ରାଜଧାନୀରେ ଗାଡ଼ି ପଲ୍ୟୁଶନ ସାର୍ଟିଫିକେଟ କେଳେଙ୍କାରୀ: ଧୂଆଁ ବାହାରିଲେ ବି ମେଶିନକୁ ଭୂଆଁ

ଭୁବନେଶ୍ୱର, ୧୦ା୯(ବ୍ୟୁରୋ): ବାଇକ୍‌ରୁ ବାହରୁଥିଲା ଧୂଆଁ, ହେଲେ ଚାଳକଙ୍କ ହାତରେ ଥିଲା ପଲ୍ୟୁଶନ ସାର୍ଟିଫିକେଟ। ଅସଲି ନା ନକଲି ପରଖୁ ପରଖୁ କଥା ପହଞ୍ଚତ୍ଥିଲା ରାଜଧାନୀରେ ତିଆରି ହେଉଥିବା ଜାଲ୍‌ ସାର୍ଟିଫିକେଟ ପାଖରେ। ଖୋଳତାଡ଼ ପରେ ନଜରକୁ ଆସିଲା ପ୍ରକୃତ କେଳେଙ୍କାରୀ। କାର୍‌ ହେଉ କି ବାଇକ୍‌, ଧୂଆଁ ବାହାରୁ କି ନିଆଁ, ମେଶିନ କିନ୍ତୁ କରୁଥିଲା ଓକେ। ପଲ୍ୟୁଶନ ମାପିବାକୁ ମେଶିନରୁ ଗାଡି ସାଇଲେନ୍ସରକୁ ଲମ୍ବିଥିଲା ପାଇପ୍‌। ଗାଡ଼ି ଷ୍ଟାର୍ଟ କରି କିଛି ସମୟ ରଖାଯିବା ପରେ ପାଇପକୁ କାଡ଼ି ଜୋର୍‌ରେ ବାରମ୍ବାର ଫୁଙ୍କି ପଲ୍ୟୁଶନ ମାତ୍ରାକୁ ଆଡ୍‌ଜଷ୍ଟ କରାଯାଉଥିଲା। ମେଶିନ ଓକେ କରିବାର କିଛି ସମୟ ମଧ୍ୟରେ କମ୍ପ୍ୟୁଟରରେ ଯୋଡ଼ାଯାଇଥିବା ପ୍ରିଣ୍ଟରରୁ ବାହାରିପଡୁଥିଲା ସାର୍ଟିଫିକେଟ। ରାଜଧାନୀର ବିଭିନ୍ନ ଗାଡ଼ି ଶୋ’ରୁମ୍‌, ପେଟ୍ରୋଲ ପମ୍ପ୍‌ ଓ ପଲ୍ୟୁଶନ ସେଣ୍ଟରେ ଏଭଳି ମେଶିନକୁ ଭୁଆଁ ବୁଲାଇ ବେଆଇନ ଭାବେ ତିଆରି ଚାଲିଛି ଅସଲି ପଲ୍ୟୁଶନ ସାର୍ଟିଫିକେଟ।
ଗତ ୧ ତାରିଖରୁ ନୂଆ ମୋଟର ଯାନ ଲାଗୁ ହେବା ପରେ ଲୋକଙ୍କ ମଧ୍ୟରେ କୋକୁଆ ଭୟ ସୃଷ୍ଟି ହୋଇଛି। ତଣ୍ଡରୁ ମୁକ୍ତି ପାଇଁ ଲାଇସେନ୍ସ ସହ ଗାଡ଼ିର କାଗଜପତ୍ର ଠିକ୍‌ କରିବାରେ ଲାଗି ପଡ଼ିଛନ୍ତି। ଇତିମଧ୍ୟରେ ଅକ୍ଟୋବର ୨୦ ପର୍ଯ୍ୟନ୍ତ ବୁକିଂ ନ ଥିବାରୁ ଆର୍‌ଟିଓରୁ ଭିଡ଼ କମିଛି, ହେଲେ ପଲ୍ୟୁଶନ ଟେଷ୍ଟିଂ ସେଣ୍ଟରରେ ପ୍ରବଳ ଭିଡ଼ ଲାଗି ରହୁଛି। ଏହାର ସୁଯୋଗ ନେଇ ରାଜଧାନୀରେ ଜାଲ୍‌ ପଲ୍ୟୁଶନ ସାର୍ଟିଫିକେଟ ର଼୍ୟାକେଟ ସକ୍ରିୟ ହୋଇପଡିଥିବାବେଳେ ଆଉ କେତେକ ସ୍ଥାନରେ ବେଆଇନ ଭାବେ ସାର୍ଟିଫିକେଟ ପ୍ରସ୍ତୁତ କରାଯାଉଛି। ପଲ୍ୟୁଶନ ସାର୍ଟିଫିକେଟ ଦେବାକୁ କେତେକ ଗାଡ଼ି ଶୋ’ରୁମ୍‌ ଅନୁମତି ପାଇଛନ୍ତି। ହେଲେ ଫିଟ୍‌ ନ ଥିବା ଗାଡ଼ିକୁ ମଧ୍ୟ ସାର୍ଟିଫିକେଟ ଦେଉଛନ୍ତି। ଠିକ୍‌ ଥିବା ଗାଡ଼ିର ସାର୍ଟିଫିକେଟ ପାଇଁ ୬୦ଟଙ୍କା ଧାର୍ଯ୍ୟ କରାଯାଇଛି। ହେଲେ ଗାଡ଼ିରୁ ଧୂଆଁ ବାହାରୁଥିଲେ ମଧ୍ୟ ବହୁଗୁଣା ଅଧିକ ଟଙ୍କା ନିଆଯାଇ ପଲ୍ୟୁଶନ ସାର୍ଟିଫିକେଟ ଦିଆଯାଉଥିବା ଦେଖିବାକୁ ମିଳୁଛି। ମଙ୍ଗଳବାର ଭୁବନେଶ୍ୱରର କେତେକ ଗାଡ଼ି ଶୋ’ରୁମ୍‌ ଓ ପଲ୍ୟୁଶନ ଟେଷ୍ଟିଂ ସେଣ୍ଟରକୁ ଯାଇ ଆମ ପ୍ରତିନିଧି ପ୍ରକୃତ ଘଟଣା ଦେଖିଥିଲେ। ବରମୁଣ୍ଡାରେ ଥିବା ଏକ ବାଇକ ଶୋ’ରୁମ୍‌ରେ ପଲ୍ୟୁଶନ ସାର୍ଟିଫିକେଟ ପାଇଁ ଭିଡ଼ ଲାଗିଥିଲା। ଜଣକ ପରେ ଜଣେ ସାର୍ଟିଫିକେଟ ଧରି ବାହାରୁଥିଲେ। କମ୍ପ୍ୟୁଟର ପାଖରେ ଜଣେ ବସି ମେଶିନ ଅପରେଟ କରୁଥିବାବେଳେ ଆଉଜଣେ ପାଇପ୍‌ ଫୁଙ୍କିବା ଦାୟିତ୍ୱରେ ଥିଲେ। ମଝିରେ ମଝିରେ କେହି କେହି ଆସି କହୁଥିଲେ, ଭାଇ ମୋର ବହୁ ପୁରୁଣା ଗାଡ଼ି ଯେତେ ପଇସା ନିଅନ୍ତୁ ପଛେ ସାର୍ଟିଫିକେଟ କରିଦିଅନ୍ତୁ। ବ୍ୟକ୍ତି ଜଣକ କହୁଥିଲେ ଏଠି ଆମର ସବୁ ପାସ୍‌। ‘ଓଆର’ ହେଉ କି ‘ଓଆଇଏକ୍ସ’ ସବୁ ଗାଡ଼ି ସାର୍ଟିଫିକେଟ ଧରି ହିଁ ଯିବେ। ବାସ୍‌ ତା’ପରେ ୨ଶହ, ୫ଶହ ଟଙ୍କା ବଦଳରେ ସାର୍ଟିଫିକେଟ ଧରାଇ ଦିଆଯାଇଥିଲା। ଚାଳକ ବି ଖୁସି ମନରେ ସ୍ଥାନ ଛାଡୁଥିଲା। କାହିଁକି ନା ଆଉ ପୋଲିସ ଓ ଆର୍‌ଟିଓକୁ ଭୟ ନାହିଁ। ଗାଡ଼ି ସଜାଡିବାକୁ ୫ହଜାର ଖର୍ଚ୍ଚ କରିବାକୁ ପଡ଼ିବନି କି ରାସ୍ତାରେ ତଣ୍ଡ ଗଣିବାକୁ ହେବନି।
କିଛିଦିନ ତଳେ ଚନ୍ଦ୍ରଶେଖରପୁର ଓ ଡମଣା ଅଞ୍ଚଳରେ ଭ୍ରାମ୍ୟମାଣ ଗାଡ଼ିରେ ଜାଲ୍‌ ପଲ୍ୟୁଶନ ସାର୍ଟିଫିକେଟ ଦିଆଯାଉଥିଲା। ଶହ ଶହ ଲୋକ ୨ଶହ ଲେଖାଏ ଟଙ୍କା ଦେଇ ସାର୍ଟିଫିକେଟ ନେଇଥିଲେ। ପରେ ଏହା ଜାଲ୍‌ ବୋଲି ଜଣାପଡିବା ପରେ ଉକ୍ତ ଗାଡ଼ି ଓ ଲୋକ ଉଭାନ ହୋଇଯାଇଥିଲେ। ଯାଞ୍ଚ କଡ଼ାକଡି ହେବା ପରଠାରୁ ରାଜଧାନୀରେ ଏଭଳି ଅନେକ ଘଟଣା ନଜରକୁ ଆସୁଛି। ଏଭଳି ଗଳାବାଟ ବନ୍ଦ ପାଇଁ ପୋଲିସ ଓ ପଲ୍ୟୁଶନ କଣ୍ଟ୍ରୋଲ ବୋର୍ଡ ପକ୍ଷରୁ କାର୍ଯ୍ୟାନୁଷ୍ଠାନ ଜରୁରୀ ହୋଇପଡ଼ିଛି।


All Right Reserved By Dharitri.Com

ଜିଲାସ୍ତରୀୟ ସଡ଼କ ସୁରକ୍ଷା କମିଟି ବୈଠକ: ଚଳିତ ବର୍ଷ ଦୁର୍ଘଟଣା ନେଇଛି ୮୮ ଜୀବନ

ଅନୁଗୋଳ ଅଫିସ, ୨୬।୭-ରାସ୍ତା ଦୁର୍ଘଟଣା ନିୟନ୍ତ୍ରଣ ଓ ଏଥିଜନିତ ମୃତ୍ୟୁ ସଂଖ୍ୟା କମାଇବା ଉପରେ ଗୁରୁବାର ଅନୁଷ୍ଠିତ ଜିଲା ସଡ଼କ ସୁରକ୍ଷା କମିଟି ବୈଠକରେ ଜିଲାପାଳ...

‘କାଜି’ ପଦବୀରୁ କାଜିବଜାର

କଟକ ଅଫିସ, ୫ା୧୨: ବାଉନ ବଜାର ତେପନ ଗଳିର ସହର କଟକ। ଯଦିଓ ଏବେ ଏହି ଐତିହାସିକ ସହରରେ ଶହେ ବଜାର ହଜାରେ ଗଳି ସୃଷ୍ଟି...

ମହାନଦୀ ଶଯ୍ୟାରେ ବିଦେଶାଗତ ପକ୍ଷୀଙ୍କ ଭିଡ଼: ଠାବହେଲା ବିରଳ ପକ୍ଷୀ କମନ୍‌ ମରଗାନସର

ସୋନପୁର,୨୬ା୧୨(ନି.ପ୍ର.): ବର୍ତ୍ତମାନ ଶୀତଦିନରେ ଦେଶ ତଥା ଦେଶ ବାହାରର ପକ୍ଷୀଙ୍କ ପାଇଁ ଚିରସ୍ରୋତା ମହାନଦୀ ପାଲଟିଛି ଜଳନିବାସ। ପ୍ରଚଣ୍ଡ ଶୀତରେ ସେଠାକାର ପରିବେଶରେ ବରଫ ପଡୁଥିବାରୁ...

ପ୍ରାଚୀନ ବୃଷଭ ପ୍ରତିମୂର୍ତ୍ତିକୁ ଫିଙ୍ଗିଦେଲେ

ପୁରୁଣା ଭୁବନେଶ୍ୱର, ୮ା୮(ଡି.ଏନ.ଏ.): ଏକାମ୍ର କ୍ଷେତ୍ରର ଐତିହ୍ୟ ଓ ପୂରାତନ ମନ୍ଦିରଗୁଡ଼ିକ ଏବେ ବିପଦସଙ୍କୁଳ ଅବସ୍ଥାରେ ରହିଛି। ରକ୍ଷଣାବେକ୍ଷଣ ପାଇଁ ସରକାର ଯୋଜନାରେ କୋଟି କୋଟି...

ବିଧାନସଭା ବନ୍ଦ ଆଶଙ୍କା କରି ସ୍ପଷ୍ଟୀକରଣ ଲୋଡିଲେ ବିରୋଧୀ ଦଳର ନେତା

ଭୁବନେଶ୍ୱର,୨୬।୧୧(ବ୍ୟୁରୋ): ନଭେମ୍ବର ୧୩ ତାରିଖରୁ ଷୋଡଶ ବିଧାନସଭାର ଶୀତ ଅଧିବେଶନ ଆରମ୍ଭ ହୋଇଛି। ଇତିମଧ୍ୟରେ ଗୃହରେ ୨୦୧୯-୨୦ ଆର୍ଥିକ ବର୍ଷ ପାଇଁ ଅତିରିକ୍ତ ବଜେଟ୍‌ ମଧ୍ୟ...

ଚଳିତବର୍ଷ ଧାନ ସଂଗ୍ରହ ବଢ଼ିଛି

ଭୁବନେଶ୍ୱର,୧୦।୧୨(ବ୍ୟୁରୋ):ଚଳିତବର୍ଷ ଦକ୍ଷିଣ ପଶ୍ଚିମ ମୌସୁମୀ ରାଜ୍ୟକୁ ଭଲ ବର୍ଷା ଦେଇଛି। ରାଜ୍ୟର ମୁଖ୍ୟ ଫସଲ ଧାନ ଉତ୍ପାଦନ ବୃଦ୍ଧି ପାଇଛି। ଖରିଫ ଋତୁରେ ରାଜ୍ୟ ସରକାର...

ଜିଲାସ୍ତରୀୟ ଧାନ ସଂଗ୍ରହ କମିଟି ବୈଠକ: ୮୦ ହଜାର ମେଟ୍ରିକ୍‌ ଟନ୍‌ ଧାନ ସଂଗ୍ରହ ଲକ୍ଷ୍ୟ

ଜଗତ୍‌ସିଂହପୁର ଅଫିସ,୧୬ା୧୧: ଡିସେମ୍ବର ୨୭ରୁ ଧାନ ସଂଗ୍ରହ ପାଇଁ ସରକାର ନିଷ୍ପତ୍ତି ନେଇଛନ୍ତି। ତେଣୁ ଏଥର ଜଗତ୍‌ସିଂହପୁର ଜିଲାରୁ ୮୦,୧୪୯.୨୫ ମେଟ୍ରିକ୍‌ ଟନ୍‌ (ଏମ୍‌ଟି) ଧାନ...

ସ୍ତ୍ରୀଙ୍କ ଶାଢ଼ିରେ ଝୁଲି ଆତ୍ମହତ୍ୟା କଲେ ସ୍ବାମୀ: ଦ୍ୱିତୀୟ ବିବାହକୁ କେନ୍ଦ୍ରକରି ଲାଗି ରହିଥିଲା ଅଶାନ୍ତି

ଭୁବନେଶ୍ୱର,୧୧ା୧୨(ବ୍ୟୁରୋ): ସ୍ବାମୀଙ୍କ ଦ୍ୱିତୀୟ ବିବାହକୁ କେନ୍ଦ୍ର କରି ପରିବାରରେ ଲାଗି ରହିଥିବା ଅଶାନ୍ତି ଶେଷରେ ଉଗ୍ର ରୂପ ନେଇଛି। ସ୍ତ୍ରୀଙ୍କ ପିନ୍ଧା ଶାଢ଼ୀରେ ଝୁଲି ଆତ୍ମହତ୍ୟା...

Leave a comment

Your email address will not be published. Required fields are marked *