ଗ୍ରାମୀଣ ହସ୍ତକଳାର ପୁନରୁଦ୍ଧାର ସମ୍ଭବ

ବନ୍ତ,୧୧।୯(ଡି.ଏନ୍‌.ଏ.)-ଗ୍ରାମୀଣ ତଥା ପାରମ୍ପରିକ ହସ୍ତକଳାର ପୁନରୁଦ୍ଧାର ଲାଗି ପ୍ରୟାସ ଚଳାଇ କଳା ଶିକ୍ଷକ ପଦ୍ମନାଭ ସେଠୀ ଚର୍ଚ୍ଚାକୁ ଆସିଛନ୍ତି । ଭଦ୍ରକ ଜିଲା ବନ୍ତ ବ୍ଲକ ଆଗରପଡା ବିଟିପୁର ଅଞ୍ଚଳରେ ତାଙ୍କ ଘର। ପୁରୁଷଣ୍ଢ ନୋଡାଲ ଉପ୍ରା ବିଦ୍ୟାଳୟରେ ଗତ ୨୦୧୩ ମସିହାଠାରୁ କଳା ଶିକ୍ଷକ ଭାବେ ସେ କାର୍ଯ୍ୟ କରୁଛନ୍ତି । ନୂତନ ଜ୍ଞାନକୌଶଳରେ ଟେରାକୋଟା ଭଳି ଶିଳ୍ପର ଆଧୁନିକୀକରଣ କରାଗଲେ ଓ ସରକାରୀ ପ୍ରୋତ୍ସାହନ ମିଳିଲେ ପାରମ୍ପରିକ କଳା ନୂଆ ଜୀବନ ପାଇପାରିବ ବୋଲି ସେ କହିିଛନ୍ତି।
କଳା ଶିକ୍ଷକ ପଦ୍ମନାଭ କହିଛନ୍ତି, ସ୍କୁଲ ଛାତ୍ରୀଛାତ୍ରଙ୍କ ସମେତ ସ୍ବୟଂ ସହାୟକ ଗୋଷ୍ଠୀର ମହିଳାଙ୍କୁ ଟେରାକୋଟା ଭଳି ଗ୍ରାମୀଣ ହସ୍ତକଳା ସମ୍ପର୍କରେ ସେ ତାଲିମ ପ୍ରଦାନ କରି ଆସୁୁଛନ୍ତି। ଭଦ୍ରକ ନେହରୁ ଷ୍ଟାଡିୟମ, ବାସୁଦେବପୁର ଅଟଳ ବିହାରୀ ମହାବିଦ୍ୟାଳୟ, ପୁରୁଷଣ୍ଢ ନୋଡାଲ ସ୍କୁଲ, ଗଣିଜାଙ୍ଗ ସଂସ୍କୃତି ସୁରକ୍ଷା ମଞ୍ଚ ଆଦି ସ୍ଥାନରେ ଚିତ୍ରକଳା ଓ ଟେରାକୋଟା ପ୍ରଦର୍ଶନୀ କରି ସେ ଲକ୍ଷ୍ୟପଥରେ ଅଗ୍ରସର ହୋଇ ଚାଲିଛନ୍ତି। ଭଦ୍ରକର ଭଦ୍ରାୟଣୀ ବାଣିଜ୍ୟ ମେଳାରେ ବାଲୁକା କଳା ମା’ ଭଦ୍ରାକାଳୀ ଓ ବାବା ଆରଡିଶ୍ୱରଙ୍କ ଚିତ୍ରାଙ୍କନ ସହିତ ବାଲେଶ୍ୱର, କେନ୍ଦୁଝର ଜିଲାର ଶାଳନିଆଁ ଓ ବନ୍ତ ବ୍ଲକସ୍ତରୀୟ ଶିଶୁ ଉତ୍ସବରେ ତାଙ୍କ ବାଲୁକା କଳା ଦର୍ଶକଙ୍କ ମନ ଜିଣିଛି। ଏହି କାର୍ଯ୍ୟ କ୍ଷେତ୍ରରେ ବହୁ ବାଧାବିଘ୍ନ ଆସିଥିଲେ ବି ସେ ଏହାକୁ ଅତିକ୍ରମ କରି ବିଭିନ୍ନ ବିଦ୍ୟାଳୟକୁ ଯାଇ ପିଲାମାନଙ୍କୁ ଟେରାକୋଟା ଉପରେ ତାଲିମ ପ୍ରଦାନ କରୁଛନ୍ତି ା ସରକାରୀ ସ୍ତରରେ ଏଥିଲାଗି ସ୍ବତନ୍ତ୍ର ଯୋଜନା କରାଯାଇ ପ୍ରୋତ୍ସାହନ ଯୋଗାଇ ଦିଆଯିବା ଦରକାର।
ନିଜ ପିଲାଦିନ କଥା ମନେ ପକାଇ ପଦ୍ମନାଭ କହନ୍ତି, ଗ୍ରାମୀଣ କଳା ଦ୍ୱାରା ପ୍ରଭାବିତ ହୋଇ ପ୍ରଥମେ ସେ ଛବି ଆଙ୍କିବା ସହ ମାଟିରେ ବିଭିନ୍ନ ପ୍ରତିମା ଗଢୁଥିଲେ। ପରବର୍ତ୍ତୀ ସମୟରେ ବଡ ବଡ ମୃଣ୍ମୟୀ ମୂର୍ତ୍ତି ତିଆରି କରିଥିଲେ। ତୋରଣ ଓ ଅନ୍ୟ ସାଜସଜ୍ଜା କାର୍ଯ୍ୟ କରୁଥିଲେ। ଗାଁଗଣ୍ଡାରେ ମିଳୁଥିବା ବାଉଁଶମୂଳ, ନଡିଆ ଷଡେଇ, ତାଳପତ୍ର, ପୁରୁଣା ବୋତଲ ଆଦି ବର୍ଜ୍ୟବସ୍ତୁକୁ ନେଇ ବିଭିନ୍ନ କଳାକୃତି ଗଢି ସେ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ। ଟେରାକୋଟା କାମ ଓ ବାଲୁକା କଳା ପ୍ରତି ମଧ୍ୟ ରୁଚି ରଖିଥିଲେ। ୧୯୯୧ରେ ଆଗରପଡା କୃଷ୍ଣଚନ୍ଦ୍ର ବିଦ୍ୟା ମନ୍ଦିରରୁ ମାଟ୍ରିକ ପାସ୍‌ କରି ଭଦ୍ରକ ଚାରୁ ଓ କାରୁ କଳା ମହାବିଦ୍ୟାଳୟରେ ଭାସ୍କର୍ଯ୍ୟ କଳାରେ ସ୍ନାତକ ଓ ୨୦୧୧ ମସିହାରେ ଉତ୍କଳ ବିଶ୍ୱବିଦ୍ୟାଳୟରୁ ମାଷ୍ଟର ଇନ୍‌ ଭିଜୁଆଲ୍‌ ଆର୍ଟରେ ସ୍ନାତକୋତ୍ତର ପାସ୍‌ କରିଛନ୍ତି। ଭଦ୍ରକ ଆର୍ଟ କଲେଜରେ ପଢିବା ବେଳେ ଟେରାକୋଟା ଓ ବାଲୁକା କଳା, ପଟଚିତ୍ର, ବାଥିକ୍‌, ଟେନସିଲ୍‌ ଡିଜାଇନ୍‌ କାର୍ଯ୍ୟ ଆରମ୍ଭ କରିଥିଲେ ା ଟେରାକୋଟା ଶିଳ୍ପର ବିକାଶ ଲାଗି ସେ ଏବେ ଭଦ୍ରକ ଜିଲାର ତିହିଡି, ଆଗରପଡା ଆଦି ସ୍ଥାନରେ ସ୍ବୟଂ ସହାୟିକା ଗୋଷ୍ଠୀର ମହିଳାମାନଙ୍କୁ ତାଲିମ ପ୍ରଦାନ କରିଛନ୍ତି ା ଧର୍ମପଦ ପୁରସ୍କାରପ୍ରାପ୍ତ ସ୍ବର୍ଗତ ରବି ନାରାୟଣ ନାୟକ, ଭଦ୍ରକ ଚାରୁ ଓ କାରୁକଳା ମହାବିଦ୍ୟାଳୟର ଅଧ୍ୟକ୍ଷ ମନୋଜ କୁମାର ଭଟ୍ଟାଚାର୍ଯ୍ୟ, ଅଧ୍ୟାପକ ଜୟନ୍ତ କୁମାର ମଲ୍ଲିକ, ଅଶ୍ୱିନୀ କୁମାର ପଣ୍ଡା, ରାମ ଚନ୍ଦ୍ର ଦାସ, ଆଗରପଡା ଡାଏଟର ଅଧ୍ୟାପକ ବୃନ୍ଦାବନ ସାମନ୍ତରାୟଙ୍କ ପ୍ରେରଣା ତାଙ୍କୁ ଆଗକୁ ନେବାରେ ସହାୟକ ହୋଇପାରିଛି । କଳାପ୍ରତିଭା ପାଇଁ ସେ ଶ୍ରୀକ୍ଷେତ୍ର ସଂସ୍କୃତି ଗୌରୀ, ବାଲୁକା କଳା ସମ୍ମାନ, ବାଣୀପୀଠ ଶିକ୍ଷକ ଗୌରବ ସମ୍ମାନ, ଭଦ୍ରାୟଣୀ ଜିଲାସ୍ତରୀୟ ପ୍ରତିଭା ସମ୍ମାନ ଓ ରାଜ୍ୟସ୍ତରୀୟ ପ୍ରତିଭା ସମ୍ମାନ ଭଳି ଅନେକ ପୁରସ୍କାର ଲାଭ କରିଛନ୍ତି ା


All Right Reserved By Dharitri.Com

ପୁରୁଷୋତ୍ତମପୁରରେ ପ୍ରଥମ ମହିଳା ପୋଲିସ ଅଧିକାରୀ: ଏସ୍‌ଡିପିଓ ଭାବେ ଯୋଗ ଦେଲେ ସୀମା ସ୍ବାଇଁ

ପୁରୁଷୋତ୍ତମପୁର, ୭।୧୧(ଡି.ଏନ୍‌.ଏ.): ଗଞ୍ଜାମ ଜିଲା ପୁରୁଷୋତ୍ତମପୁରରେ ଏସ୍‌ଡିପିଓ ଭାବେ ୨୦୧୫ ବ୍ୟାଚର ଓପିଏସ୍‌ ପାଇଥିବା ଅଫିସର ସୀମା ସ୍ବାଇଁ ଗୁରବାର କାର୍ଯ୍ୟରେ ଯୋଗ ଦେଇଛନ୍ତି ।...

ଓମଫେଡ୍‌ କ୍ଷୀର ଲିଟର ପିଛା ୪ଟଙ୍କା ବଢିଲା

ଭୁବନେଶ୍ୱର, ୨୬।୯(ବ୍ୟୁରୋ): ଓମଫେଡ୍‌ କ୍ଷୀର ଲିଟର ପିଛା ୪ ଟଙ୍କା ବୃଦ୍ଧି କରାଯାଇଛି। ଆସନ୍ତା ୨୭ରୁ ଏହି ଦର ଲାଗୁ ହେବ ବୋଲି ଓମଫେଡ ପକ୍ଷରୁ...

୨ ମହିଳାଙ୍କଠାରୁ ସୁନାଚେନ୍‌ ଲୁଟ୍‌: ବରିମୁଣ୍ଡା ରାସ୍ତାରେ ଲୁଟେରା-ମହିଳା ଧସ୍ତାଧସ୍ତି

ଭୁବନେଶ୍ୱର, ୧୯ା୧୦(ବ୍ୟୁରୋ): ମଞ୍ଚେଶ୍ୱର ଥାନା ଅଧୀନ ବରିମୁଣ୍ଡା ଗଁ। ରାସ୍ତା ଏବଂ ଚନ୍ଦ୍ରଶେଖରପୁର ଥାନା ଅଧୀନ କାନନ ବିହାର ଫେଜ-୨ ଅଞ୍ଚଳରେ ଶୁକ୍ରବାର ୨ଜଣ ମହିଳାଙ୍କ...

ଟ୍ରାଫିକ୍‌ ନିୟମ ୩ ମାସ କୋହଳ କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର, ୯।୯(ବ୍ୟୁରୋ): ସେପ୍ଟେମ୍ବର ୧ରୁ ଦେଶବ୍ୟାପୀ ଲାଗୁ ହୋଇଛି ନୂଆ ମୋଟର ଯାନ ଆଇନ। ନୂଆ ଆଇନ କାର୍ଯ୍ୟକାରୀ ହେବା ପରେ ଚାରିଆଡ଼େ ଚାଲିଛି ଧରପଗଡ଼।...

ମହିଳାଙ୍କୁ ନିର୍ଯାତନା,ବଳାତ୍କାର ଅଭିଯୋଗ: ସ୍ବାମୀ, ଦିଅର ଗଲେ ଜେଲ

ଜଗନ୍ନାଥପ୍ରସାଦ,୨୬ା୯(ଡି.ଏନ.ଏ.)-ଜଗନ୍ନାଥପ୍ରସାଦ ଥାନା ଅଞ୍ଚଳରେ ଜଣେ ମହିଳାଙ୍କୁ ନିର୍ଯାତନା ଓ ବଳାତ୍କାର ଅଭିଯୋଗରେ ମଙ୍ଗଳବାର ପୋଲିସ ସ୍ବାମୀ, ଦିଅରଙ୍କୁ କୋର୍ଟ ଚାଲାଣ କରିଛି। ଗିରଫ ଦିଅର ହେଲେ...

ଅନ୍‌ଲାଇନ୍‌ରେ ଠକେଇ: ଆକାଉଣ୍ଟରୁ ଉଠାଇନେଲେ ୨.୫ ଲକ୍ଷ ଜେଲ୍‌ ଗଲେ ଯୁବକ

ନୟାଗଡ଼ ଅଫିସ,୨୫ା୧୦: ଅନ୍‌ଲାଇନ୍‌ରେ ୨.୫ ଲକ୍ଷରୁ ଊର୍ଦ୍ଧ୍ୱ ଟଙ୍କା ଉଠାଇ ନେଇଥିବା ଅଭିଯୋଗରେ ପୋଲିସ ଜଣେ ଯୁବକଙ୍କୁ ଗିରଫ କରିଛି। ସେ ହେଲେ ନୟାଗଡ଼ ଟାଉନ...

ବିନା ପରମିଟ୍‌ରେ ଚାଲୁଥିବା ସ୍କୁଲ ବସ୍‌ ଜବତ

ଢେଙ୍କାନାଳ ଅଫିସ, ୩ା୧୦ – ଢେଙ୍କାନାଳ ଜିଲା ଗୋବିନ୍ଦପୁର ଅଞ୍ଚଳର ଜଣେ ମହିଳାଙ୍କ ନାମରେ ଥିବା ସ୍କୁଲ ବସ୍‌ ବିନା ପରମିଟରେ ଚାଲୁଥିବା ଅଭିଯୋଗରେ ଆଞ୍ଚଳିକ...

କେନ୍ଦ୍ରାପଡ଼ା ଜିଲା ମୁଖ୍ୟ ଚିକିତ୍ସାଳୟରେ ଅଭାବନୀୟ ଘଟଣା: ଅପରେଶନ ବେଳେ ମହିଳାଙ୍କ ପେଟରେ ରହିଗଲା ଛୁଞ୍ଚି, ସୂତା

କେନ୍ଦ୍ରାପଡ଼ା ଅଫିସ,୧୭।୭: କେନ୍ଦ୍ରାପଡ଼ା ଜିଲା ମୁଖ୍ୟ ଚିକିତ୍ସାଳୟରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି। ଡାକ୍ତରଙ୍କ ଅସାବଧାନତା ଯୋଗୁ ପ୍ରସବ ନିମନ୍ତେ ଆସିଥିବା ଜନୈକା ମହିଳାଙ୍କ...

selfi corner

Model This Week

Why Dharitri

Leave a comment

Your email address will not be published. Required fields are marked *