କୋମାରେ ପ୍ରି-ପେଡ୍‌, ପିଙ୍କ୍‌ ଅଟୋ ସେବା

ଭୁବନେଶ୍ୱର, ୧୨।୯(ବ୍ୟୁରୋ): ନୂଆ ମୋଟର ଯାନ ଆଇନ ଆସିବା ପରେ ଏବେ ଲୋକଙ୍କ ପ୍ରଥମ ପସନ୍ଦ ପାଲିଟିଛି ପବ୍ଲିକ୍‌ ଟ୍ରାନ୍ସପୋର୍ଟ ବା ସାଧାରଣ ପରିବହନ ବ୍ୟବସ୍ଥା। ନିଜ ଗାଡ଼ି ଧରି ଯିବା ଅପେକ୍ଷା ଲୋକେ ବସ୍‌ କିମ୍ବା ଅଟୋ ଭଳି ପବ୍ଲିକ୍‌ ଟ୍ରାନ୍ସପୋର୍ଟରେ ଯିବାକୁ ଉଚିତ ମଣୁଛନ୍ତି। ଯେଉଁଥିପାଇଁ ଫାଙ୍କା ପଡ଼ୁଥିବା ‘ମୋ ବସ୍‌’ ବି ଆଜିକାଲି ପୂରା ପୂରା ଲାଗୁଛି। ପ୍ରଥମଥର ପାଇଁ ମୋ ବସ୍‌ ଦୈନିକ ଯାତ୍ରୀସଂଖ୍ୟା ୯୦ ହଜାର ଟପି ରେକର୍ଡସ୍ତରରେ ପହଞ୍ଚିଛି। ଏପଟେ ଯାତ୍ରୀ ପାଇଁ ବାଡ଼ିଆପିଟା ହେଉଥିବା ଅଟୋ ଚାଳକଙ୍କୁ ମଧ୍ୟ ଭଲ ଯାତ୍ରୀ ମିଳୁଛନ୍ତି। ତେବେ କିଛି ଅଟୋଚାଳକଙ୍କ ଦୌରାମତ୍‌ୟ ଯୋଗୁ ଭୁବନେଶ୍ୱରରେ ଅଟୋରେ ଯାତ୍ରା କରିବା ବିଶେଷକରି ମହିଳାଙ୍କ ପାଇଁ ଏକ ସମସ୍ୟା ପାଲଟିଛି। ଅଟୋରେ ମାତ୍ରାଧିକ ଯାତ୍ରୀ ଯୋଗୁ ମହିଳାଙ୍କ ସୁରକ୍ଷା ନେଇ ପ୍ରଶ୍ନବାଚୀ ସୃଷ୍ଟିହେଉଛି। ଅନ୍ୟପଟେ ଯାତ୍ରୀଙ୍କ ସୁବିଧା ଏବଂ ମହିଳାଙ୍କ ସୁରକ୍ଷା ପାଇଁ ଭୁବନେଶ୍ୱରରେ ଆରମ୍ଭ ହୋଇଥିବା ପ୍ରି-ପେଡ୍‌ ଓ ପିଙ୍କ୍‌ ଅଟୋସେବା ଏବେ କୋମାରେ ପଡ଼ିଛି। କମିଶନରେଟ୍‌ ପୋଲିସର ଦୁଇଟି ଯାକ ଅତ୍ୟାଧୁନିକ ଓ ବହୁଚର୍ଚ୍ଚିତ ସେବା ପାଇବାରୁ ସାଧାରଣ ଲୋକେ ବଞ୍ଚତ୍ତ ହେଉଥିବାବେଳେ ଏପଟେ ସୁରକ୍ଷା ଆଳରେ ହେଲ୍‌ମେଟ୍‌ ଚେକିଂରେ ମାତିଛି ପୋଲିସ।
କମିଶନରେଟ୍‌ ପୋଲିସ ପକ୍ଷରୁ ପ୍ରି-ପେଡ୍‌ ଓ ପିଙ୍କ୍‌ ଅଟୋସେବା ଆରମ୍ଭ ହେବାର ଇତିମଧ୍ୟରେ ବହୁବର୍ଷ ବିତିଯାଇଛି। ହେଲେ ଉଭୟ ସେବା ଏବେ ପ୍ରାୟତଃ ଅଚଳ ହୋଇପଡ଼ିଛି। ପ୍ରଚାର ପ୍ରସାର ଅଭାବରୁ ପ୍ରି-ପେଡ୍‌ ଅଟୋସେବା ସମ୍ପର୍କରେ ଅଧିକାଂଶ ଯାତ୍ରୀ ଏବେବି ଅଜଣା। ଏପଟେ ପ୍ରଥମ ପର୍ଯ୍ୟାୟରେ ଯେଉଁ ୩ଟି କାଉଣ୍ଟର ଖୋଲାଯାଇଥିଲା ସେଥିରୁ ଗୋଟିଏ କାଉଣ୍ଟର ବନ୍ଦ ହୋଇପଡ଼ିଛି। ବରମୁଣ୍ଡା ଓ ମାଷ୍ଟରକ୍ୟାଣ୍ଟିନ୍‌ କାଉଣ୍ଟର ଚାଲୁଥିବାବେଳେ କିଟ୍‌ ଛକରେ ଥିବା କାଉଣ୍ଟର୍‌ ବନ୍ଦ ହୋଇଯାଇଛି। ପ୍ରତ୍ୟେକ ଦିନ ହଜାର ହଜାର ସଂଖ୍ୟାରେ ଯାତ୍ରୀ ଅଟୋ ଉପରେ ନିର୍ଭର କରି ଯାତାୟାତ କରୁଥିବାବେଳେ ଏହି ପ୍ରି-ପେଡ୍‌ ସେବା କିନ୍ତୁ କୌଣସି କାମରେ ଆସୁନି। ଯାତ୍ରୀମାନଙ୍କୁ କମ୍‌ ଭଡ଼ା ଓ ନିରାପଦରେ ଘରେ ପହଞ୍ଚାଇବା ସହ ବରିଷ୍ଠ ନାଗରିକ ଓ ମହିଳାମାନଙ୍କୁ ସୁରକ୍ଷା ଦେବାପାଇଁ କମିଶନରେଟ ପୋଲିସର ଏହି ବହୁଚର୍ଚ୍ଚିତ ସେବା ସମ୍ପର୍କରେ ଅଧିକାଂଶ ଯାତ୍ରୀ ଜାଣି ନ ଥିବାରୁ ପଞ୍ଜୀକୃତ ଅଟୋଚାଳକଙ୍କୁ ଯାତ୍ରୀ ମିଳୁନାହାନ୍ତି। ଏପରି କି ରାଜଧାନୀରେ ଏଭଳି ବ୍ୟବସ୍ଥା ଥିବା ଖୋଦ୍‌ ରାଜଧାନୀବାସୀଙ୍କୁ ମଧ୍ୟ ଜଣାନାହିଁ। ସେହିଭଳି ବୁକିଂ କାଉଣ୍ଟରରେ ଦୀର୍ଘ ସମୟ ଧରି ଲାଇନ୍‌ରେ ଛିଡ଼ାହୋଇ ଫର୍ମ ପୂରଣ କରି ଅଟୋରେ ଯିବା ପାଇଁ ବହୁ ଯାତ୍ରୀ ଅନିଚ୍ଛା ପ୍ରକାଶ କରୁଛନ୍ତି। ତେଣୁ ମାଷ୍ଟରକ୍ୟାଣ୍ଟିନ୍‌ ଭଳି ଜନଗହଳିପୂର୍ଣ୍ଣ ସ୍ଥାନରେ ବି ପ୍ରି-ପେଡ୍‌ ଅଟୋକୁ ୨୦ଜଣ ଯାତ୍ରୀ ମିଳିବା କଷ୍ଟକର ହୋଇପଡ଼ୁଛି। ଯାତ୍ରୀ ମିଳୁ ନଥିବାରୁ ଅଟୋଚାଳକମାନେ ମଧ୍ୟ ଏଥିରୁ ମୁହଁ ଫେରାଇ ନେଉଛନ୍ତି। ୨୪ଘଣ୍ଟା ସେବା ଯୋଗାଇବାର ବ୍ୟବସ୍ଥା ଥିଲେ ମଧ୍ୟ ସନ୍ଧ୍ୟାରେ କାଉଣ୍ଟର ବନ୍ଦ ରହୁଛି।
ଅନ୍ୟପକ୍ଷରେ ପିଙ୍କ୍‌ ଅଟୋରେ ଦେଖିବାକୁ ମିଳୁନାହାନ୍ତି ମହିଳା ଯାତ୍ରୀ। ମହିଳାଙ୍କ ପାଇଁ ଉଦ୍ଦିଷ୍ଚ ଅଟୋରେ ପୁରୁଷ ଯାତ୍ରୀ ଯାତାୟାତ କରୁଛନ୍ତି। ମହିଳାଙ୍କ ସୁରକ୍ଷା ଦିଗରେ ଆରମ୍ଭ ହୋଇଥିବା ଏହି ଅଟୋସେବା ବାଟବଣା ହୋଇଥିବାବେଳେ ରାଜଧାନୀରେ ଦିନକୁ ଦିନ ମହିଳାଙ୍କ ପ୍ରତି ଅସଦାଚରଣ ବଢୁଥିବା ପରିଲକ୍ଷିତ ହେଉଛି।


All Right Reserved By

ବଧୂହତ୍ୟା ଅଭିଯୋଗ, ସ୍ବାମୀ ଅଟକ

ପାଟପୁର,୨୧ା୮(ଡି.ଏନ.ଏ.): ସାନଖେମୁଣ୍ଡି ବ୍ଲକ ପାଟପୁର ଥାନା ଏସ.ଗୋପାଳପୁର କାଳୀମନ୍ଦିର ସାହିରେ ମଙ୍ଗଳବାର ରାତିରେ ଜଣେ ମହିଳାଙ୍କର ସନ୍ଦେହଜନକ ଭାବେ ମୃତ୍ୟୁ ହୋଇଛି। ସେ ହେଲେ ଏସ.ଗୋପାଳପୁର...

୮ ଶ୍ରେଣୀ ପାଇଁ ଲାଗୁ ହେବ ପାସ୍‌ ଫେଲ୍‌ ବ୍ୟବସ୍ଥା

ଭୁବନେଶ୍ୱର, ୨୩।୭(ବ୍ୟୁରୋ): ସ୍କୁଲ ଓ ଗଣଶିକ୍ଷା ବିଭାଗ ପକ୍ଷରୁ ଛାତ୍ରୀଛାତ୍ରଙ୍କ ପାଇଁ ନୂଆ ବ୍ୟବସ୍ଥା ଆସିବାକୁ ଯାଉଛି। ୨୦୦୯ ପୂର୍ବରୁ ଛାତ୍ରୀଛାତ୍ରମାନେ ବାର୍ଷିକ ପରୀକ୍ଷା ଦେଇ...

ପ୍ରକାଶ ପାଇଲା ସ୍ବତନ୍ତ୍ର ଓଜେଇଇ ରେଜଲ୍ଟ

ଭୁବନେଶ୍ୱର, ୨୫।୭(ବ୍ୟୁରୋ): ଗୁରୁବାର ସ୍ବତନ୍ତ୍ର ଓଜେଇଇ ରେଜଲ୍ଟ ପ୍ରକାଶ ପାଇଛି। ୧୪୬୨୭ ଜଣ ପରୀକ୍ଷାର୍ଥୀଙ୍କ ମଧ୍ୟରୁ ୧୪୬୨୨ ଜଣଙ୍କୁ ର଼୍ୟାଙ୍କ ମିଳିଛି। ବି.ଟେକରେ ରବୀନ୍ଦ୍ର ବେହେରା...

ଜୀବନ ଗଲା ପରେ ପ୍ରଶାସନର ଚେତା ପଶିଲା:ଭାରିଯାନ ଚଳାଚଳ ଉପରେ ଅଙ୍କୁଶ

ବନ୍ତ, ୯।୭ (ସ୍ବ.ପ୍ର.) – ଭଦ୍ରକ-ଆନନ୍ଦପୁର ୫୩ ନମ୍ବର ରାଜ୍ୟ ରାଜପଥରେ ରବିବାର ରାତିରେ ହାଇୱା ଚାପାରେ ଜଣେ ଯୁବକଙ୍କ ମୃତ୍ୟୁ ପରେ ପ୍ରଶାସନର ଚେତା...

୭ ଘଣ୍ଟା ସ୍ଥାନରେ ୩ ଘଣ୍ଟା କାମ କରୁଛନ୍ତି ସଫେଇ କର୍ମଚାରୀ: ପାର୍ବଣରେ ଅଳିଆ ଅନୁଗୋଳ ସହର

ଅନୁଗୋଳ ଅଫିସ, ୧୬ା୧୦-ଅନୁଗୋଳ ସହର ସଫେଇ ଦାୟିତ୍ୱ ନେଇଥିବା ଠିକା ସଂସ୍ଥାର କର୍ମଚାରୀ ଠିକ୍‌ ଭାବେ କାର୍ଯ୍ୟ କରୁନାହାନ୍ତି। ଏ ନେଇ ଠିକା ସଂସ୍ଥା ପକ୍ଷରୁ...

୧୮ ବର୍ଷରେ ଫିଲ୍ମ ମେକର – ଅନ୍ତର୍ଜାତୀୟ ସ୍ତରରେ ରାଜକିଶୋରଙ୍କ ‘ମାୟା’ ପ୍ରଶଂସିତ

ଭୁବନେଶ୍ୱର,୧୯।୪(ବ୍ୟୁରୋ)- ବୟସ ମାତ୍ର ୧୮ବର୍ଷ। ହେଲେ ପ୍ୟାଶନ ଫିଲ୍ମ ମେକିଂ। ଏତେ କମ୍‌ ବୟସରେ ଏକ ଡକ୍ୟୁମେଣ୍ଟାରୀ ଫିଲ୍ମ ନିର୍ମାଣ କରି ଚର୍ଚ୍ଚା ପରିସରକୁ ଆସିଛନ୍ତି...

ରାସ୍ତାକଡ଼ରେ ମହିଳାଙ୍କ ପ୍ରସବ ଘଟଣା :ତଦନ୍ତ କଲା ସ୍ବାସ୍ଥ୍ୟ ବିଭାଗ ସ୍ବତନ୍ତ୍ର ଟିମ୍‌

ବ୍ରହ୍ମପୁର ଅଫିସ୍‌,୨୭ା୮-ବ୍ରହ୍ମପୁର ସହର କୋର୍ଟପେଟା ଛକରେ ଗତ ୨୩ତାରିଖରେ କେ.ପାର୍ବତୀ ନାମ୍ନୀ ଜଣେ ମହିଳା ରାସ୍ତା କଡ଼ରେ ପ୍ରସବ କରିଥିଲେ। ପ୍ରସବ କରାଇ ମାନବିକତାର ପରିଚୟ...

ଘରଭଙ୍ଗା ତଦନ୍ତରେ ଅନିୟମିତତା: ତହସିଲ କାର୍ଯ୍ୟାଳୟ ଘେରିଲେ ବାତ୍ୟା ବିପନ୍ନ

ବାଲିଆ,୮।୬: ଫନୀ ବାତ୍ୟା ପ୍ରଭାବରେ ବିରିଡ଼ି ତହସିଲ ଅଞ୍ଚଳରେ ବହୁ ଲୋକଙ୍କ ଘର ଭାଙ୍ଗିଯାଇଥିଲେ ମଧ୍ୟ ଅଦ୍ୟାବଧି ସେମାନଙ୍କୁ ପଲିଥିନ୍‌ ଖଣ୍ଡେ ମିଳିପାରିଲା ନାହିଁ। ଏପରି...

selfi corner

Model This Week

Why Dharitri

Leave a comment

Your email address will not be published. Required fields are marked *