ୍ଷରେ ଶୁକ୍ରବାର ଦେଶାନ୍ତର ଶିଶୁ ଓ ଯୁବ ଶ୍ରମିକ ଚାଲାଣକୁ ନେଇ ଏକ ଆଞ୍ଚଳିକ ପରାମର୍ଶ କର୍ମଶାଳା ଅନୁଷ୍ଠିତ ହୋଇଥିଲା ା ଦେଶାନ୍ତର ଶ୍ରମିକ ଶିଶୁଙ୍କ ସମସ୍ୟା ଉପରେ କାମ କରୁଥିବା ଅନ୍ତର୍ଜାତୀୟ ସ୍ବେଚ୍ଛାସେବୀ ସଙ୍ଗଠନ ଏଡ୍‌ ଏଟ୍‌ ଆକ୍ସନ୍‌ର ବୈଷୟିକ ସହାୟତାରେ ଏହି ଏକଦିବସୀୟ କର୍ମଶାଳା ଆୟୋଜିତ ହୋଇଥିଲା। ପଶ୍ଚିମ ଓଡିଶାର ଦାଦନ ପ୍ରବଣ ବଲାଙ୍ଗୀର, ନୂଆପଡା, କଳାହାଣ୍ଡି, ବରଗଡ, ସୁବର୍ଣ୍ଣପୁର ଓ ବୌଦ୍ଧ ଆଦି ୬ଟି ଜିଲାର ମହିଳା ଓ ଶିଶୁ ବିକାଶ, ଶିକ୍ଷା, ଶ୍ରମ, ଶିଶୁ ସୁରକ୍ଷା ୟୁନିଟ, ଜିଲା ସମାଜ ମଙ୍ଗଳ, ଶିଶୁ ମଙ୍ଗଳ ସମିତି, ଚାଇଲ୍ଡ ଲାଇନ, ପୋଲିସ-ମାନବ ଚାଲାଣ ୟୁନିଟର ବରିଷ୍ଠ ପଦାଧିକାରୀ, ସମସ୍ୟା ଉପରେ କାର୍ଯ୍ୟରତ ସ୍ବେଚ୍ଛାସେବୀ ସଙ୍ଗଠନ ପ୍ରତିନିଧି କର୍ମଶାଳାରେ ଯୋଗଦାନ କରିଥିଲେ ା ବଲାଙ୍ଗୀର ଜିଲାପାଳ ଅରିନ୍ଦମ ଡାକୁଆଙ୍କ ସଭାପତିତ୍ୱରେ ଅନୁଷ୍ଠିତ କର୍ମଶାଳାକୁ ମୁଖ୍ୟଅତିଥି ଭାବେ ରାଜ୍ୟ ଶିଶୁ ସୁରକ୍ଷା ଆୟୋଗ ଅଧ୍ୟକ୍ଷ ସନ୍ଧ୍ୟାବତୀ ପ୍ରଧାନ ଯୋଗଦେଇ ଉଦ୍‌ଘାଟନ କରିଥିଲେ। ଆୟୋଗ ଅଧ୍ୟକ୍ଷା ପ୍ରଧାନ ପ୍ରାରମ୍ଭିକ ବକ୍ତବ୍ୟରେ କର୍ମଶାଳାର ଉଦ୍ଦେଶ୍ୟ, ଦାଦନ ଶ୍ରମିକ ପରିବାରର ଶିଶୁ, କିଶୋରୀ-କିଶୋର ଓ ମହିଳାମାନଙ୍କ ଉପରେ ପଡୁଥିବା ପ୍ରଭାବ ସମ୍ପର୍କରେ ଆଲୋକପାତ କରିଥିଲେ ା ଏଭଳି ଶିଶୁଙ୍କ ସୁରକ୍ଷା ଦିଗରେ ରାଜ୍ୟ ଶିଶୁ ସୁରକ୍ଷା ଆୟୋଗ ଦେଉଥିବା ପଦକ୍ଷେପ ସମ୍ପର୍କରେ କହିଥିଲେ ା ଶ୍ରମିକ ଚାଲାଣରେ ପୋଲିସ ଓ ଋତୁକାଳୀନ ଆବାସିକ ଶିକ୍ଷାକେନ୍ଦ୍ରର ଭିତ୍ତିଭୂମି ତିଆରିରେ ପଞ୍ଚାୟତିରାଜ ବିଭାଗ ଭୂମିକାକୁ ସୂଚାଇଥିଲେ ା ଏଡ୍‌ ଏଟ୍‌ ଆକ୍ସନ୍‌ର ସ୍ଥାନାନ୍ତରଣ ଓ ଶିକ୍ଷା ୟୁନିଟ୍‌ର ଦକ୍ଷିଣ ଏସିଆ ମୁଖ୍ୟ ଉମି ଡାନିଏଲ୍‌ ଉଭୟ ଉପତ୍ତ୍ତି ଓ ଗନ୍ତବ୍ୟସ୍ଥଳରେ କାମ କରିବାର ଅଭିଜ୍ଞତା ଓ ଅଧ୍ୟୟନକୁ ଆଧାର କରି ପରିବାର ସହ କାର୍ଯ୍ୟସ୍ଥଳକୁ ଯାଉଥିବା ଶିଶୁ, ଘରେ ରହିଯାଉଥିବା ଶିଶୁ, ଏକାକୀ ସ୍ଥାନାନ୍ତର ହେଉଥିବା କିଶୋରୀ, କିଶୋର ଏବଂ ଋତୁକାଳୀନ ଆବାସିକ ଶିକ୍ଷାକେନ୍ଦ୍ରରେ ଅନ୍ତର୍ଭୁକ୍ତ ହେଉଥିବା ଶିଶୁମାନଙ୍କ ଉପରେ ପଡୁଥିବା ପ୍ରଭାବ ଉପରେ ଆଲୋଚନା କରିଥିଲେ ା ସ୍ଥାନାନ୍ତର ଶ୍ରମିକ ପରିବାର ଓ ସେମାନଙ୍କ ଶିଶୁଙ୍କ ଠିକ୍‌ ତଥ୍ୟର ଅନୁପସ୍ଥିତି ସେମାନଙ୍କ ଅଧିକାର ଓ ସୁରକ୍ଷା ଦିଗରେ କାମ କରିବାରେ ସବୁଠୁ ବଡ ପ୍ରତିବନ୍ଧକ ବୋଲି କହିଥିଲେ ା କିନ୍ତୁ ଜିଲାସ୍ତରୀୟ ବିଭିନ୍ନ ବିଭାଗର ସମନ୍ବୟରେ ଗ୍ରାମ ତଥା ପଞ୍ଚାୟତ ସ୍ତରରେ ତଥ୍ୟ ସଂଗ୍ରହ ମାଧ୍ୟମରେ ଏହି ସମସ୍ୟାର ସମାଧାନ କରିହେବ ବୋଲି ସେ କହିଥିଲେ ା କିଶୋରୀ-କିଶୋରମାନଙ୍କ କର୍ମନିଯୁକ୍ତି ଅନ୍ବେଷଣରେ ବହୁଳ ଭାବରେ ସ୍ଥାନାନ୍ତରଣ ଏକ ଚିନ୍ତାର ବିଷୟ ଓ ଏଥିରୁ ଅନେକ ମାନବ ଚାଲାଣର ଶିକାର ମଧ୍ୟ ହେଉଥିତ୍ବା ସୂଚାଇଥିଲେ ା ଅନ୍ୟତମ ଅତିଥି ଜିଲା ପୋଲିସ ଆରକ୍ଷୀ ଅଧିକ୍ଷକ ଏମ୍‌.ସନ୍ଦୀପ ସମ୍ପତ୍‌ ସ୍ଥାନାନ୍ତରଣ ଓ ଶ୍ରମିକ ଚାଲାଣରେ ପୋଲିସ ବିଭାଗର ଦାୟିତ୍ୱକୁ ଗୁରୁତ୍ୱର ସହ କାର୍ଯ୍ୟକାରୀ କରିବାକୁ ପ୍ରତିଶ୍ରୁତି ଦେଇଥିଲେ ା ପରବର୍ତ୍ତୀ ଅଧିବେଶନରେ ଆୟୋଗ ଅଧ୍ୟକ୍ଷା ପ୍ରଧାନ ପ୍ରତ୍ୟେକ ଜିଲାର ସ୍ଥାନାନ୍ତର ପରିବାରର ଶିଶୁଙ୍କ ସ୍ଥିତି ଓ ବିଭାଗଗୁଡିକ ତରଫରୁ ନିଆଯାଇଥିବା ପଦକ୍ଷେପଗୁଡିକୁ ସମୀକ୍ଷା କରିଥିଲେ। ସୁବର୍ଣ୍ଣପୁର ଓ ବୌଦ୍ଧ ଜିଲାରେ ସ୍ଥାନାନ୍ତର ଶିଶୁଙ୍କ କୌଣସି ତଥ୍ୟ ନଥିବା ଯୋଗଁୁ ଉଦ୍‌ବେଗ ପ୍ରକାଶ କରିଥିଲେ। ସମସ୍ତ ପରାମର୍ଶ ଏବଂ ମତାମତଗୁଡିକୁ ନେଇ ଏକ ନିର୍ଦ୍ଦେଶାବଳୀ ପ୍ରସ୍ତୁତ କରି ରାଜ୍ୟ ସରକାରଙ୍କ ସମସ୍ତ ବିଭାଗକୁ ପ୍ରଦାନ କରିବା ଓ ଏହାକୁ ସଫଳ ଭାବେ କାର୍ଯ୍ୟକାରୀ କରିବାକୁ ଅଧ୍ୟକ୍ଷା ପ୍ରତିଶ୍ରୁତି ଦେଇଥିଲେ।


All Right Reserved By Dharitri.Com

ମାସ୍କ ନାହିଁ ତ ପେଟ୍ରୋଲ ନାହିଁ

ଭୁବନେଶ୍ୱର,୧୧ା୪(ବ୍ୟୁରୋ): ରାଜ୍ୟରେ କରୋନା ସଂକ୍ରମଣ ରୋକିବା ପାଇଁ ରାଜ୍ୟ ସରକାର ସବୁ ପ୍ରକାର କଟକଣା ଲଗାଉଛନ୍ତି। ଏପରି କି ଅନ୍ୟ ରାଜ୍ୟ ପରି ଓଡ଼ିଶାରେ ମଧ୍ୟ...

ଶ୍ରୀମନ୍ଦିରରେ ନୃସିଂହ ଜନ୍ମ ନୀତି

ପୁରୀ ଅଫିସ,୭ା୫: ବୈଶାଖ ଶୁକ୍ଲ ଚତୁର୍ଦ୍ଦଶୀ ତଥା ନୃସିଂହ ଚତୁର୍ଦ୍ଦଶୀରେ ଶ୍ରୀମନ୍ଦିରରେ ନୃସିଂହ ଜନ୍ମ ନୀତି ସମ୍ପନ୍ନ ହୋଇଛି। ଯାତ ଭୋଗ ସରିବା ପରେ ଠାକୁର...

ଶ୍ରୀମନ୍ଦିର ଚାରିପଟୁ ଘର ଉଚ୍ଛେଦ ପ୍ରସଙ୍ଗ: ଅଧିକ ୭ଦିନ ସମୟ ଦେଲେ ମୁଖ୍ୟମନ୍ତ୍ରୀ

ଭୁବନେଶ୍ୱର,୩।୧୨(ବ୍ୟୁରୋ): ଶ୍ରୀମନ୍ଦିର ଚାରି ପାଖରୁ ୭୫ମିଟର ବଳୟ ମଧ୍ୟରେ ଯେତେସବୁ ଘର ଅଛି ତାକୁ ଭାଙ୍ଗିବା ଲାଗି ସରକାର ନିଷ୍ପତ୍ତି ନେଇଥିଲେ। ସେହି ଅନୁଯାୟୀ ଜିଲା...

ମେ’ ଶେଷ ସପ୍ତାହରେ ଜେଇଇ ମେନ୍‌

ଭୁବନେଶ୍ୱର,୧।୪(ବ୍ୟୁରୋ): ଆସନ୍ତା ଏପ୍ରିଲ ୫,୭ ଓ ୧୧ରେ ହେବାକୁ ଥିବା ଯୁଗ୍ମ ପ୍ରବେଶିକା ପରୀକ୍ଷା(ଜେଇଇ) ମେନ୍‌କୁ ଘୁଞ୍ଚାଇ ଦିଆଯାଇଛି। ଆସନ୍ତା ମେ’ ଶେଷ ସପ୍ତାହରେ ଜେଇଇ...

ସିମେଟ୍‌ ପାଲ ତଲେ ପରିବାର

ଲୋଇସିଂହା, ୩୧।୧୦(ଡି.ଏନ୍‌.ଏ.)- ଦିନାକେତେ ତଲେ ହେଇଥିବାର ଲଘୁଚାପ ବରଷାରେ ସୁବର୍ଣ୍ଣପୁର ଜିଲା କୁମୁଣ୍ଡେ ଗାଁର ଗିରିଶଙ୍କର ଗେଜୋକଁର ଘରର କାଁଥି ଭାଂଗି ଯାଇଛେ। ଭଂଗା କାଁଥି...

ଖୋଲୁନି ଓ୍ବାଚ୍‌ ଟାଓ୍ବାର, ପର୍ଯ୍ୟଟକ ନିରାଶ

କେନ୍ଦୁଝର, ୨୯ା୧ (ସ୍ବ.ପ୍ର.)-ପାଖାପାଖି ୧କୋଟି ଟଙ୍କାରେ ପାଟଣା ବ୍ଲକ ଭୀମକୁଣ୍ଡ ପର୍ଯ୍ୟଟନ କେନ୍ଦ୍ରରେ ଏକ ଓ୍ବାଚ୍‌ ଟାଓ୍ବାର ନିର୍ମାଣ ହୋଇଛି। ତେବେ ଏହାର ଉଦ୍‌ଘାଟନ ମକରର...

୧୧ ତାରିଖରୁ ପ୍ରଦାନ କରାଯିବ ଜେଇ ଟିକା

ନୟାଗଡ଼ ଅଫିସ,୯।୧୧: ଆସନ୍ତା ୧୧ ତାରିଖରେ ଜିଲାରେ ପ୍ରଥମ ଥର ପାଇଁ ୧ରୁ ୧୫ ବର୍ଷର ସମସ୍ତ ପିଲାଙ୍କୁ ଜାପାନିଜ ଏନସେଫାଲାଇଟିସ (ଜେଇ) ଟିକା ପ୍ରଦାନ...

ନୂତନ ମତଦାତାଙ୍କ ମଧ୍ୟରେ ଉତ୍ସାହ

ଘଣ୍ଟାପଡ଼ା,୧୮ା୪(ଡି.ଏନ୍‌.ଏ) : ବୌଦ୍ଧ ଜିଲା କଣ୍ଟାମାଳ ନିର୍ବାଚନ ମଣ୍ଡଳୀର ୧ ନଂ ଜିଲାପରିଷଦ ଜୋନ୍‌ର ଅନେକ ସ୍ଥାନରେ ଇଭିଏମ ଅଚଳ ହୋଇପଡ଼ିଥିଲା।  ଫଳରେ ୧ ଘଣ୍ଟା...

Leave a comment

Your email address will not be published. Required fields are marked *