ସତ ହେଲା ପିଲାଦିନର ସ୍ବପ୍ନ

ଆରଡ଼ି, ୧୦।୯ (ଡି.ଏନ.ଏ.) – ବାହାରକୁ ଯାଇ କାମ କରିବା ଅପେକ୍ଷା ନିଜ ଗଁାରେ ଆତ୍ମନିର୍ଭରଶୀଳ ହୋଇ ରହିବାକୁ ପିଲାଦିନେ ସ୍ବପ୍ନ ଦେଖିଥିଲେ ବିଜୟ ଦାଶ। ଯୁକ୍ତ ୩ ପାସ୍‌ କରି ଚାକିରି ପଛରେ ନ ଧାଇଁ ମୂର୍ତ୍ତି ଗଢ଼ିବା କଳାକୁ ନୂଆ ରୂପ ଦେଇ ବିଭିନ୍ନ କଳାକୃତି ପ୍ରସ୍ତୁତି ଆରମ୍ଭ କରିଥିଲେ। ମାଟି ଓ ପଥରରେ ନିର୍ମିତ ମୂର୍ତ୍ତି ବିଭିନ୍ନ ମହଲରେ ଆଦୃତି ଲାଭ କରିବାରୁ ସେ ଏହାକୁ ଜୀବିକା ଭାବେ ଗ୍ରହଣ କରି ଯୁବପିଢ଼ି ପାଇଁ ନୂଆ ଉଦାହରଣ ସୃଷ୍ଟି କରିଛନ୍ତି। ତାଙ୍କ ହାତ ତିଆରି ବିଭିନ୍ନ ମୂର୍ତ୍ତି ନିଜ ଜିଲା ଭଦ୍ରକ ସମେତ ସମ୍ବଲପୁର, ରାଉରକେଲା ଓ ବଲାଙ୍ଗୀର ଆଦି ସ୍ଥାନରେ ଆଦୃତି ଲାଭ କରିବା ପରେ ଏବେ ନାଗପୁର, ସୁରଟ, ଦିଲ୍ଲୀ ଭଳି ବିଭିନ୍ନ ସ୍ଥାନରେ ପହଞ୍ଚି ପାରୁଛି। ମୂର୍ତ୍ତି ଗଢ଼ା ଲାଗି ବିଜୟ ଓରଫ ଟୁଲୁ ନିଜ ଖ୍ୟାତି ବଢ଼ାଇ ଅଞ୍ଚଳ ପାଇଁ ଆଣିଛନ୍ତି ଗୌରବ।
ବିଜୟଙ୍କ ଘର ଧାମନଗର ବ୍ଲକ ବେତାଳି ଗଁା ନିକଟସ୍ଥ ଲୋହସାହିରେ। ପାଠପଢ଼ା ପରେ ବିବାହ କରି ସେ ସଂସାର ପାତିଛନ୍ତି। ସ୍ତ୍ରୀ ଓ ୪ ଝିଅଙ୍କୁ ନେଇ ତାଙ୍କ ପରିବାର। ବଡ଼ଝିଅ ଏବେ ଦଶମ ଶ୍ରେଣୀରେ ଅଧ୍ୟୟନ କରୁଛନ୍ତି। ବିଜୟ ତାଙ୍କ ଦୁଇଭାଇ ଶିଶିର ଓ ହୃଷୀକେଶଙ୍କୁ ମୂର୍ତ୍ତି ଗଢା କାର୍ଯ୍ୟରେ ଲଗାଇ ଦେଇଛନ୍ତି। କେବଳ ସେତିକି ନୁହେଁ ସ୍ଥାନୀୟ ଅଞ୍ଚଳର ଆଉ ୮ ଜଣଙ୍କ ପରିବାରକୁ ସେ ମଧ୍ୟ ଦାନା ଯୋଗାଇ ଦେଇଛନ୍ତି। ବିଜୟଙ୍କର ବିଶେଷ ଗୁଣ ହେଲା ଲୋକେ ତାଙ୍କୁ ଯେଉଁ ଭଳି ଫଟୋ ଦିଅନ୍ତି ତାକୁ ଦେଖି ସେହିଭଳି ମୂର୍ତ୍ତି ସେ ଗଢ଼ି ଦିଅନ୍ତି। ମାଟ୍ରିକ ପଢୁଥିବା ବେଳେ ସେ ଗଢ଼ିଥିବା ଏକ ଗଣେଶ ମୂର୍ତ୍ତିକୁ ନିକଟସ୍ଥ ଖଡ଼ିମାହାରା ସ୍କୁଲର ଜଣେ ଶିକ୍ଷକ କିଣିନେଇ ପୂଜା କରିଥିଲେ। ସେହି ମୂର୍ତ୍ତି ଏତେ ଆଦୃତ ହେଲା ଯେ, ପରବର୍ଷ ଆଖପାଖ ଗଁାରୁ ମୂର୍ତ୍ତି ନେବା ପାଇଁ ତାଙ୍କ ପାଖକୁ ଅର୍ଡର ଆସିଲା। ଗଣେଶ ମୂର୍ତ୍ତି ବ୍ୟତୀତ ଖୁଦୁରୁକୁଣୀ, ମଙ୍ଗଳା, ଦୁର୍ଗା, କାଳୀ ଓ ନାରାୟଣ ମୂର୍ତ୍ତି ଗଢ଼ି ସେ ନିଜ ଅଞ୍ଚଳରେ ପ୍ରସିଦ୍ଧି ଲାଭ କରିଥିଲେ। ଏବେ ତାଙ୍କ କଳାର ଯାଦୁ ଭୌଗୋଳିକ ସୀମା ସରହଦ ଟପି ଦେଶର ବିଭିନ୍ନ ସ୍ଥାନରେ ପହଞ୍ଚିପାରିଛି। କେବଳ ମାଟି ତିଆରି ମୂର୍ତ୍ତି ନୁହେଁ ସିମେଣ୍ଟ ମୂର୍ତ୍ତି ଗଢ଼ିବାରେ ସେ ତାଙ୍କ ପ୍ରତିଭା ପ୍ରଦର୍ଶନ କରିଛନ୍ତି। ସ୍ଥାନୀୟ ଅଞ୍ଚଳରେ ବିଭିନ୍ନ ମନ୍ଦିରରେ ମୂର୍ତ୍ତି ଗଢ଼ିଛନ୍ତି। ବହୁ ହନୁମାନ ମୂର୍ତ୍ତି ମଧ୍ୟ ତିଆରି କରିଛନ୍ତି। ଆଗକୁ ବିଦେଶ ଯାଇ ସେଠାରେ ତାଙ୍କ ପ୍ରତିଭା ପ୍ରଦର୍ଶନ ଲାଗି ଲକ୍ଷ୍ୟ ରଖିଛନ୍ତି ବିଜୟ। ପିଲାଦିନର କଥା ମନେ ପକାଇ ସେ କହନ୍ତି, ୧୯୮୩ରେ ୫ମ ଶ୍ରେଣୀରେ ପାଠ ପଢୁଥିବା ବେଳେ ନିଜ ସ୍କୁଲରେ ଗଣେଶ ମୂର୍ତ୍ତି ଦେଖି ଏଭଳି ମୂର୍ତ୍ତିଟିଏ ଗଢ଼ିବାକୁ ଇଚ୍ଛା ପ୍ରକାଶ କରିଥିଲେ। ସେହି ବର୍ଷ ଦୁର୍ଗାପୂଜା ଛୁଟିରେ କାଦୁଅରେ ସେ କୁକୁର, ଗାଈ, ଆମ୍ବ ଓ ଗଣେଶ ଠାକୁର ତିଆରି କରିଥିଲେ, ଯାହା ଗଁାର ଯୁବକମାନଙ୍କ ଦୃଷ୍ଟି ଆକର୍ଷଣ କରିଥିଲା। କେତେକ ଯୁବକ ତାଙ୍କ ମୂର୍ତ୍ତିକୁ ନେଇ ସ୍କୁଲ ଶିକ୍ଷକଙ୍କୁ ଦେଖାଇଥିଲେ। ଛୋଟ ପିଲାଟିର ଏଭଳି ମୂର୍ତ୍ତି ଗଠନ ପ୍ରତିଭା ଦେଖି ଶିକ୍ଷକମାନେ ଆଶ୍ଚର୍ଯ୍ୟ ହୋଇଥିଲେ। ସମସ୍ତଙ୍କ ପ୍ରେରଣା ଓ ଆଶୀର୍ବାଦକୁ ପାଥେୟ କରି ବିଜୟ ଆଉ ପଛକୁ ଫେରି ନାହାନ୍ତି। ପିଲାଦିନର ସ୍ବପ୍ନ ତାଙ୍କର ସଫଳ ହୋଇଛି ବୋଲି ସେ କହିଛନ୍ତି।


All Right Reserved By Dharitri.Com

ସୁରଟରୁ ବସ୍‌ ନୁହେଁ, ଟ୍ରେନ୍‌ରେ ଫେରିବେ ଶ୍ରମିକ

ଭୁବନେଶ୍ୱର,୬ା୫(ବ୍ୟୁରୋ): ଗୁଜରାଟର ସୁରଟରୁ ଓଡ଼ିଶା ଫେରୁଥିବା ଶ୍ରମିକମାନେ ଆଉ ବସ୍‌ରେ ଆସିବେ ନାହିଁ। ଦୀର୍ଘବାଟ ହୋଇଥିବାରୁ ଫେରିବା ସମୟରେ ଖାଇବା ପିଇବାରେ ଅସୁବିଧା, ଅଂଶୁଘାତ, ଦୁର୍ଘଟଣା...

ଆନ୍ତଃରାଜ୍ୟ ନିଶା ବ୍ୟବସାୟୀ ଗିରଫ

କଟକ ରୋଡ,୨।୭(ଡି.ଏନ୍‌.ଏ.): ସ୍ମାର୍ଟସିଟିରେ ବେଧଡକ ଚାଲିଛି ନିଶା କାରବାର। ଜ୍ୱାଇଁଙ୍କ ଭଡାଘରେ ରହି ଶ୍ୱଶୁର ନିଶାଦ୍ରବ୍ୟ ଚାଲାଣ କରୁଥିବା ଅଭିଯୋଗରେ ସୋମବାର ଭୁବନେଶ୍ୱର ମୋବାଇଲ ସ୍କ୍ବାଡ...

ପ୍ରେମକୁ ମିଳିଲା ନାହିଁ ପରିବାରର ସ୍ବୀକୃତି: ଜୀବନ ହାରିଲେ ପ୍ରେମୀଯୁଗଳ

କବିସୂର୍ଯ୍ୟନଗର,୨୧।୧୨(ଡି.ଏନ୍‌.ଏ.): ଗଞ୍ଜାମ ଜିଲା କବିସୂର୍ଯ୍ୟନଗର ଥାନା ବାଲିଛାଇ ଫାଣ୍ଡି ଅଞ୍ଚଳ ସୁନାପଲ୍ଲୀ ଗ୍ରାମରେ ଶନିବାର ଏକ ପ୍ରେମୀଯୁଗଳ ଆତ୍ମହତ୍ୟା କରିଛନ୍ତି। ମୃତକ ହେଲେ ଗ୍ରାମର ବିଜ୍ଞାନୀ...

୩୯ ବର୍ଷ ପରେ ଟିଟିଲାଗଡ଼କୁ ମନ୍ତ୍ରୀ ପଦ

ଟିଟିଲାଗଡ଼,୩୦ା୫ (ଡି.ଏନ.ଏ.): ବଲାଙ୍ଗୀର ଜିଲା ଟିଟିଲାଗଡ଼ ବିଧାୟିକା ଟୁକୁନି ସାହୁ ବୁଧବାର କ୍ୟାବିନେଟ ମନ୍ତ୍ରୀ ଭାବେ ଶପଥ ଗ୍ରହଣ କରିଛନ୍ତି । ତାଙ୍କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ...

ଗଣବଳାତ୍କାର ଶିକାର ପୀଡ଼ିତାଙ୍କୁ ନ୍ୟାୟ ପ୍ରଦାନ ଦାବି :ଯାଦବ ମହାସଭା ପକ୍ଷରୁ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଦାବିପତ୍ର

ଭବାନୀପାଟଣା,୫।୧୦(ଡି.ଏନ.ଏ.) କଳାହାଣ୍ଡି ଜିଲା ଜୁନାଗଡ ଥାନା ଅଞ୍ଚଳରେ ଗତ ୧୪ ତାରିଖରେ ଗଣବଳାତ୍କାର ଶିକାର ପୀଡ଼ିତାଙ୍କୁ ଆଇନ୍‌ ଅନୁମୋଦିତ ନ୍ୟାୟ ପ୍ରଦାନ ସହିତ ସରକାରୀ ପ୍ରୋତ୍ସାହନ...

କଲେଜ ପରିଚାଳନା କମିଟିରୁ ରାଜନେତା ବାଦ୍‌ ପଡ଼ିବା ପ୍ରସଙ୍ଗ: ସୁଶାନ୍ତ କହିଲେ ‘ବିଧାୟକଙ୍କୁ ସଦସ୍ୟ ଭାବେ ରଖାଯାଉ’

ଭୁବନେଶ୍ୱର,୨୪।୧(ବ୍ୟୁରୋ): କଲେଜ ପରିଚାଳନା କମିଟିରୁ ରାଜନେତାଙ୍କୁ ବାଦ ଦିଆଯିବା ନେଇ ଉଚ୍ଚଶିକ୍ଷା ମନ୍ତ୍ରୀ ଅରୁଣ ସାହୁ କହିଥିଲେ। ଶୁକ୍ରବାର ତାଙ୍କ ମନ୍ତବ୍ୟକୁ ନେଇ ପ୍ରତିକ୍ରିୟା ରଖିଛନ୍ତି...

ରାଜ୍ୟ ଦାୟିତ୍ୱରୁ ମୁକ୍ତ ହେଲେ ରୂପା ମିଶ୍ର

ଭୁବନେଶ୍ୱର,୩ା୨(ବ୍ୟୁରୋ): ୨୦୦୪ ବ୍ୟାଚ୍‌ର ଆଇଏଏସ୍‌ ଅଧିକାରୀ ରୂପା ମିଶ୍ରଙ୍କୁ ନିକଟରେ କେନ୍ଦ୍ରୀୟ ନିଯୁକ୍ତି ମିଳିଛି। ସେ କେନ୍ଦ୍ରରେ ଜଳଶକ୍ତି ମନ୍ତ୍ରଣାଳୟ ଅଧୀନସ୍ଥ ପାନୀୟଜଳ ଏବଂ ପରିମଳ...

ମୁଖ୍ୟମନ୍ତ୍ରୀଙ୍କ ମନ୍ତବ୍ୟକୁ ଡବଲ୍‌ ଷ୍ଟାଣ୍ଡାର୍ଡ କହିଲେ ନିରଞ୍ଜନ

ଭୁବନେଶ୍ୱର,୧୮।୧୨(ବ୍ୟୁରୋ): ନାଗରିକତ୍ୱ ସଂଶୋଧନ ଆଇନ(ସିଏଏ) ଓ ନ୍ୟାଶନାଲ ରେଜିଷ୍ଟର ଅଫ୍‌ ସିଟିଜେନ୍ସ(ଏନ୍‌ଆର୍‌ସି)କୁ ସମର୍ଥନ ପ୍ରସଙ୍ଗରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମନ୍ତବ୍ୟ ଦେଇଛନ୍ତି। ଏହାକୁ ନେଇ ପିସିସି...

Leave a comment

Your email address will not be published. Required fields are marked *