ଅନ୍‌ଲାଇନ ବ୍ୟବସ୍ଥା ଦେଉଛି ଦୁଃଖ

ଝୁମ୍ପୁରା, ୧୦।୯(ଡି.ଏନ.ଏ.)-କେନ୍ଦୁଝର ଜିଲା ଝୁମ୍ପୁରା ବ୍ଲକର ଦୁର୍ଗମ ବଣପାହାଡ଼ ଘେରା ଇଲାକାରେ ଆଜି ବି ଟେଲି ଯୋଗାଯୋଗ ସୁବିଧା ଅପହଞ୍ଚ ହୋଇ ରହିଛି। ଦୁର୍ଗମ ଇଲାକାରେ ମୋବାଲ ଟାଓ୍ବାର ନ ଥିବାରୁ ନେଟ୍‌ଓ୍ବର୍କ ଆସୁ ନାହିଁ ା ଲୋକେ ମୋବାଇଲ ସେବା ପାଉ ନ ଥିବାରୁ ଏଯାଏ ମୋବାଇଲ ଫୋନ ବ୍ୟବହାର କରିପାରୁ ନାହାନ୍ତି। ଭୌଗୋଳିକ ସ୍ଥିତି ଓ ଭିତ୍ତିଭୂମି ପ୍ରତି ନଜର ନ ରଖି ସରକାର ଅନ୍‌ଲାଇନ୍‌ରେ ପିଡିଏସ୍‌ ଯୋଗାଣ ହେବ ବୋଲି ନିୟମ କରିଥିବାରୁ ବଣପାହାଡ଼ ଘେରା ଦୁର୍ଗମ ଇଲାକାବାସୀଙ୍କ ଦୁର୍ଦ୍ଦଶାର ସୀମା ରହୁ ନାହିଁ ା ଗହମ,ଚାଉଳ ଉଠାଇବା ଲାଗି ପୁଶ୍‌ ମେଶିନରେ ଆଙ୍ଗୁଠି ଛାପ ଦେବାକୁ ପଡ଼ିବ। କିନ୍ତୁ ନେଟ୍‌୍‌ ଆସୁ ନ ଥିବାରୁ ପଞ୍ଚାୟତ ଦାୟିତ୍ୱର ଥିବା ପିଇଓ କିମ୍ବା ଜିଆର୍‌ଏସ୍‌ ପୁଶ୍‌ ମେଶିିନ ଓ ଲାପଟପ୍‌ ଆଦି ନେଇ ପାହାଡ ଉପର କିମ୍ବା ନେଟ୍‌ ଆସୁଥିବା ଜାଗାକୁ ଯାଉଛନ୍ତି। ଗାଁ ଲୋକେ ତାଙ୍କ ପଛେ ପଛେ ଯାଇ ଟିପ ଚିହ୍ନ ଦେବା ପରେ ସେଠାରୁ ଚିରକୁଟି ଧରି ଫେରୁଛନ୍ତି। ଏହାକୁ ପଞ୍ଚାୟତ ଅଫିସରେ ଦେଖାଇ ମାସିକ ପିଡିଏସ ସାମଗ୍ରୀ ଉଠାଉଛନ୍ତି।
ଝୁମ୍ପୁରା ବ୍ଲକଠାରୁ ପ୍ରାୟ ୨୦ କି.ମି. ଦୂରରେ କୁଟୁଗାଁ ପଞ୍ଚାୟତବାସୀ ଏବେ ନେଟ୍‌ ସମସ୍ୟା ଯୋଗୁ ଅନ୍‌ ଲାଇନରେ ପିଡିଏସ ସାମଗ୍ରୀ ଉଠାଣରେ ଘୋର ଅସୁବିଧାର ସମ୍ମୁଖୀନ ହେଉଛନ୍ତି। ବ୍ଲକ ଅଫିସଠାରୁ କୁଟୁଗାଁ ଗାଁ ଯାଏ ରାସ୍ତା ସୁବିଧା ଥିଲେ ମଧ୍ୟ ଏହା ଅଧୀନ ନାଉପାଣି, ଜୟପୁର, ହାତୀଦରୀ, ସାନ ଯୋଡ଼ା ଓ ଅନ୍ୟ ବହୁ ଆଦିବାସୀ ବସ୍ତିକୁ ରାସ୍ତା ନାହିଁ ା ଦାରିଦ୍ର୍ୟ ସୀମାରେଖା ତଳେ ରହୁଥିବା ଅଞ୍ଚଳବାସୀ ବିପିଏଲ କାର୍ଡ ପାଇଥିବାରୁ ସରକାରୀ ଯୋଜନାରେ କେତେକ ଗାଁକୁ ବିଜୁଳି ଯୋଗାଇ ଦିଆଯାଇଛି। କିନ୍ତୁ ଶିକ୍ଷା, ସ୍ବାସ୍ଥ୍ୟ, କୃଷି ଓ ପାନୀୟ ଜଳ ଆଦି କ୍ଷେତ୍ରରେ ଏହି ଅଞ୍ଚଳ ପଛୁଆ ହୋଇ ରହିଛି। କୁଟୁଗାଁ ପଞ୍ଚାୟତରେ ମୋଟ ୧୦୨୫ ହିତାଧିକାରୀ ଅଛନ୍ତିି, ଯେଉଁମାନେ ପଞ୍ଚାୟତ କାର୍ଯ୍ୟାଳୟକୁ ଆସି ୧୬୦ କୁଇଣ୍ଟାଲ ଚାଉଳ, ୩ କୁଇଣ୍ଟାଲ ୪୩ କେଜି ଗହମ ଉଠାଇଥାନ୍ତି। ପଞ୍ଚାୟତରେ ଅନ୍ତ୍ୟୋଦ୍ୱୟ କାର୍ଡଧାରୀ ସଂଖ୍ୟା ୯୩ ଥିବାବେଳେ କେନ୍ଦ୍ରୀୟ ଯୋଜନାରେ ୮୮୧, ରାଜ୍ୟ ଖାଦ୍ୟ ନିରାପତ୍ତା କାର୍ଡ ଯୋଜନା ୪୬ଜଣ ଅଛନ୍ତି। ଏସବୁ ଗଁା ଗଣ୍ଡାକୁ ଚାରିପଟୁ ବଣପାହାଡ଼ ଘେରି ରହିଛି। ଲୋକଙ୍କୁ ଟେଲି ସେବା ଯୋଗାଇବା ଲାଗି ଏବେ କୁଟୁଗାଁ ନିକଟରେ ଏକ ଟାଓ୍ବାର ନିର୍ମାଣ କରାଯାଉଛି। ପୂର୍ବରୁ ଗାଁ ଲୋକଙ୍କୁ ଅଫ୍‌ ଲାନରେ ପିଡିଏସ ସାମଗ୍ରୀ ମିଳୁଥିଲା। ଏଭଳିି ବ୍ୟବସ୍ଥା ବନ୍ଦ ହୋଇ ଏବେ ଅନ୍‌ଲାଇନ ବ୍ୟବସ୍ଥା ହୋଇଛି। ନେଟ ଆସୁ ନ ଥିବାରୁ କୁଟୁଗାଁ ପଞ୍ଚାୟତର ଜିଆର୍‌ଏସ୍‌ ଜଗନ୍ନାଥ ସାଣ୍ଡିଲ ୫ କି.ମି. ଦୂର ଧାତିକା ଛକ ନିକଟକୁ ଯାଇ ସେଠାରେ ପୁଶ୍‌ ମେଶିିନରେ ଟିପଚିହ୍ନ ନେଉଛନ୍ତି। ପଞ୍ଚାୟତ କାର୍ଯ୍ୟାଳୟଠାରୁ ଧାତିକା ଛକର ଦୂରତା ୫କି.ମି. ହେବ। କୁଟୁଗାଁ ପଞ୍ଚାୟତଠାରୁ ନାଉପାଣି, ଜୟପୁର, ହାତୀଦରୀ ଗ୍ରାମଗୁଡିକର ଦୂରତା ପ୍ରାୟ ୧୨କି.ମି.ରୁ ଊର୍ଦ୍ଧ୍ୱ। ଏତେ ଦୂର ଜଙ୍ଗଲ ରାସ୍ତା ପାର ହେବା ସାଙ୍ଗକୁ ହଇରାଣ ହୋଇ ପିଡିଏସ୍‌ ଆଣିବାକୁ ପଡୁଥିବାରୁ ହାତୀଦରୀ ଗ୍ରାମର ବାଲମା ମୁଣ୍ଡା,ପଦ୍ମା ମୁଣ୍ଡା, ସାବିତ୍ରୀ ମୁଣ୍ଡା, ବୁଦୁନୀ ମୁଣ୍ଡା, ଦସମା ମୁଣ୍ଡା ପ୍ରମୁଖ ନାଉପାଣି ଗ୍ରାମର ଚମ୍ପା ମୁଣ୍ଡା, ଲତା ମୁଣ୍ଡା, ସମାରି ମୁଣ୍ଡା ପ୍ରମୁଖ ସାନଯୋଡା ଗ୍ରାମର କାଇଁଚ ନାଏକ, ରଇବାରୀ ଦେହୁରୀ ପ୍ରମୁଖ ଅସନ୍ତୋଷ ବ୍ୟକ୍ତ କରିଛନ୍ତି। କାର୍ଡଧାରୀଙ୍କ ଅଭିଯୋଗ ସମ୍ପର୍କରେ ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ ପ୍ରମିଳା ଖମାରୀ ଏବଂ ଜିଆରଏସ ଜଗନ୍ନାଥ ସାଣ୍ଡିଲଙ୍କୁ ପଚାରିବାରୁ କହିଛନ୍ତି, ଏବେ ସବୁ କାମ ଅନ୍‌ଲାଇନରେ ହେଉଛି। ଏ ନେଇ ଉପରୁ ଯାହା ନିର୍ଦ୍ଦେଶ ଆସୁଛି, ଆମେ ପାଳନ କରୁଛୁ। କଚଟୁଗାଁଠାରୁ ୭ କି.ମି. ଦୂର ମଳଦା ପଞ୍ଚାୟତରେ ଟାଓ୍ବାର ଥିବାରୁ ଏଠାକାର କେତେକ ସ୍ଥାନରେ ନେଟ୍‌ ଉପଲବ୍ଧ ହେଉଛି। ଏ ସମ୍ପର୍କରେ ଯୋଗାଣ ଅଧିକାରୀ ସରିତା ମିର୍ଦ୍ଧା ଏବଂ ବିଡିଓ ଜୟଶ୍ରୀ ବେଉରାଙ୍କୁ ପଚାରିବାରୁ କିପରି ପିଡିଏସ ବଣ୍ଟନ ବ୍ୟବସ୍ଥାରେ ସୁଧାର ଆସିବ ତାହା ଆମେ ଅନୁଧ୍ୟାନ କରି ଦେଖୁଛୁ ବୋଲି କହିଛନ୍ତି ।


All Right Reserved By Dharitri.Com

ଖୋର୍ଦ୍ଧା ନୂଆ ବସ୍‌ଷ୍ଟାଣ୍ଡରେ ଅବକାରୀ ବିଭାଗର ଚଢ଼ାଉ: ଲକ୍ଷାଧିକ ମୂଲ୍ୟର ବ୍ରାଉନ୍‌ସୁଗାର ଜବତ, ଜଣେ ଗିରଫ

ଖୋର୍ଦ୍ଧା ଅଫିସ, ୧୧।୧୦: ଶୁକ୍ରବାର ପୂର୍ବାହ୍ନରେ ଅବକାରୀ ବିଭାଗର କର୍ମଚାରୀମାନେ ଖୋର୍ଦ୍ଧା ନୂଆ ବସ୍‌ଷ୍ଟାଣ୍ଡ ଉପରେ ଚଢ଼ାଉ କରି ୧୬ ଗ୍ରାମ ବ୍ରାଉନସୁଗାର ଜବତ କରିଛନ୍ତି।...

ବିଧାନସଭା ଷ୍ଟାଣ୍ଡିଂ କମିଟି ରିପୋର୍ଟ : ରାଜ୍ୟରେ ଦକ୍ଷ ଶଲ୍ୟ ବିଶେଷଜ୍ଞ, ଆଇସିୟୁ ଅଭାବ

ଭୁବନେଶ୍ୱର, ୧୭ା୭(ବ୍ୟୁରୋ): କମ୍ୟୁନିଟି ହେଲ୍‌ଥ ସେଣ୍ଟର(ସିଏଚ୍‌ସି) ଓ ସବ୍‌ ଡିଭିଜନାଲ ହସ୍ପିଟାଲର ଶଲ୍ୟ ଚିକିତ୍ସା (ସର୍ଜରି) ବିଭାଗରେ ବହୁ ପଦବୀ ଖାଲି ପଡ଼ିଛି। ଏହାକୁ ପୂରଣ...

ନୂଆବର୍ଷରୁ ଶ୍ରଦ୍ଧାଳୁଙ୍କୁ ସ୍ବତନ୍ତ୍ର ସୁବିଧା

ପୁରୀ ଅଫିସ, ୬।୧୨:ଶ୍ରୀମନ୍ଦିରକୁ ଆସୁଥିବା ଶ୍ରଦ୍ଧାଳୁଙ୍କ ଲାଗି ସମସ୍ତ ପ୍ରକାର ସୁବିଧା କରାଯିବ। ସେମାନେ ଯେପରି କୌଣସି ତିକ୍ତ ଅନୁଭୂତି ନ ସାଉଣ୍ଟିବେ ସେଥିପ୍ରତି ଗୁରୁତ୍ୱ...

ମହାପ୍ରଭୁଙ୍କ ନିର୍ଦ୍ଦେଶ କ୍ରମେ ଦକ୍ଷିଣ ମୋଡ଼ ହେଲା ତିନିରଥ

ରଣପୁର,୧୦ା୭ (ସ୍ବ.ପ୍ର.): ମହାପ୍ରଭୁ ଶ୍ରୀଜଗନ୍ନାଥଙ୍କ ଘୋଷଯାତ୍ରାର ମଙ୍ଗଳବାର ଷଷ୍ଠ ଦିବସରେ ରଣପୁର ବି.ସି. ହାଇସ୍କୁଲ ଛାତ୍ରମାନେ ରଥଖଳାରେ ଥିବା ତିନିରଥକୁ ଦକ୍ଷିଣ ମୋଡ଼ କରିଛନ୍ତି। ସକାଳ...

ଓଡ଼ିଶା ୱାକଫ୍‌ ବୋର୍ଡର ପୂର୍ଣ୍ଣକାଳୀନ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ନିଯୁକ୍ତିକୁ ନେଇ ଜନସ୍ବାର୍ଥ ମାମଲା: ସରକାରଙ୍କୁ ଜବାବ ତଲବ

କଟକ ଅଫିସ,୨୭ା୬: ଓଡ଼ିଶା ୱାକଫ୍‌ ବୋର୍ଡର ପୂର୍ଣ୍ଣକାଳୀନ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ନିଯୁକ୍ତି କରିବାରେ ସରକାରଙ୍କ ଅବହେଳାକୁ ଚ୍ୟାଲେଞ୍ଜ କରି କଟକ ମହାନଗର ସଂଖ୍ୟାଲଘୁ ନାଗରିକ...

ବୁର୍ଲା ଭୀମସାର ମେଡିକାଲରୁ ୫ ଦଲାଲ ଗିରଫ: ରୋଗୀଙ୍କ ସମ୍ପର୍କୀୟଙ୍କଠାରୁ ନେଉଥିଲେ ଟଙ୍କା

ସମ୍ବଲପୁର, ୨୬।୯ (ବ୍ୟୁରୋ)- ଦଲାଲଙ୍କ କବଳରେ ରାଜ୍ୟର ବିଭିନ୍ନ ମେଡିକାଲ। ଗୁରୁବାର ସମ୍ବଲପୁର ବୁର୍ଲା ଭୀମସାର ମେଡିକାଲ ପରିସରରୁ ପୋଲିସ ୫ଜଣ ଦଲାଲଙ୍କୁ ଗିରଫ କରିଛି...

ଅନୁଭବଙ୍କୁ ହଇରାଣ କରୁଛନ୍ତି ପଡ଼ୋଶୀ, ଶୁଣିଲାନି ପୋଲିସ

ଭୁବନେଶ୍ୱର, ୩୦।୯(ବ୍ୟୁରୋ): ଅଭିନେତା ତଥା କେନ୍ଦ୍ରାପଡ଼ା ଏମ୍‌ପି ଅନୁଭବ ମହାନ୍ତିଙ୍କୁ ତାଙ୍କ ପଡ଼ୋଶୀ ହଇରାଣ କରୁଛନ୍ତି। ଏଥିସହ ପୋଲିସ ମଧ୍ୟ ତାଙ୍କୁ ଦୁର୍ବ୍ୟବହାର କରିଥିବା ସୋମବାର...

ବଧୂହତ୍ୟା ଅଭିଯୋଗ, ସ୍ବାମୀ ଅଟକ

ପାଟପୁର,୨୧ା୮(ଡି.ଏନ.ଏ.): ସାନଖେମୁଣ୍ଡି ବ୍ଲକ ପାଟପୁର ଥାନା ଏସ.ଗୋପାଳପୁର କାଳୀମନ୍ଦିର ସାହିରେ ମଙ୍ଗଳବାର ରାତିରେ ଜଣେ ମହିଳାଙ୍କର ସନ୍ଦେହଜନକ ଭାବେ ମୃତ୍ୟୁ ହୋଇଛି। ସେ ହେଲେ ଏସ.ଗୋପାଳପୁର...

Leave a comment

Your email address will not be published. Required fields are marked *