ଜାତୀୟ ରାଜପଥ ୫୯ ନଂ. ଉପରେ ପାଣି

ହିଞ୍ଜିଳିକାଟୁ/ଶେରଗଡ,୭ା୯(ଡ଼ି.ଏନ୍‌.ଏ)-ଲଗାଣ ବର୍ଷାରେ ବେହାଲ ହୋଇଛି ହିଞ୍ଜିଳିକାଟୁ ଓ ଶେରଗଡ। ବର୍ଷା ପ୍ରଭାବରେ ଜାତୀୟ ରାଜପଥ ନଂ-୫୯ର ହିଞ୍ଜିଳିକାଟୁ ବ୍ଲକ ମକରଝୋଳ, ପୋଚିଲିମା, ସୋମପୁର, ପୋଡ଼ିଙ୍ଗୀଠାରେ ରାସ୍ତା ଉପରେ ୪ରୁ ୫ଫୁଟରେ ବର୍ଷାପାଣି ପ୍ରବାହିତ ହେଉଛି। ଫଳରେ ଗମନାଗମନ ବନ୍ଦ ରହିଛି। ଗୁରୁବାର ସକାଳ ୮ରୁ ଶୁକ୍ରବାର ସକାଳ ୮ ପର୍ଯ୍ୟନ୍ତ ଅଞ୍ଚଳରେ ୨୪୪ମିମି ବର୍ଷା ରେକର୍ଡ଼ ହୋଇଛି। ଯାହାକି ଜିଲାରେ ସର୍ବାଧିକ। ବିଭିନ୍ନ ସ୍ଥାନରେ ଜାତୀୟ ରାଜପଥର ଡ଼ିଭାଇଡ଼ରକୁ ଭାଙ୍ଗି ବର୍ଷା ଜଳକୁ ଗୋଟିଏ ପାର୍ଶ୍ୱରୁ ଅନ୍ୟ ପାର୍ଶ୍ୱକୁ ପ୍ରବାହିତ କରାଯାଇଛି। ରାସ୍ତା ପାର୍ଶ୍ୱ କେନାଲ ପୋତି ପାଣିର ଗତିପଥ ବଦଳାଇବାର ଏହା କୁପରିଣାମ ବୋଲି ଅଞ୍ଚଳବାସୀ କହିଛନ୍ତି। ଯେଉଁସବୁ ଅଞ୍ଚଳରେ ରାସ୍ତା ଉପରେ ପାଣି ପ୍ରବାହିତ ହେଉଛି ସେଠାରେ ବ୍ୟାପକ ଚାଷ ଜମିକୁ ପ୍ଲଟ କରିବା ପାଇଁ ମାଟି ପକାଇ ଜଳର ଗତି ପଥକୁ ବନ୍ଦ କରାଯାଇଥିଲା। ଚୈତନ୍ୟପଡ଼ା ଠାରୁ ହିଞ୍ଜିଳିକାଟୁ ଜାତୀୟ ରାଜପଥର ଉଭୟ ପାର୍ଶ୍ୱରେ କେନାଲ ପୋତି ହୋଇ ଯାାଇଛି। ଅନ୍ୟ ପକ୍ଷରେ ଜାନବିଲି ପ୍ରକଳ୍ପ ପାଇଁ ବ୍ରହ୍ମପୁର ସହରକୁ ପାଣି ପାଇପ ବିଛାଇବାବେଳେ ହିଞ୍ଜିଳି ଠାରୁ ଚୈତନ୍ୟପଡ଼ା ପର୍ଯ୍ୟନ୍ତ ଲମ୍ବିଥିବା କେନାଲକୁ ମାଟି ପକାଇ ବନ୍ଦ କରି ଦିଆଯାଇଛି। ଗଞ୍ଜାମ ଜିଲାପାଳ ବିଜୟ ଅମୃତା କୁଲାଙ୍ଗେ ଶୁକ୍ରବାର ମଧ୍ୟାହ୍ନରେ ହିଞ୍ଜିଳିକାଟୁ ଗ୍ରସ୍ତରେ ଆସି ବର୍ଷା ପ୍ରଭାବରେ ଜଳଘେରା ଅଞ୍ଚଳ ବୁଲି ଦେଖିଛନ୍ତି। ତାଙ୍କ ସହ ବିଡ଼ିଓ ପ୍ରସନ୍ନ କୁମାର ପାତ୍ର, ତହସିଲଦାର ଗୋପୀନାଥ କୁଅଁର, ବ୍ଲକ ଓ ପଞ୍ଚାୟତର ସରକାରୀ କର୍ମଚାରୀ ଓ ଜନପ୍ରତିନିଧି ଉପସ୍ଥିତ ଥିଲେ। ବୁରୁପୋଡ଼ା, ନୂଆ ବୁରୁପୋଡ଼ା, ପୁଟିଆପଦର,ବାଳକୃଷ୍ଣପୁର, ପୋଡ଼ିଙ୍ଗୀ ଆଦି ଜଳବନ୍ଦୀ ଅଞ୍ଚଳ ଦେଖି ତୁରନ୍ତ ପାଣି ନିଷ୍କାସନ ପାଇଁ ନିର୍ଦ୍ଦେଶ ଦେଇଥିଲେ। ପ୍ରାୟତଃ ବାଳକୃଷ୍ଣପୁର ଠାରେ ବର୍ଷା ଜଳ ଋଷିକୂଲ୍ୟା ନଦୀକୁ ଠିକଭାବେ ନିଷ୍କାସନ ହୋଇ ପାରୁ ନ ଥିବାରୁ ପ୍ରତିବର୍ଷ ୬ରୁ ୮ହଜାର ଏକର ଚାଷ ଜମିର ଫସଲ ନଷ୍ଟ ହେଉଥିବା ବହୁ ଚାଷୀ ଜିଲାପାଳଙ୍କୁ କହିଥିଲେ। ସେହିପରି ଶେରଗଡ ବ୍ଲକର ପିତଳ, ତହଁର, ବ୍ରାହ୍ମଣଛାଇ ପଞ୍ଚାୟତବାସୀ ଏକ ପ୍ରକାର ଆତଙ୍କରେ ଅଛନ୍ତି। କାରଣ ତହଁର ଠାରୁ ବ୍ରାହ୍ମଣଛାଇ ସଂଯୋଗ କରୁଥିବା ଏକ ପୋଲ ତଳକୁ ଲାଗି ପାଣି ପ୍ରବାହିତ ହେଉଛି। ଫଳରେ ପିତଳ, ପାକିଡି, ସନ୍ତୋଷପୁର, କାଞ୍ଜିଆମା, ବ୍ରାହ୍ମଣଛାଇ, ଗୁଡିସର ଗ୍ରାମର ଜନସାଧାରଣ ଏକ ପ୍ରକାର ଆଶଙ୍କାରେ ଅଛନ୍ତି। ପ୍ରଶାସନ ପକ୍ଷରୁ ତହସିଲଦାର ଡ. ଦୟାସିନ୍ଧୁ ପରିଡା, ସନ୍ତୋଷପୁର ରାଜସ୍ବ ନିରୀକ୍ଷକ ପ୍ରମୁଖ ଉକ୍ତ ଗ୍ରାମ ମାନଙ୍କରେ ଥିବା ଆଶ୍ରୟ ସ୍ଥଳୀ ଗୁଡିକ ଯାଞ୍ଚ କରି ଫେରିଛନ୍ତି। ସେହିପରି ଡେଙ୍ଗାପଦର ପଞ୍ଚାୟତ ବାକିଲିକଣା ଗ୍ରାମରେ ପାଣି ପଶି ଜଣଙ୍କ ଘର ସମ୍ପୂର୍ଣ୍ଣ ନଷ୍ଟ ହୋଇଯାଇଛି। ତହସିଲଦାର ତଦନ୍ତ କରି କ୍ଷତିପୂରଣ ଦେବାକୁ ନିର୍ଦ୍ଦେଶ ଦେଇଛନ୍ତି। ନୂଆପଲ୍ଲୀ ଗ୍ରାମର ରାସ୍ତା ଧୋଇ ଯିବାରୁ ଯାତାୟତ ବନ୍ଦ ରହିଛି। ନନ୍ଦନୀ ନଦୀ ଜଳସ୍ତର ବଢୁଥିବାରୁ ଲୋକେ ଆଶଙ୍କାରେ ଅଛନ୍ତି।


All Right Reserved By Dharitri.Com

ଚାଷୀଙ୍କୁ ଠକିଛନ୍ତି ରାଜ୍ୟ ସରକାର: ୧୬ରେ ସବୁ ଜିଲାରେ ଦିଆଯିବ ଏତଲା

ଭୁବନେଶ୍ୱର,୬।୧୨(ବ୍ୟୁରୋ): ଚାଷୀଙ୍କୁ ଠକିଛନ୍ତି ରାଜ୍ୟ ସରକାର ା ଏହି ଅଭିଯୋଗରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବିରୋଧରେ ଆସନ୍ତା ୧୬ରେ ରାଜ୍ୟର ସବୁ ଜିଲାର ଏସ୍‌ପିଙ୍କ ନିକଟରେ...

ପାଠ୍ୟପୁସ୍ତକରେ ବାଲୁକା ଶିଳ୍ପୀ ସୁଦର୍ଶନ

ପୁରୀ ଅଫିସ, ୯ା୧୨:ବାଲୁକା କଳାକୁ ନେଇ ଓଡ଼ିଶାର ଯେଉଁ କେତେଜଣ ବେଶ୍‌ ପ୍ରସିଦ୍ଧି ଲାଭ କରିଛନ୍ତି ସେମାନଙ୍କ ମଧ୍ୟରୁ ପ୍ରମୁଖ ହେଉଛନ୍ତି ଅନ୍ତର୍ଜାତୀୟ ବାଲୁକା ଶିଳ୍ପୀ...

ରାତିରେ ରାଜଧାନୀ ରାଜପଥରେ ରୋଡ୍‌ ରୋମିଓଙ୍କ ଉତ୍ପାତ: ଅଭିନେତ୍ରୀଙ୍କୁ ପିଛାକରି ଆତଙ୍କ ଖେଳାଇଲେ

ଭୁବନେଶ୍ୱର,୨୪।୧୦(ବ୍ୟୁରୋ): ଅସୁରକ୍ଷିତ ହେଉଛି ରାଜଧାନୀର ରାତି। ରାଜପଥଠାରୁ ଆରମ୍ଭ କରି ସହରର ମୁଖ୍ୟ ରାସ୍ତା ଓ ଗଳିକନ୍ଦିରେ ଉତ୍ପାତ କରୁଛନ୍ତି ଅପରାଧୀ। ମଙ୍ଗଳବାର ବିଳମ୍ବିତ ରାତିରେ...

ମିଡ୍‌ ଇଷ୍ଟ ଷ୍ଟିଲ କମ୍ପାନୀର ଆବେଦନ ଉପରେ ରାଜ୍ୟ ସରକାରଙ୍କୁ ଜବାବ ମାଗିଲେ ସୁପ୍ରିମ୍‌ କୋର୍ଟ

ଭୁବନେଶ୍ୱର, ୨୪।୩(ବ୍ୟୁରୋ): ମିଡ୍‌ ଇଷ୍ଟ ଇଣ୍ଟିଗ୍ରେଟେଡ୍‌ ଷ୍ଟିଲ୍‌ ଲିମିଟେଡ୍‌କୁ ଉତ୍ତୋଳିତ ଲୁହାପଥର ବିକ୍ରି ପାଇଁ ଅନୁମତି ଦିଆଯାଉନି। ଏ ସମ୍ପର୍କରେ ଜବାବ ରଖିବା ପାଇଁ ସୋମବାର...

ଶ୍ରୀ ଲିଙ୍ଗରାଜ ମନ୍ଦିର ଚତୁଃପାର୍ଶ୍ୱ ଉଚ୍ଛେଦ ସାମୟିକ ସ୍ଥଗିତ

ପୁରୁଣା ଭୁବନେଶ୍ୱର, ୧୦।୧୨(ଡି.ଏନ.ଏ): ଶ୍ରୀ ଲିଙ୍ଗରାଜ ମନ୍ଦିର ଚତୁଃପାର୍ଶ୍ୱ ଉଚ୍ଛେଦ ପ୍ରକ୍ରିୟାକୁ ମଙ୍ଗଳବାର ସାମୟିକ ଭାବେ ସ୍ଥଗିତ ରଖାଯାଇଛି। କ୍ଷୁଦ୍ର ବ୍ୟବସାୟୀ ଉଠା ଦୋକାନୀମାନଙ୍କୁ ପ୍ରଥମେ...

ଟୋକିଓ ଜିଏଫ୍‌ଏସ୍‌ଇଏସ୍‌ ବୈଠକରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର: ବଢୁଥିବା ଚାହିଦା ଇସ୍ପାତ ଶିଳ୍ପକୁ ଦ୍ରୁତ ବିକାଶ ଆଡ଼କୁ ନେବ

ଭୁବନେଶ୍ୱର, ୨୭ା୧୦(ବ୍ୟୁରୋ): ଭାରତରେ ବଢୁଥିବା ଇସ୍ପାତ ଚାହିଦା ଏହି ଶିଳ୍ପକୁ ଦ୍ରୁତ ବିକାଶ ଆଡକୁ ନେବ ବୋଲି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି। ପାଞ୍ଚଦିନିଆ ଜାପାନ...

ରିଲିଫ ଚାଉଳ ବଣ୍ଟନରେ ଅନିୟମିତତା : ପ୍ରତିବାଦରେ ଧାରଣା ଦେଲେ ସିହା ପଞ୍ଚାୟତବାସୀ

ଚଣ୍ଡିଖୋଲ,୨୧ା୫(ଡି.ଏନ.ଏ.)- ବଡ଼ଚଣା ବ୍ଲକ ଅନ୍ତର୍ଗତ ସିହା ପଞ୍ଚାୟତରେ ରିଲିଫ ଚାଉଳ ବଣ୍ଟନରେ ଅନିୟମିତତା ହୋଇଥିବା ପ୍ରତିବାଦରେ ପଞ୍ଚାୟତବାସୀ ମଙ୍ଗଳବାର ପଞ୍ଚାୟତ କାର୍ଯ୍ୟାଳୟ ସମ୍ମୁଖରେ ଧାରଣା ଦେଇଛନ୍ତି।...

ଦୁର୍ବଳ ହେଉଛି ଲଘୁଚାପ

ଭୁବନେଶ୍ୱର, ୨୬।୧୦(ବ୍ୟୁରୋ): ବଙ୍ଗୋପସାଗରରେ ସୃଷ୍ଟ ଲଘୁଚାପ କ୍ରମଶଃ ଦୁର୍ବଳ ହୋଇଥିବାବେଳେ ଏହା ଘୂର୍ଣ୍ଣିବଳୟରେ ପରିଣତ ହୋଇ ଆନ୍ଧ୍ରପ୍ରଦେଶର ଉତ୍ତର ଉପକୂଳ ସଂଲଗ୍ନ ଦକ୍ଷିଣ ଓଡ଼ିଶା ଏବଂ...

Leave a comment

Your email address will not be published. Required fields are marked *