ଦେଶର ୧୬୦୦ ସହରରେ ଜିଓ ବ୍ରଡବ୍ୟାଣ୍ଡ ସେବା

ନୂଆଦିଲ୍ଲୀ, ୬-୯: ଡାଟା ସେବା ପ୍ରଦାନ କ୍ଷେତ୍ରରେ ପ୍ରମୁଖ କମ୍ପାନୀ ରିଲାଏନ୍ସ ଜିଓ ପକ୍ଷରୁ ବହୁ ପ୍ରତିକ୍ଷିତ ବ୍ରଡବ୍ୟାଣ୍ଡ ସେବା ଗୁରୁବାର ଆରମ୍ଭ ହୋଇଛି। ସାରା ଦେଶର ୧୬୦୦ ସହରରେ ଏହି ସେବାକୁ କମ୍ପାନୀ ଉନ୍ମୋଚନ କରିଛି। କମ୍ପାନୀ ପ୍ରାଥମିକ ପର୍ଯ୍ୟାୟରେ ସେକେଣ୍ଡ ପ୍ରତି ଅନ୍ୟୁନ ୧୦୦ ମେଗା ବିଟ୍‌ ସ୍ପିଡରେ ସେବା ଦେବ। ୬୯୯ ଟଙ୍କା ଆରମ୍ଭ ମୂଲ୍ୟରୁ ପ୍ଲାନ ଆରମ୍ଭ ହେଉଛି। ଏହାବାଦ ଗ୍ରାହକଙ୍କୁ ହାଇଡେଫିନିଶନ ସେଟଅପ୍‌ ବକ୍ସ, ରାଉଟର ଫ୍ରି ଭଏଓ କଲିଂ ସାରା ଦେଶର ଯେକୌଣସି ସ୍ଥାନକୁ ଯୋଗାଇ ଦିଆଯିବ। ଏହାବାଦ ଟେଲିଭିଜନ ଭିତ୍ତିକ ଭିଡିଓକଲିଂ, କନଫରେନ୍ସି ସେବା, ଜିରୋ ଲାଟେନ୍ସି ଗେମିଂ, ୫ଟି ଡିଭାଇସ ପର୍ଯ୍ୟନ୍ତ ଡିଭାଇସ ସିକ୍ୟୁରିଟି ପ୍ରଦାନ କରାଯିବ। ସେବା ନେବା ଲାଗି ବିଭିନ୍ନ ପ୍ଲାନର ମୂଲ୍ୟ ୬୯୯ ଟଙ୍କାରୁ ୮, ୪୯୯ ଟଙ୍କା ପର୍ଯ୍ୟନ୍ତ ରହିଛି। ବ୍ରଡବ୍ୟାଣ୍ଡ ପ୍ଲାନପାଇଁ ବାର୍ଷିକ ସବସ୍କ୍ରିପଶନ ନେଉଥିବା ଗ୍ରାହକଙ୍କୁ ଏକ କମ୍ପ୍ଲିମେଣ୍ଟାରୀ ଟିଭି ସେଟ୍‌ ପ୍ରଦାନ କରାଯାଉଛି। ପ୍ଲାନର ଅବଧି ୧୨୯୯ ଟଙ୍କାରୁ ୮୪୯୯ ଟଙ୍କା ରହିଛି।
ବର୍ତ୍ତମାନ ସାରା ଦେଶରେ ବ୍ରଡବ୍ୟାଣ୍ଡର ହାରାହାରି ସ୍ପିଡ ୨୫ ଏମ୍‌ବିପିଏସ୍‌ ରହିଛି। ଆମେରିକା ଭଳି ଦେଶରେ ଏହା ୯୦ ଏମ୍‌ବିପିଏସ୍‌। ଦେଶର ପ୍ରଥମ ୧୦୦% ଅଲ୍‌ ଫାଇବର ବ୍ରାଣ୍ଡବ୍ୟାଣ୍ଡ ସର୍ଭିସ ଭାବେ ଜିଓ ୧୦୦ ଏମ୍‌ବିପିଏସ୍‌ରୁ ଆରମ୍ଭ କରି ୧ ଜିବିପିଏସ୍‌ ଯାଏ ସେବା ପ୍ରଦାନ କରିବ। ଏହା ଦ୍ୱାରା ଭାରତ ବିଶ୍ୱର ଶୀର୍ଷ ୫ ଦେଶ ମଧ୍ୟରେ ସ୍ଥାନୀତ ହୋଇ ପାରିବ ବୋଲି ଜିଓ ପକ୍ଷରୁ ଏକ ବିବୃତ୍ତିରେ କୁହାଯାଇଛି।
ଗ୍ରାହକ ଜିଓ ଫାଇବରର ୬୯୯ ପ୍ଲାନ ସବସ୍କ୍ରାଇବ କଲେ ୩ ମାସର ଜିଓ ସିନେମା ଏବଂ ଜିଓ ସାଭନ ବ୍ୟବହାର ସୁବିଧା ପାଇପାରିବେ। ସେହିଭଳି ଯେଉଁମାନେ ୮୪୯ ଟଙ୍କାର ପ୍ଲାନ ଚୟନ କରୁଛନ୍ତି ୩ ମାସର ଭିଡ଼ିଓ ଏଣ୍ଟରଟେନମେଣ୍ଟ ଆପ୍‌ ବ୍ୟବହାରର ସୁବିଧା ପାଇପାରିବେ। ଅଧିକ ମୂଲ୍ୟର ପ୍ଲାନ ଉପରେ ଭିଡ଼ିଓ ଏଣ୍ଟରଟେନମେଣ୍ଟ ଆପ୍‌ର ଗୋଟିଏ ବର୍ଷର ସବସ୍କ୍ରିପଶନ ଲାଭ କରିବାର ସୁବିଧା ମିଳିବ। ଏହାବାଦ ଗେମିଂ, ଡିଭାଇସ ସିକ୍ୟୁରିଟି, ହୋମ ନେଟଓ୍ବାର୍କିଂ, ଭର୍ଚୁଆଲ ରିୟଲିଟି ଏକ୍ସପେରିଏନ୍ସ, ଭିଡ଼ିଓ କଣ୍ଟେଣ୍ଟ ସର୍ଭିସ, ଟିଭି ଭିଡ଼ିଓ କଲିଂ ଏବଂ କନଫରେନ୍ସି ଲାଗି ଗ୍ରାହକ କମ୍ପାଟିବୁଲ ଡିଭାଇସ କ୍ରୟ କରିବାକୁ ପଡିବ ବୋଲି କମ୍ପାନୀ ପକ୍ଷରୁ କୁହାଯାଇଛି।

ଏକ ବିପ୍ଲବାତ୍ମକ ନୂଆ ଯାତ୍ରର ଆରମ୍ଭ
ଜିଓ ଫାଇବର ଏକ ବିପ୍ଲବାତ୍ମକ ନୂତନ ଯାତ୍ରାର ଶୁଭାରମ୍ଭ। ଜିଓ ଫାଇବରକୁ ପରବର୍ତ୍ତୀ ସ୍ତରକୁ ନେବା ସହ ଗ୍ରାହକଙ୍କୁ ଅତୁଳନୀୟ ସେବା ଯୋଗାଣ ଦିଗରେ ଉଦ୍ୟମ ଜାରି ରହିଛି। ଏହି ଅବସରରେ ୫ ଲକ୍ଷ ଜିଓ ଫାଇବର ପ୍ରିଭ୍ୟୁ ୟୁଜରଙ୍କୁ ଧନ୍ୟବାଦ ପ୍ରଦାନ କରୁଛି। ପ୍ରଡକ୍ଟ ଏବଂ ସେବା ଅଭିଜ୍ଞତାକୁ ଆଉ ଗୋଟିଏ ସ୍ତରକୁ ନେବାରେ ଏମାନଙ୍କ ଯୋଗଦାନ ଗୁରୁତ୍ୱପୂର୍ଣ୍ଣ।
-ଆକାଶ ଅମ୍ବାନୀ, ରିଲାଏନ୍ସ ଜିଓ ଇନ୍‌ଫୋକମ ନିର୍ଦ୍ଦେଶକ
ଓଡ଼ିଶାର ୪ ସହରରେ ସେବା
ଭୁବନେଶ୍ୱର,୫-୯(ବ୍ୟୁରୋ): କମ୍ପାନୀ ବର୍ତ୍ତମାନ ରାଜ୍ୟର ୪ ସହରର କିଛି ନିର୍ଦ୍ଧିଷ୍ଟ ସ୍ଥାନରେ ଏହି ସେବା ଯୋଗାଇ ଦେବ। ଏହି ସହରଗୁଡିକ ମଧ୍ୟରେ ଭୁବନେଶ୍ୱର, କଟକ, ରାଉରକେଲା ଏବଂ ସମ୍ବଲପୁର ରହିଛି। ଏହି ସହରଗୁଡିକରେ କମ୍ପାନୀ ପରୀକ୍ଷା ମୂଳକ ଭାବେ ଏହି ସେବା ଯୋଗାଇ ଦେଉଥିଲା। ନୂଆ ସେବା ନେବାକୁ ଚାହୁଁଥିବା ଗ୍ରାହକ ସେବା ସବସ୍କ୍ରିପଶନ ନେଇ ପାରିବେ ବୋଲି କମ୍ପାନୀ ପକ୍ଷରୁ କୁହାଯାଇଛି। ସେହିଭଳି ପ୍ରିଭ୍ୟୁ ଅଫର ନେଇଥିବା ଗ୍ରାହକ ଅଫରକୁ ଅପଗ୍ରେଡ କରିପାରିବେ। ପ୍ରାଥମିକ ପର୍ଯ୍ୟାୟରେ ଏହି ସେବାକୁ ଉକ୍ତ ସହରଗୁଡିକର ସବୁ ସ୍ଥାନକୁ ସମ୍ପ୍ରସାରଣ କରିବାକୁ କମ୍ପାନୀ ଯୋଜନା ରଖିଛି। ଭୁବନେଶ୍ୱରର ମୈତ୍ରୀ ବିହାର, ଜୟଦେବ ବିହାର, ଆଇଆରସି ଭିଲେଜ, ଓୟୁଏଟି- ସୂର୍ଯ୍ୟନଗର,ୟୁନିଟ-୬ ସରକାରୀ କ୍ୱାର୍ଟସରେ ଏହା ପରିକ୍ଷା ମୂଳକ ଭାବେ ପ୍ରଦାନ କରାଯାଉଛି। ସେହିଭଳି ରାଉରକେଲାର ବାସନ୍ତି କଲୋନୀ, ଛେଣ୍ଡ, ଜଗଦା, ସିଭିଲ ଟାଉନସିପ, କୋଏଲ ନଗର ଭଳି ସ୍ଥାନ ଏହା ମଧ୍ୟରେ ସାମିଲ ରହିଛି। ଏହାବାଦ ସମ୍ବଲପୁରର ବୁଢାରଜା, ଧନୁପାଲି, କଟକର ସେକ୍ଟର ୬ ଏବଂ ଜୋବ୍ରା ଭଳି ସ୍ଥାନରେ ଲୋକମାନେ ଏହାର ପରୀକ୍ଷା ମୂଳକ ଅଭିଜ୍ଞତା ନେଇଛନ୍ତି। ଧିରେ ଧିରେ ସେବାକୁ ରାଜ୍ୟର ଅନ୍ୟ ସହରରେ ଆରମ୍ଭ କରାଯିବ ବୋଲି ମିଳିଥିବା ସୂଚନାରୁ ଜଣା ପଡିଛି।


All Right Reserved By Dharitri.Com

ଡିଜିଟାଲ ଟ୍ୟାକ୍ସ ବ୍ୟବସ୍ଥା ଲାଗି ଜି-୨୦ ଦେଶ ରାଜି

ଟୋକିଓ,୯-୬: ମଲ୍ଟିନ୍ୟାଶନାଲ ଟେକ୍ନୋଲୋଜି କମ୍ପାନୀଗୁଡ଼ିକ ପାଇଁ ଜି-୨୦ ଦେଶ ସମୂହର ଅର୍ଥମନ୍ତ୍ରୀମାନେ ଡିଜିଟାଲ ଟ୍ୟାକ୍ସ ବ୍ୟବସ୍ଥା ଆରମ୍ଭ କରିବା ଲାଗି ଶନିବାର ସହମତ ହୋଇଛନ୍ତି। ଆସନ୍ତା...

ଅତ୍ୟାଧୁନିକ ହେଲା ୧.୫ ଲକ୍ଷ ପୋଷ୍ଟଅଫିସ

ନୂଆଦିଲ୍ଲୀ,୨୨-୪: ଦେଶର ସର୍ବବୃହତ ଆଇଟି ସେବା କମ୍ପାନୀ ଟାଟା କନସଲଟାନ୍ସି(ଟିସିଏସ୍‌) ଭାରତୀୟ ପୋଷ୍ଟ ଅଫିସଗୁଡ଼ିକ ଆଧୁନିକ କରିବାରେ ବଡ଼ ଭୂମିକା ନେଉଛି। ଏହାର ସହାୟତାରେ ଅଦ୍ୟାବଧି...

ରେଲଓ୍ବେ ଇତିହାସରେ ନୂଆ;ଚଳନ୍ତା ଟ୍ରେନରେ ମିଳିବ ମାଲିସର ମଜା

ନୂଆଦିଲ୍ଲୀ,୯-୬: ଆଗାମୀ ଦିନରେ ଚଳନ୍ତା ଟ୍ରେନରେ ଯାତ୍ରୀ ମାଲିସର ମଜା ନେଇପାରିବେ। ଭାରତୀୟ ରେଳ ଇତିହାସରେ ପ୍ରଥମଥର ଏଭଳି ପଦକ୍ଷେପ ନିଆଯିବ। ଜଣେ ବରିଷ୍ଠ ଅଧିକାରୀ...

୮ କୋର୍‌ ସେକ୍ଟର ଧିମା

ନୂଆଦିଲ୍ଲୀ,୧।୮: ଅର୍ଥନୀତି କ୍ଷେତ୍ରରେ ସରକାରଙ୍କୁ ଝଟକା ଲାଗିଛି। ବୁଧବାର ଜାରି ସରକାରୀ ତଥ୍ୟ ଅନୁଯାୟୀ, ୮ କୋର୍‌ ସେକ୍ଟର ଉଦ୍ୟୋଗ ଅଭିବୃଦ୍ଧି ହାର ଜୁନ୍‌ରେ ଧିମା...

ନୂ୍ୟନତମ ବାଲାନ୍ସ ଜରିମାନା ବାବଦ ୧୯୯୬ କୋଟି ଟଙ୍କା ଆଦାୟ

ନୂଆଦିଲ୍ଲୀ,୨୬-୧୧: ବ୍ୟାଙ୍କ ଖାତାରେ ନୂ୍ୟନତମ ମାସିକ ବାଲାନ୍ସ ନ ରଖିବା ଯୋଗୁ ଜରିମାନା ବାବଦ ରାଷ୍ଟ୍ରାୟତ୍ତ ବ୍ୟାଙ୍କଗୁଡିକ ୨୦୧୮-୧୯ରେ ଗ୍ରାହକଙ୍କଠାରୁ ୧୯୯୬.୪୬ କୋଟି ଟଙ୍କା ଆଦାୟ...

ବିମୁଦ୍ରୀକରଣ ଯୋଗୁ ଆସିଛି ମାନ୍ଦାବସ୍ଥା: ଆର୍‌ବିଆଇ

ନୂଆଦିଲ୍ଲୀ, ୮।୯: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦ୍ୱାରା ଘୋଷିତ ବିମୁଦ୍ରୀକରଣ ଯୋଗୁ ଦେଶରେ ମାନ୍ଦାବସ୍ଥା ଆସିଛି ବୋଲି ରିଜର୍ଭ ବ୍ୟାଙ୍କ ତଥ୍ୟରୁ ଜଣାପଡିଛି। କେନ୍ଦ୍ର ସରକାରଙ୍କ...

ଷ୍ଟକ୍‌ ବଜାରକୁ ଲାଭ ଦେବ ଦୁର୍ବଳ ସରକାର

ମୁମ୍ବାଇ,୧୮-୫: କେନ୍ଦ୍ରରେ ନରେନ୍ଦ୍ର ମୋଦିଙ୍କ ନେତୃତ୍ୱରେ ଏନ୍‌ଡିଏ ସରକାର ପୁନର୍ବାର କ୍ଷମତାକୁ ଫେରୁଥିବା ଶୁକ୍ରବାର ଷ୍ଟକ୍‌ ବଜାର ର଼୍ୟାଲିରୁ ବେଶ୍‌ ସ୍ପଷ୍ଟ ହେଉଛି। କିନ୍ତୁ ବଜାର...

ଉପକୂଳ ସୁରକ୍ଷା ପାଇଁ ଜିଓ-ଟେକ୍ସଟାଇଲ ଟ୍ୟୁବ

ଭୁବନେଶ୍ୱର,୯-୨: ଉପକୂଳ ସୁରକ୍ଷା କ୍ଷେତ୍ରରେ ଜିଓ ଟେକ୍ସଟାଇଲ ଟ୍ୟୁବ ବେଶ ଉପଯୋଗୀ ସାବ୍ୟସ୍ତ ହୋଇଛି। କେନ୍ଦ୍ରାପଡା ଜିଲା ଉପକୂଳରେ ଏକ ଛୋଟିଆ ବସ୍ତି ପେନ୍ଥାଠାରେ ଉପକୂଳ...

Leave a comment

Your email address will not be published. Required fields are marked *