ଅଳିଆପକାକୁ ନେଇ ବିବାଦ: ଡ୍ରାଇଭରଙ୍କୁ ବାନ୍ଧିଲେ, ଗାଡ଼ି ଅଟକ ରଖିଲେ

ଅନୁଗୋଳ ଅଫିସ, ୧୨।୯- ଅନୁଗୋଳ ଜିଲା ମୁଖ୍ୟ ଚିକିତ୍ସାଳୟ କଲୋନୀ ପଛପଟେ ପୌରପାଳିକା ଟ୍ରାକ୍ଟର ଅଳିଆ ପକାଇବାକୁ ନେଇ ବୁଧବାର ସୃଷ୍ଟି ହୋଇଥିଲା ବିବାଦ। କଲୋନୀବାସୀ ଏହାକୁ ଦୃଢ଼ ବିରୋଧ କରିବା ସହ ଟ୍ରାକ୍ଟର ଚାଳକଙ୍କୁ ବାନ୍ଧି ଗାଡ଼ିକୁ ଅଟକ ରଖିଥିଲେ। ହେଲେ ଉକ୍ତ ଅଳିଆ ପୌରପାଳିକା ପକ୍ଷରୁ ପଠାଯାଇ ନାହିଁ ବୋଲି ଜଣାପଡ଼ିବା ପରେ କଲୋନୀବାସୀ ଆଶ୍ଚର୍ଯ୍ୟ ହୋଇଯାଇଥିଲେ। ଅର୍ଥ ଲୋଭରେ ଏକ ଘରୋଇ ଆପାର୍ଟମେଣ୍ଟରୁ ବେଆଇନ ଭାବେ ଅଳିଆ ଉଠାଇ ପକାଇବାକୁ ନେଇଥିବା ଟ୍ରାକ୍ଟର ଚାଳକ ସ୍ବୀକାର କରିବା ସହ ଭୁଲ ମାଗିବା ପରେ କଲୋନୀବାସୀ ତାଙ୍କୁ ଛାଡ଼ି ଦେଇଥିଲେ। ଏ ନେଇ ଜିଲାପାଳଙ୍କୁ ଅବଗତ କରାଯିବ ବୋଲି ଏଡିଏମ୍‌ଓ ଲକ୍ଷ୍ମୀନାରାୟଣ ବିଶୋଇ କହିଛନ୍ତି।
ବୁଧବାର ଅପରାହ୍ନରେ ଏକ ଟ୍ରାକ୍ଟର (ନଂ. ଓଡି୧୯ଜି-୫୮୮୦) ଅଳିଆ ଧରି ମେଡିକାଲ କଲୋନୀ ପଛରେ ପହଞ୍ଚତ୍ ଗଦେଇବା ଆରମ୍ଭ କରିଥିଲା। ଏହା ଦେଖି କଲୋନୀବାସୀ ବିରୋଧ କରିଥିଲେ ମଧ୍ୟ ଚାଳକ ପ୍ରତାପ ଗୋଚ୍ଛାୟତ ଶୁଣି ନ ଥିଲେ। ଏଥିରେ ଉତ୍ତ୍ୟକ୍ତ ହୋଇ ନୂଆ କଲୋନୀବାସୀ ପାଚେରି ଡେଇଁ ଟ୍ରାକ୍ଟର ପାଖକୁ ମାଡ଼ି ଯାଇଥିଲେ। ପ୍ରଶାସନ ଏଠାରେ ଅଳିଆ ପକାଇବା ବନ୍ଦ କରିଥିବାବେଳେ କାହିଁକି ପକାଯାଉଛି ବୋଲି ପ୍ରଶ୍ନ କରିବା ସହ ଚାଳକଙ୍କୁ ବାନ୍ଧି ପକାଇ ଗାଡ଼ି ଅଟକ ରଖିଥିଲେ। ପରେ କଲୋନୀବାସୀ ପୌରପାଳିକା ଅଫିସକୁ ଫୋନ୍‌ କରିଥିଲେ। ପୌର କର୍ତ୍ତୃପକ୍ଷ ସେଠାକୁ କୌଣସି ଅଳିଆ ପଠାଯାଇ ନ ଥିବା କହିବା ପରେ ଚାଳକ ଜଣକ ଗାନ୍ଧୀମାର୍ଗ ସ୍ଥିତ ଏକ ଆପାର୍ଟମେଣ୍ଟରୁ ୮ଶହ ଟଙ୍କା ଭଡ଼ାରେ ଅଳିଆ ଧରି ଆସିଥିବା ସ୍ବୀକାର କରିଥିଲେ।
ଏ ନେଇ ପୌରପାଳିକା ପରିମଳ ବିଭାଗ ଅଧିକାରୀ ଆଶିଷ କୁମାର ଦାସ କିଛି ଜାଣି ନ ଥିବା କହିଛନ୍ତି। ଅନୁଗୋଳ ଭାରପ୍ରାପ୍ତ କାର୍ଯ୍ୟନିର୍ବାହୀ ଅଧିକାରୀ ସୀମାଞ୍ଚଳ ମିଶ୍ର କହିଛନ୍ତି, ୪ ଦିନ ହେବ ଅଳିଆ ବୋଝେଇ ହୋଇଥିବା ଗାଡ଼ିରୁ ଆବର୍ଜନା ନେଇ ସକାଳେ ଅନ୍ୟତ୍ର ପକାଯାଇଥିଲା। ଏହାପରେ ପୌରପାଳିକା ଗାଡ଼ିକୁ ଆଉ କୌଣସି ସ୍ଥାନରେ ନିୟୋଜିତ କରାଯାଇ ନ ଥିଲା। କିଏ ଓ କାହିଁକି ଗାଡ଼ି ନେଇ ସେଠାକୁ ଗଲା ସେ ସମ୍ପର୍କରେ କିଛି ଜଣାନାହିଁ। ଅନୁଗୋଳ ଏଡିଏମ୍‌ଓ ବିଶୋଇ କହିଛନ୍ତି, କଲୋନୀ ପଛରେ ଥିବା ସ୍ଥାନରେ ପୌରପାଳିକା ପକ୍ଷରୁ ପୂର୍ବରୁ ଅଳିଆ ପକାଯାଉଥିଲା। ଏ ନେଇ ଜିଲା ପ୍ରଶାସନକୁ ଅବଗତ କରିବା ପରେ ଅଳିଆ ପକାଯାଉ ନ ଥିଲା। ଘଟଣା ସମ୍ପର୍କରେ ଦାୟିତ୍ୱରେ ଥିବା ନିର୍ବାହୀ ଅଧିକାରୀଙ୍କ ସହ ଆଲୋଚନା କରାଯାଇଛି। ଜିଲାପାଳଙ୍କୁ ମଧ୍ୟ ଅବଗତ କରାଯିବ ବୋଲି ବିଶୋଇ କହିଛନ୍ତି।


All Right Reserved By Dharitri.Com

ଏମ୍‌ସିସି ସେଣ୍ଟର ଦେଖିଲେ ଯୁଗ୍ମ ସଚିବ: ଆହାର କେନ୍ଦ୍ର ପରିମଳ ଅବ୍ୟବସ୍ଥା ଦେଖି ଖପ୍ପା

ଅନୁଗୋଳ ଅଫିସ, ୧୪।୯ – ରାଜ୍ୟ ଗୃହ ଓ ନଗର ଉନ୍ନୟନ ବିଭାଗ ଯୁଗ୍ମ ଶାସନ ସଚିବ ଦୁର୍ଗା ପ୍ରସାଦ ମହାପାତ୍ର ଶୁକ୍ରବାର ଅନୁଗୋଳ ଗସ୍ତରେ...

ଉନ୍ନତି, ଉପକୃତଙ୍କ ସମ୍ପର୍କରେ ମାଗିଲେ ରିପୋର୍ଟ

ଅନୁଗୋଳ ଅଫିସ/କଣିହଁ।, ୧୧।୧ – ସାମାଜିକ ନିରାପତ୍ତା ଓ ଭିନ୍ନକ୍ଷମ ସଶକ୍ତୀକରଣ କମିଶନର ତଥା ସଚିବ ଭାସ୍କର ଜ୍ୟୋତି ଶର୍ମା ଅନୁଗୋଳ ଗସ୍ତର ଦ୍ୱିତୀୟ ଦିନରେ...

ଆବାସ ଯୋଜନାରେ ଅନିୟମିତତା ଅଭିଯୋଗ: ତଦନ୍ତ ଦାବି କଲେ ହିତାଧିକାରୀ

ଛେଣ୍ଡିପଦା, ୧୨ା୧୦ (ସ୍ବ.ପ୍ର.) – ଅନୁଗୋଳ ଜିଲା ଛେଣ୍ଡିପଦା ବ୍ଲକରେ ଆବାସ ଯୋଜନାରେ ବ୍ୟାପକ ଅନିୟମିତତା ହୋଇଥିବା ଅଭିଯୋଗ ଆଣିଛନ୍ତି ହିତାଧିକାରୀ। ଏ ନେଇ ଶୁକ୍ରବାର...

କାର୍ଯ୍ୟାଦେଶ ଦେଇ ନିର୍ମାଣ ବନ୍ଦ କରାଉଛନ୍ତି ଅଧିକାରୀ: ଜିଲାପାଳଙ୍କୁ ଫେରାଦ ହେଲେ ଟୁଲୁକା ଗ୍ରାମବାସୀ

ଅନୁଗୋଳ ଅଫିସ, ୨୭।୧୧- ଅନୁଗୋଳ ବ୍ଲକ ପୁରୁଣାକୋଟ ପଞ୍ଚାୟତର ଟୁଲୁକା ଗ୍ରାମବାସୀ ମଙ୍ଗଳବାର ଜିଲାପାଳଙ୍କ ଦ୍ୱାରସ୍ଥ ହୋଇ ସରକାରୀ ଅଧିକାରୀମାନେ ସେମାନଙ୍କୁ ଠକି ଦେଇଥିବା ଅଭିଯୋଗ...

ବନ୍ତଳା ଷ୍ଟେଟ୍‌ ବ୍ୟାଙ୍କ ଶାଖାରେ ଡକାୟତି

ଅନୁଗୋଳ ଅଫିସ,୧୭।୨: ଅନୁଗୋଳ ଜିଲା ବନ୍ତଳା ଥାନା ଭାରତୀୟ ଷ୍ଟେଟ୍‌ ବ୍ୟାଙ୍କ ବନ୍ତଳା ଶାଖାରେ ରବିବାର ରାତିରେ ଡକାୟତି ହୋଇଛି। ବ୍ୟାଙ୍କ ମ୍ୟାନେଜର କାର୍ଯ୍ୟାଳୟ ଗୃହ...

ଆକ୍ରମଣ ଅଭିଯୁକ୍ତ ଗିରଫ

ତାଳଚେର,୪ା୧୧(ନି.ପ୍ର.)- ତାଳଚେର ସୁରକ୍ଷା ମଞ୍ଚ ସଭାପତି ମୁରଲୀଧର ସାହୁଙ୍କୁ ମରଣାନ୍ତକ ଆକ୍ରମଣ ଅଭିଯୋଗରେ କଲିୟାରୀ ପୋଲିସ ତାଳଚେର ବ୍ଲକ ଘଣ୍ଟପଡା ଗ୍ରାମର ଅବିନାଶ ସାହୁଙ୍କୁ ରବିବାର...

ତାମଡା ପକ୍ଷରୁ ଜିଲାପାଳଙ୍କୁ ଦିଆଗଲା ରିପୋର୍ଟ

ଅନୁଗୋଳ ସହର, ୪।୨ ଅନୁଗୋଳ ସହର ହୁଲୁରିସିଂହାଠାରେ ନିର୍ମାଣ ହେଉଥିବା ଏକ ଆପାର୍ଟମେଣ୍ଟକୁ ନେଇ ଅଭିଯୋଗ ଆସିବା ପରେ ତାଳଚେର-ଅନୁଗୋଳ-ମେରାମଣ୍ଡଳି ଉନ୍ନୟନ କର୍ତ୍ତୃପକ୍ଷ (ତାମଡା)ଙ୍କ ପକ୍ଷରୁ...

ଟ୍ରକ-ପିକ୍‌ଅପ ଭ୍ୟାନ ମଧ୍ୟରେ ଧକ୍କା: ୨ ମୃତ

ଛେଣ୍ତିପଦା,୧୬।୧୦(ସ୍ବ.ପ୍ର): ଅନୁଗୋଳ ଜିଲା ଜରପଡା ଥାନା ଅନୁଗୋଳ-ସମ୍ବଲପୁର ୫୫ ନଂମ୍ବର ଜାତୀୟ ରାଜପଥର ମୁଣ୍ତା ସାହି ନିକଟରେ ବୁଧବାର ସକାଳ ୫ଟା ବେଳେ ଟ୍ରକ-ପିକ୍‌ଅପ ଭ୍ୟାନ...

Leave a comment

Your email address will not be published. Required fields are marked *