ଭଙ୍ଗା ଗଢ଼ାରେ ଜବରଦଖଲ ଉଚ୍ଛେଦ

ସ୍ଥିତପ୍ରଜ୍ଞ ମିଶ୍ର
ଭୁବନେଶ୍ୱର, ୫।୯(ବ୍ୟୁରୋ): ମୁଖ୍ୟ ଡ୍ରେନ ହେଉ ଅବା ସ୍କୁଲ ଆଗ ସବୁଠି ଜବରଦଖଲକାରୀଙ୍କ ରାଜ। ରାସ୍ତାପାଖ ଦୋକାନୀମାନେ ନିଜ ଇଚ୍ଛା ମୁତାବକ ସେମାନଙ୍କ ଦୋକାନ ଆଗକୁ ବଢ଼ାଇବାରେ ଲାଗିଛନ୍ତି। ଫଳରେ ସେହି ରସ୍ତାରେ ଯିବା ଆସିବା କରିବା କଷ୍ଟକର ହେଉଛି। ରାସ୍ତାଘାଟ ହେଉ କିମ୍ବା ବସ୍‌ ଟର୍ମିନାଲ ଅଥବା ରେଳ ଷ୍ଟେଶନ ସବୁଠି ଉଠାଦୋକାନୀମାନେ ଜବରଦଖଲ କରୁଛନ୍ତି। ତାହାକୁ ଜବରଦଖଲ ମୁକ୍ତ କରିବାକୁ ଭୁବନେଶ୍ୱର ଉନ୍ନୟନ କର୍ତ୍ତପକ୍ଷ (ବିଡିଏ), ଭୁବନେଶ୍ୱର ମହାନଗର ନିଗମ (ବିଏମ୍‌ସି) ଓ କମିଶନରେଟ୍‌ ପୋଲିସର ମିଳିତ ଉଚ୍ଛେଦକାରୀ ୯ ଦଳ କାମ କରଛନ୍ତି। ହେଲେ ଏହାର କିଛି ସୁଫଳ ଲୋକଙ୍କୁ ମିଳୁନାହିଁ। ଗୋଟିଏ ଦିନରେ ଜବରଦଖଲ ଭାଙ୍ଗି ଦିଆଯାଉଥିବା ବେଳେ ତା’ର ପରଦିନକୁ ପୁଣି ସେଠାରେ ସ୍ଥାନ ଲୋକଙ୍କ ଦଖଲକୁ ଚାଲିଯାଉଛି। ଭୁବନେଶ୍ୱରକୁ ସୁନ୍ଦର କରିବାକୁ ଲକ୍ଷାଧିକ ଟଙ୍କା ଖର୍ଚ୍ଚ ହେଉଛି। ତେବେ ସହରକୁ ସୌନ୍ଦର୍ଯ୍ୟକରଣରେ ବାଧକ ସାଜିଛନ୍ତି ଜବରଦଖଲକାରୀମାନେ। ସହରର ରାସ୍ତା କଡ଼ ଉଠା ଦୋକାନ ହେଉ ଅବା ଫୁଟ୍‌ପାଥକୁ ମାଡ଼ି ବସିଛନ୍ତି। ଏମିତିକି ଡ୍ରେନ ଉପରେ ଦୋକାନ କରିବା ଦ୍ୱାରା ନାଳ ପୋତି ହୋଇଯାଇଛି। ବିଏମ୍‌ସି ହେଉ ଅବା ବିଡିଏ ଜବରଦଖଲ ଉଚ୍ଛେଦ ପାଇଁ ବିଭିନ୍ନ ଦଳରେ ଏନ୍‌ଫୋର୍ସମେଣ୍ଟ ଟିମ୍‌ ଗଠନ କରାଯାଇଛି। ଟିମ୍‌ ବି ଘନ ଘନ ଗସ୍ତ କରି ବିଭିନ୍ନ ଜାଗାରୁ ସହରକୁ ଜବରଦଖଲ ମୁକ୍ତ କରିବା କାର୍ଯ୍ୟ କରୁଛି। ଟିମ୍‌ ସେଠାରୁ ଆସିବା ପରେ ପୁଣି ଜବରଦଖଲକାରୀମାନେ ନିଜ ସ୍ଥାନ ନିରୂପଣ କରି ନେଉଛନ୍ତି। ଏହି ସମସ୍ୟାକୁ କର୍ତ୍ତୃପକ୍ଷମାନେ ଗୁରୁତର ଭାବେ ନେଉଛନ୍ତି ନା କେବଳ ଲୋକଦେଖାଣିଆ ଉଚ୍ଛେଦ କରି ଦେଇ ନିଜର ଦାୟିତ୍ୱ ଶେଷ କରିଛନ୍ତି ତାହା ଏବେ ପ୍ରଶ୍ନବାଚୀ ସୃଷ୍ଟି କରିଛି।
କୋଚିଲେଇ ହାଟ ନିକଟରେ ପୁଣି ଜବରଦଖଲ
ରସୁଲଗଡ଼ ଛକରେ ବାରମ୍ବାର ଭିଡ଼ ଜମୁଥିବାରୁ ଟ୍ରାଫିକ୍‌ ସମସ୍ୟା ସୃଷ୍ଟି ହେଉଥିଲା। କୋଚିଳାଖାଇ ହାଟ ସମ୍ମୁଖରେ ବହୁ ଠେଲାଗାଡିରେ ଅସ୍ଥାୟୀ ଦୋକାନୀ ବେପାର କରୁଥିଲେ। ରାସ୍ତା ଉପରେ ଗାଡ଼ି ରଖି ଲୋକେ ସେଠାରେ ଖାଦ୍ୟ ଖାଉଥିବାରୁ ମିଳିତ ଉଚ୍ଛେଦକାରୀ ଦଳ ସେଠାରେ ଉଚ୍ଛେଦ କରିଥିଲା। ହେଲେ ଉଚ୍ଛେଦର କିଛିଦିନ ପରେ ପୁଣି ପୂର୍ବ ପରି ଅସ୍ଥାୟୀ ଦୋକାନୀମାନେ ଠେଲା ଗାଡି ଲଗାଇ ବେପାର ଚଳାଇଛନ୍ତି। ବିଭାଗୀୟ କର୍ତ୍ତୃପକ୍ଷ ଏ ନେଇ ଆନ୍ତରିକତା ଦେଖାଉ ନ ଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି।
ରଙ୍ଗିଲା ଢାବା ଏବେ ତାରିଣୀ
ମାଷ୍ଟରକ୍ୟାଣ୍ଟିନରେ ଥିବା ବସ୍‌ ଟର୍ମିନାଲ ନିକଟରୁ ଜୁଲାଇ ୧୫ରେ ଉଚ୍ଛେଦ ହୋଇଥିଲା। ମୁଖ୍ୟ ଶାସନ ସଚିବଙ୍କ ଚିଠି ଓ ସାଧାରଣ ପ୍ରଶାସନ ବିଭାଗରୁ ନିର୍ଦ୍ଦେଶ ମିଳିବା ପରେ ବସ୍‌ ଟର୍ମିନାଲ ନିକଟରେ ଥିବା ପ୍ଲଟ ନଂ. ୯୫୫ ଓ ୧୪୮୯ (ସରକାରୀ ଜମି)ରେ ଥିବା ଜବରଦଖଲ ରଙ୍ଗିଲା ଢାବା ଓ ଏକ ସାଇକେଲ ଷ୍ଟାଣ୍ଡକୁ ହଟାଇ ଦିଆଯାଇଥିଲା। ହେଲେ ମାସେ ନ ପୁରୁଣୁ ଜବରଦଖକାରୀ ଜଣକ ଅନ୍ୟଜଣଙ୍କ ନଁାରେ ଏକ ହାଇକୋର୍ଟ ପିଟିସନ ଆଣି ଉକ୍ତ ସ୍ଥାନରେ ପୁଣି ଢାବା ଚଲାଇବାରେ ଲାଗିଛନ୍ତି। ଏମିତିକି ବୁଧବାର ସକାଳେ ଢାବା ସାମ୍ନାରେ ଇଟାରେ କାନ୍ଥ କରୁଥିବା ମଧ୍ୟ ଦେଖିବାକୁ ମିଳିଛି। ଗଣେଶ ପୂଜାଠାରୁ ସେ ଢାବା ଆରମ୍ଭ କରିଥିବା କଥା ଏବେ ଜଣାପଡ଼ିଛି। ମୋବସ୍‌ କର୍ମଚାରୀମାନଙ୍କ ସହ ପାଟିତୁଣ୍ଡ କରୁଥିବାରୁ ସେମାନେ ଏହାକୁ ବିରୋଧ କରିଥିଲେ। ଏମିତିକି ବିଏମ୍‌ସି କମିଶନରଙ୍କ ପାଖରେ ମଧ୍ୟ ଏ ନେଇ କଥା ପଡ଼ିଲାଣି। ହେଲେ ବିଭାଗୀୟ କର୍ତ୍ତୃପକ୍ଷ କାହିଁକି ଚୁପ୍‌ ବିସିଛନ୍ତି ତାହା ଏବେ ତାହା ସବୁଠୁ ବଡ଼ ପ୍ରଶ୍ନବାଚୀ ସୃଷ୍ଟି କରିଛି।
ନାଁକୁ ମାତ୍ର ରାତ୍ରି ଉଚ୍ଛେଦ
ବାଣିବିହାରରୁ ଶିଶୁଭବନ ଛକ ଯାଏ ଗଢି ଉଠିଥିବା ବେଆଇନ ଜବରଦଖଲକୁ ମୁକ୍ତ କରାଯିବ। ଏ ନେଇ ଏକ ସ୍ବତନ୍ତ୍ର ଉଚ୍ଛେଦକାରୀ ଦଳ ପ୍ରସ୍ତୁତ କରାଗଲା। କିନ୍ତୁ ଗୋଟିଏ ଦିନ ଉଚ୍ଛେଦ ପରେ ତାହା ବନ୍ଦ ହୋଇଗଲା। ଗୋଟିଏ ଦିନରେ ଅଳ୍ପ କିଛି ରାସ୍ତା ପାଖ ଅସ୍ଥାୟୀ ଦୋକାନୀ ଓ କ୍ଷୁଦ୍ର ବ୍ୟବସାୟୀଙ୍କୁ ହଟେଇ ଦେବା ପରେ ବିଭାଗୀୟ କର୍ତ୍ତୃପକ୍ଷ ଅଚିନ୍ତାରେ ଶୋଇଗଲେ। ରାସ୍ତାକୁ ହଜାର ହଜାର ଜବରଦଖଲକାରୀ ନିଜ କବ୍‌ଜାରେ ରଖିଥିବା ବେଳେ ବିଭାଗୀୟ କର୍ତ୍ତୃପକ୍ଷ ଅଳ୍ପ କିଛି ଉଚ୍ଛେଦ କରି ଚୁପ୍‌ ହୋଇ ବସି ଯାଉଛନ୍ତି ବୋଲି ବୁଦ୍ଧିଜୀବୀମାନେ ଅସନ୍ତୋଷ ପ୍ରକାଶ କରିଛନ୍ତି।
ଲୋକଦେଖାଣିଆ ଉଚ୍ଛେଦ
ବୁଧବାର ମଳିତ ଉଚ୍ଛେଦକାରୀ ଦଳ ପକ୍ଷରୁ ସହରର ୩ଟି ଭିନ୍ନ ସ୍ଥାନରେ ଉଚ୍ଛେଦ କରାଯାଇଛି। ସଚିବାଳୟ ପଛ, ମଞ୍ଚେଶ୍ୱର ଓରେଡା କାର୍ଯ୍ୟାଳୟ ନିକଟ ଓ ଝାରପଡ଼ାରୁ ଲକ୍ଷ୍ମୀସାଗର ରାସ୍ତାର ଫୁଟପାଥରେ ଏହି ଉଚ୍ଛେଦ କରାଯାଇଛି। ଏଥିରେ ମୋଟ ୧୦ଟି ଅସ୍ଥାୟୀ ହୋଟେଲ, ୨୭ଟି କ୍ୟାବିନ, ୧୨ ଅସ୍ଥାୟା ଦୋକାନ, ୨ଟି ଗଣେଶ ମଣ୍ଡପ ସହ ଝାରପଡ଼ାରୁ ଲକ୍ଷ୍ମୀସାଗର ଯାଏ ଯାଇଥିବା ମୁଖ୍ୟ ରାସ୍ତା କଡ଼ରେ ଥିବା ସମସ୍ତ ଜବରଦଖଲକୁ ହଟାଇ ଦିଆଯାଇଛି। ବିଏମ୍‌ସି, ବିଡିଏ ଓ କମିଶନରେଟ ପୋଲିସ୍‌ ପକ୍ଷରୁ ଏହି ଉଚ୍ଛେଦ କରାଯାଇଥିବା ବେଳେ ଏଥିରେ ଉଚ୍ଛେଦ ଅଧିକାରୀ ପ୍ରମୋଦ ପାତ୍ର, ଯୋଗସୂତ୍ର ଅଧିକାରୀ ଶୁଭ୍ରାଂଶୁ ମହାନ୍ତି, ଉଚ୍ଛେଦ ଅଞ୍ଚଳର ଥାନା ଅଧିକାରୀଙ୍କ ସହ ପୋଲିସ ଫୋର୍ସ ଉପସ୍ଥିତ ଥିଲେ।
କୋର୍ଟ ଷ୍ଟେ-ଅର୍ଡର ଦେଖାଇ ଉଚ୍ଛେଦ ଅଟକାଉଛନ୍ତି
ଉଚ୍ଛେଦକାରୀ ଦଳ ତାର କାମ କରୁଛି। ଯେଉଁଠି ଉଚ୍ଛେଦ କରିବା ଲାଗି ଚିଠି ଆସୁଛି ତାକୁ ଜବରଦଖଲରୁ ମୁକ୍ତ କରାଯାଉଛି। ହେଲେ ପରେ ସେହି ସ୍ଥାନ ଉପରେ ସେମାନେ କୋର୍ଟରୁ ଷ୍ଟେ ଅର୍ଡର ଆଣି ପୁଣି ଥରେ ଜବରଦଖଲ କରୁଛନ୍ତି। ସେଥିପାଇଁ ବିଏମ୍‌ସିକୁ ଚିଠି କରାଯାଇଛି। ବିଏମ୍‌ସି ଯଦି କ୍ଲିୟରାନ୍ସ ଦିଏ ତାହା ହେଲେ ସମସ୍ତ ଜବରଦଖଲକାରୀଙ୍କୁ ଉଠାଇ ଦିଆଯିବ।


All Right Reserved By Dharitri.Com

ରାଜ୍ୟର ୩୯ ଜଣଙ୍କୁ ମିଳିବ ପୋଲିସ ପଦକ

ଭୁବନେଶ୍ୱର,୧୫ା୮(ବ୍ୟୁରୋ):ସ୍ବାଧୀନତା ଦିବସର ଅବ୍ୟବହିତ ପୂର୍ବରୁ ବୁଧବାର ରାଜ୍ୟ ପୋଲିସ ପଦକ ଘୋଷଣା ହୋଇଛି। ଉଲ୍ଲେଖନୀୟ ସେବା ପାଇଁ ଓଡ଼ିଶାର ୩୯ଜଣ ପୋଲିସ ଅଧିକାରୀ ଓ କର୍ମଚାରୀଙ୍କୁ...

୯ରୁ ୩ଦିନ ପ୍ରବଳ ବର୍ଷା

ଭୁବନେଶ୍ୱର, ୮ା୭(ବ୍ୟୁରୋ): ବିହାରର ପଶ୍ଚିମ ଭାଗ ଏବଂ ଦକ୍ଷିଣ ଛତିଶଗଡ଼ ଉପରେ ଥିବା ଘୂର୍ଣ୍ଣିବଳୟ ଲଘୁଚାପରେ ପରିଣତ ହୋଇଛି। ଏହାସହ ଉତ୍ତର ପଶ୍ଚିମ ରାଜସ୍ଥାନରୁ ଉତ୍ତର...

ବଢ଼ିପାରେ ଓମ୍‌ଫେଡ ଦୁଗ୍ଧ ମୂଲ୍ୟ

ଭୁବନେଶ୍ୱର,୧୦।୯(ବ୍ୟୁରୋ): ଓଡ଼ିଶାରେ ଚାଷ ସହିତ ଗୋପାଳନ ଏକ ପ୍ରମୁଖ ବେଉସା। ଗୋପାଳନ କରୁଥିବା ସର୍ବାଧିକ ଚାଷୀ ଓମ୍‌ଫେଡକୁ କ୍ଷୀର ବିକ୍ରି କରିଥାଆନ୍ତି। କିନ୍ତୁ ଏବେ ଏହି...

କାଳିଆ ଯୋଜନା: ୩୨୩୪ କୋଟି ଟଙ୍କା ମଞ୍ଜୁର

ଭୁବନେଶ୍ୱର, ୮ା୬(ବ୍ୟୁରୋ): ରାଜ୍ୟ ସରକାର ୨୦୧୯-୨୦ ଆର୍ଥିକ ବର୍ଷ ପାଇଁ କୃଷକ ଆସିଷ୍ଟାନ୍ସ ଫର ଲାଇଭଲିହୁଡ୍‌ ଆଣ୍ଡ ଇନ୍‌କମ ଅଗ୍‌ମେଣ୍ଟେଶନ (କାଳିଆ) ଯୋଜନା ସକାଶେ ୩,୨୩୪...

ଖରିଫ୍‌ ଋତୁ ଧାନ ସଂଗ୍ରହ ୨୦୧୯-୨୦: ୧୩୦୦ରୁ ଅଧିକ ଚାଷୀଙ୍କ ସହ ଫୋନ୍‌ ଯୋଗେ କଥାବାର୍ତ୍ତା

ଭୁବନେଶ୍ୱର,୫ା୧୨(ବ୍ୟୁରୋ): ଧାନ ସଂଗ୍ରହ କିପରି ଚାଲୁଛି, ସେ ସମ୍ପର୍କରେ ପ୍ରତ୍ୟକ୍ଷ ଖବର ନେବା ପାଇଁ ଏଯାବତ୍‌ ୧୩୦୦ରୁ ଅଧିକ ଚାଷୀଙ୍କ ସହ କଲ୍‌ସେଣ୍ଟର ଜରିଆରେ କଥାବାର୍ତ୍ତା...

ପୋଖରୀ ସଫେଇ ଦାବିରେ ସ୍କୁଲ ସମ୍ମୁଖରେ ଧାରଣା

କଣ୍ଟାପଡା, ୧୮।୪(ଡି.ଏନ୍‌.ଏ.): କଟକର  କଣ୍ଟାପଡ଼ା ବ୍ଲକ ଅନ୍ତର୍ଗତ ନାହଳପୁର ଗ୍ରାମପଞ୍ଚାୟତର ଗୁଣାଦୋଳ କେ.ଏନ. ନୋଡାଲ ସ୍କୁଲ ସମ୍ମୁଖରେ ଧାରଣା ଦିଆଯାଇଛି। ସ୍କୁଲ ଅଧିନରେ ଥିବା ଠାକୁରା...

ସ୍ବାସ୍ଥ୍ୟସେବାରେ ଉନ୍ନତି ଆଣିଲେ ପୁରସ୍କାର: ଡାକ୍ତର, ଅନ୍ୟ କର୍ମଚାରୀଙ୍କୁ ମିଳିବ ଆର୍ଥିକ ପୁରସ୍କାର

ଭୁବନେଶ୍ୱର, ୨୯ା୧୦(ବ୍ୟୁରୋ): ସ୍ବାସ୍ଥ୍ୟସେବାରେ ସ୍ବଚ୍ଛତା ଆଣିବାକୁ ୫ଟି କାର୍ଯ୍ୟକ୍ରମ ମାଧ୍ୟମରେ କିଛିଦିନ ତଳେ ସଚିବମାନେ ବିଭିନ୍ନ ଡାକ୍ତରଖାନା ଗସ୍ତ କରି ଦୃଢ଼ କାର୍ଯ୍ୟାନୁଷ୍ଠାନ ନେଉଥିଲେ। ସରକାରଙ୍କ...

ହୀରାକୁଦ ଡ୍ୟାମ୍‌ର ଆଉ ୪ଟି ଗେଟ୍‌ ଖୋଲିଲା

ସମ୍ବଲପୁର, ୨୭।୮(ବ୍ୟୁରୋ): ଉପରମୁଣ୍ଡରେ ବର୍ଷା ଯୋଗୁ ହୀରାକୁଦ ଜଳଭଣ୍ଡାରରେ ଜଳସ୍ତର ବୃଦ୍ଧି ପାଇବାରେ ଲାଗିଛି। ଏହାକୁ ଦୃଷ୍ଟିରେ ରଖି ହୀରାକୁଦ ଜଳ ଭଣ୍ଡାରର ୧୦ଟି ଗେଟ୍‌...

Leave a comment

Your email address will not be published. Required fields are marked *