Posted inଜାତୀୟ

୩ ସେନାର ଆଧୁନିକୀକରଣ ପାଇଁ ମେଗା ଯୋଜନା: ବ୍ୟୟ ହେବ ୧୩୦ ବିଲିୟନ ଡଲାର

ନୂଆଦିଲ୍ଲୀ,୧୦ା୯(ପି.ଟି.): ଆଗାମୀ ୫ରୁ ୭ ବର୍ଷ ମଧ୍ୟରେ ଭାରତୀୟ ସୈନ୍ୟବାହିନୀର ଆକ୍ରମଣ କ୍ଷମତା ବୃଦ୍ଧି ସହ ଏହାର ଆଧୁନିକୀକରଣ ଲାଗି ସରକାର ମେଗା ଯୋଜନା ପ୍ରସ୍ତୁତ କରିଛନ୍ତି। ଏଥିପାଇଁ ୧୩୦ ବିଲିୟନ ଡଲାର ବ୍ୟୟ ହେବ। ୩ ସେନାର ଆଧୁନିକୀକରଣକୁ ତ୍ୱରାନ୍ବିତ କରିବା ପାଇଁ ସରକାର ନିଷ୍ପତ୍ତି ନେଇଥିବା ଏକ ସୂତ୍ରରୁ ଜଣାପଡିଛି। ଏଥିପାଇଁ ଗୁରୁତ୍ୱପୂର୍ଣ୍ଣ ଯୁଦ୍ଧାସ୍ତ୍ର, କ୍ଷେପଣାସ୍ତ୍ର, ଲଢ଼ୁଆ ଜେଟ୍‌, ବୁଡ଼ାଜାହାଜ, ଯୁଦ୍ଧଜାହାଜ କିଣାଯିବ। ତେବେ ଫାଷ୍ଟ-ଟ୍ରାକ୍‌ ଇନ୍‌ଫାଣ୍ଟ୍ରିର ତୁରନ୍ତ ଆଧୁନିକୀକରଣ ଉପରେ ସର୍ବାଧିକ ପ୍ରାଥମିକତା ଦିଆଯାଉଛି। ଏଥିପାଇଁ ସ୍ଥଳସେନା ନିମନ୍ତେ ୨୬୦୦ ଆକ୍ରମଣକାରୀ ଯାନ, ଭବିଷ୍ୟତ ଲାଗି ପ୍ରସ୍ତୁତ ରହିବାକୁ ୧୭୦୦ ଲଢ଼ୁଆ ଯାନ କିଣାଯିବ। ସେହିପରି ବାୟୁସେନା ନିମନ୍ତେ ୧୧୦ଟି ମଲ୍ଟିରୋଲ୍‌ ଲଢ଼ୁଆ ବିମାନ କିଣା ଉପରେ ପ୍ରାଥମିକତା ଦିଆଯାଉଛି।
ଯଦି ଏକସଙ୍ଗେ ଉତ୍ତର ଓ ପଶ୍ଚିମସୀମାରୁ ଆକ୍ରମଣ ହୁଏ ତେବେ ଏହାକୁ ପ୍ରତିହତ କରିବା ଲାଗି ସେନାକୁ ଉପଯୁକ୍ତ ଭାବେ ପ୍ରସ୍ତୁତ ରହିବାକୁ ହେବ। ଏଥିପାଇଁ ପର୍ଯ୍ୟାପ୍ତ ପାଣ୍ଠି ଯୋଗାଇଦେବା ଉପରେ ସେନା ଗୁରୁତ୍ୱ ଦେଉଛି। ଚାଇନା ଇତିମଧ୍ୟରେ ଏହାର ବାୟୁସେନା ଓ ନୌସେନାର ଶକ୍ତି ଯଥେଷ୍ଟ ବୃଦ୍ଧି କରିସାରିଲାଣି। ଏହାକୁ ସମ୍ମୁଖୀନ ହେବା ଲାଗି ଭାରତୀୟ ବାୟୁସେନା ଓ ନୌସେନାକୁ ଉପଯୁକ୍ତ ଅସ୍ତ୍ରଶସ୍ତ୍ର ଓ ଯୁଦ୍ଧ ସରଞ୍ଜାମ ସହ ପ୍ରସ୍ତୁତ ହୋଇ ରହିବାକୁ ହେବ। ନୌସେନା ଏହାର ଶକ୍ତି ବୃଦ୍ଧି ଲାଗି ଯୋଜନା ଚୂଡାନ୍ତ କରିଛି। ଆଗାମୀ ୩-୪ ବର୍ଷରେ ୨୦୦ ଜାହାଜ, ୫୦୦ ଯୁଦ୍ଧ ବିମାନ ଏବଂ ୨୪ ଆକ୍ରମଣକାରୀ ବୁଡ଼ାଜାହାଜ ଚାହୁଁଛି ନୌସେନା। ଏବେ ଉକ୍ତ ବାହିନୀ ପାଖରେ ୧୩୨ ଜାହାଜ, ୨୨୦ ବିମାନ ଓ ୧୫ ବୁଡାଜାହାଜ ରହିଛି।
ସେହିପରି ବାୟୁସେନାର ଆକ୍ରମଣ କ୍ଷମତା ଯଥେଷ୍ଟ ବୃଦ୍ଧି ଲାଗି ସରକାର ପ୍ରତିବଦ୍ଧ। ଏଥିପାଇଁ ସବିଶେଷ ଯୋଜନା ଚୂଡ଼ାନ୍ତ ହୋଇଥିବା ଏହି ସୂତ୍ରରୁ ଜଣାପଡିଛି। ଦିଲ୍ଲୀ, ମୁମ୍ବାଇ ସମେତ ଦେଶର ସମସ୍ତ ବୃହତ୍‌ ମହାନଗରୀଗୁଡିକ ଉପରେ ଆକାଶ ସୀମାକୁ ସମ୍ପୂର୍ଣ୍ଣ ଅଭେଦ୍ୟ କରିବା ପାଇଁ ସରକାର ଏକ ମେଗା ପ୍ରତିରକ୍ଷା ପ୍ରକଳ୍ପ ନିମନ୍ତେ କାର୍ଯ୍ୟ କରୁଛନ୍ତି। ଆନ୍ତଃମହାଦେଶୀୟ ବାଲିଷ୍ଟିକ୍‌ ମିସାଇଲ ଅଗ୍ନି-୫ର ବାୟୁସେନାରେ ସାମିଲ ହୋଇଛି, ଯାହା ଏହାର ପ୍ରତିରକ୍ଷା କ୍ଷମତାକୁ ଯଥେଷ୍ଟ ବୃଦ୍ଧି କରିବ। ଏହି ମିସାଇଲ ଆଣବିକ ଯୁଦ୍ଧାସ୍ତ୍ର ବହନ କରି ୫୦୦୦ କିଲୋମିଟର ଲକ୍ଷ୍ୟଭେଦ କରିପାରିବ। ଏହା ବ୍ୟତୀତ ଅଗ୍ନି-୧ (୭୦୦ କିମି), ଅଗ୍ନି-୨ (୨୦୦୦ କିମି), ଅଗ୍ନି-୩ (୨୫୦୦ କିମି) ଓ ଅଗ୍ନି-୪ (୩୫୦୦ କିମିରୁ ଅଧିକ) ପୂର୍ବରୁ ସେନାବାହିନୀରେ ସାମିଲ ହୋଇସାରିଛି। ତେବେ ସରକାର ଘରୋଇ ପ୍ରତିରକ୍ଷା ଶିଳ୍ପର ବିକାଶ ଉପରେ ଗୁରୁତ୍ୱ ଦେଉଛନ୍ତି ଓ ଆଗାମୀ ୨ ମାସ ମଧ୍ୟରେ ଏଥିପାଇଁ ନୀତି ପ୍ରଣୟନ ହେବା ଆଶା କରାଯାଉଛି।

୨୮ରେ ସାମିଲ ହେବ ଆଇଏନ୍‌ଏସ୍‌ ଖଣ୍ଡେରୀ

ମାଜାଗାଓଁ ପୋତାଶ୍ରୟରେ ନିର୍ମାଣାଧୀନ ଥିବା ଦ୍ୱିତୀୟ ସ୍କୋର୍ପେନ୍‌ ଡିଜେଲ-ଇଲେକ୍ଟ୍ରିକ୍‌ ବୁଡ଼ାଜାହାଜ ଆଇଏନ୍‌ଏସ୍‌ ଖଣ୍ଡେରୀ ଚଳିତ ମାସରେ ନୌସେନାରେ ସାମିଲ ହେବାକୁ ଯାଉଛି। ଏହି ଶ୍ରେଣୀର ପ୍ରଥମ ବୁଡ଼ାଜାହାଜ ଆଇଏନ୍‌ଏସ୍‌ କାଲଭରୀ ୨୦୧୭ ଡିସେମ୍ବରରେ ନୌସେନାରେ ଯୋଗଦେଇଥିଲା ବେଳେ ବହୁ ବିଳମ୍ବରେ ୧୫୬୫ ଟନ୍‌ ଓଜନ ବିଶିଷ୍ଟ ଖଣ୍ଡେରୀ ସାମିଲ ହେଉଥିବାରୁ ଏହା ନୌବାହିନୀର ପ୍ରତିରକ୍ଷା କ୍ଷମତା ଯଥେଷ୍ଟ ବୃଦ୍ଧି କରିବ। ଏଥିପାଇଁ ୨୮ ତାରିଖରେ ମୁମ୍ବାଇରେ ଅନୁଷ୍ଠିତ ହେବାକୁ ଥିବା ଉତ୍ସବରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ମୁଖ୍ୟ ଅତିଥି ଭାବେ ଯୋଗଦେବେ। ସେଦିନ ପ୍ରଥମ ଲଢ଼ୁଆ ଜାହାଜ ନିର୍ମାଣ କାର୍ଯ୍ୟ ଶୁଭାରମ୍ଭ ହେବା ସହ ମୁମ୍ବାଇ ନୌସେନା ଡକ୍‌ୟାର୍ଡରେ ବିମାନବାହୀ ଜାହାଜ ନିମନ୍ତେ ଏକ ଶୁଷ୍କ ପୋତାଶ୍ରୟର ମଧ୍ୟ ଉଦ୍‌ଘାଟନ ହେବ। ନୌସେନା ପାଖରେ ଥିବା ୧୩ଟି ପାରମ୍ପରିକ ବୁଡ଼ାଜାହାଜ ମଧ୍ୟରୁ ଅଧା କାର୍ଯ୍ୟକ୍ଷମ ରହିଛି। ଏହାବ୍ୟତୀତ ଆଇଏନ୍‌ଏସ୍‌ କାଲଭରୀ, ଆଣବିକ କ୍ଷମତାସମ୍ପନ୍ନ ବୁଡାଜାହାଜ ଆଇଏନ୍‌ଏସ୍‌ ଚକ୍ର ଓ ଆଇଏନ୍‌ଏସ୍‌ ଅରିହନ୍ତ ନୌସେନାର ଶକ୍ତି ବୃଦ୍ଧି କରିଛନ୍ତି।


All Right Reserved By Dharitri.Com

୫୧ ଜଣଙ୍କ ନାଁରେ ଦେଶଦ୍ରୋହ ମାମଲା

ମୁମ୍ବାଇ,୪ା୨(ଆଇଏଏନ୍‌ଏସ୍‌): ମୁମ୍ବାଇ ପୋଲିସ ୫୧ ଜଣଙ୍କ ବିରୋଧରେ ଦେଶଦ୍ରୋହ ମାମଲା ରୁଜୁ କରିଛି। ସେମାନେ ଶନିବାର ଏକ ର଼୍ୟାଲିରେ ଯୋଗଦେଇ ଦେଶଦ୍ରୋହ ଅଭିଯୁକ୍ତ ଜେଏନ୍‌ୟୁ ଛାତ୍ର...

ଭାରତରେ ଚତୁର୍ଥ ମୁଣ୍ଡନେଲା କରୋନା: ସଂକ୍ରମିତଙ୍କ ସଂଖ୍ୟା ୧୭୩କୁ ବୃଦ୍ଧି

ନୂଆଦିଲ୍ଲୀ, ୧୯।୩ : ପ୍ରାଣଘାତୀ କରୋନା ଭାଇରସ୍‌ କ୍ରମଶଃ ଉଗ୍ରରୂପ ଧାରଣ କରିବାରେ ଲାଗିଛି। ଗୁରୁବାର ଏହା ଆଉ ଏକ ମୁଣ୍ଡ ଗଡ଼ାଇ ଥିବାବେଳେ ମୃତ୍ୟୁସଂଖ୍ୟା...

ଆଗ୍ରା-ଲକ୍ଷ୍ନୌ ଏକ୍ସପ୍ରେସ୍‌ଓ୍ବେରେ ଦୁର୍ଘଟଣା: ୧୪ ମୃତ, ୨୫ ଆହତ

ଫିରୋଜାବାଦ,୧୪।୨(ପି.ଟି.):ଆଗ୍ରା-ଲକ୍ଷ୍ନୌ ଏକ୍ସପ୍ରେସ୍‌ଓ୍ବେରେ ଏକ ବସ୍‌ ରାସ୍ତା ପାର୍ଶ୍ୱରେ ଛିଡ଼ାହୋଇଥିବା ଏକ ଟ୍ରକ୍‌କୁ ଧକ୍କା ଦେବାରୁ ୧୪ ଜଣଙ୍କ ମୃତ୍ୟୁ ଘଟିଥିବାବେଳେ ଅନ୍ୟ ୨୫ ଜଣ ଆହତ...

ସ୍ବାଭାବିକ ବାଟରେ ଉପତ୍ୟକା

ଶ୍ରୀନଗର/ଜମ୍ମୁ,୧୮ା୮(ପି.ଟି.): କଶ୍ମୀର ଉପତ୍ୟକା ସ୍ଥିତି ଧୀରେ ଧୀରେ ସ୍ବାଭାବିକ ହେଉଛି। କେତେକ ଅଞ୍ଚଳରେ ଜନସାଧାରଣଙ୍କ ଚଳପ୍ରଚଳ ଉପରେ ରହିଥିବା କଟକଣାକୁ ଶନିବାର କୋହଳ କରିଦିଆଯାଇଛି। ଏଥିସହିତ...

ଅନ୍ୟ ମହିଳାଙ୍କ ସହ ଡାନ୍ସ କରିବା ପାଇଁ ମନା କରିବାରୁ ପତ୍ନୀଙ୍କୁ ହତ୍ୟା କଲେ ସ୍ବାମୀ

ଉଦୟପୁର,୨୭।୫: ରାଜସ୍ଥାନର ଉଦୟପୁରରେ ଜଣେ ୬୦ ବର୍ଷୀୟ ବୃଦ୍ଧ ନିଜ ସ୍ତ୍ରୀଙ୍କୁ ହତ୍ୟା କରିଥିବା ଅଭିଯୋଗ ହୋଇଛି। ପନଓ୍ବାଡା ପୋଲିସ ଷ୍ଟେଶନ ନିକଟବର୍ତ୍ତି ଅଞ୍ଚଳରେ ବାସ...

ମହାରାଷ୍ଟ୍ରରେ ସରକାର ଗଠନ: ଭାଜପା କହିଲା, ‘ଜୟ ଶ୍ରୀରାମ, କାମ ସରିଗଲା’

ମୁମ୍ବାଇ,୧୫।୧୧: ମହାରାଷ୍ଟ୍ରରେ ଯଦିଓ ରାଷ୍ଟ୍ରପତି ଶାସନ ଜାରି କରାଯାଇଛି ଏବେ ମଧ୍ୟ ଭାଜପା, ଶିବସେନା, କଂଗ୍ରେସ ଓ ଏନସିପି ଦଳ ପକ୍ଷରୁ ସରକାର ଗଢିବା ପାଇଁ...

ମଧ୍ୟପ୍ରଦେଶରେ ୫୩ ବର୍ଷ ତଳ ଘଟଣାର ପୁନରାବୃତ୍ତି: ବିଜୟାରାଜେଙ୍କ ପରେ ଏବେ ନାତି ଜ୍ୟୋତିରାଦିତ୍ୟ

ଭୋପାଳ,୧୧।୩: ମଧ୍ୟପ୍ରଦେଶରେ କଂଗ୍ରେସରୁ ଜ୍ୟୋତିରାଦିତ୍ୟ ସିନ୍ଧିଆ ଇସ୍ତଫା ଦେଇଛନ୍ତି। ଏପରି କରି ସେ ୫୩ ବର୍ଷ ତଳର ଇତିହାସ ଲୋକଙ୍କୁ ମନେ ପକାଇ ଦେଇଛନ୍ତି। ସେତେବେଳେ...

ଐଶ୍ଚର୍ଯ୍ୟାଙ୍କୁ ପ୍ରତି ମାସରେ ୨୨ ହଜାର ଟଙ୍କା ଦେବେ ତେଜପ୍ରତାପ

ପାଟନା,୨୫।୧୨: ଆରଜେଡି ସୁପ୍ରିମୋ ଲାଲୁ ପ୍ରସାଦ ଯାଦବଙ୍କ ବଡ ପୁଅ ତେଜପ୍ରତାପ ଏବଂ ବୋହୂ ଐଶ୍ଚର୍ଯ୍ୟା ରାୟଙ୍କ ମଧ୍ୟରେ ଛାଡପତ୍ର ପ୍ରକ୍ରିୟାର ଶୁଣାଣି ଫ୍ୟାମିଲି କୋର୍ଟରେ...

Leave a comment

Your email address will not be published. Required fields are marked *