ଅଳିଆ ସଫା

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌
ମୋଦି ସରକାରଙ୍କ ଦୁର୍ନୀତି ବିରୋଧୀ କାର୍ଯ୍ୟାନୁଷ୍ଠାନ ସଦା ଜାରି ରହିଛି। ନିକଟରେ ପାର୍ଲାମେଣ୍ଟରେ ପ୍ରଦତ୍ତ ସୂଚନା ଅନୁସାରେ ଗତ ପାଞ୍ଚବର୍ଷ ଭିତରେ ଦୁର୍ନୀତି କରିଥିବା ଅଭିଯୋଗରେ ସରକାର ଦୁଇଜଣ ଆଇଏଏସ୍‌ ଅଫିସରଙ୍କୁ ଚାକିରିରୁ ବରଖାସ୍ତ କରିଥିବା ବେଳେ ନଅଜଣ ଆଇପିଏସ୍‌ ଅଫିସରଙ୍କୁ ନିଲମ୍ବିତ କରିଛନ୍ତି। ତା’ଛଡ଼ା କେନ୍ଦ୍ର ସରକାର ୨୩ ଜଣ ଆଇଏଏସ୍‌ ଅଫିସର ଓ ୪ ଜଣ ଆଇପିଏସ୍‌ ଅଫିସରଙ୍କ ବିରୋଧରେ ଦୁର୍ନୀତି ନିବାରଣ ଆଇନ ଅନୁଯାୟୀ ମକଦ୍ଦମା ଚଳାଇବା ପାଇଁ ଅନୁମତି ଦେଇଛନ୍ତି। ପ୍ରଶାସନରେ ଚାଲିଥିବା ଏହି ଦୁର୍ନୀତି ବିରୋଧୀ ଅଭିଯାନ ହେଉଛି ଜନସ୍ବାର୍ଥ ଦୃଷ୍ଟିରୁ ଅମଲାତନ୍ତ୍ରରେ ସଂସ୍କାର ଆଣିବା ପାଇଁ ମୋଦି ସରକାରଙ୍କ ସଂକଳ୍ପର ଏକ ଅଂଶବିଶେଷ। ଏହା ପୂର୍ବରୁ ଚଳିତବର୍ଷ ଦୁର୍ନୀତି ଓ ଲାଞ୍ଚ ମାମଲାରେ ସରକାର ଭାରତୀୟ ରାଜସ୍ବ ସେବା (ଆଇଆର୍‌ଏସ୍‌)ର ୨୭ ଜଣ ଅଫିସରଙ୍କୁ ବାଧ୍ୟତାମୂଳକ ଅବସର ଦେଇଥିଲେ। ଏଭଳି ଗୁରୁତର ଅଭିଯୁକ୍ତ ବାବୁମାନଙ୍କ ବିରୋଧରେ ପୂର୍ବରୁ ଅନ୍ୟ କୌଣସି ସରକାର ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରି ନ ଥିବା ବେଳେ ଏହା ଉଚ୍ଚ କ୍ଷମତାରେ ଥିବା ବାବୁ ମହଲରେ ଏକ ପ୍ରକାର ଆତଙ୍କ ଖେଳାଇଦେଇଛି। ଟିକସ ବାବୁଙ୍କଠାରୁ ଏହା ଆରମ୍ଭ ହୋଇଥିବା ବେଳେ ସମୟକ୍ରମେ ଅନ୍ୟ ସେବାର ବାବୁମାନଙ୍କୁ ବି ଅନୁରୂପ କାର୍ଯ୍ୟାନୁଷ୍ଠାନର ସମ୍ମୁଖୀନ ହେବାକୁ ପଡ଼ିବ। ବାବୁମାନେ ଆଜିଯାଏ ଏପରି ଯାଞ୍ଚର ସମ୍ମୁଖୀନ ହୋଇ ନ ଥିବାରୁ ଏବେ ସେମାନେ ଭୀତତ୍ରସ୍ତ ହୋଇପଡ଼ିବା ସ୍ବାଭାବିକ। ମୋଦି ସରକାର ଯେଭଳି ଅଭୂତପୂର୍ବ ଭାବେ ଆଇନକୁ କାର୍ଯ୍ୟକାରୀ କରୁଛନ୍ତି, ତାହା ଅନ୍ୟମାନଙ୍କୁ ଏକ ଚେତାବନୀମୂଳକ ବାର୍ତ୍ତା ଦେଉଛି। ବାସ୍ତବରେ ଏହା ହେଉଛି ଏକ ସ୍ବଚ୍ଛ ସରକାର।
ପ୍ରତିରକ୍ଷା ବାବୁ ଚିନ୍ତିତ
ଚିଫ୍‌ ଅଫ୍‌ ଡିଫେନ୍ସ ଷ୍ଟାଫ୍‌ (ସିଡିଏସ୍‌) ବା ତିନି ସାମରିକ ବାହିନୀର ମୁଖ୍ୟ ଭାବେ ଏକ ନୂଆ ପଦବୀ ସୃଷ୍ଟି କରାଯାଇ ଖୁବ୍‌ଶୀଘ୍ର ସେଥିରେ ଜଣଙ୍କୁ ନିଯୁକ୍ତି ଦିଆଯିବ ବୋଲି କେନ୍ଦ୍ର ସରକାର ଘୋଷଣା କରିବା ପରେ ଏହାକୁ ବ୍ୟାପକଭାବେ ସବୁ ସ୍ତରରୁ ସ୍ବାଗତ କରାଯାଇଛି। ତିନିବାହିନୀର ମୁଖ୍ୟମାନେ ସେମାନଙ୍କ ଉପରେ ନ୍ୟସ୍ତ ଦାୟିତ୍ୱ ତୁଲାଇବାକୁ ଥିବାବେଳେ ସିଡିଏସ୍‌ ହେବେ ପ୍ରତିରକ୍ଷା ମନ୍ତ୍ରଣାଳୟର ମୁଖ୍ୟ ଉପଦେଷ୍ଟା ଏବଂ ସେ ପଦାତିକ ବାହିନୀ, ଆକାଶ ବାହିନୀ ଓ ନୌବାହିନୀ ମଧ୍ୟରେ ସମନ୍ବୟ ରକ୍ଷା କରିବେ। କିନ୍ତୁ ସରକାରଙ୍କର ଗୋଟିଏ ଶାଖା ଏ ଖବରରେ ଅସୁଖୀ ଥିବା ଜଣାପଡ଼ିଛି। ବାବୁମାନଙ୍କର ଗୋଟିଏ ଗୋଷ୍ଠୀ (ନାମହୀନ) ଟୁଇଟରରେ ଏହାକୁ ବିରୋଧ କରିବା ସହ ଏହା ବିରୋଧରେ ଆପ୍ରାଣ ଲଢ଼େଇ କରିବାକୁ କହିଛନ୍ତି। ତେବେ ସେମାନେ ସିଡିଏସ୍‌ ପଦବୀ ସୃଷ୍ଟିକୁ ବିରୋଧ କରିନାହାନ୍ତି, କିନ୍ତୁ ଏହାଦ୍ୱାରା ପ୍ରତିରକ୍ଷା ମନ୍ତ୍ରୀଙ୍କ ପ୍ରମୁଖ ଉପଦେଷ୍ଟା ପ୍ରତିରକ୍ଷା ସଚିବଙ୍କ ପଦବୀର ଗୁରୁତ୍ୱ ହ୍ରାସ ପାଇବ ବୋଲି ଆଶଙ୍କା କରିଛନ୍ତି। ସିଡିଏସ୍‌ ନିଯୁକ୍ତି ପରେ ତାଙ୍କର ଏକଚାଟିଆ କାରବାର ଆଉ ଚାଲିପାରିବ ନାହିଁ। ଆଇଏଏସ୍‌ ବିରାଦର ଅନେକ ଗୁରୁତ୍ୱପୂର୍ଣ୍ଣ ପଦବୀ ଉପରୁ ନିଜର ଦଖଲ ହରାଉଥିବା ନେଇ ଉଦ୍‌ବେଗ ପ୍ରକାଶ କରିଛନ୍ତି। ମୋଦି ସରକାର ଅନେକ ବରିଷ୍ଠ ପଦବୀରେ ଅଣଆଇଏଏସ୍‌ ବାବୁମାନଙ୍କୁ ନିଯୁକ୍ତି ଦେଉଛନ୍ତି। ବର୍ତ୍ତମାନ ସୁଦ୍ଧା ୧୨୦ରୁ ଅଧିକ ଯୁଗ୍ମସଚିବସ୍ତରୀୟ ପଦବୀରେ ଅଣଆଇଏଏସ୍‌ ବାବୁ ନିଯୁକ୍ତି ପାଇଛନ୍ତି। ସିଡିଏସ୍‌ ପଦବୀର ପ୍ରବର୍ତ୍ତନ ହେବା ପରେ ଏହି ପଦବୀରେ ତିନିବାହିନୀର ବରିଷ୍ଠ ବାବୁମାନଙ୍କ ମଧ୍ୟରୁ ହିଁ ଜଣଙ୍କୁ ନିଯୁକ୍ତି ମିଳିବ, ସେଥିରେ କୌଣସି ଆଇଏଏସ୍‌ ଅଫିସର ନିଯୁକ୍ତି ପାଇପାରିବେ ନାହିଁ ବୋଲି ସେମାନେ ମନେକରୁଛନ୍ତି। ସିଡିଏସ୍‌ଙ୍କ ଭୂମିକା ଓ ଦାୟିତ୍ୱ କ’ଣ ହେବ, ତାହା ସ୍ଥିର କରିବା ପାଇଁ ଏକ କମିଟି ଗଠନ କରାଯାଇଥିବା ବେଳେ ଆଶା କରାଯାଉଛି ଆଇଏଏସ୍‌ ଲବି ଚେଷ୍ଟା କରିବେ ଯେପରି ସିଡିଏସ୍‌ ପ୍ରଶାସନିକ ବାବୁମାନଙ୍କ କ୍ଷେତ୍ରାଧିକାର ଦଖଲ ନ କରନ୍ତି।
ଦୁର୍ନୀତି ବିରୋଧୀ କାର୍ଯ୍ୟାନୁଷ୍ଠାନ
ମୋଦି ସରକାର ପୁଣିଥରେ ସୁପରିଣ୍ଟେଣ୍ଡେଣ୍ଟ ପାହ୍ୟାର ୨୨ ଜଣ ଟିକସ ବାବୁଙ୍କୁ ଦୁର୍ନୀତି ଅଭିଯୋଗରେ ବାଧ୍ୟତାମୂଳକ ଅବସର ଦେଇଛନ୍ତି। କେନ୍ଦ୍ର ପରୋକ୍ଷ କର ଓ ବହିଃଶୁଳ୍କ ପରିଷଦ (ସିବିଆଇସି) କହିଛି ଯେ, ଜନସ୍ବାର୍ଥରେ ଦୁର୍ନୀତି ଅଭିଯୋଗରେ ଏହି ବାବୁମାନଙ୍କୁ ବାଧ୍ୟତାମୂଳକ ଅବସର ଦିଆଯାଇଛି। ପ୍ରାୟ ଦୁଇମାସ ତଳେ ଅନୁରୂପ ଅଭିଯୋଗରେ ୧୨ ଜଣ ସିବିଡିଟି ଅଫିସରଙ୍କ ସମେତ ୨୭ ଜଣ ଉଚ୍ଚପାହ୍ୟାର ଆଇଆର୍‌ଏସ୍‌ ଅଫିସରଙ୍କୁ ବାଧ୍ୟତାମୂଳକ ଅବସର ଦିଆଯାଇଥିଲା। ଉକ୍ତ ବାବୁମାନଙ୍କ ବିରୋଧରେ ଅନଧିକାର ତଲାସି ନେବା ଓ ଲାଞ୍ଚ ଗ୍ରହଣ କରିବା ନେଇ ଅଭିଯୋଗ ରହିଥିଲା। ସେମାନଙ୍କ ମଧ୍ୟରୁ କେତେଜଣଙ୍କ ବିରୋଧରେ ସିବିଆଇ ତଦନ୍ତ କରୁଛି। ନିୟମାନୁଯାୟୀ ଉପଯୁକ୍ତ କ୍ଷମତାପନ୍ନ ଅଧିକାରୀ କୌଣସି ସରକାରୀ ଚାକିରିଆଙ୍କୁ ତିନିମାସର ଲିଖିତ ନୋଟିସ୍‌ ଦେଇ କିମ୍ବା ତିନିମାସର ଦରମା ଓ ଭତ୍ତା ଦେଇ ବାଧ୍ୟତାମୂଳକ ଅବସର ଦେଇପାରିବେ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିକଟରେ କହିଛନ୍ତି ଯେ ସଚ୍ଚୋଟ ଟିକସଦାତା ବା ଟିକସ ନିୟମର ମାମୁଲି ଉଲ୍ଲଂଘନକାରୀଙ୍କୁ ହଇରାଣ ହରକତ କରିବା ହେଉଛି ଟିକସ ପ୍ରଶାସନରେ ଥିବା ବାବୁମାନଙ୍କର କ୍ଷମତାର ଅପବ୍ୟବହାର। ଏହା ନ କରିବା ପାଇଁ ସେ ଟିକସ ବାବୁମାନଙ୍କୁ ପରାମର୍ଶ ଦେଇଛନ୍ତି।
Email: dilipcherian@gmail.com


All Right Reserved By Dharitri.Com

ଯଶୋଧାରାଙ୍କ ତ୍ୟାଗ

ଡ. ଛାୟାକାନ୍ତ ଷଡ଼ଙ୍ଗୀ ରାଜପୁତ୍ର ଗୌତମ ସତ୍ୟର ସନ୍ଧାନ କରିବା ପାଇଁ କପିଳବାସ୍ତୁ ରାଜପ୍ରାସାଦର ବିଳାସବ୍ୟସନ, ସୁଖସ୍ବାଚ୍ଛନ୍ଦ୍ୟ, ସ୍ତ୍ରୀ ଯଶୋଧାରାଙ୍କ ଅନାବିଳ ପ୍ରେମ ଓ ସୁକୁମାର...

ନୂଆ ଆଇଏମ୍‌ଏଫ୍‌ ମୁଖ୍ୟ

ବ୍ୟକ୍ତିତ୍ୱ/ଜିତେନ୍ଦ୍ର କୁମାର ନାୟକ ବିଶ୍ୱ ମୁଦ୍ରା ସହଯୋଗ, ଆର୍ଥିକ ସ୍ଥିରତା, ବିଶ୍ୱ ବାଣିଜ୍ୟକୁ ସୁଗମ, ନିଯୁକ୍ତିର ପ୍ରସାର ଓ ନିରନ୍ତର ଅର୍ଥନୈତିକ ଅଭିବୃଦ୍ଧି ଏବଂ ଦାରିଦ୍ର୍ୟ...

ସବୁଲୋକ ଖରାପ ନୁହନ୍ତି

ଡ. ସିଦ୍ଧାର୍ଥ କାନୁନ୍‌ଗୋ ସେଦିନ ଭୁବନେଶ୍ୱର ହାଟରେ ହଠାତ୍‌ ରମେଶ ବାବୁ (ଛଦ୍ମନାମ)ଙ୍କ ସହ ଦେଖାହେଲା। ଅତୀତରେ ସେ ମୋର ସହକର୍ମୀ ଥିଲେ। ଏବେ ସେ...

କଶ୍ମୀରୀଙ୍କ ପ୍ରତିକ୍ରିୟାକୁ ଅପେକ୍ଷା

ଅାକାର ପଟେଲ କଶ୍ମୀରରେ ଅାମେ ଯାହା କଲୁ ତାହାର ପୂର୍ଣ୍ଣ ଅର୍ଥ କଣ ତାହା ଯଥାସମୟରେ ଜଣାପଡ଼ିବ ଏବେ ଅାମେ କହିଚାଲିଛୁ କି ଅାମେ ଯାହା...

‘ଜୟ ଶ୍ରୀରାମ’ ଓ ରାମଙ୍କ ଆଦର୍ଶ

ବୈକୁଣ୍ଠନାଥ ମିଶ୍ର ଆଜିକାଲି ‘ଜୟ ଶ୍ରୀରାମ’ ଉଚ୍ଚାରଣ କରି ବନ୍ଧୁଙ୍କୁ ପ୍ରଥମ ସାକ୍ଷାତରେ ସମ୍ଭାଷଣ କରିବାର ଅଭିନବ ପରମ୍ପରା ସର୍ବତ୍ର ପରିଦୃଷ୍ଟ। ବନ୍ଧୁଙ୍କୁ ସାକ୍ଷାତ ସମୟରେ...

ଲୋକ ସଭାର ଅଧିଷ୍ଠାତା

ବ୍ୟକ୍ତିତ୍ୱ/ ଜିତେନ୍ଦ୍ର କୁମାର ନାୟକ ଲୋକ ସଭାର ମୁଖ୍ୟ ହେଉଛନ୍ତି ବାଚସ୍ପତି। ସେ ଗୃହ ସଦସ୍ୟଙ୍କ କ୍ଷମତା ଓ ସ୍ବାଧିକାର ରକ୍ଷକ ଭାବେ ଜଣାଶୁଣା। ସଂସଦୀୟ...

ଷଣ୍ଢମାର୍କା ଟୋକା

ମନ-ମାନଚିତ୍ର ଡ. ନରହରି ବେହେରା ମାଇନର ପଢ଼ିବାବେଳେ ମୋ ଜେଜେ ଥରେ ପାଖକୁ ଡାକି କହିଲେ- ଆରେ ନାତିଆ, ସବୁ କରିବୁ, ହେଲେ ଷଣ୍ଢମାର୍କା ଟୋକାଙ୍କ...

ମିଛସତର ମଝିରେ ନାଚାର ଜୀବନ

ସୋନାମିକା ରାୟ ଭାରତୀୟ ସଂସ୍କୃତି ବିଶ୍ୱର ପ୍ରାଚୀନତମ ସଂସ୍କୃତି ମଧ୍ୟରେ ଅନ୍ୟତମ। ବିଶାଳତା, ଉଦାରତା, ପ୍ରେମ, ସହିଷ୍ଣୁତା ଓ ନୈତିକତା ଆଦି ଗୁଣର ଡୋରରେ ବନ୍ଧାହୋଇଥିବା...

Leave a comment

Your email address will not be published. Required fields are marked *