‘ଜଙ୍ଗଲରୁ ଆଦିବାସୀଙ୍କୁ ତଡ଼ିବାକୁ ଷଡ଼ଯନ୍ତ୍ର ଚାଲିଛି’

ବ୍ରହ୍ମପୁର ଅଫିସ୍‌, ୧୨ା୯-ଦେଶର ୧୧ ଲକ୍ଷରୁ ଊର୍ଦ୍ଧ୍ୱ ଆଦିବାସୀ ଓ ବନଜୀବୀଙ୍କୁ ଜଙ୍ଗଲ ଜମିରୁ ଉଚ୍ଛେଦର ଉଦ୍ୟମ ତଥା ଭାରତୀୟ ଜଙ୍ଗଲ ଆଇନ -୧୯୨୭ରେ ପ୍ରସ୍ତାବିତ ସଂଶୋଧନକୁ ତୀବ୍ର ବିରୋଧ କରିଛି ଅଖିଳ ଭାରତ କିଷାନ୍‌ ମଜଦୁର ସଭା(ଏଆଇକେଏମ୍‌ଏସ୍‌)। ବୁଧବାର ସଂଗଠନର ନେତୃତ୍ୱରେ ଗଞ୍ଜାମ, କନ୍ଧମାଳ ଏବଂ ଗଜପତି ଜିଲାର ବହୁ ଆଦିବାସୀ ଦକ୍ଷିଣାଞ୍ଚଳ ରାଜସ୍ବ କମିଶନରଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିବା ସହ ସଂଶୋଧନ ବିରୋଧରେ ରାଷ୍ଟ୍ରପତିଙ୍କୁ ସ୍ମାରକପତ୍ର ପ୍ରଦାନ କରିଛନ୍ତି। ଜଙ୍ଗଲରୁ ଆଦିବାସୀଙ୍କୁ ତଡ଼ିବାକୁ ଷଡ଼ଯନ୍ତ୍ର ଚାଲିଛି। ଯଦି ଏଭଳି ହୁଏ, ଭୟଙ୍କର ଆଇନ୍‌ ଶୃଙ୍ଖଳା ପରିସ୍ଥିତି ସୃଷ୍ଟି ହେବା ସମ୍ଭାବନା ରହିଛି ବୋଲି ସଂଗଠନ ଚେତାଇ ଦେଇଛି।
ପୁରୁଷ ପୁରୁଷ ଧରି ଜଙ୍ଗଲ ଉପରେ ନିର୍ଭର କରି ଆସୁଥିବା ଦେଶର ପ୍ରାୟ ପନ୍ଦର କୋଟି ଆଦିବାସୀ ଓ ଅନ୍ୟାନ୍ୟ ପାରମ୍ପରିକ ବନଜୀବୀଙ୍କୁ ଆଇନଗତ ଅଧିକାର ଦେବା ଉଦ୍ଦେଶ୍ୟରେ ୨୦୦୬ରେ ଯେଉଁ ଜଙ୍ଗଲ ଅଧିକାର ଆଇନ ପ୍ରଣୟନ ହୋଇଥିଲା, ତାହା ଠିକ୍‌ ଭାବେ କାର୍ଯ୍ୟକାରୀ ହେଉନି। ଏଥିରେ ଜଙ୍ଗଲ ଉପରେ ଲୋକଙ୍କ ବ୍ୟକ୍ତିଗତ ଅଧିକାର, ସାମୂହିକ ଅଧିକାର, ଗୋଷ୍ଠୀ ଜଙ୍ଗଲ ଅଧିକାର, ସାଂସ୍କୃତିକ ଅଧିକାର, ପ୍ରାକୃତିକ ବାସସ୍ଥାନ ଅଧିକାର ଆଦି ଅନେକ ଅଧିକାର ଥିଲେ ବି ସରକାର କେବଳ ମାତ୍ର କିଛି ଡ଼େସିମିଲ ଜମି ଉପରେ ବ୍ୟକ୍ତିଗତ ପଟ୍ଟା ଦେଇ ନିଜର ଦାୟିତ୍ୱରୁ ଓହରିଯାଉଛନ୍ତି। ବର୍ଷ ବର୍ଷ ଧରି ଲୋକେ ଆବେଦନ କରିଥିବା ପଟ୍ଟା ଦରଖାସ୍ତ ଉପରେ କାର୍ଯ୍ୟାନୁଷ୍ଠାନ ହେଉ ନ ଥିବା ବେଳେ ବିଭିନ୍ନ ଆଳରେ ମନଇଚ୍ଛା ଦରଖାସ୍ତକୁ ଖାରଜ କରି ଦିଆଯାଉଛି। ଖଣି ଓ କାରଖାନାର ସମ୍ଭାବନା ଥିବା ଜଙ୍ଗଲ ଜମିରେ ଜାଣିଶୁଣି ଲୋକଙ୍କୁ ପଟ୍ଟା ଦିଆଯାଉନି। ରାଜ୍ୟ ସରକାରଙ୍କ ଜନବିରୋଧୀ କାର୍ଯ୍ୟ ଲାଗି ତଥା କେନ୍ଦ୍ରର ମୋଦି ସରକାରର ଷଡ଼ଯନ୍ତ୍ରମୂଳକ ଭୂମିକା ଲାଗି ନିକଟ ଅତୀତରେ ସୁପ୍ରିମକୋର୍ଟ ଜଙ୍ଗଲ ଜମିରୁ ଆବେଦନ ଖାରଜ ହୋଇଥିବା ପ୍ରାୟ ୧୧ ଲକ୍ଷ ପରିବାରଙ୍କୁ ଜଙ୍ଗଲ ଜମିରୁ ଉଚ୍ଛେଦ କରିବାକୁ ନିର୍ଦ୍ଦେଶ ଦେଇଛନ୍ତି। ଏଭଳି ଜନ ବିରୋଧୀ ନିଷ୍ପତ୍ତିକୁ କାର୍ଯ୍ୟକାରୀ କରିବାକୁ ଯେ କୌଣସି ଉଦ୍ୟମକୁ ତୀବ୍ର ବିରୋଧ କରାଯିବ ବୋଲି ବିକ୍ଷୋଭ ବେଳେ ଆଦିବାସୀମାନେ ଚେତାବନୀ ଦେଇଛନ୍ତି। କର୍ପୋରେଟ୍‌ମାନଙ୍କ ସ୍ବାର୍ଥରେ ଦେଶର ଅନେକ ଜନ ସପକ୍ଷବାଦୀ ଆଇନକୁ ସଂଶୋଧନ କରି ଆସିଥିବା କେନ୍ଦ୍ରର ମୋଦି ସରକାର ଇତି ମଧ୍ୟରେ ଭାରତୀୟ ଜଙ୍ଗଲ ଆଇନ – ୧୯୨୭କୁ ସଂଶୋଧନ କରିବାକୁ ଉଦ୍ୟମ ଆରମ୍ଭ କରିଛନ୍ତି। ଏହା ଆଦିବାସୀ ଓ ବନଜୀବୀଙ୍କୁ ଦମନ କରିବାକୁ ଜଙ୍ଗଲ କର୍ମଚାରୀମାନଙ୍କୁ ଅଧିକ କ୍ଷମତା ଦେବ ଏବଂ ଲୋକଙ୍କ ଜଙ୍ଗଲ ଉପରେ ଥିବା ଅଧିକାରକୁ ଛଡ଼େଇ ନେବ। ଏଥିରେ ଜଙ୍ଗଲ ରକ୍ଷା ନଁାରେ ସମସ୍ତ ଜଙ୍ଗଲ କର୍ମଚାରୀଙ୍କୁ ଆଗ୍ନେୟାସ୍ତ୍ର ଯୋଗାଇବାକୁ ତଥା ଯେତେବେଳେ ଚାହିଁଲେ ସେମାନେ ଲୋକଙ୍କ ଉପରେ ଗୁଳି ଚଳେଇବାକୁ ଅଧିକାର ଦେଉଛି। ଏପରିକି ଗୁଳି ଚଳାଇଥିବା କର୍ମଚାରୀଙ୍କୁ ଆଇନଗତ ଭାବେ ସୁରକ୍ଷିତ କରିବାକୁ ଏଥିରେ ବ୍ୟବସ୍ଥା ରହିଛି। ଏହା ସହିତ ସରକାର ଚାହିଁଲେ ଜଙ୍ଗଲ ଅଧିକାର ଆଇନ – ୨୦୦୬ରେ ଲୋକଙ୍କୁ ଦେଇଥିବା ଜଙ୍ଗଲ ପଟ୍ଟା ଓ ସ୍ବୀକୃତିକୁ ମଧ୍ୟ ପ୍ରତ୍ୟାହାର କରିବାକୁ ଯେଉଁ ବ୍ୟବସ୍ଥା ରହିଛି ତାହା ଜଙ୍ଗଲ ଅଧିକାର ଆଇନର ସମ୍ପୂର୍ଣ୍ଣ ଉଲ୍ଲଂଘନ ବୋଲି ନେତାମାନେ କହିଥିଲେ। କେନ୍ଦ୍ର ଓ ରାଜ୍ୟ ସରକାରଙ୍କ ଉପରୋକ୍ତ ଜନ ବିରୋଧୀ ପଦକ୍ଷେପ ବିରୋଧରେ ତୀବ୍ର ଆନ୍ଦୋଳନ କରାଯିବ ବୋଲି ସଂଗଠନର ରାଜ୍ୟ ଉପସଭାପତି କୁଶନାଥ ପ୍ରଧାନଙ୍କ ଅଧ୍ୟକ୍ଷତାରେ ଆୟୋଜିତ ସଭାରେ ଜାତୀୟ ସମ୍ପାଦକ ଭାଲ ଚନ୍ଦ୍ର ଷଡଙ୍ଗୀଙ୍କ ସମେତ ରାଜ୍ୟ ସମ୍ପାଦକ ପ୍ରତାପ ନାୟକ, ଗଜପତି ଜିଲା ସମ୍ପାଦକ କେଦାର ଶବର, ଚାଷୀ ନେତା ଲଡ଼ୁ କିଶୋର ଡ଼ାକୁଆ, ରାଜ୍ୟ କମିଟି ସଭ୍ୟ ରଘୁନାଥ ନାୟକ, ଆଦିବାସୀ ନେତା କାଡ଼ୁକା ଶବର, ରାଜା ସୁରେଶ, କାରୁକା ଶବର, ମଙ୍ଗଳା ମଳିକ, ମୁରଲୀ ଶବର ଓ ଅର୍ଜୁନ ଗମାଙ୍ଗ ପ୍ରମୁଖ ପ୍ରକାଶ କରିଥିଲେ।


All Right Reserved By Dharitri.Com

ଏମ୍‌କେସିଜି ପଥ୍ୟ ବିଭାଗ ପଙ୍ଗୁ

ବ୍ରହ୍ମପୁର ଅଫିସ,୨୩ା୧୨-ବ୍ରହ୍ମପୁର ମେଡିକାଲକୁ ଦକ୍ଷିଣ ଓଡ଼ିଶା ସମେତ ଆନ୍ଧ୍ରପ୍ରଦେଶ, ଖୋର୍ଦ୍ଧା ଓ ପୁରୀ ଜିଲାରୁ ପ୍ରତିଦିନ ରୋଗୀ ଆସିଥାନ୍ତି। ଏମାନଙ୍କୁ ଉତ୍ତମ ସେବା ଯୋଗାଇଦେବା ସହ...

ପରାଜୟର ମାନସ ମନ୍ଥନ କଲା ଗଞ୍ଜାମ କଂଗ୍ରେସ

ବ୍ରହ୍ମପୁର ଅଫିସ,୨୪ା୬-ସାଧାରଣ ନିର୍ବାଚନର ଅଢ଼େଇ ମାସ ଓ ଫଳାଫଳ ଘୋଷଣାର ମାସେ ପୂରିବା ଦିନ ରବିବାର ଦଳର ଶୋଚନୀୟ ପରାଜୟ ନେଇ ମାନସ ମନ୍ଥନ କରିଛି...

ବିଦେଶୀ ମଦ ଜବତ: ୨ଗିରଫ

ଦିଗପହଣ୍ଡି,୫।୯(ଡି.ଏନ.ଏ.):ଦିଗପହଣ୍ଡି ପୋଲିସ ଡେଙ୍ଗା ଓସ୍ତା ଗ୍ରାମର ମଦ ବିକ୍ରେତା ବାଳକୃଷ୍ଣ ବିଷୋୟୀ ଏବଂ ଧର୍ମପୁର ଗ୍ରାମର ଏସ. ବିଷ୍ଣୁ ଦୋରାଙ୍କୁ ଗିରଫ କରି ଗୁରୁବାର କୋର୍ଟ...

ଠାକୁରାଣୀ ଯାତ୍ରା ଲାଗି ପୁରୁଷୋତ୍ତମପୁର ଉତ୍ସବମୁଖର

ପୁରୁଷୋତ୍ତମପୁର,୨୮।୫(ଡି.ଏନ୍‌.ଏ.)- ପୁରୁଷୋତ୍ତମପୁରରେ ଚାଲିଥିବା ପଞ୍ଚ ଠାକୁରାଣୀଙ୍କ ଦ୍ୱିବାର୍ଷିକ ଯାତ୍ରା ମଙ୍ଗଳବାର ୧୬ଦିନରେ ପହଞ୍ଚତ୍ଛି। ପ୍ରତ୍ୟେକଦିନ ସନ୍ଧ୍ୟାରେ ମା’ ପଞ୍ଚ ଠାକୁରାଣୀ (କନକା, କାଳୁଆ, ତାରା ତାରିଣୀ,...

ଦୁର୍ଘଟଣାରେ ୨ ଟ୍ରକ୍‌ ଚାଳକ ମୃତ

ଛତ୍ରପୁର,୧୫ା୧(ଡି.ଏନ୍‌.ଏ.)-ଛତ୍ରପୁରର ସତ୍ୟବାଦୀ ନଗର -ଏକାମ୍ର ନଗର ନିକଟ ଜାତୀୟ ରାଜପଥରେ ମଙ୍ଗଳବାର ରାତିରେ ଏକ ଟ୍ରକ୍‌କୁ ଅନ୍ୟ ଏକ ଟ୍ରକ୍‌ ପଛରୁ ଧକ୍କା ଦେବା ଫଳରେ...

ଜିଲାପାଳ, ଆରଟିଓ ଅଫିସକୁ ବ୍ରହ୍ମପୁର ସ୍ଥାନାନ୍ତର ଦାବି

ବ୍ରହ୍ମପୁର ଅଫିସ,୫ା୧୦-ଗଞ୍ଜାମ ଜିଲା ସଦର ମହକୁମା ତଥା ଜିଲାପାଳଙ୍କ କାର୍ଯ୍ୟାଳୟ ଓ ଜିଲା ପରିବହନ କାର୍ଯ୍ୟାଳୟ(ଆରଟିଓ)କୁ ବ୍ରହ୍ମପୁରକୁ ସ୍ଥାନାନ୍ତର କରିବାକୁ ଦାବି କରିଛି ଭାରତୀୟ ବିକାଶ...

ବଜ୍ରପାତରେ ୨୭ ଗୋରୁ, ୯ ମେଣ୍ଢା ମୃତ

ଦିଗପହଣ୍ଡି/ପାତ୍ରପୁର,୯ା୬ (ଡି.ଏନ.ଏ.) -ଗଞ୍ଜାମ ଜିଲାର ବିଭିନ୍ନ ସ୍ଥାନରେ ଶନିବାର ବଜ୍ରପାତରେ ୨୭ ଗୋରୁଙ୍କ ମୃତ୍ୟୁ ହୋଇଥିବାବେଳେ ୯ ମେଣ୍ଢାଙ୍କ ମୃତ୍ୟୁ ଘଟିଛି। ଦିଗପହଣ୍ଡି ବ୍ଲକ ଭ୍ରମରପୁର...

ବିଭିନ୍ନ ଦାବି ନେଇ ଗର୍ଜିଲା ମୋଟର ଚାଳକ ସଂଘ: ତହସିଲଦାରଙ୍କୁ ଦାବିପତ୍ର ପ୍ରଦାନ

ଗଞ୍ଜାମ,୧୮।୫(ଡି.ଏନ୍‌.ଏ.): ଅସଙ୍ଗଠିତ ମୋଟର ଚାଳକଙ୍କ ମୌଳିକ ସମସ୍ୟା ନେଇ ଶନିବାର ଗଞ୍ଜାମ ଶାଖା ମୋଟର ଚାଳକ ସଂଘ ପକ୍ଷରୁ ତହସିଲଦାରଙ୍କୁ ୫ ଦଫା ଦାବିପତ୍ର ପ୍ରଦାନ...

Leave a comment

Your email address will not be published. Required fields are marked *