ମାନ୍ଦାବସ୍ଥା ଲାଗି ବିମୁଦ୍ରୀକରଣ, ଜିଏସ୍‌ଟି ଦାୟୀ:ମନମୋହନ

ନୂଆଦିଲ୍ଲୀ,୧୩-୯: ଦେଶର ଅର୍ଥନୀତିରେ ଦେଖାଦେଇଥିବା ମାନ୍ଦାବସ୍ଥା ପାଇଁ ବିମୁଦ୍ରୀକରଣ ଓ ତରବରିଆ ଭାବେ ଲାଗୁ କରାଯାଇଥିବା ଜିଏସ୍‌ଟି ଦାୟୀ ବୋଲି ବିଶିଷ୍ଟ ଅର୍ଥନୀତିଜ୍ଞ ଏବଂ ପୂର୍ବତନ ପ୍ରଧାନମନ୍ତ୍ରୀ ଡ.ମନମୋହନ ସିଂ ପ୍ରକାଶ କରିଛନ୍ତି। ଆର୍ଥିକ ମାନ୍ଦାବସ୍ଥା ଉଭୟ ଢ଼ାଞ୍ଚାଗତ ଏବଂ ଚକ୍ରିୟ ବୋଲି ଉଲ୍ଲେଖ କରି ମନମୋହନ ଏଥିରୁ ବାହାରି ଆସିବା ଲାଗି ମୋଦି ସରକାର ୬ ସୂତ୍ରୀ ଉପାୟ ଆପଣାଇବାକୁ ସେ ପରାମର୍ଶ ଦେଇଛନ୍ତି।
ଏକ ଖବରକାଗଜକୁ ଦେଇଥିବା ସାକ୍ଷାତକାର ଦେଇ ମନମୋହନ କହିଛନ୍ତି ଯେ, ମୋଦି ସରକାର ତାଙ୍କ ଦ୍ୱାରା ପ୍ରଦତ୍ତ ୬ଉପାୟ ଲାଗୁ କରିବା ପୂର୍ବରୁ ଦେଶ ଭୟଙ୍କର ଆର୍ଥିକ ମାନ୍ଦାବସ୍ଥା ଦେଇ ଗତିକରୁଛି ବୋଲି ପ୍ରଥମେ ସ୍ବୀକାର କରନ୍ତୁ। ବିଶେଷଜ୍ଞ ଏବଂ ହିତାକାଂକ୍ଷୀଙ୍କ ପରାମର୍ଶକୁ ସରକାର ଖୋଲା ମନରେ ଶୁଣନ୍ତୁ। ତେବେ ଏକ୍ଷେତ୍ରରେ ମୋଦି ସରକାରଙ୍କ ଦୃଷ୍ଟିକୋଣରେ କୌଣସି ପରିବର୍ତ୍ତନ ହେଲା ଭଳି ସେ ଦେଖୁ ନଥିବା ଡ.ସିଂ କହିଛନ୍ତି।
ମନମୋହନ କହିଛନ୍ତି ଯେ, ମୋଦି ସରକାରଙ୍କୁ ପ୍ରଥମେ ହେଡ୍‌ଲାଇନ ମ୍ୟାନେଜମେଣ୍ଟ କରିବାର ଅଭ୍ୟାସ ଛାଡିବାକୁ ହେବ। ସେ କହିଛନ୍ତି ଯେ, ଅର୍ଥନୀତି ସଜାଡିବା ଲାଗି ବହୁ ସମୟ ବରବାଦ ହୋଇସାରିଛି। ଗୋଟିଏ ଗୋଟିଏ ସେକ୍ଟର ପାଇଁ ସହାୟତା ଘୋଷଣା କରିବା ପରିବର୍ତ୍ତେ ସରକାର ସମ୍ପୂର୍ଣ୍ଣ ଆର୍ଥିକ ଢ଼ାଞ୍ଚାକୁ ଏକାଠି ଆଗକୁ ବଢ଼ାଇବା ଲାଗି ପ୍ରୟାସ କରନ୍ତୁ। ତାଙ୍କ ମତରେ ଏବେ ନିଯୁକ୍ତି ସୃଷ୍ଟି କରୁଥିବା ସେକ୍ଟରକୁ ଅଧିକ ଗୁରୁତ୍ୱ ଦେବାକୁୁ ହେବ। ବିମୁଦ୍ରୀକରଣ ଯୋଗୁ ଅର୍ଥନୀତିର ଯେଉଁ କ୍ଷତି ହୋଇଛି, ତାହାକୁ ସଜାଡିବା ଲାଗି ସରକାର ପରବର୍ତ୍ତୀ ପିଢ଼ିର ଢ଼ାଞ୍ଚାଗତ ସଂସ୍କାର କରନ୍ତୁ। ତାଙ୍କ ମତରେ ପ୍ରଥମତଃ ଜିଏସ୍‌ଟିକୁ ତର୍କସଙ୍ଗତ କରିବାକୁ ହେବ। ଏଥିଲାଗି ଟିକସ ହ୍ରାସଜନିତ କ୍ଷତିକୁ ସହିବାକୁ ହେବ। ଦ୍ୱିତୀୟରେ ଗ୍ରାମାଞ୍ଚଳରେ ଖର୍ଚ୍ଚ ବଢ଼ାଇବା ଏବଂ କୃଷିକୁ ପୁନରୁଜ୍ଜୀବିତ କରିବା ଲାଗି ନୂଆ ପନ୍ଥାପଦ୍ଧତି ସରକାର ଖୋଜନ୍ତୁ। ସରକାର ଚାହିଁଲେ କଂଗ୍ରେସର ଘୋଷଣାପତ୍ରରୁ ଉପାୟ ଖୋଜି ପାରିବେ। ସେ କହିଛନ୍ତି ଯେ, କୃଷି ବଜାରକୁ ମୁକ୍ତ କରିବା ଦ୍ୱାରା ଲୋକଙ୍କ ନିକଟରେ ପର୍ଯ୍ୟାପ୍ତ ନଗଦ ପହଞ୍ଚାଇବା ଲାଗି କଂଗ୍ରେସ ଘୋଷଣାପତ୍ରରେ ଉଲ୍ଲେଖ ରହିଛି। ତାଙ୍କ ମତରେ ଅର୍ଥନୀତିରେ ସୃଷ୍ଟି ହୋଇଥିବା ନଗଦ ସଙ୍କଟ ଦୂର କରିବାକୁ ହେବ। ରାଷ୍ଟ୍ରାୟତ୍ତ ବ୍ୟାଙ୍କ ସମେତ ଏନ୍‌ବିଏଫ୍‌ସିଗୁଡ଼ିକ ମଧ୍ୟ ଏହାଦ୍ୱାରା କ୍ଷତିଗ୍ରସ୍ତ ହେଉଛନ୍ତି ବୋଲି ଉଲ୍ଲେଖ କରି ମନମୋହନ ତାଙ୍କର ତୃତୀୟ ବିକଳ୍ପ ଭାବେ ପୁଞ୍ଜି ନିର୍ମାଣ ଲାଗି ଋଣ ସଙ୍କଟକୁ ଦୂର କରିବା ଉପରେ ଜୋର୍‌ ଦେଇଛନ୍ତି। ବୟନଶିଳ୍ପ, ଅଟୋମୋବାଇଲ, ଇଲେକ୍ଟ୍ରୋନିକ୍ସ ଏବଂ ଶସ୍ତା ଘର ନିର୍ମାଣ ଭଳି ପ୍ରମୁଖ ରୋଜଗାର ସୃଷ୍ଟିକାରୀ କ୍ଷେତ୍ରଗୁଡ଼ିକୁ ପୁନରୁଜ୍ଜୀବିତ କରିବାକୁ ମନମୋହନ ତାଙ୍କ ଚତୁର୍ଥ ଉପାୟ ସ୍ବରୂପ ପରାମର୍ଶ ଦେଇଛନ୍ତି। ସେ କହିଛନ୍ତି ଯେ, ଏମ୍‌ଏସ୍‌ଏମ୍‌ଇ କ୍ଷେତ୍ରକୁ ସହଜ ଋଣ ଉପଲବ୍ଧ କରାଇବାକୁ ହେବ। ଆମେରିକା ଓ ଚାଇନା ମଧ୍ୟରେ ଆରମ୍ଭ ହୋଇଥିବା ଟାରିଫ ଯୁଦ୍ଧ କାରଣରୁ ନୂଆକରି ବାହାରି ଆସୁଥିବା ବଜାରଗୁଡ଼ିକୁ ଚିହ୍ନଟ କରିବା ପଞ୍ଚମ ଉପାୟ ହେବ। ଏଥିସହ ଢ଼ାଞ୍ଚାଗତ ନିବେଶ ବୃଦ୍ଧି କରିବାକୁ ହେବ ବୋଲି ସେ ତାଙ୍କର ୬ଷ୍ଠ ଉପାୟରେ କହିଛନ୍ତି। ଏ ଦିଗରେ ଘରୋଇ ନିବେଶ ବୃଦ୍ଧି ଉପରେ ଜୋର୍‌ ଦେବାକୁ ହେବ ବୋଲି ତାଙ୍କର ମତ ରହିଛି। ସେ କହିଛନ୍ତି ଯେ, ଉଭୟ ଢ଼ାଞ୍ଚାଗତ ଏବଂ ଚକ୍ରିୟ ସମସ୍ୟାକୁ ଦୂର କରିବା ଅତ୍ୟନ୍ତ ଜରୁରୀ। ଏହିସବୁ ପଦକ୍ଷେପ ଗ୍ରହଣ କରାଗଲେ ଆସନ୍ତା ୩-୪ ବର୍ଷ ମଧ୍ୟରେ ଦେଶ ପୁଣିଥରେ ଉଚ୍ଚ ବିକାଶ ହାର ହାସଲ କରିପାରିବ ବୋଲି ମନମୋହନ କହିଛନ୍ତି।
ଦେଶର ଅର୍ଥନୀତିର ବର୍ତ୍ତମାନର ସ୍ଥିତି ସମ୍ପର୍କରେ ମନ୍ତବ୍ୟ ଦେଇ ଡ.ସିଂ କହିଛନ୍ତି ଯେ, ସରକାର ପ୍ରତ୍ୟାଖ୍ୟାନ ମୁଦ୍ରାରେ ବେଶି ଦିନ ରହିପାରିବେ ନାହିଁ। ଦେଶର ଅର୍ଥନୀତି ଅତ୍ୟନ୍ତ ଚିନ୍ତାଜନକ ସ୍ଥିତିରେ ରହିଛି ବୋଲି ଉଲ୍ଲେଖ କରି ମନମୋହନ କହିଛନ୍ତି ଯେ, ଗତ ତ୍ରୈମାସରେ ଜିଡିପି ହାର ୫%କୁ ଖସି ଆସିଛି, ଯାହା କି ୬ ବର୍ଷରେ ସର୍ବନିମ୍ନ। ଅର୍ଥନୀତିର କେତେକ ପ୍ରମୁଖ କ୍ଷେତ୍ର ପ୍ରଭାବିତ ହୋଇଛି। ଅଟୋମୋବାଇଲ କ୍ଷେତ୍ରରେ ଉତ୍ପାଦନ ହ୍ରାସ ଯୋଗୁ ଏବେ ଭାରି ସଙ୍କଟ ଦେଇ ଗତି କରୁଛି। ଏ କ୍ଷେତ୍ରରେ ପ୍ରାୟ ସାଢ଼େ ୩ ଲକ୍ଷରୁ ଅଧିକ କର୍ମଚାରୀ ଇତିମଧ୍ୟରେ ନିଯୁକ୍ତି ହରାଇସାରିଲେଣି। ମାନେସର, ପିମ୍ପରୀ-ଚିଞ୍ଚବଡ଼ ଓ ଚେନ୍ନାଇ ଭଳି ଅଟୋମୋଟିଭ ହବ୍‌ର ଅବସ୍ଥା ସାଂଘାତିକ। ଏହାର ପ୍ରଭାବ ଏସମ୍ପର୍କିତ ଉଦ୍ୟୋଗଗୁଡ଼ିକ ଉପରେ ପଡିଛି।


All Right Reserved By Dharitri.Com

ପିଚାଇ, ଫ୍ରିଡ଼୍‌ମ୍ୟାନଙ୍କୁ ଗ୍ଲୋବାଲ ଲିଡରସିପ୍‌ ପୁରସ୍କାର

ଓ୍ବାଶିଂଟନ,୬-୬: ଗୁଗଲ ସିଇଓ ସୁନ୍ଦର ପିଚାଇ(୪୬) ଏବଂ ଆମେରିକା ଷ୍ଟକ୍‌ ଏକ୍ସଚେଞ୍ଜ ନ୍ୟାସ୍‌ଡ୍ୟାକ୍‌ ପ୍ରେସିଡେଣ୍ଟ ଆଡେନା ଫ୍ରିଡ୍‌ମ୍ୟାନଙ୍କୁ ଚଳିତ ବର୍ଷ ଲାଗି ଗ୍ଲୋବାଲ ଲିଡରସିପ୍‌ ପୁରସ୍କାର...

ପ୍ରତ୍ୟକ୍ଷ ଟିକସ ହ୍ରାସ ସମ୍ଭାବନା କ୍ଷୀଣ

ନୂଆଦିଲ୍ଲୀ,୩୧।୧୦: ସରକାର ଚଳିତ ବର୍ଷ ପ୍ରତ୍ୟକ୍ଷ ଟିକସ ବା ଆୟକର ହ୍ରାସ ନ କରିପାରନ୍ତି। ଦେଶରେ ମାନ୍ଦାବସ୍ଥା ଲାଗି ରହିଥିବା ବେଳେ ଟିକସ ହ୍ରାସ ଯୋଗୁ...

ଶୁକ୍ରବାର ସୁପ୍ରିମକୋର୍ଟରେ ମାଲ୍ୟା ମାମଲାର ଶୁଣାଣି

ନୂଆଦିଲ୍ଲୀ,୩୦-୭: ସମ୍ପତ୍ତି ବାଜ୍ୟାପ୍ତ କରିବା ଉପରେ ରହିତାଦେଶ ଜାରି କରିବା ଲକ୍ଷ୍ୟରେ ମଦ ବ୍ୟବସାୟୀ ବିଜୟ ମାଲ୍ୟାଙ୍କ ପକ୍ଷରୁ ସୁପ୍ରିମକୋର୍ଟରେ ଆଗତ ମାମଲାର ଶୁଣାଣି ଆସନ୍ତା...

ସରକାରଙ୍କ ସାମ୍ନାରେ ୬ ବଡ ଚ୍ୟାଲେଞ୍ଜ

ନୂଆଦିଲ୍ଲୀ,୧୨-୧: ଏବେ ବଜେଟ ପ୍ରସ୍ତୁତି ପ୍ରକ୍ରିୟା ଜାରି ରହିଛି। ଫେବୃୟାରୀ ପହିଲାରେ ଅର୍ଥମନ୍ତ୍ରୀ ନିର୍ମଳା ସୀତାରାମନ ୨୦୨୦-୨୧ ଆର୍ଥତ୍କ ବର୍ଷ ଲାଗି ସାଧାରଣ ବଜେଟ ଉପସ୍ଥାପନ...

ଅତ୍ୟାବଶ୍ୟକ ସାମଗ୍ରୀ ମୂଲ୍ୟ ବଢିପାରେ

ନୂଆଦିଲ୍ଳୀ,୨୨-୧୨: ଆଗାମୀ ଦିନରେ ଅତ୍ୟାବଶ୍ୟକ ସାମଗ୍ରୀ ମୂଲ୍ୟ ବଢିପାରେ। ନିତ୍ୟ ବ୍ୟବହାର୍ଯ୍ୟ ସାମଗ୍ରୀ ଏବଂ ପ୍ୟାକେଟଯୁକ୍ତ ଖାଦ୍ୟର ଦରଦାମ ନିକଟରେ ବଢିବା ନେଇ ସମ୍ଭାବନା ରହିଛି।...

ସାଇରସ ମିସ୍ତ୍ରିଙ୍କୁ ଝଟକା;ଏନ୍‌ସିଏଲ୍‌ଏଟି ରାୟକୁ ସୁପ୍ରିମକୋର୍ଟଙ୍କ ରହିିତାଦେଶ

  ନୂଆଦିଲ୍ଲୀ,୧୧-୧ : ଟାଟାସନ୍ସର ଅଧ୍ୟକ୍ଷ ପଦବୀରେ ଅବସ୍ଥାପିତ ହେବା ନେଇ ଟାଟା ଗ୍ରୁପର ପୂର୍ବତନ ଅଧ୍ୟକ୍ଷ ସାଇରସ ମିସ୍ତ୍ରିଙ୍କ ସପକ୍ଷରେ ଡିସେମ୍ବର ୧୮ରେ ନ୍ୟାଶନାଲ...

ଦରମା ନ ପାଇ ଜେଟ୍‌ କର୍ମଚାରୀଙ୍କ ଆତ୍ମହତ୍ୟା

ନୂଆଦିଲ୍ଲୀ,୨୮-୪: ଜେଟ୍‌ ଏୟାରଓ୍ବେଜର ଜଣେ ସିନିୟର ଟେକ୍ନିସିଆନ ଦରମା ନ ପାଇବା କାରଣରୁ ଆତ୍ମହତ୍ୟା  କରିଛନ୍ତି। ମହାରାଷ୍ଟ୍ରର ପାଲଘର ଜିଲାର ୪୫ ବର୍ଷୀୟ ଶୈଳେଶ ସିଂହଙ୍କୁ...

ଫୋର୍ବସ ପ୍ରଭାବଶାଳୀ ମହିଳା ତାଲିକାରେ ସୀତାରାମନ

ନୂଆଦିଲ୍ଲୀ,୧୪-୧୨: ଫୋର୍ବସ ପକ୍ଷରୁ ପ୍ରକାଶିତ ବିଶ୍ୱର ୧୦୦ ସବୁଠାରୁ ପ୍ରଭାବଶାଳୀ ମହିଳା ତାଲିକାରେ ଅର୍ଥମନ୍ତ୍ରୀ ନିର୍ମଳା ସୀତାରାମନ ୩୪ତମ ସ୍ଥାନରେ ରହିଛନ୍ତି। ସେହିଭଳି ଅନ୍ୟ ଭାରତୀୟ...

Leave a comment

Your email address will not be published. Required fields are marked *