ଅଢ଼େଇ ବର୍ଷ ପରେ ବି ନିୟମ ମାନିଲେନି ସ୍କୁଲ କର୍ତ୍ତୃପକ୍ଷ

କଟକ ରୋଡ,୯ା୯(ଡି.ଏନ୍‌.ଏ.) : ଜନସାଧାରଣଙ୍କ ସୁରକ୍ଷା ପାଇଁ ପରିବହନ ବିଭାଗ ଓ କମିଶନରେଟ ପୋଲିସ ଟ୍ରାଫିକ ନିୟମକୁ କଡ଼ାକଡ଼ି କରିଛି। ଏ ନେଇ ଦୈନନ୍ଦିନ ନିୟମ ଉଲ୍ଲଂଘନ କରୁଥିବା ଗାଡି ମାଲିକଙ୍କୁ ଜରିମାନା କରାଯାଉଛି। କିନ୍ତୁ ଦୀର୍ଘ ଅଢେଇ ବର୍ଷ ପୂର୍ବେ ସ୍କୁଲ ଛାତ୍ରୀଛାତ୍ରଙ୍କ ସୁରକ୍ଷା ପାଇଁ ଖୋର୍ଦ୍ଧା ଜିଲା ପ୍ରଶାସନ ଓ ପରିବହନ ବିଭାଗ ଅଧିକାରୀ କରିଥିବା ନିୟମ ଏଯାବତ କାର୍ଯ୍ୟକାରୀ ହୋଇ ନାହିଁ।
ସୂଚନା ଅନୁଯାୟୀ, ସ୍କୁଲ ବସରେ ଯାଉଥିବା ଛାତ୍ରୀଛାତ୍ରଙ୍କ ସୁରକ୍ଷା ବ୍ୟବସ୍ଥା ଠିକ୍‌ ଭାବେ ରହିଛି କି ନାହିଁ ସେ ନେଇ ସୁପ୍ରିମକୋର୍ଟ ୨୦୧୬ମସିହାରେ ବ୍ୟବସ୍ଥାର ତଦାରଖ ସହ କେତେକ ନିୟମ ପାଳନ ପାଇଁ ପ୍ରଶାସନକୁ ନିର୍ଦ୍ଦେଶ ଦେଇଥିଲେ। ଏ ନେଇ ୨୦୧୬ ଡିସେମ୍ବର ୭ରେ ତତ୍‌କାଳୀନ ଖୋର୍ଦ୍ଧା ଜିଲାପାଳ ନିରଞ୍ଜନ ସାହୁଙ୍କ ଅଧ୍ୟକ୍ଷତାରେ ଭୁବନେଶ୍ୱର ବ୍ଲକ କାର୍ଯ୍ୟାଳୟ ସଭାଗୃହରେ ଏକ ବୈଠକ ଅନୁଷ୍ଠିତ ହୋଇଥିଲା। ଏଥିରେ ଭୁବନେଶ୍ୱର ଆଞ୍ଚଳିକ ପରିବହନ ଅଧିକାରୀ(୧) ପ୍ରଦୀପ ମହାନ୍ତି, ତତ୍‌କାଳୀନ ଟ୍ରାଫିକ ଏସପି ଯତୀନ ପଣ୍ଡା, ଜିଲା ଶିକ୍ଷା ଅଧିକାରୀ ବୃନ୍ଦାବନ ଶତପଥୀଙ୍କ ସହ ମୋଟର ଭେଇକିଲ ଇନ୍ସପେକ୍ଟର ପ୍ରମୁଖ ଉପସ୍ଥିତ ଥିଲେ। ଛାତ୍ରୀଛାତ୍ରଙ୍କ ସୁରକ୍ଷିତ ଯାତ୍ରା ପାଇଁ ଜିଲା ପ୍ରଶାସନ ବିଭିନ୍ନ ଘରୋଇ ସ୍କୁଲ କର୍ତ୍ତୃପକ୍ଷଙ୍କ ସହଯୋଗ ଲୋଡିଥିଲେ। ରାଜଧାନୀ ଓ ଏହାର ଉପକଣ୍ଠରେ ଥିବା ୧୩୦ରୁ ଊର୍ଦ୍ଧ୍ୱ ସ୍କୁଲ କର୍ତ୍ତୃପକ୍ଷ ଉକ୍ତ ବୈଠକରେ ଯୋଗଦେଇଥିଲେ। ବିଦ୍ୟାଳୟକୁ ଆସୁଥିବା ପିଲାମାନେ ସ୍କୁଲ ଟ୍ରାନ୍ସପୋର୍ଟ ପଲିସି କ୍ଷେତ୍ରରେ କିଭଳି ସହଜ ଓ ବିପଦମୁକ୍ତ ଭାବେ ଯାତାୟାତ କରିବେ ସେନେଇ ଆଲୋଚନା ହୋଇଥିଲା। ପ୍ରତ୍ୟେକ ବିଦ୍ୟାଳୟରେ ଏକ ସ୍କୁଲ ଲେଭଲ ଟ୍ରାନ୍ସପୋର୍ଟ କମିଟି ଗଠନ କରାଯିବ। ଉକ୍ତ କମିଟିରେ ସ୍କୁଲ କର୍ତ୍ତୃପକ୍ଷ ମୁଖ୍ୟ ରହିବା ସହ ପ୍ୟାରେଣ୍ଟ-ଟିଚର ଆସୋସିଏଶନର ଜଣେ ସଦସ୍ୟ ଓ ସ୍ଥାନୀୟ ଥାନାର ଏସଆଇ, ର଼୍ୟାଙ୍କରୁ ଊର୍ଦ୍ଧ୍ୱ ଅଧିକାରୀ, ଏମଭିଆଇ ଏବଂ ଶିକ୍ଷା ବିଭାଗର ଅଧିକାରୀ ଏହି କମିଟିରେ ରହିବେ। ପ୍ରତ୍ୟେକ ମାସରେ ଉକ୍ତ କମିଟି ସ୍କୁଲର ନିଜସ୍ବ ବସ କିମ୍ବା ଠିକା ମାଧ୍ୟମରେ ନେଇଥିବା ବସର କାଗଜପତ୍ର ଓ ଏହାର ଆନୁଷଙ୍ଗିକ ବ୍ୟବସ୍ଥା ଯାଞ୍ଚ କରିବା ସହ ସ୍କୁଲ ବସରେ ଯାଉଥିବା ଛାତ୍ରୀଛାତ୍ରଙ୍କ ପ୍ରତି ବସ କର୍ମଚାରୀ କିମ୍ବା ଆଟେଣ୍ଡାଣ୍ଟ କିଭଳି ବ୍ୟବହାର କରୁଛନ୍ତି ସେନେଇ କମିଟି ମତାମତ ଲୋଡ଼ିବ। ପରେ ଉକ୍ତ ମତାମତ ଜିଲାସ୍ତରୀୟ ପରିବହନ କମିଟିକୁ ଅବଗତ କରାଯିବ। ଏହି କମିଟିରେ ଜିଲାପାଳ ଅଧ୍ୟକ୍ଷ ରହିବା ସହ ଆଞ୍ଚଳିକ ପରିବହନ ଅଧିକାରୀ, ଭୁବନେଶ୍ୱର ଡିସିପି, ଜିଲା ଶିକ୍ଷା ଅଧିକାରୀ ଓ ଏମ୍‌ଭିଆଇ ସଦସ୍ୟ ରହିବେ। ସ୍କୁଲ ଲେଭଲ ଟ୍ରାନ୍ସପୋର୍ଟ କମିଟି ପକ୍ଷରୁ ଦିଆଯାଉଥିବା ରିପୋର୍ଟ ପ୍ରତି ୩ ମାସରେ ଜିଲାସ୍ତରୀୟ ପରିବହନ କମିଟି ପକ୍ଷରୁ ତର୍ଜମା କରାଯିବ। ଆବଶ୍ୟକ ପଡିଲେ ଅଚାନକ ଭାବେ ସ୍କୁଲ ପରିସର କିମ୍ବା ରାସ୍ତାରେ ଛାତ୍ରୀଛାତ୍ରଙ୍କୁ ନେଇ ଯାଉଥିବା ବସକୁ ଅଟକାଇ ଜିଲାସ୍ତରୀୟ କମିଟିରେ ଥିବା ଅଧିକାରୀମାନେ ଯାଞ୍ଚ କରିବେ ବୋଲି ତତ୍‌କାଳୀନ ଜିଲାପାଳ ସାହୁ ସମସ୍ତ ସ୍କୁଲର କର୍ତ୍ତୃପକ୍ଷଙ୍କୁ ଜଣାଇବା ସହ ତୁରନ୍ତ କମିଟି ଗଠନ ପାଇଁ ନିର୍ଦ୍ଦେଶ ଦେଇଥିଲେ। କିନ୍ତୁ ବୈଠକରେ ଯୋଗଦେଇଥିବା ସ୍କୁଲ କର୍ତ୍ତୃପକ୍ଷ ପରବର୍ତ୍ତୀ ସମୟରେ ଏହା କାର୍ଯ୍ୟକାରୀ କଲେ କି ନାହିଁ ସେ ନେଇ ପ୍ରଶାସନ କିମ୍ବା ପରିବହନ ବିଭାଗ ଯାଞ୍ଚ କଲେ ନାହିଁ। ଫଳରେ ଦୀର୍ଘ ଅଢେଇ ବର୍ଷ ପରେ ଅଦ୍ୟାବଧି ୧୨୮ସ୍କୁଲ ଏହି କମିଟି ଗଠନ କରିପାରି ନ ଥିବା ଆଞ୍ଚଳିକ ପରିବହନ ଅଧିକାରୀ ମହାନ୍ତି କହିଛନ୍ତି। ବାସ୍ତବ କ୍ଷେତ୍ରରେ ଛାତ୍ରୀଛାତ୍ରଙ୍କ ସୁରକ୍ଷା ନେଇ ବୈଠକରେ ଉପସ୍ଥିତ ଥିବା ଜିଲା ପ୍ରଶାସନ, କମିଶନରେଟ ପୋଲିସ, ପରିବହନ ଓ ଶିକ୍ଷା ବିଭାଗ କେତେ ଯତ୍ନବାନ ଏହି ଘଟଣା ସ୍ପଷ୍ଟ କରିଛି। ଏ ନେଇ ଆଞ୍ଚଳିକ ପରିବହନ ଅଧିକାରୀ ମହାନ୍ତି କୁହନ୍ତି, କେବଳ ୨ଟି ଘରୋଇ ସ୍କୁଲ ଲେଭଲ ଟ୍ରାନ୍ସପୋର୍ଟ କମିଟି ଗଠନ କରିଛନ୍ତି। ଅନ୍ୟ ସ୍କୁଲଗୁଡିକ ଗଠନ କରି ନ ଥିବା ଜଣାପଡିଛି। ବିଭିନ୍ନ କାର୍ଯ୍ୟବ୍ୟସ୍ତତା ଯୋଗୁ ସେଥିପ୍ରତି ଦୃଷ୍ଟି ଦିଆଯାଇନାହିଁ। ସ୍କୁଲ କର୍ତ୍ତୃପକ୍ଷ କମିଟି ଗଠନ କରି ନ ଥିବା ବାବଦରେ ଜଣାପଡିବା ପରେ ଗୁରୁବାର ଖୋର୍ଦ୍ଧା ଜିଲାପାଳଙ୍କୁ ଚିଠି ଲେଖାଯାଇଛି। ଅନ୍ୟପକ୍ଷରେ ଖୋର୍ଦ୍ଧା ଜିଲା ଶିକ୍ଷାଧିକାରୀ ଶତପଥୀ କୁହନ୍ତି, ଏତେ ସଂଖ୍ୟକ ସ୍କୁଲରେ ଟ୍ରାନ୍ସପୋର୍ଟ କମିଟି ଗଠନ ହୋଇ ନ ଥିବା ବାବଦରେ ମୋ ନିକଟରେ ସୂଚନା ନାହିଁ। ଖୁବଶୀଘ୍ର ସମସ୍ତ ପୁଣି ସ୍କୁଲ କର୍ତ୍ତୃପକ୍ଷଙ୍କୁ ଏକ ବୈଠକ ମାଧ୍ୟମରେ ତୁରନ୍ତ ନିୟମ ପାଳନ ପାଇଁ କୁହାଯିବ।


All Right Reserved By Dharitri.Com

ପାରିବାରିକ କଳହ: ଆତ୍ମହତ୍ୟା କଲେ ୪ସ୍ତ୍ରୀଙ୍କ ସ୍ବାମୀ

ଭଦ୍ରକ ଅଫିସ,୨୬।୧୦: ପାରିବାରିକ ଅଶାନ୍ତିକୁ ସହ୍ୟ କରି ନ ପାରି ଶେଷରେ ୪ ସ୍ତ୍ରୀ ଗ୍ରହଣ କରିଥିବା ସ୍ବାମୀ ଆତ୍ମହତ୍ୟା କରିଛନ୍ତି। ମୃତକ ଜଣକ ହେଲେ...

ପଟ୍ଟାମୁଣ୍ଡାଇ ଉପଖଣ୍ଡସ୍ତରୀୟ ହସ୍ପିଟାଲରେ ସ୍ବାସ୍ଥ୍ୟସେବା ବିପର୍ଯ୍ୟସ୍ତ: ଡାକ୍ତର ନିଯୁକ୍ତି ପାଇଁ ଏନ୍‌ଏଚ୍‌ଆର୍‌ସିଙ୍କ ନିର୍ଦ୍ଦେଶ

ପଟ୍ଟାମୁଣ୍ଡାଇ, ୧୨।୧୦ (ସ୍ବ.ପ୍ର.): ପଟ୍ଟାମୁଣ୍ଡାଇ ଉପଖଣ୍ଡସ୍ତରୀୟ ହସ୍ପିଟାଲରେ ଡାକ୍ତର ଅଭାବ ଯୋଗୁ ସ୍ବାସ୍ଥ୍ୟସେବା ବିପର୍ଯ୍ୟସ୍ତ ହୋଇପଡ଼ିଛି। ଏହି ହସ୍ପିଟାଲକୁ ଦୈନିକ ୫ ଶହରୁ ଅଧିକ ରୋଗୀ...

ନାବାଳିକା ଛାତ୍ରୀଙ୍କୁ ବଳାତ୍କାର ଅଭିଯୋଗ, ଅଭିଯୁକ୍ତ ଗିରଫ

ଡୁବୁରୀ/କଳିଙ୍ଗନଗର,୨୬।୯(ଡି.ଏନ୍‌.ଏ.): କଳିଙ୍ଗନଗର ଥାନା ଅନ୍ତର୍ଗତ ଜଣେ ନାବାଳିକାଙ୍କୁ ବଳାତ୍କାର ହୋଇଥିବା ନେଇ ମଙ୍ଗଳବାର ନାବାଳିକାଙ୍କ ଭାଇ ଥାନାରେ ଅଭିଯୋଗ କରିଥିଲେ। ଅଭିଯୋଗ ଆଧାରରେ ପୋଲିସ ଏକ...

ଭୁବନେଶ୍ୱର ସାହିତ୍ୟ ସମାଜ ଅଧିବେଶନ: ଗୁଣାତ୍ମକତା ଉପରେ ଗୁରୁତ୍ୱ ଦିଅନ୍ତୁ ସମ୍ପାଦକ

ଭୁବନେଶ୍ୱର,୩ା୧୨(ବ୍ୟୁରୋ): ଓଡ଼ିଶାରେ ପତ୍ରିକା ସଂପାଦନା ଅନେକ ସମ୍ଭାବନା ଓ ସ୍ବପ୍ନକୁ ସାକାର କରିବା କ୍ଷେତ୍ରରେ ତତ୍ପର ହେବା ଆବଶ୍ୟକ। ପତ୍ରିକାର ଗୁଣାତ୍ମକ ମାନ ତାହାର ସଫଳ...

ପାଉଚ ମଦରେ ନିଆଁ ଲଗାଇଲେ ମହିଳା

ବୌଦ୍ଧ, ୨୩।୭.(ସ୍ବ.ପ୍ର.)-ବୌଦ୍ଧ ଜିଲାରେ ମହିଳାମାନେ ମଦ ବିରୋଧୀ ଆନ୍ଦୋଳନ କରିଛନ୍ତି। ଜିଲାରେ ବହୁ ସଂଖ୍ୟାରେ କୁଚିଆ ମଦ ଦୋକାନ ଖୋଲାଯାଇ ଦେଶୀ, ବିଦେଶୀ ମଦ ବିକ୍ରି...

ଗାନ୍ଧୀ ଜୟନ୍ତୀରୁ ରେଳଷ୍ଟେଶନରେ ‘ପର୍ଯ୍ୟଟନ ପର୍ବ’

ଭୁବନେଶ୍ୱର, ୨୧ା୯(ବ୍ୟୁରୋ): ଜାତିର ପିତା ମହାତ୍ମା ଗାନ୍ଧୀଙ୍କ ୧୫୦ତମ ଜୟନ୍ତୀ ଉପଲକ୍ଷେ ଭାରତୀୟ ରେଳପଥ ପକ୍ଷରୁ ବିଶେଷ ପଦକ୍ଷେପମାନ ନିଆଯାଉଛି। ଏବେ ‘ସ୍ବଚ୍ଛତା ପଖଓ୍ବାଡ଼ା’ ଚାଲିଛି।...

ପାଟକୁରାରେ ଭାଜପାର ହାଇଭୋଲଟେଜ ପ୍ରଚାର: କର୍ମୀଙ୍କୁ ବିଜୟ ମନ୍ତ୍ର ଦେଲେ ସମ୍ବିତ

ଡେରାବିଶ, ୧୬।୭ (ସ୍ବ.ପ୍ର.): ପାଟକୁରା ନିର୍ବାଚନମଣ୍ଡଳୀ ଅଧୀନ ଡେରାବିଶ ବ୍ଲକର ବିଭିନ୍ନ ପଞ୍ଚାୟତରେ ଭାଜପା ପ୍ରାର୍ଥୀ ବିଜୟ ମହାପାତ୍ରଙ୍କ ପାଇଁ ସୋମବାର ପ୍ରଚାର କରିଛନ୍ତି ଦଳର...

ଆଇଆଇଟି ଭୁବନେଶ୍ୱରକୁ ନୂତନ ଦାୟିତ୍ୱ: ସଡ଼କ ସୁରକ୍ଷାର ଅଡିଟ୍‌ କରିବ

ଭୁବନେଶ୍ୱର,୧୮।୧୨(ବ୍ୟୁରୋ): ଏଣିକି ଯାନବାହନ ଚଳାଚଳ ଓ ସୁରକ୍ଷା ସମସ୍ୟାର ଅଡିଟ୍‌ କରିବ ଆଇଆଇଟି ଭୁବନେଶ୍ୱର । ସଂସ୍ଥା ୬ ମାସରେ ଅଡିଟ୍‌ କରି ରିପୋର୍ଟ ପ୍ରଦାନ...

Leave a comment

Your email address will not be published. Required fields are marked *