ଧୂଅଁ।ଧୂଳିରେ ରୁନ୍ଧି ହେଉଛି ଜୀବନ

ବଡବିଲ,୭।୯(ସ୍ବ.ପ୍ର.)-କେନ୍ଦୁଝର ଜିଲା ଖଣି ଅଞ୍ଚଳ ଅଧୀନ ଯୋଡା-ବଡବିଲରେ ପ୍ରଦୂଷଣ ସମସ୍ୟା ଗୁରୁତର ହେବାରେ ଲାଗିଛି। ଦିନରାତି ସବୁବେଳେ ଭାରି ଯାନରେ ଖଣିଜଦ୍ରବ୍ୟ ପରିବହନ ଯୋଗୁ ରାସ୍ତା ଅବସ୍ଥା ବେହାଲ ହେବା ସହ ଟ୍ରାଫିକ ସମସ୍ୟା ଓ ଧୂଳିଧୂଆଁ ଲୋକଙ୍କୁ ଅତିଷ୍ଠ କରୁଛି। ପ୍ରଶାସନ ପକ୍ଷରୁ ପ୍ରତିକାର ଲାଗି କୌଣସି ପଦକ୍ଷେପ ନିଆଯାଉ ନ ଥିବାରୁ ଅଞ୍ଚଳବାସୀ ପ୍ରତିକ୍ରିୟା ପ୍ରକାଶ କରୁଛନ୍ତି। ଏହି ପରିପ୍ରେକ୍ଷୀରେ ଗୁରୁବାର ଗୁରୁ ଦିବସରେ ଖଣି ଅଞ୍ଚଳର ଗଣେଶ୍ୱର ପାତ୍ର ନାମକ ଜଣେ ଯୁବକ ପ୍ରଧାନମନ୍ତ୍ରୀଙ୍କ ଅନଲାଇନ ଅଭିଯୋଗ ସେଣ୍ଟ୍ରାଲାଇଜ୍‌ଡ ପବ୍ଲିକ୍‌ ଗ୍ରିଭାନ୍‌ସ୍‌ ରିଡ୍ରେସ୍‌ ଆଣ୍ଡ୍‌ ମନିଟରିଂ ସିଷ୍ଟମ୍‌ (ସିପିଗ୍ରାମସ ) ଜରିଆରେ ଏନେଇ ଅଭିଯୋଗ କରିଥିବା ଜଣାପଡିଛି ।
ଖଣି ଅଞ୍ଚଳବାସୀ ଅଭିଯୋଗ କରୁଛନ୍ତି ଯେ, ଖଣିଜ ଦ୍ରବ୍ୟ ପରିବହନ ହେଉଥିବା ରାସ୍ତାର ଦୁରବସ୍ଥା ଓ ଧୂଳି ସମସ୍ୟା ଯୋଗୁ ନିର୍ଦ୍ଦିଷ୍ଟ ସ୍ଥାନରେ ନିର୍ଦ୍ଧାରିତ ସମୟରେ ପହଞ୍ଚିିବା ଲୋକଙ୍କ ପକ୍ଷେ ଅସମ୍ଭବ ହୋଇପଡୁଛି। ବିକାଶ ନାଁରେ ବିନାଶ ଚାଲିଛି। ଦିନକୁ ଦିନ ଭାରିଯାନ ସଂଖ୍ୟା ବୃଦ୍ଧିପାଇବା କାରଣରୁ ବାସୁଦେବପୁରଠାରୁ ବିଲେଇପଦା, ଯୋଡା, ଭଦ୍ରାସାହି, ରୁଗୁଡି, ଗୁଆଲି ଦେଇ ସୁନ୍ଦରଗଡ ଜିଲାକୁ ସଂଯୋଗ କରୁଥିବା ଜାତୀୟ ରାଜପଥ ଏବେ ମରଣଯନ୍ତା ପାଲଟିଛି। ବିଭିନ୍ନ ସ୍ଥାନରେ ଏହି ରାସ୍ତା ଖାଲଖମା ହୋଇ ଦୁର୍ଗମ ହୋଇପଡିଛି। ରାସ୍ତା ଦୁରବସ୍ଥା ସାଙ୍ଗକୁ ଟ୍ରାଫିକ ସମସ୍ୟା ଯୋଗୁ ସ୍କୁଲକୁ ଯିବା ଛାତ୍ରୀଛାତ୍ରଙ୍କ ନିମନ୍ତେ କାଠିକର ପାଠ ହୋଇପଡିଛି। ବିଭିନ୍ନ ସମୟରେ ମଧ୍ୟ ଛୋଟବଡ ଦୁର୍ଘଟଣା ଘଟୁଛି।
ଖଣିଜ ଦ୍ରବ୍ୟ ପରିବହନ ନିମନ୍ତେ ଦୈନିକ ପ୍ରାୟ ୧୫ ହଜାରରୁ ଊର୍ଦ୍ଧ୍ୱ ଟ୍ରେଲର ଓ ଟ୍ରକ ଯାତାୟାତ କରୁଥିବା ଜଣାପଡିଛି। ରାସ୍ତାରେ ଉଡୁଥିବା ଧୂଳି ଯୋଗୁ ରାସ୍ତା ପାର୍ଶ୍ୱବର୍ତ୍ତୀ ଅଞ୍ଚଳବାସୀଙ୍କ ସମେତ ଯାତ୍ରୀମାନେ ଅଣନିଃଶ୍ୱାସୀ ହେଲା ଭଳି ଅନୁଭବ କରୁଥିବା କହୁଛନ୍ତି । ଦୀର୍ଘ ବର୍ଷ ଧରି ୨୧୫ ନଂ. ଜାତୀୟ ରାଜପଥର ନିର୍ମାଣ କାର୍ଯ୍ୟ ଚାଲୁ ରହିଥିବାରୁ ଏହା ଅଧିକ ସମସ୍ୟା ବଢାଉଛି। ଏହି ଜାତୀୟ ରାଜପଥର ନାମ ବଦଳାଇ ୨୦ ଓ ୫୨୦ ନମ୍ବର କରାଯାଇଛି। ଏହାବାଦ ଅଳ୍ପ ଦୂର ବ୍ୟବଧାନରେ ରାସ୍ତାରେ ଗେଟ୍‌ ବସାଯାଇ ରୀତିମତ ଟୋଲ ଆଦାୟ କରାଯାଉଥିବା ବେଳେ ରାସ୍ତା ସମସ୍ୟା ପ୍ରତି କେହି ଦୃଷ୍ଟି ଦେଉ ନ ଥିବାରୁ ସ୍ଥାନୀୟ ଲୋକେ ଏହାକୁ ବିରୋଧ କରି ଆସୁଛନ୍ତି। ଝାଡଖଣ୍ଡ ରାଜ୍ୟକୁ ସଂଯୋଗ କରୁଥିବା ବଡବିଲ-ନାଲଦା ରାଜ୍ୟ ରାଜପଥ ଦେଇ ଏବେ ଯାତାୟାତ କରିବା ଅସମ୍ଭବ ହୋଇପଡିଲାଣି। ଏହି ରାସ୍ତା ଦେଇ ଭାରିଯାନଗୁଡିକର ଅବାଧ ଚଳାଚଳ କାରଣରୁ ସାଧାରଣ ଲୋକେ ଅସୁବିଧାର ସମ୍ମୁଖୀନ ହେଉଛନ୍ତି । ଏପରିକି ଧୂଳି ଉଡି ଲୋକଙ୍କ ଘର ଭିତରେ ପଶି ଭାତ ହାଣ୍ଡି ଓ ପିଇବା ପାଣି ଉପରେ ଏକ ଆସ୍ତରଣ ଜମିଯାଉଛି। ଲୋକେ ଚର୍ମ ଓ ଶ୍ୱାସ ଜନିତ ବିଭିନ୍ନ ରୋଗରେ ଆକ୍ରାନ୍ତ ହେଉଛନ୍ତି। ଅଥଚ ଏହି ରାଜ୍ୟ ରାଜପଥର ହିସାବୁରୁଠାରେ ଏକ ଟୋଲଗେଟ ବସାଇ ଦୈନିକ ଟୋଲ ଆଦାୟ କରାଯାଉଛି। ଭାରିଯାନ ଚଳାଚଳ ନିମନ୍ତେ ବାଇପାସ ରିଂ ରୋଡ ନିର୍ମାଣ କରାଯିବା, ଯୋଡା ଓ ବଡବିଲ ନିମନ୍ତେ ଘୋଷଣା ହୋଇଥିବା ଫ୍ଲାଇଂ ଓଭର ନିର୍ମାଣ କାର୍ଯ୍ୟ ତ୍ୱରାନ୍ବିତ କରାଯିବାକୁ ଦାବି ହେଉଛି। ସେହିପରି ନିର୍ମାଣାଧୀନ ଓଭରବ୍ରିଜ କାର୍ଯ୍ୟକୁ ତ୍ୱରାନ୍ବିତ କରାଯିବା ସହ ବଡବିଲ-ବାଂଶପାଣିକୁ ସିଧାସଳଖ ରେଳ ସଂଯୋଗ କରି ବଡବିଲ-ରାଉରକେଲା, ବଡବିଲ-ଭୁବନେଶ୍ୱରକୁ ଏକ୍ସପ୍ରେସ ଟ୍ରେନ ଚାଲୁ କରିବା ସକାଶେ ଦାବି ତେଜିବାରେ ଲାଗିଛି।


All Right Reserved By Dharitri.Com

୫୪ ଜଣଙ୍କୁ ମହାତ୍ମାଗାନ୍ଧୀ ପ୍ରତିଭା ସମ୍ମାନ

ଯାଜପୁର ଅଫିସ,୧୦ା୧୦:  ସାହିତ୍ୟ, ଶିକ୍ଷା, ପରିବେଶ, ସମାଜସେବା ଓ ସ୍ବାସ୍ଥ୍ୟସେବା କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ଯାଜପୁର ଜିଲାର ୫୪ଜଣ ବ୍ୟକ୍ତି ବିଶେଷଙ୍କୁ ମହାତ୍ମାଗାନ୍ଧୀ ପ୍ରତିଭା...

ଇସ୍‌…କି…ସ୍ମାର୍ଟ ସିଟି

ଭୁବନେଶ୍ୱର, ୫|୯ (ବ୍ୟୁରୋ) – ଶନିବାର ସ୍ବାୟତ୍ତଶାସନ ଦିବସ ପାଳନ କରିଛି ବିଏମ୍‌ସି। ଭୁବନେଶ୍ୱରକୁ ସ୍ବଚ୍ଛ, ସୁନ୍ଦର ଓ ସବୁଜିମାଭରା ସହର କରିବା ଉପରେ ଅଧିକାରୀମାନେ...

ସରଳ ହେବ ଆମ୍ବୁଲାନ୍ସ ସେବା

ଭୁବନେଶ୍ୱର, ୨୦ା୧୦ (ବ୍ୟୁରୋ): ରାଜ୍ୟରେ ଥିବା ସମସ୍ତ ସରକାରୀ ଏବଂ ବେସରକାରୀ ଡାକ୍ତରଖାନାଗୁଡିକର ଆମ୍ବୁଲାନ୍ସ ସେବା ଗୋଟିଏ କଲ୍‌ ସେଣ୍ଟର ଦ୍ୱାରା ପରିଚାଳିତ ହେବ। ମୁଖ୍ୟ...

ପ୍ରସଙ୍ଗ, ପ୍ରାର୍ଥୀଙ୍କୁ ପରଖୁଛନ୍ତି ଭୋଟର

ପୁରୀ ଅଫିସ, ୨୦ା୪: ଚର୍ଚ୍ଚାରେ ପୁରୀ ଲୋକ ସଭା ନିର୍ବାଚନମଣ୍ଡଳୀ। ଶ୍ରୀମନ୍ଦିର, ବେଳାଭୂମି, ରତ୍ନଭଣ୍ଡାର, ମହାପ୍ରଭୁଙ୍କ ଅମୃତ ମଣୋହି ଜମି ଭଳି ଗୁରୁତ୍ୱପୂର୍ଣ୍ଣ ପ୍ରସଙ୍ଗ ସାଙ୍ଗକୁ...

ଛାତ୍ରାବାସରେ ମସାଜ୍‌ର ମଜା ନେଉଛନ୍ତି ଶିକ୍ଷକ, ଭିଡିଓ ଭାଇରାଲ

ବାରିପଦା ଅଫିସ,୨୩।୧- ମୟୂରଭଞ୍ଜ ଜିଲା ସାରସକଣା ବ୍ଲକ ଖେରଣା ସ୍ଥିତ ଈଶ୍ୱରଚନ୍ଦ୍ର ସରକାରୀ ଉଚ୍ଚ ବିଦ୍ୟାଳୟରେ ଜଣେ ଶିକ୍ଷକଙ୍କୁ ଛାତ୍ରମାନେ ମସାଜ କରୁଥିବାର ଏକ ଭିଡିଓ...

ନିଦରୁ ଉଠିଲେ ମହାପ୍ରଭୁ, ଆରମ୍ଭ ହେଲା ଶୁଭକାଳ

ପୁରୀ ଅଫିସ, ୯ା୧୧: ରଥଯାତ୍ରା ପରେ ହରିଶୟନ ଏକାଦଶୀରେ ନିଦ୍ରା ଯାଇଥିଲେ ମହାପ୍ରଭୁ। ଚାରି ମାସ ପରେ କାର୍ତ୍ତିକ ଶୁକ୍ଳ ଏକାଦଶୀରେ ମହାପ୍ରଭୁ ନିଦରୁ ଉଠିଛନ୍ତି। ଏହି...

ଗେଷ୍ଟହାଉସ୍‌ରେ ସେକ୍ସ ରାକେଟ ଠାବ: ୧୨ଜଣଙ୍କୁ ଉଠାଇନେଲା ପୋଲିସ

ଜଗତସିଂହପୁର ଅଫିସ,୨୭।୧୧: ସ୍ଥାନୀୟ ସିପି ଛକ ନିକଟ ଏକ ଗେଷ୍ଟ ହାଉସ୍‌ରେ ବୁଧବାର ଜଗତସିଂହପୁର ପୋଲିସ ସେକ୍ସ ରାକେଟ ଠାବ କରିଛି। ସେଠାରୁ ୬ଜଣ ମହିଳା...

୧୬୦୦ କୀର୍ତ୍ତିରାଜି ଫଟୋରେ ନିର୍ମିତ ବିଶ୍ୱକର୍ମା

ପୁରୁଣା ଭୁବନେଶ୍ୱର,୧୭-୯(ଡି.ଏନ.ଏ);ମଙ୍ଗଳବାର ଦେବଶିଳ୍ପୀ ବିଶ୍ୱକର୍ମାଙ୍କ ପୂଜା। ଏଥିପାଇଁ ପ୍ରସ୍ତୁତି ସରିଥିବାବେଳେ ସହରଠୁ ଗାଁ ସବୁଠି ଉତ୍ସାହ ଆଉ ଉତ୍କଣ୍ଠା। ବିଶେଷକରି ବିଭିନ୍ନ ସହର ଓ ବଜାରରେ...

Leave a comment

Your email address will not be published. Required fields are marked *