ଶୀର୍ଷ ୧୦ ଦେଶରେ ଅଟୋମୋବାଇଲ ସେକ୍ଟରକୁ ମାନ୍ଦାବସ୍ଥା ମାଡ଼: ଭାରତ ସର୍ବାଧିକ ପ୍ରଭାବିତ

ନୂଆଦିଲ୍ଲୀ,୮।୯: ଗତ କିଛିବର୍ଷ ହେବ ବିଶ୍ୱ ପାସେଞ୍ଜର ଗାଡ଼ି ମାର୍କେଟ ଅଭିବୃଦ୍ଧିରେ ଭାରତର ଯୋଗଦାନ ଅଧିକ ରହିଆସିଛି। ତେବେ ଚଳିତ ଆର୍ଥିକ ବର୍ଷର ପ୍ରଥମ ୬ ମାସରେ ଉତ୍ପାଦନ ହ୍ରାସ ଦୃଷ୍ଟିରୁ ୧୦ ଶୀର୍ଷ ଦେଶଙ୍କ ମଧ୍ୟରେ ଭାରତ ସର୍ବାଧିକ ପ୍ରଭାବିତ ବୋଲି ଜଣାପଡିଛି। ପରୋକ୍ଷରେ କହିବାକୁ ଗଲେ ଭାରତୀୟ ଅଟୋ ଶିଳ୍ପ ଉପରେ ମାନ୍ଦାବସ୍ଥାର ପ୍ରଭାବ ଅନ୍ୟ ଦେଶ ତୁଳନାରେ ସବୁଠାରୁ ଅଧିକ ପଡିଛି ବୋଲି ଇନ୍‌ଫର୍ମେଶନ ସର୍ଭିସ ପ୍ରୋଭାଇଡର ଆଇଏଚ୍‌ଏସ୍‌ ମାର୍କିଟ ପକ୍ଷରୁ ପ୍ରକାଶିତ ରିପୋର୍ଟରେ କୁହାଯାଇଛି।
ଚଳିତ ବର୍ଷର ପ୍ରଥମ ୬ ମାସ ମଧ୍ୟରେ ଦେଶରେ ଲାଇଟ୍‌ ଭେହିକିଲ୍‌ ବା ହାଲୁକା ଯାନ ଅର୍ଥାତ୍‌ ୬ ଟନ ପର୍ଯ୍ୟନ୍ତ କ୍ଷମତା ବିଶିଷ୍ଟ ଯାତ୍ରୀ ଏବଂ କ୍ଷୁଦ୍ର ବାଣିଜି୍ୟକ ଗାଡ଼ି ଉତ୍ପାଦନ ୧୧.୪% ବା ୪୧.୮ ଲକ୍ଷ ୟୁନିଟକୁ ଖସିଆସିଛି ବୋଲି ରିପୋର୍ଟରେ ଦର୍ଶାଯାଇଛି। ସବୁଠାରୁ ବଡ଼ ମାର୍କେଟ ଚାଇନାର ଉତ୍ପାଦନ ଏହି ଅବଧିରେ -୭.୩% ରହିିଛି। ଚଳିତ ବର୍ଷ ଭାରତୀୟ ଅଟୋ ଶିଳ୍ପ ଅଭିବୃଦ୍ଧି ଦ୍ୱିଅଙ୍କ ସ୍ତରରେ ହ୍ରାସ ପାଇଲେ ଗାଡ଼ି ଉତ୍ପାଦନ ଦୃଷ୍ଟିରୁ ଜର୍ମାନୀ ପଛରେ ରହି ଭାରତ ୫ମ ସ୍ଥାନକୁ ଖସି ଆସିବ। ସୂଚନାଥାଉ କି, ୨୦୧୫ରୁ ୨୦୧୮ ମଧ୍ୟରେ ବିଶ୍ୱ ହାଲୁକା ଯାନ ମାର୍କେଟରେ ଭାରତ ପ୍ରଭୁତ୍ୱ ବିସ୍ତାର କରିଥିଲା। ଅନ୍ୟ ଦେଶ ତୁଳନାରେ ଏହାର ଅଭିବୃଦ୍ଧି ଯଥେଷ୍ଟ ଅଧିକ ରହିଥିଲା। ଆଇଏଚ୍‌ଏସ୍‌ ମାର୍କିଟର ହାଲୁକା ଗାଡ଼ି ଅନୁମାନର କଣ୍ଟ୍ରି ମୁଖ୍ୟ ଗୌରବ ବାଙ୍ଗଲ୍‌ କହିଛନ୍ତି ଯେ, ବର୍ଷର ଆରମ୍ଭରେ ଦେଶୀ ଲାଇଟ୍‌ ଭେହିକିଲ୍‌ ବଜାର ଅଭିବୃଦ୍ଧି ହାର ଅନୁମାନ ୫% ରଖାଯାଇଥିଲା। ତେବେ ପାଣ୍ଠି ଅଭାବ, ଆର୍ଥିକ ଗତିବିଧି ଧିମା ହେବା ଓ ବେକାରି ସମସ୍ୟା ବୃଦ୍ଧି ଯୋଗୁ ପରିସ୍ଥିତି ସମ୍ପୂର୍ଣ୍ଣ ବଦଳି ଯାଇଛି। ସେ କହିଛନ୍ତି ଯେ, ଅଟୋ ଶିଳ୍ପକୁ ବିଏସ୍‌ ୪ରୁ ବିଏସ୍‌ ୬କୁ ପରିବର୍ତ୍ତନ କଲାବେଳେ କମ୍ପାନୀଗୁଡ଼ିକୁ ଷ୍ଟକ୍‌ ଆଡଜଷ୍ଟମେଣ୍ଟ କରିବାକୁ ହେବ। ରିପୋର୍ଟରେ କୁହାଯାଇଛି ଯେ, ଚାଇନା ଓ ଭାରତୀୟ ଅଟୋ ବଜାରରେ ବଡ଼ ହ୍ରାସ ଦେଖାଦେବା ଅର୍ଥ ବିଶ୍ୱ ପାସେଞ୍ଜର ଗାଡ଼ି ମାର୍କେଟ ଅଭିବୃଦ୍ଧି ମଧ୍ୟ ୭-୯ ପ୍ରତିଶତ କମିବ। ୨୦୦୮-୦୯ରେ ଦେଖାଦେଇଥିବା ଲିମେନ୍‌ ବ୍ରଦର୍ସ ସଙ୍କଟ ପରେ ଚଳିତବର୍ଷ ସବୁଠାରୁ ବଡ଼ ହ୍ରାସ ପରିଲକ୍ଷିତ ହେବ। ସେହିପରି କମ୍‌ ସମୟ ମଧ୍ୟରେ ନିୟମରେ ବାରମ୍ବାର ପରିବର୍ତ୍ତନ କରାଯିବା କାରଣରୁ ଦେଶରେ ଆର୍ଥିକ ମାନ୍ଦାବସ୍ଥା ସୃଷ୍ଟି ହୋଇଛି ବୋଲି ଅଟୋମୋଟିଭ ବିଜ୍‌ନେସ୍‌ ଇଣ୍ଟେଲିଜେନ୍ସ ପ୍ରୋଭାଇଡର ଜେଟୋ ଡାଇନାମିକ୍ସ ପ୍ରେସିଡେଣ୍ଟ ରବି ଭାଟିଆ କହିଛନ୍ତି। ସେ ନୂଆ ସୁରକ୍ଷା ନିୟମର ଉଦାହରଣ ଦେଇ କହିଛନ୍ତି ଯେ, ଏହାଦ୍ୱାରା ଗାଡି ମୂଲ୍ୟ ବଢ଼ିଛି ଏବଂ ନ୍ୟାଶନାଲ ଗ୍ରିନ୍‌ ଟ୍ରିବ୍ୟୁନାଲ୍‌ ଡିଜେଲ ଗାଡ଼ି ପ୍ରଚଳନ ଉପରେ କଟକଣା ଲଗାଇବା ଆରମ୍ଭ କଲେଣି। ଏହାଛଡ଼ା ଇଲେକ୍ଟ୍ରିକ୍‌ ଗାଡ଼ି ପ୍ରଚଳନ ଲାଗି ସରକାରଙ୍କ ବ୍ୟଗ୍ରତା ଅଟୋ ଶିଳ୍ପରେ ମାନ୍ଦାବସ୍ଥା ମାଡି ଆସିବାର ଅନ୍ୟତମ କାରଣ ବୋଲି ସେ କହିଛନ୍ତି। ଜେଟୋ ଡାଇନାମିକ୍ସ ମୁତାବକ, ବିଶ୍ୱରେ ଗାଡ଼ି ବଜାର(ପାସେଞ୍ଜର, ଲାଇଟ ଭେହିକିଲ୍‌) ଉତ୍ପାଦନ ୨୦୧୯ରେ ୬ରୁ୮ ପ୍ରତିଶତ ହ୍ରାସ ପାଇବାକୁ ଯାଉଛି। ଜେଟୋ ଡାଇନାମିକ୍ସର ସିନିୟର ଆନାଲିଷ୍ଟ ଫିଲିପ୍‌ ମୁନୋଜ କହିଛନ୍ତି ଯେ, ବିଶ୍ୱର ଶୀର୍ଷ ୧୦ ଅଟୋ ମାର୍କେଟ ଏବେ ବଡ଼ ଆହ୍ବାନର ସମ୍ମୁଖୀନ ହୋଇଛି। ଲୋକେ ଗାଡ଼ି କିଣିବାକୁ ପଛଘୁଞ୍ଚା ଦେଉଛନ୍ତି। ବିଶ୍ୱ ଅର୍ଥନୀତି ବିଗିଡିବାରେ ଲାଗିଛି। ଭୂରାଜନୈତିକ ଉତ୍ତେଜନା କାରଣରୁ ସମସ୍ୟା ବଢ଼ିବାରେ ଲାଗିଛି। ଏକ ଆକଳନରୁ ଜଣାପଡିଛି ଯେ, ଚାଇନାରେ ଗାଡ଼ି ଉତ୍ପାଦନ ଅଭିବୃଦ୍ଧି ହାର -୭.୩% ରହିଥିବା ବେଳେ ଆମେରିକାରେ ଏହା ମାତ୍ର -୨.୨% ରହିଛି। ଜାପାନରେ ଏହା ୦.୫%, ଜର୍ମାନୀରେ -୫.୫%, ଭାରତରେ -୧୧.୪%, ଦକ୍ଷିଣ କୋରିଆରେ ୦.୧%, ମେକ୍ସିକୋରେ -୧.୩%, ବ୍ରାଜିଲରେ ୫.୬%, ସ୍ପେନ୍‌ରେ -୧.୪% ଓ ଫ୍ରାନ୍ସରେ -୩.୪% ଉତ୍ପାଦନ ଅଭିବୃଦ୍ଧି ହ୍ରାସ ପାଇଛି। ମୁନୋଜ କହିଛନ୍ତି ଯେ, ଚାଇନାର ଘରୋଇ ଡାଟା ସ୍ତର ସମସ୍ତ ରେକର୍ଡ ଭାଙ୍ଗିଛି। ଆମେରିକାରେ ଚାଲିଥିବା ସମସ୍ୟା ପରିସ୍ଥିତିକୁ ଆହୁରି ଖରାପ କରିସାରିଲାଣି। ୟୁରୋପର ଅବସ୍ଥା ନ କହିଲେ ଭଲ। ସେଠାରେ ପଞ୍ଜୀକରଣ କ୍ରମାଗତ ହ୍ରାସ ପାଇଚାଲିଛି। ଅର୍ଥାତ୍‌ ବିକ୍ରି କମୁଛି। ଆଗାମୀ ଦିନରେ ଅଙ୍ଗାରକାମ୍ଳ ନିୟମ ଲାଗୁ ହେବା ପରେ ବଜାରକୁ ଆହୁରି କ୍ଷତିଗ୍ରସ୍ତ କରିବ।


All Right Reserved By

ଜିଏସ୍‌ଟି ସଂଗ୍ରହ ୯୧,୯୧୬ କୋଟି ଟଙ୍କାକୁ ହ୍ରାସ

ନୂଆଦିଲ୍ଲୀ,୨-୧୦: ସେପ୍ଟେମ୍ବରରେ ସାମଗ୍ରୀ ଓ ସେବା ଟିକସ(ଜିଏସ୍‌ଟି) ସଂଗ୍ରହ ପରିମାଣ ୯୧,୯୧୬ କୋଟି ଟଙ୍କାକୁ ହ୍ରାସ ଘଟିଛି। ଜିଏସ୍‌ଟି ସଂଗ୍ରହ ୧୯ ମାସର ସର୍ବନିମ୍ନ ସ୍ତରକୁ...

ମୁଖ୍ୟ ମନ୍ତ୍ରୀଙ୍କୁ ଭେଟିଲେ ଆଇଟିସି ଅଧ୍ୟକ୍ଷ

ଭୁବନେଶ୍ୱର,୩୦-୫: ଆଇଟିସି ଅଧ୍ୟକ୍ଷ ତଥା ନିର୍ଦ୍ଦେଶକ ସଞ୍ଜୀବ ପୁରୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଶପଥ ଗ୍ରହଣ ଉତ୍ସବ ପରେ ସାକ୍ଷାତ କରିଛନ୍ତି। ବାତ୍ୟା ପ୍ରଭାବିତଙ୍କ ଲାଗି...

ଜମାକାରୀଙ୍କଠୁ ସୁନା ଜମା ରଖିପାରିବେ ବ୍ୟାଙ୍କ

ନୂଆଦିଲ୍ଲୀ,୧୮-୮: ଭାରତୀୟ ରିଜର୍ଭ ବ୍ୟାଙ୍କ(ଆର୍‌ବିଆଇ) ଶୁକ୍ରବାର ସୁନା ମୁଦ୍ରୀକରଣ ଯୋଜନା,୨୦୧୫ର ନିୟମକୁ କୋହଳ କରିଛନ୍ତି। ନୂତନ ନିୟମ ଅନୁଯାୟୀ, ଜମାକାରୀ ନିଜର ଗଚ୍ଛିତ ସୁନାକୁ ବ୍ୟାଙ୍କ,...

ଥମାସ କୁକ୍‌ ଦେବାଳିଆ ଯୋଗୁ ପ୍ରଭାବିତ ହେବ ଭାରତର ପର୍ଯ୍ୟଟନ ଶିଳ୍ପ

ନୂଆଦିଲ୍ଲୀ,୨୫-୯: ବିଶ୍ୱର ସର୍ବବୃହତ ପର୍ଯ୍ୟଟନ ସେବା ଯୋଗାଣକାରୀ କମ୍ପାନୀ ବ୍ରିଟେନର ଥମାସ କୁକ୍‌ ରାତାରାତି ନିଜକୁ ଦେବାଳିଆ ଘୋଷଣା କରିବା ଦ୍ୱାରା ସାରାବିଶ୍ୱର ପର୍ଯ୍ୟଟନ ଶିଳ୍ପ...

ଭୁବନେଶ୍ୱରରୁ ବାଙ୍ଗାଲୋରକୁ ସ୍ବତନ୍ତ୍ର ଟ୍ରେନ

ଭୁବନେଶ୍ୱର,୨୮-୫: ବାତ୍ୟା ଫନୀ ଯୋଗୁ ଟ୍ରେନ ଯାତ୍ରାରେ ଅସୁବିଧା ସାମ୍ନା କରିଥିବା ଯାତ୍ରୀଙ୍କ ଲାଗି କ୍ରୀଷ୍ଣାରାଜପୁରମ (ବାଙ୍ଗାଲୋର)କୁ ଏକ ସ୍ବତନ୍ତ୍ର ଟ୍ରେନ ଚଳାଇବାକୁ ରେଳ ମନ୍ତ୍ରଣାଳୟ...

ବାତ୍ୟା ଅଞ୍ଚଳରେ ଏଚ୍‌ଡିଏଫ୍‌ସିର ମୋବାଇଲ ଏଟିଏମ୍‌ ଭ୍ୟାନ

ଭୁବନେଶ୍ୱର,୨୨।୫: ଏଚ୍‌ଡିଏଫ୍‌ସି ବ୍ୟାଙ୍କ ପକ୍ଷରୁ ଫନୀ ପ୍ରଭାବିତ ଅଞ୍ଚଳରେ କ୍ୟାଶ ଉପଲବ୍ଧ କରାଇବା ଲାଗି ରାଜ୍ୟ ସଚ୍ଚିବାଳୟ ପରିସରରୁ ମୋବାଇଲ ଏଟିଏମ୍‌ ଭ୍ୟାନର ଶୁଭାରମ୍ଭ କରାଯାଇଛି।...

ପ୍ରତ୍ୟକ୍ଷ ଟିକସ କୋଡ୍‌;ସୀତାରାମନ୍‌ଙ୍କୁ ରିପୋର୍ଟ ଦେଲା ଟାସ୍କଫୋର୍ସ

ନୂଆଦିଲ୍ଲୀ,୨୦-୮: ସେଣ୍ଟ୍ରାଲ ବୋର୍ଡ ଅଫ୍‌ ଡାଇରେକ୍ଟ ଟ୍ୟାକ୍ସେସ(ସିବିଡିଟି) ସଦସ୍ୟ ଅଖିଳେଶ ରଞ୍ଜନଙ୍କ ଅଧ୍ୟକ୍ଷତାରେ ଗଠିତ ଟାସ୍କଫୋର୍ସ ସୋମବାର ନୂଆ ପ୍ରତ୍ୟକ୍ଷ ଟିକସ କୋଡ୍‌ ଉପରେ ନିଜର...

କର୍ପୋରେଟ ଜଗତକୁ ସୀତାରାମନ୍‌ଙ୍କ ପୂଜା ଭେଟି

ପାନାଜୀ,୨୧-୯: ଅର୍ଥମନ୍ତ୍ରୀ ନିର୍ମଳା ସୀତାରାମନ୍‌ କର୍ପୋରେଟ ଜଗତକୁ ପୂଜା ଉପହାର ଭେଟି ଦେବାକୁ ଯାଇ ବଜେଟ ଢ଼ାଞ୍ଚାରେ ଟିକସ ହ୍ରାସ ଘୋଷଣା କରିଛନ୍ତି। ଏହାକୁ ତାଙ୍କର...

selfi corner

Model This Week

Why Dharitri

Leave a comment

Your email address will not be published. Required fields are marked *