ସାହିରୁ ବାସନ୍ଦ ହୋଇଥିଲେ ବୋଲି କାନ୍ଧ ଦେବାକୁ ଆସିଲେନି କେହି: ୬ ଘଣ୍ଟା ପଡ଼ିରହିଲା ମୃତଦେହ

ନୟାଗଡ଼ ଅଫିସ,୧୧।୯-ସାହି ଲୋକେ ଏକ ପରିବାରକୁ ବାସନ୍ଦ କରିଥିଲେ। ଉକ୍ତ ପରିବାରର ସୁଖଦୁଃଖରେ ସାହିଲୋକେ ସାମିଲ ହେଉ ନ ଥିଲେ। ସେମାନଙ୍କୁ ମଧ୍ୟ ସାହିର ଭଲମନ୍ଦରେ ଯୋଗ ଦେବାକୁ ବାରଣ କରାଯାଇଥିଲା। ଫଳରେ ଏକଘରକିଆ ହୋଇ ଖୁବ୍‌ କଷ୍ଟରେ ଜୀବନ ବିତାଉଥିଲେ ଉକ୍ତ ପରିବାର ସଦସ୍ୟ। ଏପରିସ୍ଥିତିରେ ମଙ୍ଗଳବାର ବାର୍ଦ୍ଧକ୍ୟଜନିତ ରୋଗରେ ପୀଡିତ ହୋଇ ପରିବାର ମୁଖ୍ୟଙ୍କ ମୃତ୍ୟୁ ଘଟିଛି। ତାଙ୍କର ଶେଷ ଦର୍ଶନ କରିବା ପାଇଁ କିମ୍ବା ସତ୍କାର ଲାଗି ମୃତଦେହ ମଶାଣିକୁ ନେବାକୁ ସାହିର କେହି ଜଣେ ବି ଉକ୍ତ ପରିବାର ପାଖରେ ଉପସ୍ଥିତ ହେଲେ ନାହିଁ। ମୃତକଙ୍କ ଏକମାତ୍ର ପୁଅ ଥିବାବେଳେ ମଶାଣିକୁ ନେବା ପାଇଁ ଚାରି କାନ୍ଧର ଆବଶ୍ୟକ ଥିବାରୁ ଦୀର୍ଘ ୬ଘଣ୍ଟା କାଳ ଘରେ ପଡିରହିଲା ମୃତଦେହ। ପରେ ସରପଞ୍ଚଙ୍କ ହସ୍ତକ୍ଷେପ ଯୋଗୁ ଗ୍ରାମର ଅନ୍ୟ ଲୋକଙ୍କ ସହଯୋଗରେ ମୃତଦେହ ମଶାଣିକୁ ନିଆଯାଇ ସତ୍କାର କରାଯାଇଥିଲା।
ଅଭାବନୀୟ ଘଟଣା ଦେଖିବାକୁ ମିଳିଛି ନୟାଗଡ଼ ଜିଲା ସଦର ବ୍ଲକ ଗମ୍ଭାରିଡିହି ଗ୍ରାମର ବଣିଆସାହିରେ। ବଣିଆସାହିର ଶ୍ରୀଧର ସାଥୁଆଙ୍କ ମଙ୍ଗଳବାର ପୂର୍ବାହ୍ନ ୧୧ଟାରେ ମୃତ୍ୟୁ ଘଟିଥିଲା। କୌଣସି ଏକ ବିବାଦକୁ ନେଇ ତାଙ୍କ ସାହି ଜାତିଭାଇ ଦୀର୍ଘ ବର୍ଷ ହେଲାଣି ଶ୍ରୀଧରଙ୍କ ପରିବାରକୁ ବାସନ୍ଦ କରି ରଖିଥିଲେ। ପୂର୍ବରୁ ଶ୍ରୀଧରଙ୍କ ଘରେ ଯାହାର ମୃତ୍ୟୁ ହେଉଥିଲା ତାଙ୍କ ମୃତଦେହକୁ ଶ୍ରୀଧର ଓ ତାଙ୍କର ଏକମାତ୍ର ପୁଅ ଧନେଶ୍ୱର ମଶାଣିକୁ ନେଇ ସତ୍କାର କରୁଥିଲେ। ତେବେ ଶ୍ରୀଧରଙ୍କ ମୃତ୍ୟୁ ପରେ ଧନେଶ୍ୱର ସାହିଲୋକଙ୍କୁ ଯାଇ ମୃତଦେହ ମଶାଣିକୁ ନେବା ପାଇଁ ଡାକିବାରୁ କେହି ଆସି ନ ଥିଲେ। ପରେ ଧନେଶ୍ୱର ଏ ନେଇ ସରପଞ୍ଚଙ୍କୁ ଜଣାଇଥିଲେ। ଗମ୍ଭାରିଡିହି ସରପଞ୍ଚ ଉକ୍ତ ସାହିରେ ପହଞ୍ଚତ୍ ଲୋକମାନଙ୍କୁ ବୁଝାଶୁଝା କରିଥିଲେ ମଧ୍ୟ କେହି ଆସି ନ ଥିଲେ । ପରେ ଗ୍ରାମର ଅନ୍ୟ ସାହିରୁ ଲୋକ ଆସି ଅପରାହ୍ନ ୫ଟାରେ ଦୀର୍ଘ ପ୍ରାୟ ୬ଘଣ୍ଟା ପରେ ଶ୍ରୀଧରଙ୍କ ମୃତଦେହ ମଶାଣିକୁ ନେଇଥିଲେ। ସେହିପରି ସାହିର ଅନ୍ୟ ଲୋକମାନେ ସାହାଯ୍ୟ ନ କରିବାରୁ ଧନେଶ୍ୱରଙ୍କ ଏକମାତ୍ର ନାବାଳକ ପୁଅ ଜେଜେବାପାଙ୍କ ପାଇଁ ମଶାଣିକୁ ବାଉଁଶ ନେଇ ଯାଉଥିବାର ଦେଖିବାକୁ ମିଳିଥିଲା। ଏଭଳି ଅଭାବନୀୟ ଦୃଶ୍ୟ ଗ୍ରାମବାସୀ ଦେଖୁଥିଲେ ମଧ୍ୟ କେହି ସାହାଯ୍ୟ କରିବା ପାଇଁ ଆଗଭର ହୋଇ ନ ଥିଲେ।


All Right Reserved By

ଜଳ ଘେରରେ ସରକାରୀ ଉଚ୍ଚ ବିଦ୍ୟାଳୟ: ଆଣ୍ଠୁଏ ପାଣିରେ ଯାତାୟାତ କରୁଛନ୍ତି ଛାତ୍ରୀଛାତ୍ର, ଶିକ୍ଷାବିତ୍‌

ନିରାକାରପୁର,୧୦ା୮(ଡି.ଏନ.ଏ.): ଖୋର୍ଦ୍ଧା ଜିଲା ନିରାକାରପୁର ପଞ୍ଚାୟତସ୍ଥିତ କ୍ଷେତ୍ରବାସୀ ସରକାରୀ ଏକାଡେମୀ(ଉଚ୍ଚ ବିଦ୍ୟାଳୟ) ଏବେ ଜଳ ଘେର ମଧ୍ୟରେ ରହିଥିବାରୁ ବିଭିନ୍ନ ମହଲରେ ଅସନ୍ତୋଷ ସୃଷ୍ଟିହୋଇଛି। ସୂଚନାଯୋଗ୍ୟ,...

ସଶସ୍ତ୍ର ଡକାୟତି: ଲକ୍ଷାଧିକ ଟଙ୍କାର ସୁନା ଅଳଙ୍କାର, ନଗଦ ଟଙ୍କା, ୨ ବାଇକ ଲୁଟ୍‌

ଓଡ଼ଗାଁ, ୧୩।୮(ସ୍ବ.ପ୍ର.): ନୟାଗଡ଼ ଜିଲା ଓଡ଼ଗାଁ ଆଦର୍ଶ ଥାନା ଅନ୍ତର୍ଗତ ଗୋଠଣ ଗ୍ରାମରେ ସୋମବାର ବିଳମ୍ବିତ ରାତିରେ ସଶସ୍ତ୍ର ଡକାୟତି ହୋଇଛି। ୪ରୁ ୫ ଡକାୟତ...

ଚିନିକଳ ଖୋଲିବା ଆଶା ଉଜ୍ଜୀବିତ : ଏକାଠି ହେଲେ ମନ୍ତ୍ରୀ, ପ୍ରଶାସକ, ନେତା, କୃଷକ

ନୟାଗଡ଼ ଅଫିସ,୯ା୮: ନୟାଗଡ଼ ଜିଲାରେ ବନ୍ଦ ହୋଇ ପଡ଼ିଥିବା ଚିନିକଳ ଖୋଲିବା ପ୍ରସଙ୍ଗରେ ଗୁରୁବାର ଜିଲାପାଳଙ୍କ ସଦ୍‌ଭାବନା ଗୃହରେ ଏକ ବୈଠକ ଅନୁଷ୍ଠିତ ହୋଇଥିଲା। ଏଥିରେ...

ଆକୃଷ୍ଟ କରୁଛି ଡିଜିଟାଲ ଫଟୋଗ୍ରାଫି

ନୟାଗଡ଼ ଅଫିସ,୧୯ା୮ (ରଞ୍ଜନ କୁମାର ପ୍ରଧାନ): ଦୁଇ ଦଶନ୍ଧି ପୂର୍ବରୁ ପରିବାର ସହିତ ଷ୍ଟୁଡ଼ିଓରେ ଯାଇ ଫଟୋ ଉଠାଇବା କିମ୍ବା ଘରକୁ କ୍ୟାମେରାମ୍ୟାନ୍‌ ଆସି ଫଟୋ...

ଶ୍ରୀ ନୀଳମାଧବଙ୍କ ସିଂହଦ୍ୱାରକୁ ଲାଗି ଶୌଚାଳୟ :ପରମ୍ପରା ବିରୋଧ ନେଇ ଅସନ୍ତୋଷ, ନିର୍ମାଣ ବନ୍ଦ ଦାବି

ଖଣ୍ଡପଡ଼ା,୫ା୮(ସ୍ବ.ପ୍ର.): ଜଗନ୍ନାଥ ସଂସ୍କୃତିର ଆଦି ଦେବତା ଭାବେ ପରିଚିତ କଣ୍ଟିଲୋ ଶ୍ରୀ ନୀଳମାଧବ ଜୀଉଙ୍କ ମନ୍ଦିର ପୂର୍ବ ଦ୍ୱାର ତଥା ସିଂହଦ୍ୱାରକୁ ଲାଗି ୨ଟି ପାଇଖାନା...

ଅସୁରକ୍ଷିତ ଘରେ ଚାଲିଛି ପାଠପଢ଼ା : ଗୃହ ନିର୍ମାଣ ସତ୍ତ୍ୱେ ହେଉନି ହସ୍ତାନ୍ତର

ରଣପୁର,୧୯।୮(ସ୍ବ.ପ୍ର.)-ନୟାଗଡ ଜିଲା ରଣପୁର ବ୍ଲକ ସୁଆଁସିଆ ସାହି ଅଙ୍ଗନୱାଡି କେନ୍ଦ୍ରରେ କାନ୍ଥ ଭୁଶୁଡି ୨୦୧୨ ଜୁଲାଇ ୯ରେ ୭ ଶିଶୁଙ୍କ ମୃତ୍ୟୁ ପରେ ବି ପ୍ରଶାସନ...

ବେନିୟମ ଭାବେ ବଣ୍ଟନ ହୋଇଛି ମାର୍କେଟ କମ୍ପ୍ଲେକ୍ସ : ଜଣେ ଜଣେ ହାତେଇଛନ୍ତି ଏକାଧିକ ଗୃହ

ନୟାଗଡ଼ ଅଫିସ,୨୬ା୮: ନୟାଗଡ଼ ସହରର ବିଭିନ୍ନ ମାର୍କେଟ କମ୍ପ୍ଲେକ୍ସରେ ଥିବା ଦୋକାନ ଗୃହଗୁଡିକ ବେନିୟମ ଭାବେ ବଣ୍ଟନ କରାଯାଇଛି। ସହରରେ ବସବାସ କରୁଥିବା ଯୁବକମାନେ ଯେପରି...

ଓଡଗାଁ, ରଣପୁର ପୋଲିସର ମିଳିତ ଚଢ଼ାଉ: ୨ ଅଟକ; ଗାଡ଼ି, ମାଉଜର, ଜୀବନ୍ତ ବୋମା ଜବତ

ରଣପୁର, ୨୦।୮(ସ୍ବ.ପ୍ର.): ନୟାଗଡ଼ ଜିଲା ରଣପୁର ଥାନା ନୂଆ ସୁକଲ ଗ୍ରାମରେ ଓଡଗାଁ ଓ ରଣପୁର ପୋଲିସ ସୋମବାର ରାତ୍ରରେ ମିଳିତ ଭାବେ ଚଢ଼ାଉକରି ଦୁଇ...

selfi corner

Model This Week

Why Dharitri

Leave a comment

Your email address will not be published. Required fields are marked *