Posted inଖେଳ

ଆଶେସ ପଞ୍ଚମ ଟେଷ୍ଟ : ସିରିଜ୍‌ ବିଜୟ ଲକ୍ଷ୍ୟରେ ଅଷ୍ଟ୍ରେଲିଆ

ଲଣ୍ଡନ,୧୨।୯(ଏଏଫ୍‌ପି)- ସ୍ଥାନୀୟ କେନିଂଟନ ଓଭାଲ ଗ୍ରାଉଣ୍ଡରେ ଦୁଇ ପାରମ୍ପରିକ ପ୍ରତିଦ୍ୱନ୍ଦ୍ୱୀ ଇଂଲଣ୍ଡ ଓ ଭ୍ରମଣକାରୀ ଅଷ୍ଟ୍ରେଲିଆ ମଧ୍ୟରେ ଚଳିତ ଆଶେସର ପଞ୍ଚମ ତଥା ଅନ୍ତିମ ମ୍ୟାଚ୍‌ ଆରମ୍ଭ ହେବ। ଗୁରୁବାରଠାରୁ ଆରମ୍ଭ ହେବାକୁ ଥିବା ଏହି ମ୍ୟାଚ୍‌ ଉଭୟ ଦଳ ପାଇଁ ବିଶେଷ ଭାବେ ଗୁରୁତ୍ୱ ବହନ କରୁଛି। ଟିମ୍‌ ପେନ୍‌ଙ୍କ ନେତୃତ୍ୱାଧୀନ ଅଷ୍ଟ୍ରେଲିଆ ସିରିଜରେ ୨-୧ରେ ଅଗ୍ରଣୀ ରହିଛି। ଫଳରେ ସିରିଜ ଜିତିବା ପାଇଁ ଅଷ୍ଟ୍ରେଲିଆକୁ ଏହି ମ୍ୟାଚ୍‌ରେ ବିଜୟୀ ହେବା ଜରୁରୀ ହୋଇ ପଡିଛି। ଅନ୍ତିମ ମ୍ୟାଚ୍‌ ଜିତିଲେ ଅଷ୍ଟ୍ରେଲିଆ ୨୦୦୧ ପରେ ପ୍ରଥମ ଥର ପାଇଁ ଇଂଲଣ୍ଡ ମାଟିରେ ଆଶେସ୍‌ ଜିତିବାର ଗୌରବ ଅର୍ଜନ କରିବ। ଅନ୍ୟପଟେ ଘରୋଇ ଇଂଲଣ୍ଡ ଏହି ମ୍ୟାଚ୍‌ରେ ବିଜୟୀ ହୋଇ ସିରିଜକୁ ସମାନସ୍ତରରେ ବରାବର ରଖି ୨-୨ରେ ଡ୍ର ରଖିବାକୁ ଚେଷ୍ଟା କରିବ।
ପୂର୍ବତନ ଅଷ୍ଟ୍ରେଲୀୟ ଅଧିନାୟକ ତଥା ଅଭିଜ୍ଞ ବ୍ୟାଟ୍ସମ୍ୟାନ ଷ୍ଟିଭ୍‌ ସ୍ମିଥ୍‌ ଜବରଦସ୍ତ ଫର୍ମରେ ରହିଛନ୍ତି। ଚଳିତ ସିରିଜ୍‌ରେ ଏପର୍ଯ୍ୟନ୍ତ ସେ ୫ଟି ଇନିଂସରୁ ୧୩୪ ରନ ଆଭରେଜ୍‌ରେ ୬୭୧ ରନ ସଂଗ୍ରହ କରି ଇଂଲଣ୍ଡ ପାଇଁ ସମସ୍ୟା ସୃଷ୍ଟି କରିଛନ୍ତି। ଅନ୍ତର୍ଜାତୀୟ କ୍ରିକେଟ କାଉନସିଲ (ଆଇସିସି) ର଼୍ୟାଙ୍କିଙ୍ଗ୍‌ରେ ସ୍ମିଥ୍‌ ଏବେ ଶୀର୍ଷରେ ରହିଛନ୍ତି। ଏପର୍ଯ୍ୟନ୍ତ ସେ ୩ଟି ଶତକ ହାସଲ କରିବା ସହ ଗୋଟିଏ ଦୁଇଟି ଅର୍ଦ୍ଧଶତକ ମଧ୍ୟ ହାସଲ କରିଛନ୍ତି। ଏଥିରେ ଗୋଟିଏ ଦ୍ୱିଶତକ ସାମିଲ ରହିଛି। ସ୍ମିଥ୍‌ଙ୍କୁ ବାଦ୍‌ ଦେଲେ ମାର୍ନସ ଲାବୁସ୍କାନ ବ୍ୟାଟିଂରେ ସ୍ଥିର ପ୍ରଦର୍ଶନ କରିଛନ୍ତି। ବଲ୍‌ ଟ୍ୟାମ୍ପରିଂ ମାମଲାରେ ୧୨ ମାସ ବାସନ୍ଦର ସମ୍ମୁଖୀନ ହୋଇ ପ୍ରତ୍ୟାବର୍ତ୍ତନ କରିବା ପରେ ସ୍ମିଥ୍‌ଙ୍କ ପ୍ରଦର୍ଶନ ଆହୁରି ଉନ୍ନତ ହୋଇଛି। ଇଂଲଣ୍ଡ ଯୁବ ଦ୍ରୁତ ବୋଲର ଜୋଫ୍ରା ଆର୍ଚରଙ୍କ ବାଉନ୍ସର ଦ୍ୱାରା ଆହତ ହେବା କାରଣରୁ ସେ ୩ଟି ଇନିଂସ ଖେଳିପାରି ନ ଥିଲେ ମଧ୍ୟ ତାଙ୍କର ରନ୍‌ ସଂଗ୍ରହ ହାର କମିନାହିଁ। ଯଦି ସେ ପୂରା ସିରିଜ ଖେଳିଥାନ୍ତେ ତାହାଲେ ଡନ୍‌ ବ୍ରାଡମ୍ୟାନ ୧୯୩୦ରେ ହାସଲ କରିଥିବା ୯୭୪ ରନ ରେକର୍ଡର ନିକଟବର୍ତ୍ତୀ ହୋଇଥାନ୍ତେ।
ଅଷ୍ଟ୍ରେଲୀୟ ଦ୍ରୁତ ବୋଲରମାନେ ମଧ୍ୟ ଏହି ସିରିଜ୍‌ରେ ବେଶ୍‌ ପ୍ରଭାବୀ ସାବ୍ୟସ୍ତ ହୋଇଛନ୍ତି। ଜୋଶ ହାଜେଲଉଡ ଓ ବିଶ୍ୱର ୧ ନମ୍ବର ଦ୍ରୁତ ବୋଳର ପ୍ୟାଟ୍‌ କୁମିନ୍ସ ମିଳିତ ଭାବେ ଏପର୍ଯ୍ୟନ୍ତ ସିରିଜ୍‌ରେ ୪୨ଟି ଉଇକେଟ ମିଳିତ ଭାବେ ଅକ୍ତିଆର କରିଛନ୍ତି। ଅଷ୍ଟ୍ରେଲିଆ କୋଚ୍‌ ଜଷ୍ଟିନ୍‌ ଲାଙ୍ଗର ଦଳର ବ୍ୟାଟ୍ସମ୍ୟାନଙ୍କୁ ଆହୁରି ଭଲ ପ୍ରଦର୍ଶନ କରିବାକୁ ପ୍ରୟାସ ଜାରି ରଖିବାକୁ କହିଛନ୍ତି। ସ୍ମିଥ୍‌ଙ୍କ ପ୍ରଦର୍ଶନକୁ ସେ ପ୍ରଶଂସା କରିଛନ୍ତି। ଏଭଳି ବ୍ୟାଟିଂ ପୂର୍ବରୁ କେବେ ଦେଖିନାହିଁ ବୋଲି ସେ କହିଛନ୍ତି। ଏହା ସତ୍ତ୍ୱେ ସେ ଆହୁରି ଭଲ ପ୍ରଦର୍ଶନ କରିବାକୁ ବ୍ୟାଟ୍ସମ୍ୟାନଙ୍କୁ କହିଛନ୍ତି। ଅଭିଜ୍ଞ ହୁଅନ୍ତୁ କିମ୍ବା ଅନଭିଜ୍ଞ ହୁଅନ୍ତୁ ମ୍ୟାଚ୍‌ ଜିତିବାକୁ ହେଲେ ସମସ୍ତଙ୍କୁ ଭଲ ଖେଳିବାକୁ ପଡିବ।
ଅପରପକ୍ଷରେ ଇଂଲଣ୍ଡ ଅଧିନାୟକ ଜୋ ରୁଟ୍‌ ତାଙ୍କ ଦଳକୁ ଭଲ ପ୍ରଦର୍ଶନ କରିବା ପାଇଁ ଉତ୍ସାହିତ କରିବା ଆବଶ୍ୟକ। ଦିନିକିଆ ବିଶ୍ୱକପ୍‌ରେ ପ୍ରଥମଥର ପାଇଁ ଟାଇଟଲ ହାସଲ କରିବା ପରେ ଇଂଲଣ୍ଡ ଘରୋଇ ମାଟିରେ ଚଳିତ ଆଶେସରେ ଆଶାନୁରୂପ ପ୍ରଦର୍ଶନ କରିପାରି ନାହିଁ। ଆଶେସ ବିଫଳତା ପାଇଁ ରୁଟ୍‌ଙ୍କ ପ୍ରଦର୍ଶନ ଓ ଦକ୍ଷତା ଉପରେ ପ୍ରଶ୍ନବାଚୀ ସୃଷ୍ଟି ହୋଇଛି। ତେବେ କୋଚ୍‌ ଟ୍ରେଭର ବେଲିସ୍‌ ଅଧିନାୟକ ରୁଟ୍‌ଙ୍କୁ ସମର୍ଥନ ଜଣାଇଛନ୍ତି। ରୁଟ୍‌ଙ୍କ ଖରାପ୍‌ ଫର୍ମ ଦେଇ ଗତିକରୁଥିବାରୁ ଦଳର ପ୍ରଦର୍ଶନ ପ୍ରଭାବିତ ହେଉଛି। ତେବେ ସବୁବେଳେ ସବୁ ବ୍ୟାଟ୍ସମ୍ୟାନ ସମାନ ପ୍ରଦର୍ଶନ କରି ନ ଥାନ୍ତି। ଅଷ୍ଟ୍ରେଲିଆ ବୋଲରମାନେ ଉନ୍ନତ ପ୍ରଦର୍ଶନ କରିଛନ୍ତି ବୋଲି ବେଲିସ୍‌ କହିଛନ୍ତି।
ମ୍ୟାଚ୍‌ ପାଇଁ ଇଂଲଣ୍ଡ ୧୩ ଜଣିଆ ଦଳରେ ଦୁଇଟି ପରିବର୍ତ୍ତନ କରାଯାଇଛି। ଖରାପ ଫର୍ମ ଦେଇ ଗତି କରୁଥିବା ଜାସନ ରୟ ଓ କ୍ରେଗ୍‌ ଓଭରଟନଙ୍କୁ ବାଦ୍‌ ଦିଆଯାଇଛି। ଏହି ଦୁଇ ଖେଳାଳିଙ୍କ ସ୍ଥାନରେ କ୍ରିସ୍‌ ଓ୍ବକ୍ସ ଓ ସାମ କୁରାନଙ୍କୁ ସାମିଲ କରାଯାଇଛି। ତାରକା ଇନ୍‌ଫର୍ମ ଅଲରାଉଣ୍ଡର ବେନ୍‌ ଷ୍ଟୋକ୍ସଙ୍କୁ ମଧ୍ୟ ଦଳରେ ସ୍ଥାନ ବଜାୟ ରଖିଛନ୍ତି। ତେବେ ଇଞ୍ଜୁରି କାରଣରୁ ସେ ଏହି ନିର୍ଣ୍ଣାୟକ ମ୍ୟାଚ୍‌ରେ ବୋଲିଂ କରିବା ନେଇ ସନ୍ଦେହ ସୃଷ୍ଟି ହୋଇଛି। ଗତ ମ୍ୟାଚ୍‌ରେ ସେ ଦ୍ୱିତୀୟ ଇନିଂସରେ ବୋଲିଂ କରି ନ ଥିଲେ। ପ୍ରଥମ ଇନିଂସ ଖେଳିବା ବେଳେ ଷ୍ଟୋକ୍ସ ଡାହାଣ କାନ୍ଧରେ ଆଘାତ ଲାଗିଥିଲା। ଯଦି ସେ ବୋଲିଂ କରି ନ ପାରନ୍ତି ତା,ହେଲେ ସେ ଜଣେ ସ୍ପେଶାଲିଷ୍ଟ ବ୍ୟାଟ୍ସମ୍ୟାନ ଭାବେ ଖେଳିବେ। ଷ୍ଟୋକ୍ସ ଇଂଲଣ୍ଡ ପାଇଁ ଦୁଇଟି ଶତକ ସହ ୩୫୪ ରନ କରି ଟପ୍‌ ସ୍କୋରର ସାବ୍ୟସ୍ତ ହୋଇଛନ୍ତି। ତେବେ ଦଳର ଅନ୍ୟ ବ୍ୟାଟ୍ସମ୍ୟାନ ବିଫଳ ହୋଇଛନ୍ତି।
ଅଭିଜ୍ଞ ଦ୍ରୁତ ବୋଲର ଜେମ୍ସ ଆଣ୍ଡରସନଙ୍କ ଅନୁପସ୍ଥିତିରେ ଷ୍ଟୁଆର୍ଟ ବ୍ରଡ ଓ ଆର୍ଚରଙ୍କ ପ୍ରଦର୍ଶନ ଉପରେ ଇଂଲଣ୍ଡର ଭାଗ୍ୟ ନିର୍ଭର କରିବ। ସ୍ମିଥ୍‌ଙ୍କୁ ରୋକିବାରେ ବିଫଳ ହେଲେ ଅଷ୍ଟ୍ରେଲିଆ ୧୮ ବର୍ଷ ପରେ ଇଂଲଣ୍ଡ ମାଟିରେ ଆଶେସ୍‌ ଜିତି ଇତିହାସ ସୃଷ୍ଟି କରିବ।


All Right Reserved By Dharitri.Com

Posted inଖେଳ View All

ପ୍ୟାରିସ ମାଷ୍ଟର୍ସ ଟେନିସ: ଓ୍ବାରିଙ୍କାଙ୍କୁ ହରାଇଲେ ନାଡାଲ

ପ୍ୟାରିସ, ୧।୧୧(ଏପି)- କିମ୍ବଦନ୍ତୀ ସ୍ପାନିଶ ଖେଳାଳି ରାଫାଲ ନାଡାଲ ଏଠାରେ ଚାଲିଥିବା ପ୍ୟାରିସ ମାଷ୍ଟର୍ସ ଟେନିସ ଟୁର୍ନାମେଣ୍ଟର କ୍ୱାର୍ଟର ଫାଇନାଲରେ ପ୍ରବେଶ କରିଛନ୍ତି। ସେ ପ୍ରିକ୍ୱାର୍ଟର...

ନଦିମଙ୍କ ଟେଷ୍ଟ ପଦାର୍ପଣ: ଟସ୍‌ ଜିତି ଭାରତର ବ୍ୟାଟିଂ

ରାଞ୍ଚି,୧୯।୧୦(ପି.ଟି.)- ଦକ୍ଷିଣ ଆଫ୍ରିକା ବିପକ୍ଷ ଅନ୍ତିମ ଟେଷ୍ଟ ମ୍ୟାଚ୍‌ରେ ଭାରତ ଟସ୍‌ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଛି। ଝାଡଖଣ୍ଡ ବାମହାଦୀ ସ୍ପିନର ଶାହାବାଜ...

ଭାରତ ଆସିପାରିବେ ପାକିସ୍ତାନ ଆଥ୍‌ଲେଟ

ନୂଆଦିଲ୍ଲୀ,୧୯ା୬: ଦେଶରେ ଅନ୍ତର୍ଜାତୀୟ କ୍ରୀଡ଼ା ଇଭେଣ୍ଟ ଆୟୋଜନ ଉପରେ ଲାଗିଥିବା ବାସନ୍ଦାଦେଶ ଖୁବ୍‌ ଶୀଘ୍ର ଉଠାଯିବ। ଅଂଶଗ୍ରହଣକାରୀ ଦେଶର ପ୍ରତିଯୋଗୀ ଓ ଅଫିସିଆଲଙ୍କୁ ଭିଜା ଦେବା...

ଏଆଇଏଫ୍‌ଏଫ୍‌କୁ ଫିଫାର ଚିଠି

କୋଲକାତା, ୨୫ା୭ (ପି.ଟି.)-ଭାରତୀୟ ଫୁଟ୍‌ବଲର ବର୍ତ୍ତମାନ ଦୃଶ୍ୟପଟ୍ଟ ସମ୍ପର୍କରେ ସର୍ବଭାରତୀୟ ଫୁଟ୍‌ବଲ ମହାସଂଘ (ଏଆଇଏଫ୍‌ଏଫ୍‌)ଠାରୁ ଅପ୍‌ଡେଟ୍‌ ଚାହିଁିଛି ବିଶ୍ୱ ଫୁଟ୍‌ବଲ ପରିଚାଳନା ସଂସ୍ଥା ‘ଫିଫା’। ତେବେ...

ବିଜୁ ପଟ୍ଟନାୟକ ମିନି ମାରାଥନ: ସାମସଦ୍‌, ରଶ୍ମିରଞ୍ଜନ ଚାମ୍ପିୟନ୍‌

ଭୁବନେଶ୍ୱର, ୬ା୩(ବ୍ୟୁରୋ):  ରାଜ୍ୟ କ୍ରୀଡ଼ା ଓ ଯୁବସେବା ବିଭାଗ ପକ୍ଷରୁ ବିଜୁ ପଟ୍ଟନାୟକ ମିନି ମାରାଥନ ଅନୁଷ୍ଠିତ ହୋଇଯାଇଛି। ଗୁରୁବାର ସକାଳ ୭ଟାରେ ଇଲେକ୍‌ଟ୍ରୋନିକ୍ସ ଓ...

ଜିମ୍ବାଓ୍ବେ କ୍ରିକେଟ ବୋର୍ଡ ବାସନ୍ଦ

ହାରରେ,୨୨।୬(ଏପି): ଦୁର୍ନୀତି ଅଭିଯୋଗ ଆସିବା ପରେ ଦେଶରେ କ୍ରୀଡ଼ା ପରିଚାଳନା କରୁଥିବା ସରକାରୀ ସଂସ୍ଥା ପକ୍ଷରୁ ଜିମ୍ବାଓ୍ବେ କ୍ରିକେଟ୍‌ (ଜେଡ୍‌ସି) ବୋର୍ଡକୁ ବାସନ୍ଦ କରାଯାଇଛି। ସ୍ପୋଟର୍‌ସ...

ଫକନର ସମଲିଙ୍ଗୀ ନୁହଁନ୍ତି

ମେଲବୋର୍ନ, ୧ା୫ (ପି.ଟି.)-ଅଷ୍ଟ୍ରେଲିଆନ ଅଲରାଉଣ୍ଡର ଜେମ୍ସ ଫକନର ସମଲିଙ୍ଗୀ ନୁହଁନ୍ତି। ମଙ୍ଗଳବାର ଏ ବିଷୟରେ ସେ ସଫେଇ ଦେଇଛନ୍ତି।  ସୋମବାର ଫକ୍‌ନର ତାଙ୍କ ୨୯ତମ ଜନ୍ମ...

ସର୍ତ୍ତରେ ହରଭଜନଙ୍କୁ ହରାଇଲେ ଅଂଶୁମାନ ରଥ

ନୂଆଦିଲ୍ଲୀ, ୧୯।୫- ହଂକଂ କ୍ରିକେଟ ଦଳର ଅଧିନାୟକ ତଥା ଓଡ଼ିଆ କ୍ରିକେଟର ଅଂଶୁମାନ ରଥ ଏକ ସର୍ତ୍ତରେ ଭେଟେରାନ ଭାରତୀୟ ଅଫ୍‌ ସ୍ପିନର ହରଭଜନ ସିଂଙ୍କୁ...

Leave a comment

Your email address will not be published. Required fields are marked *