ଖରିଆରରୋଡରେ ଆବାସ ଯୋଜନା ବାଟବଣା: ହିତାଧିକାରୀ ଜିଲାପାଳଙ୍କ ଦ୍ୱାରସ୍ଥ; କାର୍ଯ୍ୟାଦେଶ ପରେ ବି ଟଙ୍କା ମିଳୁନି

ନୂଆପଡା ଅଫିସ,୧୧ା୯-ରାଜ୍ୟରେ ଜଣେ ହେଲେ କୁଡିଆ ଘରେ ରହିବେ ନାହିଁ। ୨୦୨୦ ସୁଦ୍ଧା ସମସ୍ତଙ୍କୁ ପକ୍କା ଘର ଯୋଗାଦେବାର ସଂକଳ୍ପ ନେଇଛନ୍ତି ସରକାର। ହେଲେ ବିଭାଗୀୟ ଅଧିକାରୀମାନଙ୍କ ଅବହେଳା ଯୋଗୁ ଯୋଜନାର ସଫଳ ରୂପାୟନ ହୋଇପାରୁନାହିଁ । ଲୋକଙ୍କୁ ନାଁକୁ ମାତ୍ର କାର୍ଯ୍ୟାଦେଶ ପ୍ରଦାନ କରାଯାଉଛି । ହେଲେ ଘର ନିର୍ମାଣ କେଉଁ ସ୍ଥିତିରେ ଅଛି । ଲୋକେ କେତେଦୂର aନିର୍ମାଣ କରିବାରେ ସକ୍ଷମ ହେଉଛନ୍ତି । ଫାଇଲ କେଉଁଠି ଅଟକିଯାଇଛି । ସେସବୁ ଉପରେ ତପତ୍ରତା ପ୍ରକାଶ ହେଉ ନ ଥିବା ପରିଲକ୍ଷିତ ହେଉଛି । ଖୋଦ ଖରିଆରରୋଡ ଏନଏସିରେ ହିତାଧିକାରୀମାନଙ୍କୁ ଘର ନିର୍ମାଣ ପାଇଁ କାର୍ଯ୍ୟାଦେଶ ଦେବାର ୩ ମାସରୁ ଊର୍ଦ୍ଧ୍ୱ ବିତିଯାଇଥିଲେ ମଧ୍ୟ ଘର ନିର୍ମାଣ ସକାଶେ ଟଙ୍କା ମିଳୁ ନ ଥିବା ଅଭିଯୋଗ ହୋଇଛି । ହିତାଧିକାରୀମାନେ ହାତ ଉଧାରି କରି ଗୃହ ନିର୍ମାଣ କରୁଛନ୍ତି । ପେମେଣ୍ଟ ପାଇଁ ବାରଦୁଆର ହେଉଥିଲେ ହେଁ ପ୍ରାପ୍ୟ ମିଳୁ ନ ଥିବାରୁ ହତାଶ ହୋଇପଡିଛନ୍ତି । ଏହାକୁ ନେଇ ହିତାଧିକାରୀମାନେ ମଙ୍ଗଳବାର ନୂଆପଡା ଆସି ଜିଲାପାଳଙ୍କୁ ଅଭିଯୋଗ ଶୁଣାଣି ଶିବିରରେ ଜଣାଇଛନ୍ତି ।
ଅଭିଯୋଗ ମୁତାବକ ଖରିଆରରୋଡ ସହରର ୱାର୍ଡ ନମ୍ବର ୨ ମୁଣ୍ଡାଗାଁର ଭୂପେନ କୁମାର ସାହୁଙ୍କୁ କାର୍ଯ୍ୟାଦେଶ ନମ୍ବର ୨୧୦୪ରେ ଗତ ଜୁନ ୧୯ ତାରିଖରେ କାର୍ଯ୍ୟାଦେଶ ପ୍ରଦାନ କରାଯାଇଥିଲା । ସେହି ଦିନଠାରୁ ତାଙ୍କୁ କୌଣସି ଟଙ୍କା ମିଳିନାହିଁ । ଆଜିକାଲି କହି ସମୟ ଗଡାଯାଉଛି । ଏପଟେ ପୁରୁଣା ଖପର ଘର ଭାଙ୍ଗି ଧାର କରଜ କରି କାମ ଚଳାଇଛନ୍ତି । ବର୍ତ୍ତମାନ ସ୍ଲାବ କାମ କରି ସାରିଛନ୍ତି । ଟଙ୍କା ପ୍ରଦାନ କରାଯାଇ ନ ଥିବାରୁ କାମ ଅଟକି ଯାଇଥିବା ଭୂପେନ ପ୍ରକାଶ କରିଛନ୍ତି । ଏହିଭଳି ସେହି ପଡାର କିଷନ କୁମାର ସହିସଙ୍କୁ ସେହି ମାସ ୧୭ ତାରିଖରେ କାର୍ଯ୍ୟାଦେଶ ମିଳିଥିଲା। ସେ ମଧ୍ୟ ଧାର କରଜ କରି ସ୍ଲାବ ଲେଭେଲ ପର୍ଯ୍ୟନ୍ତ କାମ କରିଛନ୍ତି । କାଣି ପଇସା ଟିଏ ମିଳିନାହିଁ। ବାରମ୍ବାର ଏନଏସିକୁ ଦୌଡୁଛନ୍ତି । ହେଲେ ବିଭିନ୍ନ ବାହାନା କରି ଟଙ୍କା ଦିଆଯାଉ ନ ଥିବା ଅଭିଯୋଗ କରିଛନ୍ତି। ସେହି ୱାର୍ଡର ଧନେଶ୍ୱର ସାହୁଙ୍କୁ ଗତ ଜୁଲାଇ ୭ ତାରିଖରେ କାର୍ଯ୍ୟାଦେଶ ନମ୍ବର ୨୨୬୪ରେ କାର୍ଯ୍ୟାଦେଶ ମିଳିଛି। ସେହି ଦିନଠାରୁ କୌଣସି କିସ୍ତି ମିଳି ନ ଥିବାରୁ ବାଧ୍ୟ ହୋଇ ସାହୁକାରଙ୍କଠାରୁ କରଜ କରି କାମ କରୁଛନ୍ତି । ଏହିଭଳି ଗଣେଶ ସହିସଙ୍କ ଦୁର୍ଦ୍ଦଶା କହିଲେ ନସରେ । ସେ କେବଳ ନାମକୁ ମାତ୍ର କାର୍ଯ୍ୟାଦେଶ ପାଇଛନ୍ତି । ସେ କହିଛନ୍ତି ଯେ, ସରକାର ନିର୍ଦ୍ଧାରିତ ସମୟ ମଧ୍ୟରେ ଘର ନିର୍ମାଣ କାମ ଶେଷ କଲେ ପୁରସ୍କାର ଦେଉଛନ୍ତି । ହେଲେ ୩ରୁ ୪ ମାସ ଧରି କିସ୍ତି ଟଙ୍କା ଦିଆଯାଉ ନ ଥିବାରୁ ଆମେ କେମିତି ନିର୍ଦ୍ଧାରିତ ସମୟରେ ଘର କାମ ଶେଷ କରିବୁ ବୋଲି କହିଛନ୍ତି । ଏସବୁ ଅଭିଯୋଗକୁ ନେଇ ହିତାଧିକାରୀମାନେ ଜିଲାପାଳ ମଧୁସ୍ମିତା ସାହୁଙ୍କୁ ଲିଖିତ ଭାବେ ଅଭିଯୋଗ କରିଛନ୍ତି। ଏହା ଉପରେ ତୁରନ୍ତ ପଦକ୍ଷେପ ନେଇ କିସ୍ତି ପ୍ରଦାନ କରିବାକୁ ଗୁହାରୀ କରିଛନ୍ତି। ଏହା କେବଳ କେତୋଟି ଉଦାହରଣ ମାତ୍ର। ଏଠାରେ ନିରୀହ ଲୋକମାନଙ୍କୁ ଘର ନିର୍ମାଣ ସକାଶେ ଆଦେଶ ଦିଆଯାଉ ନ ଥିବାବେଳେ ଧନୀ ଶ୍ରେଣୀର ତଥା ଯୋଗ୍ୟତା ନ ଥିବା ହିତାଧିକାରୀଙ୍କୁ ଗୃହ ଦିଆଯାଉଛି। ଏହାର ବିଧିବଦ୍ଧ ତଦନ୍ତ କରିବାକୁ ଆଦିବାସୀ କଲ୍ୟାଣ ସଂଘ ବ୍ଲକ ସଭାପତି ଭକ୍ତବନ୍ଧୁ ଧରୁଆ ଦାବି କରିଛନ୍ତି ।

 


All Right Reserved By Dharitri.Com

ତିତ୍‌ଲି ପୁନରୁଦ୍ଧାର, ରୁରାଲ ହାଉସିଂ ଅଧାପନ୍ତରିଆ

ଛତ୍ରପୁର,୨୦ା୯(ଡି.ଏନ୍‌.ଏ.)- ଗଞ୍ଜାମ ଜିଲା ଗ୍ରାମ୍ୟ ଉନ୍ନୟନ ସଂସ୍ଥା (ଡିଆରଡିଏ)ର ସମୀକ୍ଷା ବୈଠକ ଗୁରୁବାର ଛତ୍ରପୁରସ୍ଥିତ କାର୍ଯ୍ୟାଳୟର ଋଷିକୁଲ୍ୟା ସମ୍ମିଳନୀ ଗୃହରେ ଅନୁଷ୍ଠିତ ହୋଇଯାଇଛି। ଏଥିରେ ଜିଲାପାଳ...

ଜେଏସ୍‌ପିଏଲ୍‌ରେ ବିଶ୍ୱ ଗୁଣବତ୍ତା ଦିବସ: ନିରନ୍ତର ଉନ୍ନତି ପାଇଁ ଏକ ସୁଯୋଗ

ଅନୁଗୋଳ ଅଫିସ, ୧୫।୧୧-ଅନୁଗୋଳ ଜିନ୍ଦଲ ଷ୍ଟିଲ ଆଣ୍ଡ ପାୱାର ଲିମିଟେଡ (ଜେଏସ୍‌ପିଏଲ୍‌) ପ୍ଲାଣ୍ଟ ପରିସରରେ ଗୁରୁବାର ବିଶ୍ୱ ଗୁଣବତ୍ତା ଦିବସ ପାଳିତ ହୋଇଯାଇଛି। ଜେଏସ୍‌ପିଏଲ୍‌ ଓଡ଼ିଶା...

ଅସୁରକ୍ଷିତ ନଦୀତଟ : ସୋନ ନଦୀରେ ଲୀନ ହେବ ୨୧ ଗାଁ

କପ୍ତିପଦା,୧୫ା୬(ଡି.ଏନ୍‌.ଏ) ଆଗକୁ ବଷର୍ର୍ା ଦିନ ଆସୁଥିତ୍ବାରୁ ମୟୂରଭଞ୍ଜ ଜିଲା କପ୍ତିପଦା ବ୍ଲକ୍‌ ଅନ୍ତର୍ଗତ ୨୧ଟି ଗ୍ରାମର ଲୋକେ ନାନା ଆଶଙ୍କା ମଧ୍ୟରେ ରହିଛନ୍ତି। ବର୍ଷା ହେଲେ...

ସାମୁଦ୍ରିକ ଝଡ଼ ସତର୍କତା: ଜିଲାର ୬୪ ଗ୍ରାମର ଅଧିବାସୀ ସ୍ଥାନାନ୍ତର ହେବେ

କେନ୍ଦ୍ରାପଡ଼ା ଅଫିସ, ୧୮ା୫: ସାମୁଦ୍ରିକ ଝଡ ଅମ୍ଫନ୍‌କୁ ନେଇ କେନ୍ଦ୍ରାପଡ଼ା ଜିଲା ପ୍ରଶାସନ ତତ୍ପର ହୋଇଉଠିଛି। ଜିଲାର ୬୪ଟି ସୁନାମି ପ୍ରବଣ ଗ୍ରାମର ଅଧିବାସୀଙ୍କୁ ସ୍ଥାନାନ୍ତର...

ବୁଡ଼ିଲା ଥୋଡ଼ଧାନ, ମୁଣ୍ଡରେ ହାତ ଦେଇ ବସିଛନ୍ତି ଚାଷୀ

ଧାମନଗର,୨୭।୧୦(ଡି.ଏନ୍‌.ଏ.): ଭଦ୍ରକ ଜିଲା ଧାମନଗର ବ୍ଲକରେ ଅଧିକାଂଶ ଖାଲୁଆ ଜମି ବର୍ଷାପାଣିରେ ବୁଡ଼ି ଯିବାରୁ ଧାନଚାଷ ବ୍ୟାପକ କ୍ଷତି ହୋଇଛି। ଗର୍ଭଣା ସଂକ୍ରାନ୍ତି ପରଠାରୁ ଧାନଗଛରେ...

ବିଜେପୁର ଉପନିର୍ବାଚନ LIVE UPDATE: ଦ୍ୱାଦଶ ରାଉଣ୍ଡ ସୁଦ୍ଧା ବିଜେଡି ୫୯,୬୬୬ ଭୋଟରେ ଆଗୁଆ

ବରଗଡ଼ ଅଫିସ/ପଦ୍ମପୁର,୨୪।୧୦: ବରଗଡ଼ ଜିଲା ବିଜେପୁର ଉପନିର୍ବାଚନର ଭୋଟ ଗଣତି ଗୁରୁବାର ସକାଳୁ ଜାରି ରହିଛି। ଦ୍ୱାଦଶ ରାଉଣ୍ଡ ସୁଦ୍ଧା ବିଜେଡି ପ୍ରାର୍ଥୀ ରୀତା ସାହୁ...

କାର୍‌ରୁ ଗଞ୍ଜେଇ ଜବତ, ଜଣେ ଗିରଫ

ଶଙ୍କରାଖୋଲ,୨୦ା୫(ଡି.ଏନ୍‌.ଏ.)- ଚକାପାଦ ଥାନା ଘୁଡକାପଦର ପୋଲଠାରେ ମଙ୍ଗଳବାର ଚକାପାଦ ପୋଲିସ ଏକ ଓଲା କାର୍‌ (ନଂ.ଓଡି-୦୨ଏ ଆର-୦୨୮୮)ରୁ ୧୫ କେଜି ଗଞ୍ଜେଇ ଜବତ କରି ଚାଳକଙ୍କୁ...

ଆଜିଠୁ ଜାତୀୟ ସରସମେଳା

ଢେଙ୍କାନାଳ ଅଫିସ, ୧୪।୧୦: ପ୍ରସିଦ୍ଧ ଲକ୍ଷ୍ମୀପୂଜା ଉପଲକ୍ଷେ ସ୍ଥାନୀୟ ମହିଷାପାଟ ପଡ଼ିଆରେ ପ୍ରଥମ ଥର ପାଇଁ ଆୟୋଜିତ ହେଉଛି ଜାତୀୟସ୍ତରୀୟ ସରସମେଳା। ଏହି ମେଳା ସୋମବାରଠାରୁ ଆରମ୍ଭ...

Leave a comment

Your email address will not be published. Required fields are marked *