ରାସ୍ତା ଉପରେ ଝୁଲିରହିଛି ବିଦ୍ୟୁତ୍‌ ତାର:ବିପଦ ଆଶଙ୍କାରେ ସାହିବାସୀ

ଖଣ୍ଡପଡା,୧୧ା୯(ସ୍ବ.ପ୍ର.): କଣ୍ଟିଲୋ ଅଞ୍ଚଳ ଦେଇ ଯାଇଛି ଦଶପଲ୍ଲା-ଖୋର୍ଦ୍ଧା ରାଜ୍ୟ ରାଜପଥ। ଏହି ରାସ୍ତାର କଣ୍ଟିଲୋ ଅଞ୍ଚଳରେ ବିଦ୍ୟୁତ୍‌ ତାର ଝୁଲିରହିଥିବାରୁ ବିଭିନ୍ନ ସାହି, ବସ୍ତିର ଲୋକେ ବିପଦ ଆଶଙ୍କା କରିଛନ୍ତି।
ଖଣ୍ଡପଡା ସେସୁ ବିଭାଗର କଣ୍ଟିଲୋ ବିଦ୍ୟୁତ୍‌ ସେକ୍ସନ ଅଧୀନରେ ପ୍ରାୟ ୧୩୦ କିଲୋ ମିଟର ୧୧ କେଭି ଓ ଏଲ୍‌ଟି ଲାଇନ ରହିଛି ା ଉକ୍ତ ଲାଇନ ଦୀର୍ଘ ୫୦ ବର୍ଷରୁ ଊର୍ଦ୍ଧ୍ୱ ହେବ ଟଣାଯାଇଥିବା ବେଳେ ପୁରୁଣା ତାର ବଦଳାଯାଇ ନାହିଁ। ଏହାଛଡା ୧୧ କେଭି ବିଦ୍ୟତ୍‌ ତାର ସହିତ ଗୃହମାନଙ୍କୁ ଯାଇଥିବା ସର୍ଭିସ ଲାଇନଗୁଡିକ ଅଧିକାଂଶ ସ୍ଥାନରେ ଝୁଲି ରହିଛି ା ବିଶେଷ କରି ଦଶପଲ୍ଲ-ଖୋର୍ଦ୍ଧା ମୁଖ୍ୟ ପୂର୍ତ୍ତ ବିଭାଗ ରାସ୍ତାକୁ ୪୮ ନମ୍ବର ରାଜ୍ୟ ରାଜପଥ ଭାବେ ଘୋଷଣା କରାଯାଇ ନବୀକରଣ କରାଯିବାରୁ ଏହି ରାସ୍ତା ପ୍ରାୟ ଏକଫୁଟ ଉଚ୍ଚା ହୋଇଯାଇଛି ା କଣ୍ଟିଲୋ ମୁଖ୍ୟ ବଜାରରେ ସିମେଣ୍ଟ ରାସ୍ତା ଉପରୁ ଏହି ଏଲଟି ଲାଇନ ଓ ୧୧ କେଭି ଲାଇନର ଉଚ୍ଚତା ପ୍ରାୟ ୧୦/୧୫ଫୁଟ ରହିଛି ା ପ୍ରତ୍ୟହ ଉକ୍ତ ବଜାର ରାସ୍ତା ଦେଇ ଶତାଧିକ ଭରିଯାନ ସହିତ ଯାତ୍ରୀବାହୀ ବସ୍‌, ଟ୍ରକ, ଜେସିବି ଆଦି ଚଳାଚଳ କରୁଛି ା ଅନେକ ସୟରେ ବିଭିନ୍ନ ଭାରିଯାନ ଓ ଯାତ୍ରୀବାହୀ ବସ୍‌ରେ ଲଦା ହୋଇଥିବା ସାମଗ୍ରୀ ରାସ୍ତା ଉପରେ ଝୁଲି ରହିଥିବା ଲାଇନରେ ମାଡ ହୋଇ ବିଦ୍ୟୁତ୍‌ ତାର ଛିଣ୍ଡିଯିବାର ନଜିର ରହିଛି ା ବିଗତ ଦିନରେ ଏକ ଯାତ୍ରୀବାହୀ ବସ୍‌ ଛାତ ଉପରେ ବସିଥିବା ଜଣେ ବ୍ୟକ୍ତି ତାର ସଂସ୍ପର୍ଶରେ ଆସି ନିଶ୍ଚିତ ମୃତ୍ୟୁମୁଖରୁ ବର୍ତ୍ତିଯାଇଥିଲେ। ଗତ ଅଗଷ୍ଟ ୮ ତାରିଖରେ କୌଣସି ଏକ ଗାଡିରେ ଲୋଡ୍‌ହୋଇଥିବା ସାମଗ୍ରୀ ଝୁଲି ରହିଥିବା ବିଦ୍ୟୁତ ଲାଇନରେ ଲାଗିଯିବାରୁ ତାରଗୁଡିକ ୧୦/୧୫ ଫୁଟ ଯାଏ ଟାଣି ହୋଇ ଯାଇଥିଲା ା ଏହାକୁ ନେଇ ସେଠାରେ ଉତ୍ତେଜନା ପ୍ରକାଶ ପାଇଥିଲା। ଗାଡି ଉପରେ ବସି ଯାଉଥିବା କୌଣସି ଯାତ୍ରୀ ଯଦି ଅନ୍ୟମନସ୍କ ହୋଇ ହାତ ଉପରକୁ ଟେକି ଦିଅନ୍ତି ତେବେ ବିଦ୍ୟୁତ୍‌ ସଂସ୍ପର୍ଶରେ ଆସିବା ନିଶ୍ଚିତ। ଏହି ଲାଇନକୁ ଉପରକୁ ଉଠାଇବା ପାଇଁ ବାରମ୍ବାର ଦାବି କରାଯାଉଥିଲେ ମଧ୍ୟ ଏହାର ପ୍ରତିକାର ହେଉନାହିଁ ା ଏ ସମ୍ପର୍କରେ ନୟାଗଡ ସେସୁ ଡିଭିଜନର ମ୍ୟାନେଜର ତଥା ନିର୍ବାହୀଯନ୍ତ୍ରୀ ସୁଜିତ କୁମାର ସାହୁ କହନ୍ତି, ପୂର୍ତ୍ତ ବିଭାଗ ରାସ୍ତା ନବୀକରଣ କରୁଥିବାରୁ ଏହା ସ୍ବାଭାବିକ ଭାବେ ଉଚ୍ଚା ହେଉଛି ା ସେହି ଅନୁପାତରେ ବିଦ୍ୟୁତ୍‌ ଲାଇନ କିପରି ଉଚ୍ଚ ହେବ ସେ ଦିଗରେ ପୂର୍ତ୍ତ ବିଭାଗ ଯନତ୍ଶୀଳ ହେବା କଥା। ବିଦ୍ୟୁତ୍‌ ବିଭାଗର ସୀମିତ ଅର୍ଥରେ ରାସ୍ତା ଉପରୁ ଏତେଗୁଡିଏ ଖୁଣ୍ଟ ଓ ବିଦ୍ୟୁତ୍‌ ଲାଇନକୁ ଅଧିକ ଉଚ୍ଚରେ ରଖିବା ସମ୍ଭବ ନୁହେଁ ା ଏ ସମ୍ପର୍କରେ ଜିଲାପାଳ ଓ ପୂର୍ତ୍ତ ବିଭାଗ ଉଚ୍ଚ କର୍ତ୍ତୃପକ୍ଷଙ୍କୁ ଅବଗତ କରାଯାଇଥିଲେ ମଧ୍ୟ ପୂର୍ତ୍ତ ବିଭାଗ କୌଣସି ପଦକ୍ଷେପ ନେଉ ନାହିଁ ା ତଥାପି ଭବିଷ୍ୟତରେ ଯଦି ମେଣ୍ଟେନାନ୍ସ ପାଇଁ ଅଧିକ ଅର୍ଥ ଆସେ ତେବେ ଏ ଦିଗରେ ବ୍ୟବସ୍ଥା କରିବା ପାଇଁ ଚେଷ୍ଟା କରିବେ ବୋଲି ସେ ସୂଚନା ଦେଇଥିଲେ। ପୂର୍ତ୍ତ ବିଭାଗ ସହକାରୀ ଯନ୍ତ୍ରୀ ପ୍ରଦୀପ କୁମାର ପରିଡା କହନ୍ତି, ବିଦ୍ୟୁତ୍‌ ତାର ବା ଖୁଣ୍ଟ ଉଠାଇବା ନେଇ ଆମ ସେଭଳି କିଛି ବ୍ୟବସ୍ଥା ନାହିଁ। ଟେଣ୍ଡର ଡକାଯାଇ ଠିକାଦାର ମାଧ୍ୟମରେ ଏସବୁ କାର୍ଯ୍ୟ କରାଯାଉଛି।


All Right Reserved By

କଣ୍ଟିଲୋରେ ଝୁଲଣ ଯାତ୍ରା ଆରମ୍ଭ : ସଂକୀର୍ତ୍ତନ କରି ଠାକୁରଙ୍କୁ ଝୁଲାଇଲେ ଭକ୍ତ

ଖଣ୍ଡପଡ଼ା,୧୨ା୮(ସ୍ବ.ପ୍ର.) : ଜଗନ୍ନାଥ ସଂସ୍କୃତିର ଆଦିପୀଠ ଭାବେ ପରିଚିତ କଣ୍ଟିଲୋସ୍ଥିତ ଶ୍ରୀ ନୀଳମାଧବ ଜୀଉ ପୀଠ, ରାଧାମୋହନ ଜୀଉ ମଠ, ଠାକୁର ଅଭିରାମ ପରମହଂସ ଦେବଙ୍କ...

ପକ୍କାଘର କରାଇଦେବାକୁ କହି ମହିଳାଙ୍କୁ ଠକେଇ ଘଟଣା: ମାସେ ପରେ ବି ପୋଲିସ ହାତ ଖାଲି

ନୟାଗଡ଼ ଅଫିସ,୨୭।୭: ଗତ ଜୁନ୍‌ ମାସ ୨୫ ତାରିଖରେ ଜିଲାପାଳଙ୍କ କାର୍ଯ୍ୟାଳୟ ପରିସରରେ ଜଣେ ଯୁବକ ମହିଳାଙ୍କୁ ପକ୍କା ଘର କରାଇଦେବାକୁ କହି ସୁନା ଚେନ୍‌...

ସପ୍ତମ ଆର୍ଥିକ ଜନଗଣନାର ଶୁଭାରମ୍ଭ: ୩ ମାସ ଧରି ଜିଲାରେ ଚାଲିବ

ନୟାଗଡ଼ ଅଫିସ,୨୭ା୮: ସପ୍ତମ ଆର୍ଥିକ ଜନଗଣନା (ଇକୋନୋମିକ ସେନ୍‌ସସ୍‌) କାର୍ଯ୍ୟକ୍ରମ ସୋମବାର ଆରମ୍ଭ ହୋଇଛି। ଜିଲାପାଳଙ୍କ ସଦ୍‌ଭାବନା ଗୃହଠାରେ ଜିଲାପାଳ ଡ. ପୋମା ଟୁଡୁ ଏହାକୁ...

ଅଣଛାତ୍ରଙ୍କୁ ଚିହ୍ନଟ ପାଇଁ ପଦକ୍ଷେପ: କଲେଜ ମୁଖ୍ୟ ଫାଟକରେ ଲାଗିବ ସିସି କ୍ୟାମେରା

ଖଣ୍ଡପଡା,୧୮।୮(ସ୍ବ.ପ୍ର.)-କଣ୍ଟିଲୋ ନୀଳମାଧବ ମହାବିଦ୍ୟାଳୟ ପରିସରରେ ବିଭିନ୍ନ ସମୟରେ ସ୍ଥାନୀୟ ଅଞ୍ଚଳର କେତେକ ଅଣଛାତ୍ର ପ୍ରବେଶ କରି ନାନା ବିଶୃଙ୍ଖଳା ସୃଷ୍ଟି କରିଥାନ୍ତି । ଫଳରେ ମହାବିଦ୍ୟାଳୟର...

ପ୍ରଚୁର ଜଳ ଉତ୍ସ ସତ୍ତ୍ୱେ ହେଉନି ସଂରକ୍ଷଣ : ଜାରି ରହିଛି ମହାନଦୀ ଜଳ ବିବାଦ

ଖଣ୍ଡପଡ଼ା,୨୯ା୭-ଦେଶ ସ୍ବାଧୀନ ହେବାର ୧ ବର୍ଷ ପରେ ଅର୍ଥାତ୍‌ ୧୯୪୮ ମସିହାରୁ ଓଡିଶାରେ କୃଷିର ଉନ୍ନତି ପାଇଁ ଜଳସେଚନ ଏବଂ ବିଦ୍ୟୁତ୍‌ ଦେଖାଦେଇଛି। ଉତ୍ପାଦନ ଲକ୍ଷ୍ୟରେ...

ଭିତ୍ତିପ୍ରସ୍ତର ସ୍ଥାପନର ୫ମାସ ବିତିଲା : ଏ ଯାଏଁ ଆରମ୍ଭ ହୋଇନି ବିଜ୍ଞାନ କେନ୍ଦ୍ର ନିର୍ମାଣ କାର୍ଯ୍ୟ

ଖଣ୍ଡପଡା,୧୦।୮(ସ୍ବ.ପ୍ର.): ଖଣ୍ଡପଡା-ଭାପୁର ମୁଖ୍ୟ ପୂର୍ତ୍ତ ବିଭାଗ ରାସ୍ତା ଉମାଦେବୀ ଛକ ନିକଟରେ ଏକ ବିଜ୍ଞାନକେନ୍ଦ୍ର ନିର୍ମାଣ ପାଇଁ ଭିତ୍ତିପ୍ରସ୍ତର ସ୍ଥାପନ କରାଯାଇଥିଲା। ଏ ମଧ୍ୟରେ ଦୀର୍ଘ...

ଜଳ ଘେରରେ ସରକାରୀ ଉଚ୍ଚ ବିଦ୍ୟାଳୟ: ଆଣ୍ଠୁଏ ପାଣିରେ ଯାତାୟାତ କରୁଛନ୍ତି ଛାତ୍ରୀଛାତ୍ର, ଶିକ୍ଷାବିତ୍‌

ନିରାକାରପୁର,୧୦ା୮(ଡି.ଏନ.ଏ.): ଖୋର୍ଦ୍ଧା ଜିଲା ନିରାକାରପୁର ପଞ୍ଚାୟତସ୍ଥିତ କ୍ଷେତ୍ରବାସୀ ସରକାରୀ ଏକାଡେମୀ(ଉଚ୍ଚ ବିଦ୍ୟାଳୟ) ଏବେ ଜଳ ଘେର ମଧ୍ୟରେ ରହିଥିବାରୁ ବିଭିନ୍ନ ମହଲରେ ଅସନ୍ତୋଷ ସୃଷ୍ଟିହୋଇଛି। ସୂଚନାଯୋଗ୍ୟ,...

ନିଖୋଜ ବ୍ୟକ୍ତିଙ୍କ ଗଳିତ ମୃତଦେହ ୯ଦିନ ପରେ କୂଅରୁ ଉଦ୍ଧାର: ହାତଗୋଡ ବନ୍ଧା ହୋଇଥିବାରୁ ହତ୍ୟା ସନ୍ଦେହ

ଖଣ୍ଡପଡା,୧୦।୮(ସ୍ବ.ପ୍ର.): ନୟାଗଡ଼ ଜିଲା ଖଣ୍ଡପଡା ଥାନା ଅନ୍ତର୍ଗତ ତେନ୍ତୁଳିଆପଲ୍ଲୀ ଗ୍ରାମରେ ନିଖୋଜ ଥିବା ଜନୈକ ବ୍ୟକ୍ତିଙ୍କ ଗଳିତ ମୃତଦେହ ଦୀର୍ଘ ୯ଦିନ ପରେ ଶୁକ୍ରବାର ପୋଲିସ...

selfi corner

Model This Week

Why Dharitri

Leave a comment

Your email address will not be published. Required fields are marked *